ჯანდაცვის სამინისტრო ინფორმაციას ავრცელებს

15:43 - 23/07/2023

ონკოლოგიური დაავადებების მქონე 18 წლამდე ბავშვების უცხოეთის კლინიკებში მკურნალობისთვის განაცხადების მიღება ჯანდაცვის სამინისტროში ხვალიდან დაიწყება.

საჭიროა ბავშვის ჯანმრთელობის მდგომარეობის დამადასტურებელ დოკუმენტი, ფორმა ასი, რომელიც უნდა იყოს ინგლისურ ენაზე ნათარგმნი, ასევე ნოტარიულად დამოწმებული ნებისმიერი დიაგნოსტიკური, ლაბორატორიული კვლევები, პირადობის დამადასტურებელი დოკუმენტი როგორც ბავშვის, ისე განმცხადებლის.

დოკუმენტების ჩაბარების შემდეგ, განმცხადებელს დაუკავშირდებიან „სოლიდარობის ფონდის“ წარმომადგენლები და დეტალურ ინფორმაციას მიაწოდებენ ბავშვთა ონკოლოგიის პროგრამასთან დაკავშირებით.

„ვაგნერის“ მებრძოლები პოლონეთში „ექსკურსიაზე“ წასვლას მთხოვენ” – ლუკაშენკო

14:41 - 23/07/2023

რუსეთის პრეზიდენტ ვლადიმერ პუტინთან შეხვედრისას ბელარუსის პრეზიდენტმა, ალექსანდრ ლუკაშენკომ განაცხადა, რომ „ვაგნერის“ მებრძოლები მას პოლონეთში „ექსკურსიაზე“ წასვლას სთხოვენ.

მისი თქმით, „ვაგნერელები“ მათ „ძაბავენ“, რადგან დასავლეთით „ექსკურსიაზე“ წასვლა სურთ.

„შეიძლება, არ უნდა მეთქვა, მაგრამ ვიტყვი. „ვაგნერელებმა“ ჩვენი დაძაბვა დაიწყეს. „დასავლეთით გვინდა. ნება დაგვრთეთ“. ვეუბნები, რა გინდათ დასავლეთში? „ვარშავაში, ჟეშუვში ექსკურსიაზე წასვლა“, – აღნიშნა ლუკაშენკომ პუტინთან შეხვედრისას.

ლუკაშენკოს თქმით, შეთანხმების თანახმად, მას კერძო სამხედრო დაჯგუფება „ვაგნერის“ მებრძოლები ბელარუსის ცენტრალურ ნაწილში ჰყავს განთავსებული და მათი დასავლეთში გადაყვანა არ სურს.

„როგორც შევთანხმდით, მე ისინი მყავს ბელარუსის ცენტრში, არ მინდა მათი იქ გადაყვანა, რადგან ცუდი განწყობები აქვთ. უნდა აღნიშნოს, რომ მათ იციან, რა ხდება სამოკავშირეო სახელმწიფოს გარშემო“, – განაცხადა ბელარუსის ლიდერმა.

რუსული მედიის ცნობით, ლუკაშენკომ პუტინთან შეხვედრაზე მიიტანა რუკა, სადაც თითქოსდა ასახულია პოლონეთის სამხედრო დანაყოფების ბელარუსის საზღვრებთან განთავსება. ლუკაშენკოს მტკიცებით, პოლონეთის შეიარაღებული ძალები ბრესტთან და გროდნოსთან არიან დისლოცირებული.

გარემოს ეროვნული სააგენტო მოსახლეობას აფრთხილებს

14:28 - 23/07/2023

გარემოს ეროვნული სააგენტო უახლოეს დღეებში მოსალოდნელი ამინდის პროგნოზს ავრცელებს.

„24 ივლისს დღის ბოლოდან 26 ივლისამდე საქართველოში მოსალოდნელია წვიმა ელჭექით, ზოგან ძლიერი, აღმოსავლეთ საქართველოში ზოგან სეტყვა და ქარის გაძლიერება.

მოსალოდნელმა წვიმებმა საქართველოს პატარა მდინარეებზე შესაძლებელია წყლმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აღნიშნულია ინფორმაციაში.

,,არის არჩევანი – უბედურება თუ წესიერი ცხოვრება”- მეუფე იაკობი

14:22 - 23/07/2023

მეუფე იაკობის თქმით, წლებია მიხეილ სააკაშვილი ქართულ სახელმწიფოს ებრძვის, თუმცა რაც არ უნდა გააკეთოს, მისი ყველა მცდელობა, დამარცხებისთვის არის განწირული. ამის შესახებ მან ბოდბეში, საკვირაო წირვის დასრულების შემდეგ, ქადაგებისას განაცხადა. მეუფე იხსენებს 2012 წლის არჩევნებს, როდესაც მისი თქმით, ყოფილი ხელისუფლება ხალხმა გააძევა და არჩევანი არა ძალადობაზე და სისხლიან რეჟიმზე, არამედ მშვიდობაზე გააკეთა.

„შუქურა სააკაშვილმა, იცით როგორც დაამთავრა. 2007 წლიდან 16 წელია ჩვენს სახელმწიფოს ებრძვის, მაგრამ რაც არ უნდა გააკეთონ არ გამოუვათ, რაც არ უნდა უცხოეთიდან შეგვიტიონ ჩვენ არავის არ მივცეთ უფლებას რომელი ქვეყნიდანაც არ უნდა იყვნენ, თავიანთ ჭკუაზე გვატაროს ჩვენი ერი. ჩვენ ვიცით მსოფლიო საზოგადოებასთან ერთად აუცილებელია თანაცხოვრება, მაგრამ ჩვენს ღირსებას არ შევალახვინებთ არავის და არც ჩვენ არ შევეხებით ჩვენს ღირსებას. 2012 წელს აუცილებელი ცვლილებების პერიოდი დადგა და ესენი არჩევნებით არ წასულან, არჩევნებში გაიმარჯვა ხალხმა. გახსოვთ როგორი ძალადობა იყო. იძულებულები გახდნენ იმიტომ, რომ თუ არ წავიდოდნენ, სისხლიანი ის წავიდოდა და მათი მხარდამჭერი არავინ იქნებოდა. კიდევ კარგი ქართველებმა 90-იან წლებში ჭკუა ვისწავლეთ და ერთმანეთს იარაღით აღარ ვებრძვით. ჩვენ არ ვდგავართ არჩევანის წინაში ცუდი თუ უარესი. არის არჩევანი – უბედურება თუ წესიერი ცხოვრება. ცუდის არჩევა თუ კარგისკენ სწრაფვა“, – განაცხადა მეუფე იაკობმა .

,,რა საცოდავები არიან, როგორი მძიმე სამუშაო აქვთ”- ნინო ფოჩხუა

14:11 - 23/07/2023

ბიძინა ივანიშვილის ქონების დევნას, თვლასა და რჩევების მიცემაში თუ სად და როგორ განათავსოს თავისი ქონება, ბლექ-ნოდარას და მისი „გამომძიებელ ჟუუუურნალისტთა“ ჯგუფის ახალგაზრდული წლები გავიდა, დაბერდნენ თვალსა და ხელს შუა, – ასე ეხმიანება ექსპერტი ნინო ფოჩხუა „ნოდარ მელაძის შაბათის“ ეთერში გასულ სიუჟეტს, სადაც საუბარია ბიძინა ივანიშვილის შვილის, ბერა ივანიშვილის ქონების გარეშე დატოვების შესახებ.

ფოჩხუას თქმით, ოპოზიციური არხების ჟურნალისტები ჩასაფრებულები არიან თუ როდის გაასხვისებს ივანიშვილი საკუთარ ქონებას.

„ბიძინა ივანიშვილის ქონების დევნას, თვლასა და რჩევების მიცემაში თუ სად და როგორ განათავსოს თავისი ქონება,
ბლექ-ნოდარას და მისი „გამომძიებელ ჟუუუურნალისტთა“ ჯგუფის ახალგაზრდული წლები გავიდა, დაბერდნენ თვალსა და ხელს შუა.

ე.ი. წარმოიდგინეთ, ათენებენ და აღამებენ რეესტრის საიტზე, სულ წამებში აქვთ დათვლილი, როდის, რომელ საათზე გაასხვისა ივანიშვილების ოჯახმა საკუთარი ქონება.

რა საცოდავები არიან, როგორი მძიმე სამუშაო აქვთ. ესეც ივანიშვილების კართან ატუზული უკვე დაბერებული (რეალტვ-ში ფეხადგმული) ბლექ-ნოდარას ჟუუურნალისტი“, – წერს ნინო ფოჩხუა Facebook-ზე.

,,რა მძიმე განაჩენია ნებისმიერი ნაცვასალი „ჟურნალისტისთვის”- აბაშიძე

14:06 - 23/07/2023

ანალიტიკოსი გია აბაშიძე, ბიძინა ივანიშვილის შესახებ ერთ-ერთ ოპოზიციურ არხზე გასულ სიუჟეტს ეხმაურება, სადაც საუბარია, რომ „ბერა ქონების გარეშე დატოვეს”.

აბაშიძის თქმით, ივანიშვილისა და მისი ოჯახის შესახებ მსგავსი სიყალბის გამავრცელებელი დესტრუქციული აქტორები ვერაფერს მიაღწევენ.

“რა მძიმე განაჩენია ნებისმიერი ნაცვასალი “ჟურნალისტისთვის” – დაბერდე ე.წ. პროფესიაში, ვერაფერს მიაღწიო ბოროტი სიყალბით და ხალხმა მოგიძულოს. უვიცობაზე, მენტალურ გოიმობაზე აღარ მაქვს აქცენტი. ბიძინა ივანიშვილმა “ცა გადაკეტა”, “ზღვა დააშრო”, ახლა კი “შვილები დატოვა ულუკმაპუროდ”. წესით, კელი დეგნანისთვის და მისნაირი დესტრუქციული აქტორებისთვის უკიდურესი იმედგაცრუება უნდა იყოს, რომ გადის წლები და სექტის ჟურნალისტები გამოუსწორებელ უწიგნურებად რჩებიან”, – წერს გია აბაშიძე სოციალურ ქსელში.

იტალია ბავშვების დაბადების მოწმობებიდან ლესბოსელი დედების სახელების ამოღებას იწყებს

13:10 - 23/07/2023

იტალიის პრემიერ-მინისტრ ჯორჯა მელონის მთავრობის მიერ მიღებული ახალი კანონის მიხედვით, ჩრდილოეთ იტალიაში მდებარე ქალაქ პადუაში შვილების დაბადების მოწმობიდან არაბიოლოგიური ლესბოსელი დედების სახელებს დაბადების მოწმობიდან ამოიღებენ. ამის შესახებ უცხოური მედია იტყობინება.

საუბარია იტალიელი ქალების 33 ბავშვის დაბადების მოწმობაზე, რომლებმაც ხელოვნური განაყოფიერება საზღვარგარეთ ჩაიტარეს, ხოლო შემდგომ თავიანთი შვილები პადუას მემარცხენე-ცენტრისტული მთავრობის სერჯო ჯორდანის ხელმძღვანელობის დროს დაარეგისტრირეს.

როგორც CNN პროკურორებზე დაყრდნობით იტყობინება, 20 ივლისის მდგომარეობით 27 დედის სახელი ამოიღეს დაბადების მოწმობიდან.

„როდესაც იტალიის პრემიერ-მინისტრი ჯორჯა მელონი ქვეყნის ხელისუფლებაში მოვიდა პირობა დადო, რომ დაბადების მოწმობიდან ამოიღებდა „დედა“-ს და „მამა“-ს, მაგრამ მან დაპირება არ შეასრულა, ნაცვლად ამისა კი, მისმა მთავრობამ ადგილობრივ ხელისუფლებას უბრძანა, შეეწყვიტათ ერთი და იმავე სქესის მქონე მშობლების ბავშვების რეგისტრაცია ორივე მშობლის სახელით. ახლა კი დაბადების მოწმობაში შეიძლება მხოლოდ ბიოლოგიური მშობლის აღნიშვნა“, – წერს მედიასაშუალება.

არატრადიციული გაერთიანებებისა და ორიენტაციების მხარდამჭერები აქტიურად ეწინააღმდეგებიან იტალიის ხელისუფლების ქმედებებს, ხოლო თავად იტალიის პრემიერს „ფაშისტს“ უწოდებენ.

„სუროგაცია იტალიაში არალეგალურია და გეი ქორწინება ლეგალიზებული არ არის. იმის გამო, რომ ერთი და იმავე სქესის მქონე წყვილების ურთიერთობები არ არის აღიარებული კანონით, არაბიოლოგიურმა მშობელმა შვილად აყვანისთვის მთავრობას უნდა მიმართოს.

პადუა პირველი ქალაქია იტალიაში, რომელმაც დაბადების მოწმობები გააუქმა, უფლებადამცველი ჯგუფები შეშფოთებულნი არიან, რომ სხვა რეგიონებიც, იგივე გადაწყვეტილებებს მიიღებენ“, – წერს მედიასაშუალება.

ბელარუსის პრეზიდენტი სანქტ-პეტერბურგში ჩავიდა

12:48 - 23/07/2023

59e06c730909e7c54806ff4b941d86fe — Лукашенко прибыл в Санкт-Петербург, где встретится с Путиным Президент Беларуси Александр Лукашенко прибыл с рабочим визитом в Российскую Федерацию. В Санкт-Петербурге состоится встреча с Президентом России Владимиром Путиным, в ходе которой главы государств обсудят развитие сотрудничества в различных сферах, международную проблематику. На снимке: Александр Лукашенко прибыл в Санкт-Петербург. Фото Андрея Стасевича, БЕЛТА.

რუსეთის პრეზიდენტი, ვლადიმერ პუტინი დღეს ბელარუს კოლეგას, ალექსანდრე ლუკაშენკოს შეხვდება.

მედიის ინფორმაციით, შეხვედრა სანქტ-პეტერბურგში გაიმართება.

ორი დღის წინ, ვლადიმერ პუტინმა უშიშროების საბჭოს მუდმივ წევრებთან შეხვედრაზე განაცხადა, რომ პოლონეთის ლიდერებს, სავარაუდოდ, “ნატოს ქოლგის” ქვეშ რაიმე სახის კოალიციის შექმნის იმედი აქვთ, რათა უშუალოდ ჩაერიონ უკრაინის კონფლიქტში და თავისთვის უკრაინის კარგი ნაწილი მიიტაცონ.

პუტინის მტკიცებით, ისინი ბელარუსის მიწებზეც ოცნებობენ.

რუსეთის პრეზიდენტის განცხადებით, უკრაინის რეჟიმის პოლიტიკა მათი საქმეა და რუსეთი არ ჩაერევა. რაც შეეხება ბელარუსს, ის საკავშირო სახელმწიფოს ნაწილია და მის წინააღმდეგ აგრესია ნიშნავს რუსეთის ფედერაციის წინააღმდეგ აგრესიას.

„ჩვენ ვუპასუხებთ ჩვენს ხელთ არსებული ყველა საშუალებით“, – აღნიშნა პუტინმა.

ბათუმში, სასტუმროს 22-ე სართულიდან მოქალაქე გადმოვარდა

12:16 - 23/07/2023

ბათუმში, “ორბი სითის” 22-ე სართულიდან უცხო ქვეყნის მოქალაქე გადმოვარდა.

შემთხვევა დღეს, 23 ივლისს გამთენიისას მოხდა. სასტუმრო კომპლექსის ადმინისტრაცია ფაქტს ადასტურებს, თუმცა კომენტარს არ აკეთებს.

სამართალდამცავები შემთხვევის ადგილას მუშაობდნენ. გავრცელებული ინფორმაციით, კაცი სასტუმრო ნომერში კიდევ ერთ პირთან ერთად იმყოფებოდა.

მომხდარზე გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

პრემიერი ოფიციალური ვიზიტით ხორვატიაში გაემგზავრა

12:08 - 23/07/2023

საქართველოს პრემიერ-მინისტრი ირაკლი ღარიბაშვილი ოფიციალური ვიზიტით ხორვატიის რესპუბლიკაში გაემგზავრა.

ვიზიტის ფარგლებში პრემიერ-მინისტრი მაღალი დონის ორმხრივ შეხვედრებს გამართავს. ასევე, ირაკლი ღარიბაშვილი ხორვატიის რესპუბლიკაში საქართველოს საელჩოს გახსნის ღონისძიებას დაესწრება.

საქართველოს დელეგაციის შემადგენლობაში, რომელსაც პრემიერ-მინისტრი ირაკლი ღარიბაშვილი ხელმძღვანელობს, საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი რევაზ ჯაველიძე არიან.

,, ჩვენ შეგვიძლია დავძლიოთ უსაფრთხოების კრიზისი შავ ზღვაში” – ზელენსკი

11:52 - 23/07/2023

შავ ზღვაში არსებულ ვითარებასთან დაკავშირებით კიევი ნატო უკრაინას საბჭოს მოწვევის წინადადებით გამოვიდა, – ამის შესახებ უკრაინის პრეზიდენტმა ვოლოდიმირ ზელენსკიმ ღამის ტრადიციულ ვიდეომიმართვაში განაცხადა.

მისივე თქმით, საბჭოს სხდომა სავარაუდოდ უახლოეს დღეებში შედგება.

„ბატონ სტოლტენბერგთან მარცვლეული დერეფნის განბლოკვისთვისა და მყარი მუშაობისთვის ჩვენი ნაბიჯები განვიხილეთ. ჩვენს თანამშრომლობაში ახალ, უმაღლეს დონეზე გადავედით – „უკრაინა-ნატოს” საბჭოს დონეზე. და ამ მექანიზმმა შესაძლოა იმუშაოს. იენსს [სტოლტენბერგს] წინადადებით მივმართე დაუყოვნებლივ მოვიწვიოთ ასეთი საბჭო შესაბამისი კრიზისული კონსულტაციებისთვის. უახლოეს დღეებში შეხვედრა შედგება“, – განაცხადა ზელენსკიმ.“, – განაცხადა ზელენსკიმ.

,,ყველაფერი გააკეთეს, რომ საქართველოს ევროპული მომავლისთვის ძირი გამოეთხარათ”- თალაკვაძე

10:44 - 23/07/2023

საპარლამენტო უმრავლესობის წევრმა, არჩილ თალაკვაძემ საქართველოს პირველი არხის გადაცემის „აქტუალური შაბათი – მაკა ცინცაძესთან ერთად“ წამყვანის შეკითხვას უპასუხა, თუ რა მიზანს ემსახურება საბოლოოდ ის კამპანია, რომელსაც უკრაინის მაღალჩინოსნები აწარმოებენ სააკაშვილთან დაკავშირებით. კერძოდ, სააკაშვილის გათავისუფლების საერთაშორისო მოძრაობა- მცდელობა, რომ მსჯავრდებულის სახელს დაუკავშირდეს ევროინტეგრაციის პროცესი და ერთმნიშვნელოვნად შეფერხდეს ეს პროცესი.

„ნაციონალური მოძრაობა“ და სააკაშვილი უკავშირდება თუ არა საქართველოს ევროპულ მომავალს?!- ამას რომ ვუპასუხოთ, ძალიან მოკლედ უნდა ავხსნათ ევროპა რას ნიშნავს. ევროპა ნიშნავს, როცა ადამიანის უფლებები დაცულია. ევროპა ნიშნავს, როდესაც მედია თავისუფალია და არ აკონტროლებს კონკრეტული ჩინოვნიკი და მთავარ პროდიუსერად არ ჰყავს მთავრობას დანიშნული. ევროპა ნიშნავს, როდესაც შენი საკუთრება დაცულია, ვერავინ ვერ დაგიძახებს ღამე და ვერ გაჩუქებინებს პროკურატურაში. ევროპა ნიშნავს, როდესაც ოჯახის წევრმა იცის, რომ მისი წევრი პატიმრობაშია, ციხის კარებთან არ უნდა ელოდებოდეს ყოველდღე, ხომ არ მოკლავენ ამ ადამიანს ცემით და წამებით.

ევროპა ნიშნავს, როდესაც შენ აზრის გამოხატვისთვის არ გიკეტავენ ქუჩიდან ყველა გასასვლელს, უმოწყალოდ არ გცემენ და არ გკლავენ, რამდენი აქცია გვახსოვს ხომ ასეთი, როცა ჩაუკეტეს ადამიანებს გასასვლელი, არც კი გააფრთხილეს, დაარბიეს, ხალხი გარდაიცვალა ამ აქციებზე. ევროპა ნიშნავს, როდესაც სასამართლოს პრეზიდენტი კი არ აძლევს დავალებებს, შენ ასე მოიქეცი და ისე მოიქეცი, დღეს რომ არის მომართვები, პრეზიდენტმა შეცვალოს მართლმსაჯულებაო, ეს თავისთავად არასწორი მომართვაა ხომ?! ევროპა არის, როდესაც არჩევნებს წააგებ თუ მოიგებ, როცა გეტყვის დამკვირვებელი, რომ ეს არის დემოკრატიული არჩევნები უნდა აღიარო შედეგები. ანუ, ისეთ არჩევნებს კი არ უნდა ითხოვდე რომ თუ მე მოვიგებ მაშინ კარგია, თუ წავაგებ უსამართლოა და გაყალბებულია. ეს არის ამ ხალხის ლოგიკა. ახლა თქვენ ამიხსენით ამ ადამიანებს როგორ შეიძლება ევროპულ მომავალთან დავუსვათ ტოლობის ნიშანი.

ხალხი, რომელმაც ეს ყველაფერი გააკეთა საქართველოში, დაწყებული ადამიანის უფლებებიდან დამთავრებული საკუთრებით. ევროპა დაასამარეს ამ ადამიანებმა, ამ პარტიამ და მათმა ლიდერმა. ამის გარდა, ყველაფერი გააკეთეს იმისათვის, რომ საქართველოს ევროპული მომავლისთვის ძირი გამოეთხარათ. ამ ყველაფერს აკეთებდნენ ევროპის სახელით, რაც ასევე ამორალურია და რამაც ევროპული იდეა საქართველოში სერიოზულად დააზიანა სამწუხაროდ თავის დროზე“- აღნიშნა თალაკვაძემ.

თალაკვაძის თქმით, რაც „ნაციონალური მოძრაობის“ მმართველობის პერიოდში ხდებოდა, „ქართული ოცნების“ ხელისუფლების პირობებში შეიცვალა. მისივე თქმით, ვერ ნახავთ, რომ ბიზნესმენები ღამე პროკურატურაში მიდიოდნენ და ბიზნესჩუქნიდნენ ვინმეს. ვერ ნახავთ რომ პატიმრებს ციხეში აწამებდნენ, ეს აღარ არის, ეს ჩვენ შევცვალეთ.

„რაც თვითონ გააკეთეს იმას გვაბრალებენ ჩვენ. სინამდვილეში, ჩვენი ხელისუფლების პირობებში რა მოხდა, ხომ ვხედავთ ყველა დეპუტატი, 4 მიკროფონი რომ მაუწყებლობდა, დღეს 20 მიკრიფონია წარმოდგენილი, 20 ტელევიზია და ეს ასეც უნდა იყოს. დღეს ვერ ნახავთ, რომ ბიზნესმენები ღამე პროკურატურაში მიდიოდნენ და ბიზნეს ჩუქნიდნენ ვინმეს, ან იჭერდნენ ადამიანებს და გამოსასყიდებს სთხოვდნენ, ან შვილებს უჭერდნენ. ვერ ნახავთ რომ პატიმრებს ციხეში აწამებდნენ და მშობლები გარეთ ელოდებოდნენ, ეს აღარ არის, ეს ჩვენ შევცვალეთ.

არჩევნებიც ობიექტურად ჩავატარეთ, მიგვითითეს შენიშვნებზე, ელექტრონული მთვლელებიც დავნერგეთ, მაგრამ სად იყო ეს ხალხი, არ მოვიდნენ არჩევნებზე არცერთი, ერთი კანდიდატიც არ დააყენეს შუალედურ არჩევნებზე. როგორც კი ნახეს, მანიპულაციის შანსი აღარ იყო, საერთოდ აღარ მოვიდნენ არჩევნებზე, დახიეს მანდატები, კანდიდატები სადღაც დამალეს, მანამდე ძალიან დიდ გულზე იყვნენ, ოცნებას დავამარცხებთო, მაგრამ შუალედურ არჩევნებში არ გამოჩენილან და ვნახოთ, შემდეგი 2024 წლის საპარლამენტო არჩევნებია,“- განაცხადა არჩილ თალაკვაძემ.

1...1,8371,8381,839...2,313 Page 1,838 of 2,313