უკრაინის დასავლურ დახმარებასთან დაკავშირებული პრობლემების ფონზე, ჯო ბაიდენის ადმინისტრაცია და ევროპელი ოფიციალური პირები ჩუმად ცვლიან უკრაინის მხარდაჭერის სტრატეგიას და უბიძგებენ უკრაინას რუსეთის ფედერაციასთან მოლაპარაკებისკენ.

როგორც თეთრი სახლის ოფიციალურმა წარმომადგენელმა და ვაშინგტონში მომუშავე ევროპელმა დიპლომატმა განუცხადა Politico-ს ანონიმურობის პირობით, ასეთი სამშვიდობო მოლაპარაკებები, სავარაუდოდ, უკრაინის ტერიტორიის ნაწილის რუსეთისთვის გადაცემას ნიშნავს.

სტატიაში აღნიშნულია, რომ თეთრი სახლი და პენტაგონი კვლავ საჯაროდ ამტკიცებენ რუსული არმიის უკრაინიდან სრულად განდევნის აუცილებლობას, მაგრამ ფარულად განიხილავენ კიევთან სტრატეგიულ თავდაცვაზე გადასვლის აუცილებლობას, ტერიტორიების განთავისუფლების მცდელობების მიტოვებას. ეს ძალისხმევა ასევე მოიცავს საჰაერო თავდაცვის გაძლიერებას და თავდაცვითი სიმაგრეების მშენებლობას.

გარდა ამისა, ბაიდენის ადმინისტრაცია ორიენტირებულია უკრაინის თავდაცვის ინდუსტრიის სწრაფ აღორძინებაზე.

„სავარაუდოა, რომ თავდაცვითი პოზაზე გადასვლა უკრაინელებს საშუალებას მისცემს შეინარჩუნონ რესურსები, ხოლო რუსეთის მომავალი წინსვლა ნაკლებად სავარაუდოა“, – აღნიშნა  აშშ-ის არმიის ომის კოლეჯის დაზვერვის ექსპერტმა.

ვაშინგტონში მცხოვრებმა ევროპელმა დიპლომატმა განაცხადა, რომ ევროკავშირს, ასევე, სურს დააჩქაროს უკრაინის ნატოში გაწევრიანება, რათა „უკრაინა საუკეთესო პოზიციაში დააყენოს მოსკოვთან მოლაპარაკებისთვის“.

სტრატეგიული სიტუაციის გათვალისწინებით, Politico აღნიშნავს, რომ „თავად უკრაინელები აწარმოებენ საჯარო დებატებს იმის შესახებ, თუ რამდენ ხანს შეუძლიათ წინააღმდეგობა გაუწიონ პუტინს“.

ტერიტორიის დაბრუნება არასწორი გზაა უკრაინისათვის საუკეთესო შედეგის წარმოსადგენად – უკრაინის ნამდვილი გამარჯვება ომის ჯოჯოხეთიდან ამოსვლაა, როგორც ძლიერი, დამოუკიდებელი, აყვავებული და უსაფრთხო სახელმწიფო, – წერს სერჟ შმემანი, გაზეთ The New York Times-ის სარედაქციო კოლეგიის წევრი სტატიაში სათაურით უკრაინას არ სჭირდება მთელი თავისი ტერიტორია პუტინის დასამარცხებლად.

“გაზეთ The New York Times-ის ინფორმაცია იმის შესახებ, რომ რუსეთი ჩუმად მიუთითებს მზადყოფნაზე უკრაინაში ომის გაყინვისთვის, საეჭვო და მაპროვოცირებელიც არის. ბევრი გამაფრთხილებელი მომენტია: ზავი ვლადიმირ პუტინის კონტროლის ქვეშ უკრაინის ტერიტორიის დაახლოებით 1/5-ს მოაქცევს. პუტინი არ არის სანდო. მას შეუძლია გამოიყენოს ხანგრძლივი მოლაპარაკებები თავისი ძალების გასაძლიერებლად განახლებული შეტევისთვის, ან დასავლელი კანონმდებლების დასამშვიდებლად უკრაინისთვის დახმარების შემცირების მიზნით. მაგრამ თუ აღმოჩნდება, რომ პუტინი სერიოზულად ეკიდება ამ საკითხს, უკრაინამ არ უნდა გაუშვას შესაძლებლობა, დაასრულოს სისხლისღვრა. დაბრუნებული ტერიტორია ამ ომში გამარჯვების ერთადერთი საზომი არ არის”, – წერს სტატიის ავტორი.

სტატიაში ხაზგასმით აღნიშნულია, რომ ფრონტი ფიტავს უკრაინის რესურსებსა და ადამიანურ რესურსს, უახლოეს მომავალში ცვლილებების დიდი პერსპექტივის გარეშე.

“მაგრამ ტერიტორიის დაბრუნება არასწორი გზაა [უკრაინისათვის] საუკეთესო შედეგის წარმოსადგენად. უკრაინის ნამდვილი გამარჯვება ომის ჯოჯოხეთიდან ამოსვლაა, როგორც ძლიერი, დამოუკიდებელი, აყვავებული და უსაფრთხო სახელმწიფო, რომელიც მტკიცედ არის ინტეგრირებული დასავლეთში. ეს იქნებოდა ზუსტად ის, რისიც პუტინს ყველაზე მეტად ეშინია”, – ნათქვამია სტატიაში.

სტატიის ავტორი წერს, რომ გასაგები მიზეზების გამო, ზავის შესახებ ნებისმიერი საუბარი რთულია ვოლოდიმირ ზელენსკისთვის.

“მისთვის ძალზე მტკივნეული და პოლიტიკურად ძალიან რთული იქნება ბრძოლის შეწყვეტა რუსეთის დასჯის გარეშე და ამდენი უკრაინული მიწის რუსეთის კონტროლის ქვეშ დატოვება. […] მაგრამ ზავის საკითხის შესწავლა არ ნიშნავს განზე გასვლას. პირიქით, ბრძოლა უნდა გაგრძელდეს, მაშინაც კი, როდესაც მოლაპარაკებები დაიწყება, რუსეთზე სამხედრო და ეკონომიკური ზეწოლის შესანარჩუნებლად. […] ბრძოლის შეწყვეტა არ არის პუტინისთვის გამარჯვების მინიჭება. უკრაინა და მსოფლიოს დიდი ნაწილი არ მიიღებს რუსეთის მიერ უკრაინის რომელიმე ტერიტორიის ანექსიას”, – ნათქვამია სტატიაში.

სტატიის ავტორი აღნიშნავს, რომ “გასაგებია, რომ ჩიხში შესულ სამხედრო ოპერაციაში გაუთავებელი რესურსების ჩადების პერსპექტივა წინააღმდეგობას გამოიწვევს. სკეპტიკოსებს გაუჭირდებათ დამატებითი დახმარების ეჭვქვეშ დაყენება, თუ იქნება ბრძოლის შეწყვეტის პერსპექტივა და უკრაინის აღდგენაზე გადასვლა”.

ისრაელის პრემიერ-მინისტრმა, ბენიამინ ნეთანიაჰუმ თურქეთის პრეზიდენტს, რეჯეფ თაიფ ერდოღანს უპასუხა, რომელმაც განაცხადა, რომ ღაზაში „ჰამასის“ წინააღმდეგ ისრაელის ქმედებები „არაფრით განსხვავდება ადოლფ ჰიტლერის ქმედებებისგან“.

“ერდოღანი, რომელიც ქურთების გენოციდს ახორციელებს და ჟურნალისტების დაპატიმრების რეკორდსმენია, უკანასკნელი ადამიანია, ვისაც ჩვენთვის მორალის ქადაგება შეუძლია”, – აღნიშნა ისრაელის მთავრობის მეთაურმა.

“ცაჰალი” მსოფლიოში ყველაზე მორალური არმიაა, რომელიც ებრძვის და ანადგურებს მსოფლიოში ყველაზე საზიზღარ და სასტიკ ტერორისტულ ორგანიზაციას, რომელმაც ჩაიდინა დანაშაული კაცობრიობის წინააღმდეგ და ერდოღანი აქებს მას და მასპინძლობს მის მაღალჩინოსნებს”, – დასძინა ბენიამინ ნეთანიაჰუმ.

უკრაინის ვიცე-პრემიერმა, იულია სვირიდენკომ გაზეთ Financial Times-თან ინტერვიუში განაცხადა, რომ თუ ევროკავშირი და აშშ ვერ გამოუყოფენ უკრაინას დაპირებულ ფინანსურ დახმარებას 2024 წლის დასაწყისში, უკრაინას სახელმწიფო მოხელეებისთვის ხელფასების და მილიონობით მოქალაქისთვის პენსიის გადახდის გადავადება შეიძლება მოუწიოს.

იულია სვირიდენკომ, რომელიც ასევე ეკონომიკის მინისტრია, აღნიშნა, რომ საგარეო მხარდაჭერის ნაკლებობა უკრაინის ეკონომიკას „გადარჩენის“ რეჟიმში დააბრუნებს.

“პარტნიორების მხარდაჭერა ძალიან მნიშვნელოვანია. სასწრაფოდ გვჭირდება ის”, – აღნიშნა მან.

სვირიდენკო იმედოვნებს, რომ ევროკავშირი დაამტკიცებს მხარდაჭერას თებერვალში და თანხებს მარტის ბოლომდე მიაწვდის კიევს, თუმცა მან ასევე აღნიშნა, რომ ეს საკმარისი არ იქნება.

“გარკვეული სოციალური სექტორების არასაკმარისად დაფინანსების დიდი რისკი არსებობს”, – განაცხადა მან.