6 ივლისს ალცჰაიმერის სამკურნალო წამალმა Leqembi-მ აშშ-ის საკვებისა და მედიკამენტების მარეგულირებელი სააგენტოსგან სრული ავტორიზაცია მიიღო. ამ გადაწყვეტილების საფუძველზე აშშ-ში აღნიშნული წამალი ქრონიკული ნეიროდეგენერაციული დაავადების სამკურნალო სქემებსა და სადაზღვევო პაკეტებში ჩაერთვება.

Leqembi პირველი პრეპარატია, რომელმაც მკურნალობის კურსში ჩართვის შემდეგ პაციენტებში დაავადების შედეგად გამოწვეული კოგნიტიური დაქვეითება შეანელა.

წამლის იაპონურმა მწარმოებელმა, Eisai-მ პირობითი თანხმობა FDA-სგან მიმდინარე წლის იანვარში მიიღო. პირველადი სამედიცინო კვლევების შედეგები FDA-მ 1,800 პაციენტისგან შემდგარ კვლევაში დაადასტურა. მარეგულირებლის ცნობით, აღნიშნული წამლით მკურნალობის შედეგად პაციენტებში მეხსიერების დაკარგვის პროცესი დაახლოებით 5 თვით შენელდა.

ამ ეტაპზე მკურნალობის ერთწლიანი კურსისთვის საჭირო მედიკამენტის ღირებულება დაახლოებით $26,500-ია.

ბათუმის სანაპიროზე მეორე დღეა დგას იახტა, რომლის ღირებულება 100 მილიონი დოლარია.

ღია წყაროების თანახმად, იახტა სახელწოდებით „არქიმედე“ ეკუთვნის ჯეიმს [ჯიმ] საიმონსს – ცნობილ ამერიკელ მეცნიერსა და მილიარდერ ფილანთროპს.

საიმონსი თავადაც ბათუმშია.

„ფორბსის“ მსოფლიო მილიარდერთა სიაში ჯეიმს საიმონსი 52-ე ადგილს იკავებს და მისი ქონება რეალურ დროში 28,1 მილიარდ დოლარადაა შეფასებული. საიმონსი არის მსხვილი სავაჭრო ჰეჯ-ფონდის Renaissance Technologies -ის დამფუძნებელი. მან იგი 1982 წელს დააფუძნა და 2010 წელს დატოვა თანამდებობა, თუმცა „ფორბსის“ თანახმად, იგი კვლავაც თამაშობს როლს Renaissance Technologies-ში და იღებს სარგებელს ფონდის საქმიანობიდან.

„ფორბსის“ 2022 წლის ყველაზე მსხვილი ამერიკელი ფილანთროპების სიაში საიმონსი მე-8 ადგილს იკავებს. სიის პირველი შვიდეული კი ასე გამოიყურება: უორენ ბაფეტი, ბილ და მელინდა ფრენჩ გეითსები, ჯორჯ სოროსი, მაიკლ ბლუმბერგი, მაკკენზი სკოტი, ჩარლზ ფინი, გორდონ და ბეტ მურები.

განახლებული მონაცემების მიხედვით, 2023 წლის მდგომარეობით, ჯეიმს საიმონსს ფილანთროპიაში სულ 4 მილიარდი დოლარი აქვს დახარჯული.

ჯეიმს საიმონსის ფილანთროპია ძირითადად მეცნიერების მიმართულებით მუშაობს. 1994 წელს, როგორც თავად საიმონსი ამბობს, მეუღლის, მერილინის ინიციატივით და მასთან ერთად დააფუძნა „საიმონსის ფონდი“, რომელიც მთავარი შემწირველია მსხვილი არასამთავრობო ორგანიზაციის – „მათემატიკა ამერიკისთვის“. „საიმონსის ფონდი“ ასევე მხარს უჭერს სიცოცხლის შემსწავლელი მეცნიერებებისა და აუტიზმის კვლევებს.

ერთ-ერთი სიტყვით გამოსვლის დროს, სადაც თავისი ცხოვრების შესახებ ჰყვება, საიმონსი იხსენებს, რომ ადრეულ წლებში, როდესაც ფული სჭირდებოდა, მან პრინსტონში „თავდაცვის ანალიტიკის ინსტიტუტს“ მიმართა, რომელიც მეტად კლასიფიცირებული ადგილი იყო.

„რისი გაკეთებაც გვევალებოდა, ეს იყო რუსული კოდების გატეხა. საინტერესო გამოწვევა იყო, მომეწონა საქმე. მათ გვითხრეს: შეგიძლიათ თქვენი დროის ნახევარი დაუთმოთ თქვენს მათემატიკას, ხოლო მეორე ნახევარში კოდების გატეხის საქმე უნდა აკეთოთო,“- იხსენებს საიმონსი.

მარნეულისა და ჰუჯაბის ეპისკოპოსი გიორგი, პრეზიდენტ სალომე ზურაბიშვილის განცხადებას ეხმიანება, რომელიც მან “პრაიდის ფესტივალის” გაუქმებასთან დაკავშირებით გააკეთა.

ეპისკოპოსის თქმით, ზურაბიშვილმა, სამართალდამცველებს მადლიერების ნაცვლად საყვედური გამოუცხადა, თუმცა სწორედ მათი ძალისხმევით იქნა თავიდან აცილებული ვითარების გამწვავება. “ახლა მე მინდა მივმართო მის აღმატებულებას,ჩვენი ქვეყნის მთავარსარდალს, ქალბატონ პრეზიდენტს: – დღეს,ქართველმა ხალხმა კიდევ ერთხელ გაიმარჯვა მსოფლიო “ლგბტ” სოდომიტურ მოძრაობაზე,რომელიც დრო და დრო შეტევას ახორციელებს ჩვენს ერზე. თქვენ გამოთქვით უკმაყოფილება და სამართალდამცველებს გამოუცხადეთ საყვედური ნაცვლად მადლიერებისა.რომელთაც მაღალი პროფესიონალიზმით უზრუნველყვეს დღევანდელი დღის ისე წარმართვა,რომ არცერთი ჩვენი თანამოქალაქე არ დაშავებულიყო. თქვენი აზრით,სამართალდამცველებს ძალისმიერი მეთოდებით უნდა დაპირისპირებოდნენ ათასობით ჩვენს მოქალაქეს,რაც გამოიწვევდა უმართავ პროცესებს და დესტაბილიზაციას ქვეყანაში?! მე საჯაროდ დაგიჭირეთ მხარი და ასევე საჯაროდ მინდა გამოვთქვა წუხილი თქვენს გამო. და ასევე მინდა შეგახსენოთ,რომ არ დაგავიწყდეთ,თქვენ ბრძანდებით ყოვლად წმინდა ღვთისმშობლის წილხვედრი მიწის, წმინდა ნინოს ვაზის ჯვრით განათლებული,თამარ და ქეთევან დედოფლის ქვეყნის პასუხისმგებელი პირველი პირი!” – წერს მარნეულის და ჰუჯაბის ეპისკოპოსი გიორგი Facebook-ზე.

საგრადა ფამილიას ბაზილიკა ბარსელონაში 2023 წლის საუკეთესო ტურისტულ ადგილად დასახელდა. რეიტინგის 10-ეულში ნახევარზე მეტი ევროპული ღირსშესანიშნაობებია. ამის შესახებ tripadvisor.com იტყობინება.

საგრადა ფამილიას, მოსდევს რომის კოლოსეუმი და ამსტერდამში ანა ფრანკის სახლი.

2023 წლის საუკეთესო ტურისტულ ადგილების 25-ეული ასეთია:

1. საგრადა ფამილიას ბაზილიკა – ბარსელონა

2. კოლოსეუმი – რომის

3. ანა ფრანკის სახლი – ამსტერდამში

4. დუბაის შადრევანი – დუბაი

5. ემპაირ სტეიტ ბილდინგი – ნიუ იორკი

6. ორსეს მუზეუმი – პარიზი

7. ეიფელის კოშკი – პარიზი

8. ტრევის ჩანჩქერი – რომი

9. ცენტრალური პარკი – ნიუ იორკი

10. ესპანეთის მოედანი – სევილია

11. დუომო – მილანი

12. ბუენ-რეტიროს პარკი – მადრიდი

13. კილმეინემ გაოლის მუზეუმი – ირლანდია

14. აკროპოლისი – ათენი

ჩემს გარდა, არ მეგულება ვინმე ვისაც შეუძლია ლაურა ბუშს მისწეროს ან ქალბატონ მაკკეინს, უბრალოდ  ამას არ ვაფიშირებ –  ამის შესახებ, “ფორმულასთან” ინტერვიუში, ყოფილმა პირველმა ლედიმ სანდრა რულოვსმა განაცხადა.

“2021 – წლის მერე არ მინახავს, მას შემდეგ რაც საბერძნეთში ერთად ვიყავით. მინდა დაველოდო მასთან შეხვედრას სანამ განთავისუფლდება და სხვა ვითარებაში, ჯანმრთელობის და გათავისუფლების გათვალისწინებით ნაკლებად გამიჭირდება მასთან პირად საკითხებზე საუბარი. იიმედი არსებობს, რომ საერთაშორისო ძალისხმევით, ასე ვთქვათ ზელენსკის თამადობით რაღაცნაერად შეიცვლება დამოკიდებულება. ისედაც ევროპა ამერიკა ისედაც აღიარებენ, რომ ეს არის პოლიტიკური პატიმარი, მაგრამ ზეწოლა დღევანდელ მთავრობაზე უნდა შეიცვალოს. იმიტომ, რომ შევთანხმდით, რომ ეს არის უდანაშაულო პატიმარი. მთავრობა და სასამართლო სამწუხაროდ თანამშრომლობენ და არ გვაქვს დამოუკიდებელი სასამართლო, ყველა უნდა ჩაერთოს, რომ მათ პირადი ბოღმის და შურისძიების აქტი არ განხორციელდეს.

მე მაქვს ძველი კონტაქტები, როცა მართლა ჩემს გარდა არ მეგულება ვინმე, ვისაც შეუძლია ლაურა ბუშს მისწეროს საქართველოდან ან ქალბატონ მაკკეინს… თნდაც თურქეთის აზერბაიჯანის ან პოლონეთის პირველ ლედის. აბა ვინ უნდა დაწეროს თუ არა მე. ევროკავშირშიც ჰოლანდიის მთავრობასთანაც, უბრალოდ ამას არ ვაფიშირებდი აქამდე… “

მსახიობი სოსო ჯაჭვლიანი მკურნალობის კურსს თურქეთის კლინიკაში გადის, მისი ჯანმრთელობის მდგომარეობის შესახებ, ,,ჯორჯიან თაიმსს” მისი მეგობარი და მერვე მოწვევის პარლამენტის წევრი, დავით ლორთქიფანიძე ესაუბრა.

როგორც ლორთქიფანიძე ამბობს, თურქეთში ყოფნის სამი კვირის მანძილზე მსახიობმა ქიმიო თერაპიის მეორე კურსი ჩაიტარა დინამიკა საკმაოდ დადებითია, დაიწყო წონაში მატებაც.

,,კარგი ანალიზებია, ექიმები კმაყოფილები არიან, გამომდინარე იქიდან , რომ სოსოს ღვიძლის სიმსივნე აქვს მედიკოსები ფიქრობდნენ, რომ თუ კი ქიმიის ამ ტიპის კურსი შედეგს ვერ გამოიღებდა ისინი სხვა ტიპის ქიმიას დაუნიშნავდნენ , თუმცა ეს საჭირო არ გახდა, ჩასვლის დღიდან წონაში დაიწყო მატება, ეს ექიმების შეფასებით კარგი მაჩვენებელია. თვითონაც მხნედ და იმედიანადაა”- აცხადებს ლორთქიფანიძე.

მისი თქმით, არ არის გამორიცხული, მსახიობი თბილისში დაბრუნდეს და აქ გააგრძელოს მკურნალობა, რადგან თურქეთში ხანგრძლივი დროით დარჩენა დიდ ხარჯებთანაა დაკავშირებული.

,, ყველაფერი დიდ  ხარჯებთანაა დაკავშირებული, ამიტომ შეიძლება, თბილისში დაბრუნდეს და თურქეთში მხოლოდ კონკრეტული პროცედურებისთვის წავიდეს” – ამბობს ლორთქიფანიძე

მისი თქმით,  საბოლოო გადაწყვეტილებას მხოლოდ ექიმებთან კონსულტაციისა და მათი თანხმობის შემდეგ მიიღებენ.