რუმინეთი რუს დიპლომატებს აძევებს.
საგარეო საქმეთა სამინისტროს ინფორმაციით, ქვეყანას რუსეთის საელჩოს 40 თანამშრომელს დაატოვებინებენ. მათ შორის 11 დიპლომატი და ტექნიკური დეპარტამენტის 29 თანამშრომელია. უწყებაში განმარტავენ, რომ რუსეთის საელჩოს შტატს იმ რაოდენობამდე შეამცირებენ, რა რაოდენობითაც რუმინელი დიპლომატები რუსეთში არიან.
რუსეთის საელჩოს წარმომადგენლებს ქვეყნის დასატოვებლად ერთ თვეს მისცემენ.
მსოფლიო ვარსკვლავმა, ბრუნო მარსმა საქართველოში გასამართი კონცერტის შესახებ სოციალურ ქსელში დაწერა. „საქართველო, შევხვდებით პირველ ოქტომბერს“, – წერს არტისტი.
შეგახსენებთ, რომ ბორის პაიჭაძის სახელობის, ეროვნული სტადიონი ბრუნო მარსს „Starring Georgia-ს“ ფარგლებში უმასპინძლებს.
15 გრემის ჯილდოს, 4 Brit Awards-ის, 4 გინესის რეკორდისა და უამრავი მუსიკალური პრიზის მფლობელი ბრუნო მარსი თანამედროვე შემოქმედებითი ინდუსტრიის ერთ-ერთ მნიშვნელოვან და გავლენიან არტისტად მიიჩნევა.
ამერიკელი მუსიკოსის, მომღერლისა და მულტინსტრუმენტალისტის სადებიუტო ალბომი „Doo-Wops & Hooligans“ მაშინვე ნამდვილი სენსაციად, ბრუნო მარსი კი, გლობალურ სუპერვარსკვლავად იქცა, რაც მის მომდევნო ტურნეებზეც დადასტურდა. სტუდიური მუშაობის პარალელურად, ნათელი გახდა, რომ ბრუნო მარსი ახალი თაობის ფავორიტ „ლაივ“ შემსრულებლად იქცა, რომელსაც საკონცერტო და საფესტივალო სივრცეებში ახლებური ენერგიის აკუმულირება შეეძლო. შესაბამისად, მოულოდნელი არ ყოფილა გრემის დაჯილდოებაზე შემდეგი ტრიუმფიც.
ბრუნო მარსის ვარსკვლავური სტატუსი კიდევ ერთხელ დამტკიცდა მომდევნო ალბომებში, სადაც, R&B და ჰიპ-ჰოპის პარალელურად, ბრუნო მარსი საცეკვაო მუსიკის ტენდენციებსაც არ ივიწყებდა.
სხვადასხვა მასშტაბური ფესტივალის, ტურნესა თუ ცალკეული ჰიტის დამსახურებით, ამერიკელი მუსიკოსი დღემდე რჩება სხვადასხვა თაობის საყვარელ შემოქმედად.
ქართველ მსმენელს მისი მოსმენის საშუალება პირველად 1-ელ ოქტომბერს, „Starring Georgia- ს“ ფარგლებში, ბორის პაიჭაძის სახელობის ეროვნულ სტადიონზე შეეძლება. კონცერტზე დასასწრები ბილეთები ხელმისაწვდომი 20 ივნისს იქნება.
„Starring Georgia“ საქართველოს პრემიერ-მინისტრის, ირაკლი ღარიბაშვილის ინიცირებული კამპანიაა, რომელიც „Black Sea Arena-ს“ გუნდთან ერთად ხორციელდება. ორწლიანი კამპანიის ფარგლებში, საქართველო მთელი „თანავარსკვლავედის“ მასპინძელი გახდება. ჩვენს ქვეყანას თანამედროვეობის ყველაზე აქტუალური არტისტები ეწვევიან, რომელთა მოსმენის საშუალება ქართველ მელომანებს აქამდე საკუთარ ქვეყანაში არ ჰქონიათ. მათ შორისაა: „Imagine Dragons“, „Nile Rodgers & Chic“, „FKJ“, „Damian Lazarus“ და „All Day I Dream“. ახალი კამპანიის ფარგლებში, „Black Sea Arena-ს“ სცენის გარდა, კონცერტები შეკვეთილში, თბილისსა და სხვა ლოკაციებზე ჩატარდება.
ესტონეთის პრემიერ-მინისტრმა კაია კალასმა განაცხადა, რომ ნატო-ს ქვეყნები არ განიხილავენ უკრაინაში ჯარების გაგზავნას.
„ყველა სახელმწიფო უკრაინას ამა თუ იმ დახმარებას უწვეს. მაგრამ არცერთ ქვეყანას არ განუცხადებია, რომ სურს ამ ომში ჩაერთოს და თავისი სამხედროები გაგზავნოს, ასეთი გეგმების შესახებ არ მსმენია“, – განაცხადა კალასმა.
ნატო-ს ყოფილმა გენერალურ მდივანს ანდერს ფოგ რასმუსენს მიაჩნია, რომ უკრაინის მომავალი უსაფრთხოების გარანტიების შესახებ დისკუსიების ფარგლებში ნატო-ს ცალკეული ქვეყანა შესაძლოა, შეთანხმდეს უკრაინის ტერიტორიაზე თავიანთი ჯარების გაგზავნასთან დაკავშირებით.
რასმუსენის აზრით, თუ ნატო ვილნიუსის სამიტზე ვერ გადადგმას ნაბიჯებს ალიანსში უკრაინის გაწევრიანების ან მისთვის უსაფრხოების გარანტიების შესახებ, „არსებობს მკაფიო შესაძლებლობა, რომ ზოგიერთმა ქვეყანამ ინდივუდუალურად მიიღოს ზომები“.
უკრაინის საგარეო საქმეთა მინისტრმა დმიტრო კულებამ ხსენებულთან დაკავშირებით განაცხადა, რომ ნატო-ს ქვეყნები მანამდე არ შეიყვანენ უკრაინის ტერიტორიაზე ჯარებს, ვიდრე რუსეთ-უკრაინის ომი არ დასრულდება.
ჯანდაცვის სამინისტროს „სამედიცინო და ფარმაცევტული საქმიანობის რეგულირების სააგენტოს“ სახელმწიფო პროგრამების რევიზია/კონტროლის სამმართველოს უფროსის ეკა ბოჭორიშვილის განცხადებით, სააგენტოს საქმიანობასთან დაკავშირებით კანონში შესატანი ცვლილებები განიხილება, რაც მათ დროულ ჩართულობას და რეაგირებას გულისხმობს.
როგორც მან მედიაჰოლდინგ „კვირას“ პრესკლუბში პრესკონფერენციაზე განმარტა, ამ ცვლილებებით რეგულირების სააგენტოს მანდატი ფართოვდება და სანქციებიც იზრდება.
„განხილვის პროცესშია საკანონმდებლო ცვლილებები სამედიცინო და ფარმაცევტული საქმიანობის რეგულირების სააგენტოს საქმიანობასთან დაკავშირებით, რომ უფრო დროული რეაგირება და საქმიანობა შეეძლოს რეგულირების სააგენტოს. პარლამენტში მიმდინარეობს ამ პროექტის განხილვა. მნიშვნელოვანია ის, რომ თუ პაციენტი მომართავს რეგულირების სააგენტოს განცხადებით და საჩივრით, დღევანდელი კანონმდებლობის შესაბამისად, სააგენტო დაუყოვნებლივ რეაგირებას ვერ ახდენს, ამასთან დაკავშირებით სასამართლოს უნდა მიმართოს. სასამართლომ 72-საათის განმავლობაში შუამდგომლობა უნდა წარმოადგინოს რეგულირების სააგენტოში, ასევე მიაწოდოს მხარეებს ამასთან დაკავშირებით ინფორმაცია. ეს გარკვეულწილად აფერხებს რეგულირების სააგენტოს დროულ და ოპერატიულ საქმიანობას. დაუყოვნებლივ ვერ ვრეაგირებთ პაციენტის საჩივართან დაკავშირებით და მეორე, როდესაც მხარე შუამდგომლობის მისვლისთანავე ამ შემთხვევის შესახებ იგებს, რეგულირების სააგენტოს კომისიას რეალური ფაქტები აღარ ხვდება. იქ წესრიგდება დოკუმენტაციები, ექიმების განმარტებები, უკვე ინფორმაციული ხდება ეს საკითხი დაწესებულებისთვის, რაც რეგულირების სააგენტოსთვის ეფექტიანი არ არის. ამ კანონპროექტის ცვლილების შემდეგ, გვექნება დროული რეაგირება და უფრო რეალური ფაქტი იქნება წარმოდგენილი იმისთვის, რომ პაციენტმა ხარისხიანი სამედიცინო მომსახურება მიიღოს“,- განაცხადა ეკა ბოჭორიშვილმა.
მისი თქმით, ამ ცვლილებების მიხედვით, რეგულირების სააგენტოს ნებისმიერ დროს შეეძლება მიმართოს დაწესებულებას, მოახდინოს ფოტო და ვიდეოგადაღება, ამოიღოს ნებისმიერი სახის მასალა, დალუქოს სამედიცინო დოკუმენტაცია, მოისმინოს ექიმებისგან განმარტებები თუ სხვა.
„ეს სააგენტოს საქმიანობას ძალიან ეფექტურს გახდის და რაც მთავარია, პაციენტებისთვის იქნება ძალიან მნიშვნელოვანი იმიტომ, რომ მათ ხარისხიანი სამედიცინო მომსახურება მიეწოდებათ“,- განაცხადა ეკა ბოჭორიშვილმა.
როგორც მან აღნიშნა, ასევე იზრდება საჯარიმო სანქციებიც.
„ასევე მნიშვნელოვანია, რომ რეგულირების სააგენტოს თანამშრომელს ადგილზე შეეძლება ელექტრონული ქვითრის ამოწერა და როცა სანებართვო პირობების შესრულებას შეამოწმებს, ადგილზევე მოახდენს რეაგირებას“, – ეკა ბოჭორიშვილმა.
“ჩვენ ვაპირებთ 160 სოფელში, ქალაქსა და რაიონში შევხვდეთ მოსახლეობას, გავაძლიეროთ ინფრასტრუქტურა, შევქმნათ ფაქტობრივად არმია იმისთვის, რომ ვებრძოლოთ “რუსულ ოცნებას” და “ნაციონალური მოძრაობა” ამისთვის ყოველდღიურ რეჟიმში იმუშავებს.” – “ერთიანი ნაციონალური მოძრაობის” თავმჯდომარე ლევან ხაბეიშვილი ხელვაჩაურში.
“საბანკო ოლიგარქია, “მაფია”, რომელიც ფაქტობრივად ჟარგონად რომ ვთქვათ წეწავს ხალხს. ეს აწუხებს ხელვაჩაურის მოსახლეობას, დაბალი ანაზღაურება, დაბალი ხელფასები, დაბალი შემოსავალი, გაუბედურებული ინფრასტრუქტურა, ათი მეტრი ხიდი ვერ გააკეთეს ბათუმსა და ხელვაჩაურის დამაკავშირებელი. უკიდურესად სერიოზული პრობლემები აქვს ადგილობრივებს და ცხადია, ყველაზე მნიშვნელოვანი არის მოღალატეობრივი პოლიტიკა ხელისუფლების. ჩვენ ვაპირებთ 160 სოფელში, ქალაქში, რაიონში შევხვდეთ მოსახლეობას, გავაძლიეროთ ინფრასტრუქტურა, შევქმნათ ფაქტობრივად არმია იმისთვის, რომ ვებრძოლოთ “რუსულ ოცნებას”. მესმის, რომ შეიძლება ბრუტალურად ჟღერს, მაგრამ დიახ, გვჭირდება დიდი მობილიზება იმისთვის, რომ დავამარცხოთ რუსული პარტია და “ნაციონალური მოძრაობა” ამისთვის ყოველდღიურ რეჟიმში იმუშავებს.” – განაცხადა ლევან ხაბეიშვილმა.
ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
“ყველაზე სასიხარულო “ინფორმაციის შესწორება” გვაქვს დღეს: ქართველი მებრძოლი ზურაბ მუშუქია ცოცხალია! სიამოვნებით ვიხდი ბოდიშს გუშინ მასთან დაკავშირებული ინფორმაციის გავრცელების გამო! არავის ვაბრალებ! რას ვიზამთ, ომია! ასეთი “კარგი” შეცდომებიც ხდება!
გუშინ პრეზიდენტი ზელენსკი ჩავიდა ხერსონში და პირადად გაეცნო ადგილზე საევაკუაციო სამუშაოებს! მისი ჩასვლიდან ცოტა ხანში ნაძირალა ურდომ დაბომბა ევაკუაციის ადგილები, რის შედეგადაც 20-მდე ადამიანი დაშავდა და 1 ადამიანი დაიღუპა! რუსეთი არის ტერორისტი სახელმწიფო და პუტლერი არის ტერორისტი ნომერ 1 მსოფლიოში!
ნაძირალა პუტლერმა თვითონ ცხადია ვერ გაბედა ადგილზე ჩასვლა და თავისი ურდოსიკებისთვის მოსაკითხი ბარათების გაგზავნით დაკავდა, თავის მაგივრად კი ადგილზე ადმინისტრაციის უფროსის მოადგილე, კიდევ ერთი ნაძირალა კირიენკო გაგზავნა.
პრეზიდენტი და მისი გუნდი აქტიურად მუშაობენ საერთაშორისო დახმარების მისაღებად როგორც კონტროლირებად, ისე დროებით ოკუპირებულ ტერიტორიებზე. გაეროს ელაპარაკებიან მაგალითად, რომ მარცხენა სანაპიროზე მაინც ჩაერთონ სამაშველო ოპერაციებში, თუ ურდო მისცემს უსაფრთხოების გარანტიებს;
ხანგრძლივი დუმილის შემდეგ ხმა ამოუღია ეკოაქტივისტ გრეთა თუნბერგს, დოუგმია რუზეთის ტერორისტული ქმედება და მათი პასუხისმგებლობის საკითხი დაუყენებია; ზელენსკიმ ამ ტვიტზე მადლობის ტვიტით უპასუხა.
რაც შეეხება ადგილზე ვითარებას, წყლის დონე კრიტიკულ 12.7 მეტრზე დაბლა ჩავიდა. შესაბამისად, პრობლემები იქნება მოსახლეობის და ზაპოროჟეს ატომური ელექტროსადგურის წყლის მომარაგების თვალსაზრისით;
ურდო ძალიან მაგრად მუშაობს პროპაგანდისტული მიმართულებით. გინდათ გითხრათ ჩემი აზრი რისი ბრალია ეს? დასავლეთის წაფორხილების – ნეიტრალური შეშფოთების გამოთქმა და ნწუ, ნწუ, ნწუ ეკოციდი ძალიან ცუდია იყო სიგნალი ურდოს პროპაგანძიისთვის, რომ ამოექოქათ ბოლომდე თავისი გაღმა გაედავე, გამოღმა ვერ შემოგედავება პოლიტიკა. ურდო თავხედურად აწვება, რომ ჰაიმარსებით ბომბავდნენ უკრაინელები დამბას უტიფრები.
მაინც დადასტურდება, რომ ურდოს ჩადენილია ეს დანაშაული. დაიწევს წყალი და გამოჩნდება ყველაფერი.
გუშინ ღამე ისევ იყო სარაკეტო თავდასხმა. კიევის, დნეპროს და ხარკოვის მიმართულებებზე ისევ დიდებულად იმუშავა ჰაერ საწინააღდეგო თავდაცვამ, აფეთქება იყო მხოლოდ ჩერკასის რეგიონის უმანის ოლქში. დაზიანდა სამრეწველო ობიექტი და ავტოსამრეცხაო. ჯამში – 8 მძიმე დაშავებული.
მანამდე ჩვენებმა დაუბაბანეს დღისით ლუჰანსკს. 3 მსხვილი საწარმოო ობიექტი აუფეთქეს ურდოს, რომელიც გადაკეთებული იყო შეიარაღების საცავად და ურდოს ცოცხალი ძალის სადგომად; გუშინ ღამე კი ბერდიანსკში დაუბავოვნეს ჩვენებმა. გავიგებთ მალე შედეგებს;
მოკლედ, ყველას ეჩქარება გამოცხადება, რომ დიდი კონტრიერიში დაიწყო, მათ შორის დასავლურ ავტორიტეტულ მედია საშუალებებსაც. მერე უწევს ჩვენების გენშტაბს ამის უარყოფა!
დიახ, ზაპოროჟიეში სერიოზულად მუშაობს არტილერია და სარაკეტო კომპლექსები, არის ადგილები, სადაც ჩვენებს აქვთ გარღვევები ფრონტის ხაზზე, მაგრამ ეს ყველაფერი მაინც არის დაზვერვები ბრძოლით, თუნდაც მძიმე ტექნიკის მონაწილეობით, მაგრამ მაინც არის ნიადაგის მოსინჯვა. ჩვენ თუ ველოდებოდით კონტრიერიშის დაწყებას, ურდოც ემზადებოდა თვეების მანძილზე. ასე რომ, საჭიროა მოთმინება! რეალურად გადაცილებით უფრო ხმაურიანი და ეფექტური ინფორმაციებით გავიგებთ, რომ შეტევა დაიწყო;
აი რაც შეეხება ბახმუტის მიმართულებას, ფლანგებზე ჩვენები აგრძელებენ წინსვლას. ჩრდილოეთით ბერხივკას წყალსაცავის და დასახლების მიდამოებში იღებენ ჩვენები მნიშვნელოვან საყრდენ პუნქტებს, სამხრეთით კი კლეშჩეევკასთნ იუმჯობესენ პოზიციებს. უფრო მეტიც, ბახმუტის სამხრეთ ნაწილში, ე.წ. თვითმფრინავის მონუმენტის მიდამოებში მაგრდებიან ჩვენები. ურდოს მხრიდან წინააღმდეგობა დიდია, მაგრამ ჩვენები მაგრად მუშაობენ და ანადგურებენ ურდოს სპეც.რაზმელებს; გარდა ამისა, საერთოდ დაეცა ურდოს შეტევის ტემპები მარინკას მიმართულებით, ხოლო ავდეევკაზე პირიქით დაცვაში გადაიყვანეს ჩვენებმა ურდოსები; კუპიანსკის, სვატოვოს და კრემინას მიმართულებებზე ძირითადად პოზიციური ბრძოლები იყო!
გუშინ უკრაინის საგარეო მინისტრს დმიტრო კულებას ჰქონდა სატელეფონო საუბარი სახელმწიფო მდივანთან ენტონი ბლინკენთან. განიხილეს ვითარება აფეთქებული ჰეს-ის ირგვლივ; იმსჯელეს ვლნიუსში ნატოს სამიტის შესაძლო გადაწყვეტილებებზე და ბოლოს – აშშ სავარაუდოდ დღეს გამოაცხადებს ახალ, 2 მილიარდიან სამხედრო დახმარებას უკრაინისთვის! ამასობაში ამერიკელმა კონგრესმენებმა მიწერეს პრეზიდენტ ბაიდენს წერილი, რომლითაც ითხოვენ უკრაინისთვის ატაკამსის რაკეტების გადაცემას. მწიფდება საკითხი, მწიფდება! უკრაინის თავდაცვის მინისტრ რეზნიკოვს კარგი არგუმენტი აქვს ამასთან დაკავშირებით: უკრაინამ დაიწყო 1000 კილომეტრზე მოქმედი რაკეტების სამამულო წარმოება, ასე რომ აშშ-ს ადმინისტრაციას აღარ უნდა ჰქონდეს “კომპლექსი”, რომ მაინცდამაინც მის მიერ გადაცემული რაკეტებით მოხდება მტრის პოზიციების შორ მანძილზე, უფრო ზუსტად კი რუსეთის ტერიტორიაზე დაბომბვა. ჩვენითაც შევძლებთ! რა მაგის პასუხია და ბრიტანული შტორმ შედოუს რაკეტები კი გამოდგა მართლაც ძალიან ეფექტური!
უკრაინა გაიმარჯვებს 2023-ში! საქართველო, ამოისუნთქე 2023-ში! პუტლერის ბოროტების იმპერია დაემხობა 2023-ში!
დიდება უკრაინას!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.
ვინაიდან ოპოზიცია კვლავ უუნაროა, მოკლებულია სტაბილურ ფინანსირებასა და მოსახლეობაზე ზემოქმედების ბერკეტებს-შესაძლებლობას, მათ არ შეუძლიათ პოლიტიკურ გარემოზე ზემოქმედება, ხოლო რაიმეს შესაცვლელად ესაჭიროებათ დახმარება, რასაც ახორციელებენ კიდეც მესამე მხარეები (ა.შ.შ. და უკრაინა) და ცდილობენ ოპოზიციის შეგულიანებას, რათა მათ კვლავ გამოიყვანონ ხალხი გარეთ, მარტის აქციების მსგავსად, მაგრამ ესეც, დიდი ენთუზიაზმის გარეშე, მით უმეტეს, ამასთან დაკავშირებით „არასამთავროების“ რიგებშიც აზრთა სხვადასხვაობის ფონზე, – ამის შესახებ სოციალურ ქსელში „ხალხის ძალის“ წევრი, ანალიტიკოსი დავით ქართველიშვილი წერს.
მისი თქმით, არასამთავრობოები საბოლოოდ გადაიქცნენ ანტისამთავრობო სექტორად და ქვეყანაში მასშტაბური აქციების ორგანიზებას ცდილობენ.
„მე მესმის კელი დეგნანის პრობლემები იმ ამოცანათა შესრულების გზაზე, რომელსაც ხელისუფლების „აყირავება“ ჰქვია, რაც დიდი ხანია ტრანსფორმირდა ცნობილი ჰოლივუდური „ბოევიკის“ – Mission Impossible-ს მორიგ ნაწილში. 14 მაისს არასამთავრობო ორგანიზაციების ვიწრო წრესთან (“ISFED“, “საერთაშორისო გამჭვირვალობა“, “სოროსის ფონდი“ და “სი-არ-არ-სი“) მან და “USAID”-ის წარმომადგენელმა გამართეს მორიგი შეხვედრა, სადაც განიხილებოდა სასამართლო სისტემასა და პოლიტიკურ სივრცეში არსებული ვითარება. სწორედ ამ შეხვედრის შემდეგ, 22 მაისის “სერობაზე“, არასამთავრობო ორგანიზაციები მოითხოვდნენ მასშტაბური აქციის გამართვას, რაც შესაძლოა ყოფილიყო სწორედ რომ ა.შ.შ.-ს ელჩის პირდაპირი დავალება.
ანტისამთავრობო სექტორად საბოლოოდ გადაქცეული „არასამთავრობოები“ 22 მაისს სამოქალაქო აქტივისტებთან ერთად გამართულ შეხვედრაზე, რომელსაც ასევე ესწრებოდა დიმიტრი ჩიქოვანი და აკერმანის „შვილობილი“ გიორგი მშვენიერაძე, ლობირებდნენ ძირითადად „ე.ნ.მ.“-ს ინტერესებს, რასაც მოჰყვა მწვავე კამათი, მასშტაბური აქციების ორგანიზებასთან დაკავშირებით. ამ უკანასკნელის წინააღმდეგ გამოვიდნენ ე.წ. სამოქალაქო აქტივისტები, ხოლო „არასამთავრობოების“ ძირითადი ბირთვი პირიქით, მხარს უჭერდა სწორედ რომ მსხვილი აქციების გამართვის შესაძლებლობას.
აღნიშნულ შეხვედრაზე განიხილეს ასევე ოპოზიციური პარტიების გაერთიანების პერსპექტივები, რაც ამ ეტაპზე ასევე Mission Impossible-ს კატეგორიას მიეკუთვნება. ამის ერთ-ერთი ხელისშემშლელი ფაქტორია, სააკაშვილის მოწოდება, რომ „ე.ნ.მ.“-მ არჩევნებში მიიღოს მონაწილეობა დამოუკიდებლად, ხოლო მეორეს მხრივ, დანარჩენი პარტიების ზოგიერთ ნაწილს არ სურთ ნაცებთან გაერთიანება, რის გამოც ელენე ხოშტარია, გიორგი ვაშაძე, ზურა ჯაფარიძე და სხვა პოლიტიკური „აქტორები“ მუშაობენ „ე.ნ.მ.“-ს ალტერნატიული ოპოზიციური ცენტრის შექმნაზე. თუმცა ვერც აქ ხდება შეთანხმება: „აქტორებს“ არ მოსწონთ ერთმანეთი, არ ენდობიან ერთმანეთს, ხოლო გიორგი ვაშაძე და მამუკა ხაზარაძე ვერ უთმობენ ერთმანეთს მომავალი პრემიერ-მინისტრობის პორტფელს.
სწორედ აქ შეიძლება შემოვიყვანოთ კელი დეგნანი, ამჯერად უკვე სულ სხვა, ქართული კინოშედევრის პერსონაჟად: „რა ვქნა, ქვევრის გატეხვა თქვენ არ გინდათ, მე კი ქრისტე-ღმერთი არა ვარ, აქ სასწაულები მოვახდინო – სამჭკუაშვილი ვაარ!“. ვინაიდან ოპოზიცია კვლავ უუნაროა, მოკლებულია სტაბილურ ფინანსირებასა და მოსახლეობაზე ზემოქმედების ბერკეტებს-შესაძლებლობას, მათ არ შეუძლიათ პოლიტიკურ გარემოზე ზემოქმედება, ხოლო რაიმეს შესაცვლელად ესაჭიროებათ დახმარება, რასაც ახორციელებენ კიდეც მესამე მხარეები (ა.შ.შ. და უკრაინა) და ცდილობენ ოპოზიციის შეგულიანებას, რათა მათ კვლავ გამოიყვანონ ხალხი გარეთ, მარტის აქციების მსგავსად, მაგრამ ესეც, დიდი ენთუზიაზმის გარეშე, მით უმეტეს, ამასთან დაკავშირებით „არასამთავროების“ რიგებშიც აზრთა სხვადასხვაობის ფონზე.
ასე რომ, ამ ეტაპზე ოპოზიციურ ჯგუფებს შორის თანხმობა საერთო ბლოკად გაერთიანებაზე მოსალოდნელი არ არის, მეტწილად ველოდებით სამ სხვადასხვა „პროდასავლურ-ოპოზიციურ“ ბლოკს – „ე.ნ.მ.“ თავისი სატელიტი-„პარტიუკებით“; მეორე იქნება ე.წ.“სამეული“ (+შესაძლოა „ლელო“); ხოლო მესამეს სავარაუდოდ ჩამოაყალიბებენ გიორგი გახარიას ირგვლივ, რომელიც წარმოადგენს ა.შ.შ.-ს ერთ-ერთ რჩეულ კანდიდატს (ნელნელა მატულობს ნინო ლომჯარიას, ირაკლი ალასანიას და სხვა აქტორების მედიურობა, რაც მეტყველებს მათ მოსალოდნელ პოლიტიკურ მომავალზე, შესაძლოა სწორედ გახარიას გარშემო).
მნიშვნელოვანია, რომ პოლიტიკური საქმიანობის სრული კოლაფსის ფონზე, ოპოზიციაში მატულობს რადიკალური განწყობები და ისეთი მსხვილი ჯგუფები, როგორიც არის „ე.ნ.მ.“, “გირჩი-მეტი თავისუფლება“ და სხვები მიიჩნევენ, რომ ხელისუფლებას „რევოლუციის“ გარეშე ვერ მოერევიან, რის გამოც ელოდებიან ტრიგერ-ბიძგს, რომლის შექმნაზეც უკვე დიდი ხანია თავის მხრივ ზრუნავენ ა.შ.შ. და უკრაინა. ეს შესაძლოა იყოს ევროკავშირის კანდიდატის სტატუსის (მაღალი ალბათობა) არმინიჭება, ევროვიზალიბერალიზაციის გაუქმება, სააკაშვილის ჯანმრთელობის მკვეთრი გაუარესება ან მათთვის მიუღებელი რაიმე ახალი კანონპროექტი, ხოლო პარალელურად ველოდებით სექტორულ თავდასხმებს: სასამართლოზე, ძალოვან და საარჩევნო სტრუქტურებზე. ამას და ბევრ სხვა ახალ „ასაყირავებელ“ გარემოებას ჩვენ მალევე დავუბრუნდებით“, – წერს ქართველიშვილი.
აშშ-ის ყოფილ პრეზიდენტს, დონალდ ტრამპს საიდუმლო დოკუმენტების უკანონოდ გამოყენებასთან დაკავშირებით იუსტიციის დეპარტამენტში მიმდინარე გამოძიების ფარგლებში ბრალი წაუყენეს.
ტრამპის ადვოკატმა, ჯიმ ტრასტიმ „სიენენს“ დაუდასტურა, რომ ტრამპს ბრალი, სულ მცირე, შვიდი მუხლით წაუყენეს. მათ შორის მართლმსაჯულებისთვის ხელის შეშლისთვის.
აღნიშნულს დონალდ ტრამპი საკუთარ სოციალურ ქსელში Truth Social გამოეხმაურა და ვიდეომიმართვა გაავრცელა. მან ბრალის წაყენებას „ბნელი დღე“ უწოდა და განაცხადა, რომ უდანაშაულოა და ყველაფერს გააკეთებს ამის დასამტკიცებლად.
„უდანაშაულო ვარ და ამას ძალიან, ძალიან მტკიცედ და იმედია, ძალიან სწრაფად დავამტკიცებთ“, – განაცხადა აშშ-ის ყოფილმა პრეზიდენტმა.
როგორც დონალდ ტრამპი აცხადებს, ის მაიამის ფედერალურ სასამართლოში 13 ივნისს უნდა გამოცხადდეს.
ცნობისთვის, გამოძიების ფედერალურმა ბიურომ აშშ-ის ყოფილი პრეზიდენტის სახლის ჩხრეკისას საიდუმლო დოკუმენტები 2022 წლის აგვისტოში ამოიღო. მათგან რამდენიმეს გრიფი „სრულიად საიდუმლო“ ედო. თავად ყოფილი პრეზიდენტი ამტკიცებდა, რომ საქმე პოლიტიკურად მოტივირებული იყო და კონკრეტული ჯგუფების მიზანი 2024 წლის საპრეზიდენტო არჩევნებში მისთვის ხელის შეშლა გახლდათ.
უპასუხისმგებლო ბეცები უნდა ჩაირეცხონ, თუ გვსურს ეს ქვეყანა არ გადაიჩეხოს – ამის შესახებ „ტაბულას“ დამფუძნებელი, თამარ ჩერგოლეიშვილი სოციალურ ქსელში წერს, რითაც ევროპარლამენტში „ნაციონალური მოძრაობის“ წევრის, დეპუტატ ანი წითლიძის სიტყვით გამოსვლას გამოეხმაურა, სადაც მან აღნიშნა, „ჩემი ქვეყანა და ხალხი იმსახურებს კანდიდატის სტატუსს“.
მისი თქმით, ბრეიგელის ცნობილი ნახატია ბედკრული ქართული პოლიტიკა და ეს უპასუხისმგებლო ბეცები უნდა ჩაირეცხონ, თუ გვსურს ეს ქვეყანა არ გადაიჩეხოს
„უარი რომ მივიღოთ სტატუსზე, ანი წითლიძე იტყვის რომ ქართველ ხალხს უთხრეს უარი სტატუსზე? და სამთავრობო პროპაგანდას აჰყვება, რომ ევროპას ქართველი ხალხი არ უნდა და დაუმსახურებლად სჯის? ბელორუსი ხალხი არ იმსახურებს? ბრმებზე გაყოლა გადაგჩეხავთ. გონებრივად ბრმაა ეს ხალხი.
ამიტომ ვართ ასეთ დღეში – ბრეიგელის ცნობილი ნახატია ბედკრული ქართული პოლიტიკა და ეს უპასუხისმგებლო ბეცები უნდა ჩაირეცხონ, თუ გვსურს ეს ქვეყანა არ გადაიჩეხოს “- წერს ჩერგოლეიშვილი.
ოპოზიცია უნდა იყოს კონსოლიდირებული თუ გვინდა დავამარცხოთ რუსული რეჟიმი, ხოლო თუ ამოცანა ერთმანეთის ლანძღვაა, თავისუფლად შეგვიძლია ეს გავაგრძელოთ,- ამის შესახებ „ნაციონალური მოძრაობის“ ფრაქციის თავმჯდომარე თინა ბოკუჩავამ პარტიის ყოფილი თავმჯდომარის, ნიკა მელიას განცხადების კომენტირებისას აღნიშნა.
მისი თქმით, მსგავსი ტიპის განცხადებები მიუღებელია არა მხოლოდ პარტიის წევრებისგან, არამედ სხვა ოპოზიციური პარტიების მხრიდანაც, რადგან ეს არის კონტრპროდუქტიული ოპოზიციისთვის.
„უკვე ხშირად მიწევს ამაზე კომენტირება, მიუხედავად იმისა, რომ გაცხადებული მქონდა, კონტრპროდუქტიულად მიმაჩნია ამ საკითხებზე საუბარი. არ ემსახურება არ მხოლოდ ჩვენი პარტიის, არამედ ქვეყნის საუკეთესო ინტერესს. არ მიმაჩნია სწორად, მუდმივად ვუპასუხო კრიტიკას, რომელიც ისმის ისევ პარტიის წევრების მხრიდან. მეც ბევრჯერ მქონია განსხვავებული აზრი „ერთიან ნაციონალურ მოძრაობაში“. საჯაროდაც მითქვამს, რომ ასზე მეტი წევრი ჰყავდა პოლიტსაბჭოს და მე ვიყავი ერთადერთი, ვინც კენჭისყრაზე განსხვავებული პოზიცია დააფიქსირა. ამით იმის დემონსტრირება მსურს, რომ ამგვარი წინააღმდეგობაც კი მქონია პარტიასთან, მაგალითად, 19 აპრილის შეთანხმებაზე, მაგრამ ეს იყო წინააღმდეგობა და არა მუდმივი დაპირისპირების და ლანძღვის რეჟიმი, რაც არის ჩემთვის მიუღებელი. მაშინ ვთვლი, რომ ეს უნდა გაკეთდეს პარტიის მიღმა. პარტიის შიგნით მსგავსი ტიპის განცხადებები არის მიუღებელი, თუმცაღა, აქაც დავამატებდი, რომ ასეთი განცხადებები სხვა ოპოზიციური პარტიის მხრიდანაც მიუღებლად მიმაჩნია, რადგან ოპოზიცია უნდა იყოს მაქსიმალურად კონსოლიდირებული და მაქსიმალურად ერთიანი, თუ გვინდა მივაღწიოთ საერთო მიზანს და დავამარცხოთ რუსული რეჟიმი, ხოლო თუ ჩვენი ამოცანა ერთმანეთის ლანძღვაა, მაშინ თავისუფლად შეგვიძლია ეს გავაგრძელოთ,“ – განაცხადა ბოკუჩავამ.
ინფორმაციისთვის, „ერთიანი ნაციონალური მოძრაობის” ყოფილმა თავმჯდომარე ნიკა მელიამ განაცხადა, რომ ის ებრძვის არა მერაბიშვილსა და კეზერაშვილს, არამედ ყველაფერს იმას, რასაც ისინი განასახიერებენ. მისი თქმით, 2012 წელს “ნაციონალურ მოძრაობას” ამომრჩეველმა უარი უთხრა არა მშენებლობისთვის, აღმშენებლობისთვის, პოზიტიური რეფორმებისთვის, არამედ ძალმომრეობის გამო.
„ბიზნესის რეკეტის გამო, მურუსიძეების გამო და დღეს რას ვხედავთ?! ზუსტად ის ადამიანები, ვინც შობა მურუსიძე, ჩინჩალაძე, მართავენ პროცესებს,“ – განაცხადა მელიამ „მთავარი არხის“ ეთერში.
ეროვნული საკითხების გარშემო არანაირი პოლარიზაცია არ არსებობს – როდესაც ამის საჭიროება დგება, ჩვენ ერთნი ვართ, როგორც არასოდეს. უბრალოდ, საზოგადოების მნიშვნელოვანი ნაწილი ხედავს, რომ ბევრი რამ განაცრისფრდა ოპოზიციასა და ხელისუფლებას შორის, კონტრასტულ სხვაობას ვერ ვაჩვენებთ… ყველამ გაიგო როგორიც არის “ქართული ოცნება”, მაგრამ თუ შენ ამტკიცებ, რომ სიმართლე შენს მხარესაა და გინდა, ხალხი გამოგყვეს, უნდა განსხვავდებოდე მათგან. – ამის შესახებ პარტია “ნაციონალური მოძრაობის” ყოფილმა თავმჯდომარემ, ნიკა მელიამ გადაცემაში “ღამის მთავარი” განაცხადა.
“უნდა შევთანხმდეთ, რას ვტოვებთ წარსულში, რას ვტოვებთ აწმყოში და რითი მივდივართ მომავალში…
ამ პარტიის პოზიტიური ფაქტორი მიხეილ სააკაშვილია, მაგრამ სერიოზულად ნეგატიური ფაქტორები არიან წარსულის ის აჩრდილები, რომლებიც ჩრდილიდან მართავენ ამ პარტიას. მე მერაბიშვილ-კეზერაშვილს არ ვებრძვი, არამედ იმას, რასაც ისინი განასახიერებენ – კონტრასტულ სხვაობაზე ვსაუბრობ “ქართულ ოცნებასა” და ოპოზიციას შორის და ენმ-ის ამომრჩევლებმა ძალიან კარგად იციან, რომ 2012 წელს ენმ-ს უარი ძალმომრეობის გამო უთხრეს. 2023 წელს ვხედავთ ზუსტად იმ ადამიანებს, ვინც შობა მურუსიძე და ჩინჩალაძე – დღეს ისინი მართავენ პროცესებს.” – განაცხადა ნიკა მელიამ.
ბათუმის სტადიონმა, მაიამიში გამართულ FIABCI-ის მსოფლიო კონგრესზე, უძრავი ქონების ოსკარი მოიპოვა.
ამის შესახებ ინფორმაციას აჭარის ავტონომიური რესპუბლიკის მთავრობა ავრცელებს.
მათივე ცნობით, უძრავი ქონების ოსკარის მასშტაბურ ღონისძიებას აჭარის მთავრობის თავმჯდომარე, თორნიკე რიჟვაძე დაესწრო და დაჯილდოების ცერემონიაში მონაწილეობა მიიღო.
„ქალაქ მაიამიში FIABCI World Prix d’Excellence Awards 2023 დაჯილდოება გაიმართა. უძრავი ქონების ოსკარის მასშტაბურ ღონისძიებას აჭარის მთავრობის თავმჯდომარე, თორნიკე რიჟვაძე დაესწრო და დაჯილდოების ცერემონიაში მონაწილეობა მიიღო.
ბათუმის „აჭარაბეთ არენა“ FIABCI-ის დაჯილდოებაზე მსოფლიო საუკეთესო საჯარო ინფრასტრუქტურის ნომინაციაზე წარდგენილი იყო, სადაც სტადიონმა მსოფლიო კონგრესის გადაწყვეტილებით, საერთაშორისო ჯილდო და აღიარება მოიპოვა.
FIABCI მასშტაბურ ღონისძიებაზე მსოფლიოს ათასობით წარმატებული კომპანია და 70-ზე მეტი ქვეყანა მონაწილეობდა.
მაიამი FIABCI-ის უძრავი ქონების 73-ე მსოფლიო კონგრესს და FIABCI მსოფლიო დაჯილდოების მასპინძლობდა, სადაც ბათუმის სტადიონმა უძრავი ქონების ოსკარი მოიპოვა“, – ნათქვამია გავრცელებულ ინფორმაციაში.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
