ჭიათურაში 3 ათასზე მეტი მაღაროელი მე-4 დღეა გაფიცულია.
მაღაროელები ხელფასების გაზრდას და სამუშაო პირობების გაუმჯობესებას ითხოვენ.
გაფიცულები აქციას ჭიათურის ცენტრში მართავენ.
„ჯორჯიან მანგანეზის“ წარმომადგენლები აცხადებენ, რომ კომპანიას კრიზისის გამო, თანამშრომლების მოთხოვნების დაკმაყოფილება არ შეუძლია.
მაღაროელები მათი მოთხოვნების შესრულებამდე, მუშაობის განახლებას არ აპირებენ.
სამხედრო ექსპერტი, ამირან სალუქვაძე, აშშ-ის ყოფილი პრეზიდენტისთვის, დონალდ ტრამპისთვის ბრალდების წარდგენას სოციალურ ქსელში აფასებს.
სალუქვაძის განმარტებით, ნაკლებად სავარაუდოა, ტრამპის აგარაკზე, მის მიერ თანამდებობის დატოვებიდან 2 წლის შემდეგ აღმოეჩინათ საიდუმლო დოკუმენტები და ბაიდენის ადმინისტრაციას მანამდე არაფერი სცოდნოდა. ექსპერტი ასევე პარალელს ავლებს სააკაშვილის საქმესთან და სვამს კითხვას, გადახედონ, თუ რა დანაშაულებს აარიდეს თავი მესამე პრეზიდენტმა და მისმა მაღალჩინოსნებმა კოჰაბიტაციის საშუალებით.
„ტრამპს 400 წელი ციხე ემუქრება. ბრალდება 38 პუნქტისგან შედგება. 400 წელი საიდუმლო საბუთების არასწორად შენახვის და სავარაუდო შპიონაჟის გამო. საიდუმლო საბუთს როცა შემომიტანდა გასაცნობად/სამუშაოდ საიდუმლო ნაწილის უფრისი, სანამ უკან არ დავუბრუნებდი, სახლში არ მიდიოდა. აშშ-ში როგორაა საიდუმლო საქმისწარმოება ორგანიზებული, არ ვიცი. ეჭვი მეპარება, რომ ბაიდენი მის მიერ წაკითხული საიდუმლო საბუთების შენახვაზე ზრუნავდეს. როგორც ამ თვეების მანძილზე გაირკვა, წინა ადმინისტრაციის სხვა წარმომადგენლებსაც უპოვეს „ბღუჯა-ბღუჯა“ საბუთები, ზოგს აგარაკზე, ზოგს ავტოფარეხში.
შეიძლება თანამდებობიდან წასვლიდან 2 წლის შემდეგ აღმოაჩინონ, რომ ათობით, შეიძლება ასობით (ტრამპის აგარაკზე ათობით მუყაოს ყუთი აჩვენეს) საიდუმლო საბუთის დაკარგვის შესახებ ამ დროის მანძილზე არ სცოდნოდათ? საიდუმლო საბუთებზე მკაცრი აღრიცხვა და კონტროლია. უზარმაზარი ადმინისტრაცია, პლუს სპეცსამსახურები… ხმაური ატყდა ძველი ადმინისტრაციის წასვლიდან 2 წლის შემდეგ. ერთდროულად აღმოუჩინეს ყოფილ პრეზიდენტს, ვიცე-პრეზიდენტს და ა.შ. ცალკე საკითხია კაპიტოლიუმის შტურმისთვის 900-ზე მეტი პირის გასამართლება და ძალიან დიდი სასჯელების გამოტანა. ჰოდა, იქნებ სააკაშვილის ბრალდებები უკეთ გადაიკითხონ და თქვან 6 წელი ხომ არ ეცოტავებათ? ასევე გადახედონ რა დანაშაულებს აარიდეს თავი სააკაშვილმა და მისმა მაღალჩინოსნებმა დასავლეთიდან თავსმოხვეული თანაცხოვრების (კოჰაბიტაციის) გამო?! ახლა მეორე სერიაა დაწყებული, დეპოლარიზაციის სახელით“, – წერს სალუქვაძე Facebook-ზე.
„ხალხის ძალის“ ერთ-ერთი ლიდერი, დეპუტატი სოზარ სუბარი აცხადებს, რომ ხაბეიშვილი არის დაშლის გასაღები – თუ როგორ უნდა დაშალოს პარტია, სხვა გასაღები მას არ აქვს და ვერავის ვერაფერს ასწავლის.
„მართლა რა საცოდავ დღეშია ვაშაძე-მანჯგალაძის ჯგუფი. ერთადერთი პოლიტიკური ჯგუფი დარჩა, რომელიც დღემდე რაღაცნაირად ებღაუჭება „ნაცმოძრაობას“. პარტიების უმრავლესობა საღად აფასებს იმას, რომ „ნაცმოძრაობის“ ირგვლივ გაერთიანება არ გამოვა. ალბათ დაიწყებენ რაღაც ახალი ალიანსების ძებნას, თუმცა ჯერჯერობით რასაც ვუყურებთ, ეს არის „მკვდარი მკვდარს აეკიდა“, იმიტომ რომ არანაირი რეიტინგი, შანსი და იდეა მათგან არ მოდის“, – აცხადებს სოზარ სუბარი.
რუსეთის პრეზიდენტის, ვლადიმირ პუტინის განცხადებით, ბელარუსში ბირთვული იარაღი 7-8 ივლისის შემდეგ განთავსდება.
პუტინმა აღნიშნა, რომ რუსული ბირთვული იარაღის განთავსება ბელარუსში დაიწყება მას შემდეგ, რაც 7-8 ივლისს ობიექტების მომზადება დასრულდება.
„ყველაფერი გეგმის მიხედვით მიდის. მოგეხსენებათ, 7-8 ივლისს დასრულდება შესაბამისი ობიექტების მომზადება და ჩვენ დაუყოვნებლივ დავიწყებთ ღონისძიებებს თქვენს ტერიტორიაზე შესაბამისი ტიპის იარაღის განთავსებასთან დაკავშირებით”,- განაცხადა პუტინმა ბელარუს კოლეგასთან, ალექსანდრ ლუკაშენკოსთან შეხვედრაზე.
გაერთიანებული სამეფოს ყოფილი პრემიერ-მინისტრი ბორის ჯონსონი დეპუტატის მანდატს ტოვებს.
როგორც BBC წერს, ამის მიზეზი ე.წ. Partygate-ის საქმეზე საპარლამენტო კომიტეტის მიერ მომზადებული ანგარიშია, რომელიც კორონავირუსის პანდემიის დროს, ქვეყანაში გამოცხადებული „ლოქდაუნის“ პირობებში, დაუნინგ სტრიტზე წვეულებების გამართვას შეეხებოდა.
ბორის ჯონსონი მიიჩნევს, რომ თემთა პალატის წევრებმა აღნიშნული გამოძიება მისი პარლამენტიდან გაძევების მიზნით წამოიწყეს.
მისი თქმით, კომიტეტის პოზიცია, მან აღნიშნულ წვეულებებთან დაკავშირებით თემთა პალატა შეცდომაში შეიყვანა, სიმართლეს არ შეესაბამება.
„მათ ჯერ კიდევ არ წარმოუდგენიათ არც ერთი მტკიცებულება, რომ მე გამიზნულად შევიყვანე შეცდომაში [თემთა პალატა]“, – აცხადებს ჯონსონი.
მისივე თქმით, კომიტეტის მიერ მომზადებული დასკვნა „სავსეა უზუსტობებით“.
შეგახსენებთ, ბორის ჯონსონმა პრემიერ-მინისტრის პოსტი 2022 წელს დატოვა. ის ამ დრომდე, თემთა პალატის წევრი იყო, თუმცა მანდატის დატოვების შემდეგ, მის ოლქში ვადამდელი არჩევნები დაინიშნება.
„ხალხის ძალასთან“ ერთად საზოგადოებამ სიმართლეს ფარდა ახადა და იმ საერთაშორისო ძალებს, შიდა მტრებს, მავნებლებს, იმ უკრაინის „ნაცების“ ფილიალს დაანახა, რომ ვიცით თითოეული პუნქტი მათი მზაკვრული გეგმისა, რომელშიც ხელისუფლების აყირავება, მავნებლური, გენმოდიფიცირებული მთავრობის დაბრუნება და საქართველოს დამოუკიდებლობის საბოლოოდ დასამარება შედის“, – ამის შესახებ „ხალხის ძალის“ წევრმა დავით ქართველიშვილმა გადაცემა „ უცნობის კიდობანში“ განაცხადა
მისი თქმით, „ის პასუხი, რომელიც შარშან ევროკავშირის წევრობის კანდიდატის სტატუსთან, ხოლო წელს, NATO-ში გაწევრიანების პერსპექტივებთან დაკავშირებით მიიღო უკრაინამ, საქართველოსაც ეხება, რადგან არანაირი წყალგამყოფი ამ პოზიციებს შორის არ არსებობს“:
„ანუ, შარშან რომ ომში შევსულიყავით და მეორე ფრონტი გაგვეხსნა, სასწრაფო წესით მოგვანიჭებდნენ ამ არაფრისმომცემ კანდიდატის სტატუსს; ხოლო, იმ შემთხვევაში, თუკი, საქართველო რუსეთს დაამარცხებდა, აუცილებლად გავხდებოდით NATO-ს წევრებიც. ე.ი. რამხელა საფრთხეს ავცდით. ამის არდაფასება მართლა სექტანტურ, არანორმალურ ტვინში შეიძლება დაიბადოს. მართლა კბილებით უჭირავს პატარა საქართველოს თავი და ყველა საფრთხეს ვიგერიებთ. ჩვენი, „ხალხის ძალის“ შექმნის იდეაც ეგ იყო, რომ ეს საინფორმაციო ვაკუუმი გაგვერღვია და საზოგადოებასთან ყველაფერზე ღიად გველაპარაკა. იმიტომ, რომ დიპლომატიური, კულუარული თუ პოლიტკორექტული ტონი ისეთ თემებთან, რომლებიც შენს საქართველოს, შენს სამშობლოს ემუქრება, უკვე არ შეიძლებოდა.
ჩვენთან ერთად საზოგადოებამ სიმართლეს ფარდა ახადა და იმ საერთაშორისო ძალებს, შიდა მტრებს, მავნებლებს, იმ უკრაინის „ნაცების“ ფილიალს დაანახა, რომ ყველაფერი ვიცით. ვიცით თითოეული პუნქტი მათი მზაკვრული გეგმისა, რომელშიც შედის ხელისუფლების აყირავება, მავნებლური, გენმოდიფიცირებული მთავრობის ხელისუფლებაში დაბრუნება და საქართველოს დამოუკიდებლობის საბოლოოდ დასამარება. არაფერი გამოუვათ – საზოგადოება, ქართველი ერის უმრავლესობა არ გავჩერდებით და ვერავინ გაგვაჩერებს. როგორ შეიძლება გააჩერო ერი, რომლის ძირითადი საყრდენი ძალა არის ღმერთი, ღვთისმშობელი და ჩვენი ზეციური, ასობით, ათასობით წმინდანთა დასი. ყველას ეპატარავება ეს ძალიან მნიშვნელოვანი ფაქტი, რადგან ვერ ტვინავენ, ასეთი პატარა ქვეყანა როგორ ახერხებს ამ დოზით ურჩობას, მაშინ, როდესაც თავიანთი გეგმები უკრაინაში ან სხვაგან გამოსდით. მაგრამ, საქართველოში, იგივე, ნაცადი მეთოდებით ხელისუფლების აყირავება, ჩვენი დაჩოქება თუ ცალ ფეხზე დგომა გამორიცხულია“, – განაცხადა დავით ქართველიშვილმა.
ვერძი
ვარსკვლავები გირჩევენ, გარშემო მყოფთა მხრიდან ზედმეტ ყურადღებას ერიდოთ. ამ დღეს საკუთარი შესაძლებლობების სრულად გამოვლენა გაგიჭირდებათ, ამიტომ ცოტა უნდა მოიცადოთ. სამაგიეროდ, შესანიშნავი დღეა მომავალი წარმატების მოსამზადებლად. შეაგროვეთ საჭირო ინფორმაცია, იმუშავეთ საინტერესო პროექტებზე, მოიფიქრეთ დამარწმუნებელი არგუმენტები და როცა ყურადღების ცენტრში ყოფნის დრო მოვა, შთაბეჭდილების მოხდენას შეძლებთ!
კურო
ამ დღეს ისეთ იშვიათ და საინტერესო ფენომენს შეეჯახებით, როგორიც დეჟავიუა. არ გაგიკვირდეთ, თუ მოულოდნელად შეხვდით ადამიანს საკუთარი წარსულიდან ან მას, ვინც ამ ადამიანს ძალიან ჰგავს. გახსოვდეთ, რომ არა მხოლოდ რეალობა აისახება შინაგან სამყაროზე, არამედ პირიქითაც ხდება და დღეს ამაში თავად დარწმუნდებით.
ტყუპები
ეცადეთ, მუშაობისთვის განეწყოთ, მიუხედავად იმისა, რომ ადვილი არ იქნება! ეს დღე თქვენგან ყურადღების კონცენტრაციას და უამრავ საქმესთან გამკლავებას მოითხოვს. ეცადეთ, რომ ხმაურს და აურზაურს ცოტა ხნით გაერიდოთ და წყნარი და განცალკევებული ადგილი იპოვოთ, სადაც კარი გასაღებით იკეტება – მხოლოდ ეს გჭირდებათ, რათა საკუთარ თავში უზარმაზარი ძალა აღმოაჩინოთ და ჩანაფიქრი განახორციელოთ.
კირჩხიბი
ამ დღეს არაფრისმთქმელი, ზედაპირული საუბრები გაღიზიანებთ და წყობიდან გამოჰყავხართ, ამიტომ ეცადეთ, საყვარელ ადამიანს, კოლეგას თუ ბიზნესპარტნიორს გულწრფელად ესაუბროთ და მისი ნამდვილი მიზნები გაარკვიოთ. ეს შეიძლება თქვენი განსაკუთრებული ურთიერთობისკენ გადადგმული პირველი ნაბიჯი იყოს.
ლომი
ამ დღეს გეჩვენებათ, რომ მთელი ძალით ცდილობთ კონფლიქტების თავიდან აცილებას, თუმცა ისინი ყველგან გპოულობენ. დაპირისპირება და უკმაყოფილება შეიძლება „ცარიელ ადგილზე“ გაჩნდეს. თქვენ კი ემოციებით ხართ სავსე და აფეთქებისთვის პატარა ნაპერწკალიც გყოფნით. თუ არ გსურთ, რომ მთელი დღე კამათში გაატაროთ, ეცადეთ, წვრილმან პროვოკაციებს უფრო მშვიდად შეხვდეთ.
ქალწული
ვარსკვლავები გირჩევენ, რომ ახალი, გრანდიოზული პროექტების განხორციელებას მოერიდოთ. ამ დღეს არც საკუთარ თავს და არც გარშემო მყოფებს არაფერი უნდა უმტკიცოთ. მთავარი საქმე უკვე გაკეთებულია, სხვები კი დაიცდიან, ამიტომ ჯობს, ცოტა ხანი დაისვენოთ და განიტვირთოთ.
სასწორი
ამ დღეს გარშემო მყოფებთან ურთიერთობა გიჭირთ – დილიდან გაღიზიანებული ხართ და კონფლიქტის დასაწყებად უმცირესი მიზეზი გყოფნით. ვარსკვლავები გირჩევენ, რომ დახმარება არავის სთხოვოთ და საკუთარ თავს დაეყრდნოთ – ამ დღეს წარმატებას მხოლოდ მარტო მოქმედების შემთხვევაში მიაღწევთ.
მორიელი
ამ დღეს დარწმუნდებით, რომ „ცხოვრება თეატრია“ და ამ სპექტაკლში მთავარ როლს ასრულებთ. ყურადღების ცენტრში ყოფნის გაცდა მთელი დღე თან გდევთ და შესაბამისად მოქცევას გაიძულებთ. უფრო მეტიც, იმის დემონტრირებისთვის, რამდენად ვერ გიგებენ და არ გაფასებენ, შეიძლება ტრაგიკული როლის მორგება სცადოთ. ტრაგედია რომ კომედიაში არ გადაიზარდოს, საკუთარი თავის შეცოდება უნდა შეწყვიტოთ. თუ ამის მიზეზი არსებობს, ჯობს სხვებმა შეგიცოდონ.
მშვილდოსანი
ვარსკვლავები მშვიდ დღეს გპირდებიან, რომელიც უმჯობესია საოჯახო საქმეებს დაუთმოთ. ეცადეთ საცხოვრებელი ადგილი და საკუთარი აზრები მოაწესრიგოთ, შემდეგ კი ბოლოდროინდელი საქმეების შედეგები შეაჯამოთ და სამომავლო გეგმები დასახოთ. მოერიდეთ საყვარელ ადამიანებთან დაპირისპირებას – გაითვალისწინეთ, რომ ამ დღეს უმნიშვნელო წყენასაც კი შეიძლება სერიოზული ჩხუბი მოჰყვეს.
თხის რქა
ცნობისმოყვარეობა არ გასვენებთ. თუ სხვა დროს ნაკლებად გაინტერესებთ, თუ ვინ რას გიმალავთ, ამ დღეს მზად ხართ ამის გასაგებად დიდი ძალისხმევა დახარჯოთ. შესაძლოა, ვითარება ისე განვითარდეს, რომ უნებლიედ ვიღაცის საიდუმლო გაიგოთ ან შემთხვევით, საკუთარი გაამჟღავნოთ. ამის თავიდან ასაცილებლად ვარსკვლავები განმარტოებას და ჭორებისგან დისტანცირებას გირჩევენ.
მერწყული
გარემოება გაიძულებთ, გამუდმებით მიმდინარე საქმეების ფინანსურ მხარეზე იფიქროთ და მათი მოწესრიგება სცადოთ. ხელსაყრელი დღეა იმისთვის, რომ პირად ბიუჯეტში გაერკვეთ, მოსალოდნელი მოგება გამოთვალოთ და მომავალი დღეების ბიზნესგეგმა შეადგინოთ.
თევზები
საკუთარი შრომისუნარიანობა თავადაც გაოცებთ, რომ არაფერი ვთქვათ კოლეგებსა და ახლობელ ადამიანებზე. თუ პრობლემის სათავეში გაერკვევით, მასზე ფოკუსირებას და უნივერსალური გასაღების პოვნას შეძლებთ. ნებისმიერი სამუშაო, რომელიც ყურადღებას და მოთმინება მოითხოვს, ისე კარგად გამოგდით, როგორც არასდროს. ეცადეთ, ეს შესაძლებლობა სასარგებლოდ გამოიყენოთ.
ვარკეთილის დასახლებაში, ხომლელისა და აბაშვილის ქუჩების მიმდებარედ განახლებული, სამ ჰექტრამდე ფართობის პარკი გაიხსნა.
პარკი დღეს დედაქალაქის მერმა, კახა კალაძემ დაათვალიერა და შეკრებილ მოსახლეობას მიმართა.
„ეს არის სიცოცხლით სავსე თბილისი, სიცოცხლით სავსე სამგორის რაიონი. მე, როგორც დედაქალაქის მერს, როგორც ამ ქვეყანაში, ამ ქალაქში მცხოვრებ რიგით მოქალაქეს, ძალიან მეამაყება და მიხარია, რომ დღეს გვაქვს შესაძლებლობა, გავხსნათ შესანიშნავი პარკი – რეკრეაციული სივრცე, რომელიც გათვლილია ყველა თაობის ადამიანზე. ეს იქნება ადგილი, სადაც თქვენ შეძლებთ დასვენებას, გართობას, ვარჯიშს. მხოლოდ ერთი თხოვნა მაქვს, ამ პარკს ყველამ ერთად მოვუაროთ და გავუფრთხილდეთ, რადგან, სამწუხაროდ, ხდება ვანდალიზმის ფაქტები. ეს ყველაფერი თქვენია, მეგობრებო. ამ პატარა ანგელოზების, ჩვენი შვილების, მომავალი თაობების არის, ამიტომ გავუფრთხილდეთ და მოვუაროთ ამ ყველაფერს“, – განაცხადა კახა კალაძემ.
დედაქალაქის მერმა სამგორის მოსახლეობა ხვალისთვის სამგორობის ღონისძიებაზე მიიწვია.
„მინდა, ხვალ ყველანი დაგპატიჟოთ სამგორობაზე. ჰუალინგის მიმდებარე ტერიტორიაზე გვექნება ძალიან დიდი ღონისძიება და აბსოლუტურად ყველას, თქვენი შვილებით, შვილიშვილებით გელით. ერთად ვიზეიმოთ სამგორის რაიონის 50 წლისთავი“, – განაცხადა კახა კალაძემ.
პარკის სარეაბილიტაციო სამუშაოები თბილისის მერიის გარემოს დაცვის საქალაქო სამსახურმა განახორციელა. პარკის ტერიტორიაზე განახლდა საფეხმავლო ბილიკები, განთავსდა საპარკო ინვენტარი, მოეწყო გარე განათების სისტემა, საბავშვო და სპორტული მოედნები, ვიდეომეთვალყურეობის სისტემა და დასასვენებელი პავილიონები. ტერიტორიაზე განხორციელდა გამწვანებისთვის საჭირო ყველა ღონისძიება. კერძოდ, დაირგო სხვადასხვა სახეობის 5 524 მწვანე ნარგავი და მოეწყო სარწყავი სისტემა.
ინფორმაციას თბილისის მერიის პრესსამსახური ავრცელებს.
დედაქალაქის მერის, კახა კალაძის განცხადებით, აშკარაა, რომ „ნაციონალურ მოძრაობაში“ დაპირისპირებაა.
მისივე თქმით, ვინ იქნება „ნაციონალური მოძრაობის“ სათავეში, არსებითი მნიშვნელობა არ აქვს.
„ცხადი და აშკარაა, რომ დაპირისპირება აქვთ ერთმანეთში, ამიტომ, არ მინდა ამ სიღრმეებში შევიდე. საერთოდ არ მაინტერესებს „ნაციონალური მოძრაობა,“ არც მათი დაპირისპირებები, რადგან უზარმაზარი პასუხისმგებლობა გვაქვს აღებული ხელისუფლებას. ძალიან ბევრ, მნიშვნელოვან პროექტს ვახორციელებთ. ხალხს დღეს რაც სჭირდება ყველაზე მეტად, ეს არის მშვიდობა, სიმშვიდის შენარჩუნება, ეკონომიკური განვითარება, რათა კეთილდღეობა იგრძნოს ამ ქვეყანაში მცხოვრებმა თითოეულმა ადამიანმა. „ნაციონალურ მოძრაობაში“ ხაბეიშვილი იქნება, მეორე ხაბეიშვილი თუ მესამე ხაბეიშვილი, ამას არსებითი მნიშვნელობა არ აქვს“, – განაცხადა კახა კალაძემ.
ნატო-მ მოუწოდა რუსეთს, დაუბრუნდეს ევროპაში ჩვეულებრივი შეიარაღების შესახებ ხელშეკრულებას, – ამის შესახებ ალიანსის განცხადებაშია აღნიშნული.
ნატო-ს წევრი ქვეყნები გმობენ რუსეთის გადაწყვეტილებას ევროპაში ჩვეულებრივი შეიარაღების შესახებ ხელშეკრულებიდან გასვლის შესახებ, რომელიც აწესებს იურიდიულად სავალდებულო შეზღუდვებს წევრი ქვეყნების სამხედრო იარაღის ძირითად კატეგორიებზე.
ალიანსი ხაზგასმით აღნიშნავს, რომ რუსეთი მრავალი წლის განმავლობაში არ იცავდა CFE-ის ხელშეკრულებით ნაკისრ ვალდებულებებს. განცხადებაში ნათქვამია, რომ რუსეთის აგრესიული ომი უკრაინის წინააღმდეგ და ბელარუსის თანამონაწილეობა ეწინააღმდეგება ხელშეკრულების მიზნებს.
„რუსეთის გადაწყვეტილება კიდევ ერთხელ ადასტურებს მოსკოვის მიერ შეიარაღების კონტროლის უგულებელყოფას, მათ შორის, ურთიერთგაგების, გამჭვირვალობის, შესაბამისობისა და გადამოწმების მიმართ. ჩვენ არაერთხელ მოვუწოდეთ რუსეთს, შეასრულოს ხელშეკრულებით დადგენილი წესები. მოკავშირეები მოუწოდებენ რუსეთს, შეასრულოს ვალდებულებები და გამოიყენოს დარჩენილი დრო გადაწყვეტილების მისაღებად“, – აღნიშნულია განცხადებაში.
ნატო-ს მოკავშირე ქვეყნები თვლიან, რომ რუსეთის ხელშეკრულებიდან გასვლის შესახებ გადაწყვეტილება ძირს უთხრის ევროატლანტიკურ უსაფრთხოებას.
„ჩვენ გავაგრძელებთ კონსულტაციებს CFE-ის ხელშეკრულებიდან რუსეთის გასვლის შედეგებისა და ალიანსის უსაფრთხოებაზე მისი გავლენის თაობაზე“, – ნათქვამია განცხადებაში.
ოლაფ შოლცთან შეხვედრაზე ევროკავშირში გაწევრიანების პროცესში საქართველოს მიერ მიღწეულ პროგრესზე და ქვეყნებს შორის არსებული კარგი პარტნიორობის შემდგომი გაძლიერების საჭიროებაზე ვისაუბრეთ, – ამის შესახებ საქართველოს პრემიერ-მინისტრი ირაკლი ღარიბაშვილი გერმანიის ფედერაციულ კანცლერთან ოლაფ შოლცთან შეხვედრის შემდეგ სოციალურ ქსელ „ტვიტერში“ წერს.
მთავრობის მეთაური ევროკავშირში ინტეგრაციის გზაზე საქართველოს მტკიცე მხარდაჭერისთვის გერმანიის ფედერაციულ რესპუბლიკას მადლობას უხდის.
„ძალიან კარგი შეხვედრა მქონდა გერმანიის ფედერაციული რესპუბლიკის კანცლერ ოლაფ შოლცთან. საუბარი შეეხო ევროკავშირში გაწევრიანების პროცესში საქართველოს მიერ მიღწეულ პროგრესს და ჩვენს ქვეყნებს შორის არსებული ძალიან კარგი პარტნიორობის შემდგომი გაძლიერების საჭიროებას. ევროკავშირში ინტეგრაციის გზაზე საქართველოს მტკიცე მხარდაჭერისთვის მადლობას ვუხდით გერმანიის ფედერაციულ რესპუბლიკას. მიგვაჩნია, რომ ეს ურთიერთობა განმტკიცდება იმ მნიშვნელოვანი პროგრესის გამო, რომელსაც საქართველომ უკვე მიაღწია”,- აღნიშნავს პრემიერ-მინისტრი.
ბერლინში ირაკლი ღარიბაშვილისა და ოლაფ შოლცის შეხვედრა დღეს გაიმართა.
არ შეიძლება ბრძოლა ხალხის ცრემლებზე გამდიდრებულ მევახშეებთან ერთად, რადგან ღირსების „გაპროცენტებას“ მიჩვეულნი არიან, – ამის შესახებ პარტია „კანონი და სამართლის“ ხელმძღვანელი თაკო ჩარკვიანი „ფეისბუქის“ გვერდზე წერს.
მისი თქმით, „პოლიტმევახშეები ვაჭრობენ და ქვეყნის მართვის სადავეებზე ოცნებობენ“.
„ვინმეს ოდნავ მაინც თუ ეპარებოდა ეჭვი და რაღაც პაწია იმედი ჰქონდა გულში, რომ წლების მანძილზე ხალხის მძარცველი მევახშე პატრიოტ პოლიტიკოსად გადაიქცეოდა, ნახევარი საქართველო რომ გასულია ქვეყნიდან, რადგან მათი მევახშეობით დაქცეული ოჯახების განადგურების ავტორ-შემსრულებლები სწორედ ეს „მოგონილი ბიზნესმენები“ არიან (ბანკირის -საბანკო სისტემის მანტიით მოსილნი) სწორედ საბანკო სისტემის და ქვეყნის წინააღმდეგ „საბოტაჟნიკები“ და ვინმეს თუ კიდევ ოდნავ მაინც ეგონა, რომ თივისგან აგურის სახლი აშენდება, აი, ბატონო, სრული ლუსტრაცია ხომ მოხდა გუშინ „ტვ პირველზე“, ღია ეთერში (ცოტა წვლილი ამ ლუსტრაციაში მეც ხომ მიმიძღვის?). ჰოდა, ასეა, არ შეიძლება ბრძოლა ხალხის ცრემლებზე გამდიდრებულ მევახშეებთან ერთად, რადგან ღირსების „გაპროცენტებას“ მიჩვეულნი არიან.
ოკუპანტი კარზეა მომდგარი, 12 პუნქტი შესასრულებელი, რაც სასიცოცხლოდ მნიშვნელოვანია ქვეყნისთვის და ამ დროს პოლიტმევახშეები ვაჭრობენ და ქვეყნის მართვის სადავეებზე ოცნებობენ. იმ მოსახლეობის მართვაზე ოცნებობენ, იმ ადამიანების მართვაზე, რომლებიც ჯერ არ გაქცეულან ამ ქვეყნიდან „მათი წყალობით“, ჯერ კიდევ აქ ცხოვრობენ და ჯოჯოხეთად ქცეულ მევახშეთა ბანკებში დაგირავებულ ცხოვრებას ებრძვიან. ჩემი მეგობარი მეუბნება, ახლა ეს ახალგაზრდა „კამო“ ეთერში რომ იჯდა გუშინ, მისი ლიდერის, მევახშის ახალგაზრდობას მაგონებს ძლიერო. ხომ გაგიგონია, „ძაღლი პატრონს ჰგავსო“. ვინ ვის ჰგავს, არ ვიცი და „ძაღლი პატრონს რომ ვერ ცნობს“ ამ ქვეყანაში, ეგ ზუსტად ვიცი. „ლელო“ არ ვიცი და გუშინ ღია ეთერში საკუთარ კარში კი გაიტანა „გოლი“ პარტია „ლელოს“ წევრმა ბუაძემ, თან ისე გაიტანა საკუთარ კარში, ზუსტად ისე დარჩება ეს მისი „შეცდომა გოლი“, როგორც ფეხბურთში რჩება ხოლმე საკუთარ კარში გატანილი „გოლები“ მოთამაშის ლაქად. დიდ ფასად დაუჯდება „ახალგაზრდა კამოს“ მიერ „საკუთარ კარში“ დარტყმული გოლი მის ლიდერს, მევახშეს. ხალხი ბრძენია“, – წერს თაკო ჩარკვიანი.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
