შსს-მ ახალქალაქში 35 წლამდე მამაკაცი ქორწინების იძულების ფაქტის გამო დააკავა.
ბრალდებული სსკ–ს 1501 მუხლით არის დაკავებული, რაც ქორწინების (მათ შორის, არარეგისტრირებულის) იძულებას გულისხმობს.
დანაშაული საზოგადოებისათვის სასარგებლო შრომით ვადით ორასიდან ოთხას საათამდე, ანდა თავისუფლების აღკვეთით ვადით ორ წლამდე ისჯება.
ზურაბიშვილი გახდა ასანთი პატარა ბავშვის ხელში – 24-საათიან რეჟიმში უნდა დააკვირდე, რომ თავისი განცხადებებით არ დააზიანოს სახელმწიფო, – ამის შესახებ „ხალხის ძალის“ ერთ-ერთმა ლიდერმა გურამ მაჭარაშვილმა განაცხადა.
„თუნდაც ბოლო განცხადება ჩინეთზე ამაზე მეტყველებს, რომ ის ფუნქციები, რომელიც აქვს ზურაბიშვილს, იყოს რელევანტური ამ ადამიანისთვის. ამიტომ არსებობს 24-საათიანი რეჟიმი და ახლა საზოგადოება ახლა ხვდება, რატომ არ უშვებდა მშობელი ანუ მთავრობა ამ პატარა ბავშვს – ზურაბიშვილს, ასანთით ხელში უცხოეთში“, -აღნიშნა მაჭარაშვილმა.
რამდენიმე დღის წინ საქართველოს პრეზიდენტმა ფრანგული მედიისთვის მიცემულ ინტერვიუში სი ძინპინისა და პუტინის გასამართლებაზე დასმულ კითხვაზე პასუხისას განაცხადა, რომ მისი შინაგანი რწმენით, „ეს იქნებოდა ისტორიული შედეგი, რაც გარკვეულ საკითხებს თავის ადგილს მიუჩენდა“.
„მილიონობით კვადრატული მეტრი“ – ტერმინი შემოიტანეს, რომ თავისი დანაშაული სხვას დააბრალონ. ისინი არიან ოკუპაციის თანაავტორები და ამ პასუხისმგებლობის თანაზიარები და ამის გადმოტანა უნდათ სხვისკენ, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებს განუცხადა ოპოზიციის ბრალდებაზე, 60 მლნ კვ.მ მიწის რუსებისთვის გადაცემასთან დაკავშირებით.
როგორც მამუკა მდინარაძემ აღნიშნა, ეს არის მცდელობა, „ნაცმოძრაობის“ და რუსეთის – ოკუპანტი ქვეყნის თანამონაწილეობა და თანაავტორობა ოკუპაციაში – თითქოს ოკუპაცია დღემდე იმგვარად გრძელდება, რომ ახალ მიწებს იტაცებენ.
„მაგალითად, შეეძლოთ ტრილიონობით კვადრატულ სანტიმეტრზე ელაპარაკათ. ამ აბსურდულ ლოგიკაში რომ შეყვე „ნაცმოძრაობას“ და მისი პოზიციების გამხმოვანებლებს, შეგვიძლია ვუთხრათ, რომ მათ დაკარგეს საქართველოს ტერიტორიების არაერთი მილიარდი კვადრატული მეტრი. ეს ხომ არარეალური მსჯელობაა.
ისედაც რომ ვიანგარიშოთ, 60 მილიონი კვადრატული მეტრი არის 60 კვადრატული კილომეტრი. 60 კვადრატული კილომეტრი არის მაგალითად 6 მეტრიან საოკუპაციო ზოლზე რომ შემოვიდნენ საქართველოს დანარჩენ ტერიტორიაზე სიღრმეში 10 კილომეტრით, ან პირიქით, 10 კილომეტრიან ზოლზე 6 კილომეტრით, ან მთელ პერიმეტრზე 150-200 მეტრი გამოვა დაახლოებით ხომ?, მაგრამ ამ თემაში შეყოლა და მსჯელობაც დამაზიანებელია და ესეც უნდათ ალბათ. რატომ არის დამაზიანებელი – საითაც არ უნდა წავიდნენ, იმ შემოხაზული ტერიტორიების იქით თუ აქეთ, საოკუპაციო ზოლს იქით, როდესაც ამ თემაში მიყვები, რაღაცნაირად ირიბად აღიარებ [საზღვრებს], როგორც ეს გააკეთა მიხეილ სააკაშვილმა. გარკვეული აღიარება, დაკანონება და უკაცრავად, „გაპრავება“ იყო ტერიტორიების 2007 წელს, ომამდე ერთი წლით ადრე, როდესაც მან აღადგინა სამხრეთ ოსეთის ავტონომიური ოლქი, სიტყვა „ყოფილი“ დაამატა და დაადგინა საზღვრები. ეს დადგენილება ბევრმა მოქალაქემ კიდევ არ იცის, რომ არსებობს და საქართველოს პარლამენტმა ამას მხარი დაუჭირა. აი ამ ლოგიკაში უნდა შევყვეთ. ლოგიკაში უნდა შევყვეთ ზემო აფხაზეთთან დაკავშირებით, კოდორის ხეობას რომ დაარქვა, ახალგორთან დაკავშირებით, მილიარდობით კვადრატულ მეტრთან დაკავშირებით, მათი ლოგიკით რომ ვიმსჯელოთ, როგორ დაუთმო. ბევრ ადამიანს ისიც კი არ ახსოვს, რომ ბევრ ტერიტორიას, ყოფილ საზღვრებში, რაც კომუნისტების დროს იყო დადგენილი, საქართველოს ხელისუფლება აკონტროლებდა და დაიკარგა ეს ყველაფერი. იმ მავნებლობამ, რაც 2007 წელს ომამდე წინასწარ გამზადებული სახით მიართვეს ოკუპანტ ქვეყანას, განაპირობა ის, რომ დღეს მიყვებიან და მათი ლოგიკაა, ოკუპანტის ლოგიკაა. ამბობენ, რომ მივყვებით ჩვენ იმ საზღვრებს და ჩვენ ახლა უნდა ვედავოთ, სადღაც შიგნით შეიწივნენ თუ გარეთ გამოვიდნენ იმ ტერიტორიიდან, რამდენი მეტრით თუ რამდენი კვადრატული მილიმეტრით“ , – განაცხადა მამუკა მდინარაძემ.
მისივე თქმით, ეს საქართველოსთვის წამგებიანია და არ შეიძლება ამაზე საუბარი.
„ყველას ვაფრთხილებ, რომ აქ შედიხართ ძალიან ცუდ კამპანიაში, რაც ერთადერთი, ვისაც შეიძლება აწყობდეს, რუსეთი, ოკუპაცია და ოკუპანტია. საოკუპაციო ზოლს იქით თუ აქეთ, ყველა ჩვენი ტერიტორიაა და მხოლოდ ის ყველაზე რბილად ვთქვათ, შეცდომა, რომ 2007 წელს ვიღაცამ მოუხაზა რაღაც საზღვრები და დაარქვა „სამხრეთ ოსეთი“ კვლავ, კომუნისტების პერიოდის შემდეგ, არ შეიძლება იყოს იმის საფუძველი, რომ ახლა რაღაც ზოლთან ახლოსაა თუ შორს, ამაზე ვიმსჯელოთ. მილიონობით კვადრატული მეტრი ტერმინი შემოიტანეს, რომ თავისი დანაშაული სხვას დააბრალონ. ისინი არიან ოკუპაციის თანაავტორები და ამ პასუხისმგებლობის თანაზიარები და ამის გადმოტანა უნდათ სხვისკენ“, – აღნიშნა მამუკა მდინარაძემ.
ღაზის სექტორში, საავადმყოფოების კომპლექს ალ-შიფასთან მიმდინარე ოპერაციას, ამერიკის შეერთებული შტატების პრეზიდენტი გამოეხმაურა.
ოვალურ კაბინეტში ჟურნალისტებთან საუბრისას, ჯო ბაიდენმა აღნიშნა, რომ საავადმყოფოები დაცული უნდა იყოს და იმედი გამოთქვა, რომ კლინიკების სიახლოვეს მიმდინარე სამხედრო ოპერაცია ფრთხილი იქნება.
„მე არ ვერიდები გამოვთქვა შეშფოთება ღაზაში შექმნილ ჰუმანიტარულ ვითარებასთან დაკავშირებით. ვიმედოვნებ და ველოდები, რომ საავადმყოფოების შემთხვევაში, სამხედრო აქტივობა შედარებით ფრთხილი იქნება. სისტემატური კონტაქტი გვაქვს ისრაელთან, ყველაფერს ვაკეთებთ, რომ ჰუმანიტარული პაუზისთვის პირობები შევქმნათ, რათა მძევლების გათავისუფლებაზე ვიზრუნოთ. ამ საკითხზე მოლაპარაკებები კატართან ერთად ტარდება. ამ მიმართულებით, გარკვეული იმედი გვაქვს. უნდა ითქვას, რომ საავადმყოფოებს განსაკუთრებული დაცვა სჭირდება“, -აღნიშნა ბაიდენმა.
ბურკინა-ფასოში მომხდარ თავდასხმას 100-მდე ადამიანი, მათ შორის ქალები და ბავშვები ემსხვერპლა. ამის შესახებ BBC წერს.
შემთხვევა სოფელ ზაონგოში ჯერ კიდევ 6 ნოემბერს მოხდა, თუმცა ვინ დგას თავდასხმის უკან, ამ დრომდე უცნობია. ევროკავშირის ლიდერებმა და აშშ-მ ბურკინა-ფასოს ხელისუფლებას მომხდარის გამოძიებისა და მისი ყველა გარემოების გარკვევისკენ მოუწოდეს.
ბურკინა-ფასო მსოფლიოს ერთ-ერთი ყველაზე ღარიბი ქვეყანაა, სადაც გასულ წელს 2 სამხედრო გადატრიალება მოხდა.
ჯანდაცვის მსოფლიო ორგანიზაციაში აცხადებენ, რომ ღაზის სექტორის უდიდესი საავადმყოფო “თითქმის სასაფლაოდ” იქცა.
ორგანიზაციის პრესსპიკერის, კრისტიან ლინმაიერის თქმით, ალ-შიფას საავადმყოფოში, დაახლოებით, 600 ადამიანია, დანარჩენები კი თავს დერეფნებს აფარებენ.
„საავადმყოფოს ირგვლივ არის ცხედრები, რომელთა დაკრძალვა ან მორგში გადაყვანა ვერ ხერხდება. საავადმყოფო აღარ მუშაობს, ის თითქმის სასაფლაოდ იქცა”, – აღნიშნა ჯანმო-ს წარმომადგენელმა.
ამასთან, შემაშფოთებელია ათობით დღენაკლული ბავშვის ბედი, რომლებსაც, ელექტროენერგიის გათიშვის გამო, ინკუბატორებში საფრთხე ემუქრებათ.
საავადმყოფოში აცხადებენ, რომ შვიდი ასეთი ჩვილი ჟანგბადის ნაკლებობის გამო დაიღუპა. ალ-შიფას ჰოსპიტალი, რომელიც ღაზის ჩრდილოეთ ნაწილში მდებარეობს, ბოლო რამდენიმე დღის განმავლობაში ინტენსიური ბრძოლების წინა ხაზზე იმყოფება. ისრაელის თავდაცვის ძალები ირწმუნება, რომ „ჰამასს“ საავადმყოფოს ქვეშ არსებულ გვირაბებში მართვისა და კონტროლის ცენტრი აქვს, „ჰამასსა“ და საავადმყოფოში აღნიშნულს უარყოფენ და სიცრუეს უწოდებენ.
ისრაელის თავდაცვის ძალებში აცხადებენ, რომ ღაზის სექტორის ბავშვთა საავადმყოფოს ქვეშ „ჰამასის“ სამეთაურო ცენტრი აღმოაჩინეს. თავდაცვის ძალებში ვარაუდობენ, რომ მძევლებიც იქ იმყოფებოდნენ.
ისრაელის თავდაცვის ძალების სპიკერის, დანიელ ჰაგარის თქმით, ისრაელის სამხედროებმა რეიდი განახორციელეს ღაზის ქალაქ რანტისის ჰოსპიტალში.
„საავადმყოფოს ქვეშ, სარდაფში ჩვენ ვიპოვეთ „ჰამასის“ სამეთაურო-საკონტროლო ცენტრი, ჟილეტები, ყუმბარები, AK-47 ტიპის ავტომატები, ასაფეთქებელი მოწყობილობები და სხვა იარაღი“, – განაცხადა ჰაგარიმ პრესკონფერენციაზე.
ამასთან, ჰაგარიმ აღნიშნა, რომ, მათი ვარაუდით, „ჰამასის“ მიერ დატყვევებული მძევლებიც იქ იმყოფებოდნენ.
„ჩვენ ასევე აღმოვაჩინეთ ნიშნები, რომლებიც მიუთითებს იმაზე, რომ „ჰამასს“ აქ მძევლები ჰყავდა“, – განაცხადა ჰაგარიმ და აღნიშნა, რომ ეს ჯერ კიდევ გამოძიების პროცესშია.
ჰაგარიმ ხაზგასმით აღნიშნა, რომ ეს ომი არის არა ღაზის მოსახლეობის, არამედ „ჰამასის“ წინააღდეგ.
„ჩვენი ომი არის „ჰამასის“ წინააღმდეგ და არა ღაზის მოსახლეობის წინააღმდეგ. განსაკუთრებით არ არის ქალებისა და ბავშვების წინააღმდეგ. ჩვენი ომი არის „ჰამასის“ წინააღმდეგ, რომელიც მათ ადამიანთა ფარად იყენებს“, – აღნიშნა ჰაგარიმ.
ისრაელის თავდაცვის ძალებმა ღაზის პარლამენტის შენობა აიღეს.
ინფორმაციას Times of Israel სოციალურ ქსელებში გავრცელებულ ფოტოებზე დაყრდნობით ავრცელებს.
გამოცემა წერს, რომ “პალესტინის საკანონმდებლო საბჭოს შენობა ღაზაში მხოლოდ ჰამასის დეპუტატებს ემსახურება მას შემდეგ, რაც ტერორისტულმა დაჯგუფებამ 2007 წელს ღაზის სექტორი დაიპყრო”.
მანამდე, ისრაელის თავდაცვის მინისტრმა განაცხადა, რომ ჰამასმა ღაზის სექტორზე კონტროლი დაკარგა.
რუსებმა ხერსონი დაბომბეს, დაიღუპა ორი ადამიანი, – ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.
ხერსონის რეგიონული სამხედრო ადმინისტრაციის ხელმძღვანელის მიერ გამოქვეყნებული განახლებული ინფორმაციის მიხედვით, რუსების მიერ ხერსონის დაბომბვის შედეგად ორი ადამიანი დაიღუპა და ათი დაშავდა.
პროკუდინის ცნობით, რუსეთის ძალებმა ცენტრალურ ხერსონს არტილერიით დაარტყეს, დაზიანდა მინიმუმ 15 სახლი, საავადმყოფო, ადმინისტრაციული შენობა და რვა მანქანა, მათ შორის სასწრაფო დახმარების მანქანა.
დაღუპულებს შორის არიან 62 წლის ქალი და 45 წლის მამაკაცი, ხოლო დაშავდნენ რუსების სამიზნე საავადმყოფოს ორი მედპერსონალი, 81 წლის პაციენტი და 2 თვის ჩვილი.
ვერძი
მშვენიერი დღეა იმისთვის, რომ კარიერულ წინსვლაზე ან პროფესიულ განვითარებაზე ზრუნვა დაიწყოთ. წარმატების მიღწევაში პლანეტების განლაგება და მოზღვავებული ენერგია დაგეხმარებათ. გაუგებრობას არ მისცეთ უფლება, განწყობა გაგიფუჭოთ.
კურო
სიურპრიზებით სავსე დღეა. მოემზადეთ იმისთვის, რომ ახალ გარემოებებთან შეგუება და იმპროვიზაცია მოგიწევთ. შეცდომების თავიდან ასაცილებლად გირჩევთ, ადვილად მისაღწევი მიზნები დაისახოთ ან დახმარება გავლენიან ადამიანებს სთხოვოთ. ჯანმრთელობის მხრივ პრობლემები მოსალოდნელი არ არის, თუმცა ცივი ზამთრისთვის იმუნიტეტის გაძლიერება უნდა დაიწყოთ.
ტყუპები
სანა მოქმედებას შეუდგებით, გირჩევთ, ჩატარებული სამუშაო შეაფასოთ. დროა, იფიქროთ, სასურველ შედეგებს სწრაფად როგორ მიაღწიოთ. ამ დღის პრობლემები სიტუაციის ობიექტურად შეფასებაში დაგეხმარებათ. შეწყვიტეთ ურთიერთობა ადამიანებთან, რომლებიც მუდმივად პრობლემებს გიქმნიან და თქვენი ცხოვრება გაცილებით ლაღი გახდება.
კირჩხიბი
წარმატებული და ხალისიანი დღეა. დილიდან ნათელი შთაბეჭდილებები გელით. უსმინეთ საკუთარ ინტუიციას და მოიქეცით ისე, როგორც გული გიკარნახებთ. ყველა გადაწყვეტილება, რომელსაც დღეს მიიღებთ, წარმატებამდე მიგიყვანთ. მთავარია, ამ დღეს რჩევა არავის მისცეთ და სხვების ცხოვრებაში არ ჩაერიოთ.
ლომი
იღბალი თქვენს მხარესაა. ჰოროსკოპი დადებით ემოციებს, სასარგებლო შეხვედრებს და ამაღლებულ განწყობას გპირდებათ. თქვენ წინაშე ახალი შესაძლებლობები გაჩნდება, ხოლო მენეჯმენტი თქვენს პროფესიულ უნარებს სათანადოდ შეაფასებს. მოუწყვეთ რომანტიკული სიურპრიზი თქვენს საყვარელ ადამიანს.
ქალწული
ეცადეთ, საკუთარი ან სხვა ადამიანის საიდუმლო არ გაამხილოთ. ზოგადად, ამ დღეს ურთიერთობებში ნაკლებად გულწრფელი უნდა იყოთ. ამ დღის ამოცანა უკვე დაწყებული საქმეების დასრულებაა. ამის შემდეგ შეგიძლიათ ახალი პროექტი დაიწყოთ, რასაც დიდი ხანია გეგმავთ. მნიშვნელოვანი შეხვედრა გელით, ამიტომ დადებით განწყობა უნდა შეინარჩუნოთ.
სასწორი
დაფიქრდით, რა არის ის, რაც წინსვლაში ხელს გიშლით, დროს და ენერგიას გართმევთ? დროა, ამისგან გათავისუფლედეთ და მიზნისკენ სვლა გააგრძელოთ. გირჩევთ, ახალი პრობლემები მშვიდად და ეტაპობრივად მოაგვაროთ. ნუ აჩქარდებით, რათა შეცდომა არ დაუშვათ და ეცადეთ, ახლად შექმნილ გარემოებებს შეეგუოთ.
მორიელი
ამ დღეს ფინანსურ საკითხებში მეტი სიფრთხილე უნდა გამოიჩინოთ – მოერიდეთ ძვირად ღირებული ნივთების შეძენას და სარისკო ინვესტიციებს. აკონტროლეთ თქვენი ყველა მოქმედება და ეცადეთ, არ გადაიღალოთ. წინააღმდეგ შემთხვევაში, ბოლო დღეებში დაგროვილი სტრესი გეგმების განხორციელებაში ხელს შეგიშლით. ნუ მოახდენთ თანამოსაუბრეზე ზეწოლას – ეცადეთ, კომპრომისი მოძებნოთ.
მშვილდოსანი
ენერგიულობა და შედეგებზე ფოკუსირება ერთდროულად რამდენიმე საკითხის გადაჭრაში დაგეხმარებათ. რთულ სამუშაოს შეეჭიდეთ, მაგრამ იცით, რომ გზის ბოლოს დამსახურებული ჯილდო გელით. გამორიცხული არ არის, რომ ბევრი პრობლემა თქვენი მონაწილეობის გარეშე მოგვარდეს.
თხის რქა
ეს დღე შესაფერისია ცვლილებებისა და ექსპერიმენტებისთვის. გირჩევთ, უფრო გაბედულად იმოქმედოთ. უსამართლობის მიმართ გამძაფრებული პროტესტი გაქვთ, მაგრამ ეცადეთ, ურთიერთობებში მეტი თავაზიანობა გამოიჩინოთ და პატივი სცეთ სხვის აზრს.
მერწყული
ამ დღეს გულწრფელი უნდა იყოთ. თამამად ისაუბრეთ საკუთარ სურვილებსა და იმედგაცრუებებზე და შეიძლება იმ კითხვაზე პასუხი იპოვოთ, რომელიც დიდი ხანია გაწუხებთ. შესაძლოა, დღეს თქვენი ძველი ოცნება ახდეს. სასურველია, საყვარელ ადამიანთან სამომავლო გეგმებზე ისაუბროთ და სამოქმედო სტრატეგია დასახოთ.
თევზები
ყურადღებით მოუსმინეთ, რას ამბობენ ადამიანები თქვენ ირგვლივ. შესაძლოა, სრულიად შემთხვევით, მნიშვნელოვანი ინფორმაცია მოისმინოთ, რომელიც ძალიან გამოგადგებათ. სავარაუდოდ, ბევრი პრობლემა თქვენი ჩარევის გარეშე მოგვარდება.
ისრაელის თავდაცვის მინისტრმა, იოავ გალანტმა განაცხადა, რომ „ჰამასმა“ ღაზის სექტორზე კონტროლი დაკარგა.
“ჰამასს” არ აქვს ძალა, რომელსაც შეუძლია შეაჩეროს ისრაელის თავდაცვითი ძალები. “ცაჰალი” წინ მიიწევს. “ჰამასის” ორგანიზაციამ დაკარგა კონტროლი ღაზაზე. ტერორისტები სამხრეთით გარბიან. მშვიდობიანი მოსახლეობა ძარცვავს “ჰამასის” ბაზებს. მათ [მოსახლეობას] არ აქვთ ნდობა ხელისუფლების მიმართ”, – აღნიშნა ისრაელის თავდაცვის უწყების ხელმძღვანელმა.
“ჩვენ ვმუშაობთ [დასახული] ამოცანების მიხედვით. წამზომი არ გვაქვს. ჩვენ გვაქვს მიზნები. ჩვენ მივაღწევთ ჩვენს მიზნებს”, – დასძინა იოავ გალანტმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
