წვევამდელებისთვისაც, გაწვევის სამსახური გადადის თავდაცვის სამინისტროში 2024 წლის პირველი იანვრიდან და ასევე მინდა ვთქვა, რომ 2025 წლიდან ყველა წვევამდელი სამსახურს გაივლის თავდაცვის სამინისტროში, – ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.

როგორც პრემიერმა აღნიშნა, თავდაცვის კოდექსით დარეგულირდება „გირჩის“ ინიციატივა, რომლის შედეგადაც ბევრი ახალგაზრდა შეცდომაში იქნა შეყვანილი.

„მოგეხსენებათ, რომ პარლამენტმა რამდენიმე დღის წინ მიიღო ძალიან მნიშვნელოვანი თავდაცვის კოდექსი. ამაზე ჩვენ დიდი ხანია, ვმუშაობდით. მინდა, მადლობა გადავუხადო პარლამენტს. ეს არის ეროვნული მნიშვნელობის კოდექსი, რომელიც ბევრ საკითხს აწესრიგებს. პირველი მინდა გამოვყო ე.წ. მავნებლური „გირჩის“ ინიციატივა, რომლის შედეგადაც ბევრი ახალგაზრდა იქნა შეცდენილი და არასწორ გზაზე იქნა დაყენებული. ჩვენ ამით დავასრულეთ „გირჩის“ მავნებლობა. ეს ერთი საკითხი მინდა გამოვყო. ასევე მთელი რიგი საკითხები მოწესრიგდა და მთელი რიგი გარანტიები ჩაიდო, როგორც ჩვენი სამხედრო მოსამსახურეების, ასევე ზოგადად, წვევამდელებისთვისაც. გაწვევის სამსახური გადადის თავდაცვის სამინისტროში 2024 წლის პირველი იანვრიდან და ასევე მინდა ვთქვა, რომ 2025 წლიდან ყველა წვევამდელი სამსახურს გაივლის თავდაცვის სამინისტროში. სხვადასხვა უწყებიდან მოგვყავს წვევამდელები და მხოლოდ თავდაცვის სამინისტროში მოხდება გაწვევა. შევიმუშავეთ ეფექტური კურსები. 6 თვიანი კურსი. მინიმალური იქნება 6 თვიანი კურსი. ასევე არის 8 და 12 თვიანი კურსები, იმის მიხედვით, ვის როგორი გეგმები აქვს და სამომავლო კარიერა როგორ უნდა, რომ დაგეგმოს. ასე, რომ წვევამდელები მინიმუმ 6 თვეს გაივლიან ჯარში, თავდაცვის სამინისტროში. ასევე, მნიშვნელოვანი ინიციატივა, რაც კიდევ ერთხელო მინდა განვმარტო ჩვენი ახალგაზრდებისთვის არის ის, რომ ჩვენ კოდექსში გავითვალისწინეთ ახალი ინიციატივა, რომლის მიხედვითაც, სტუდენტს შეეძლება, რომ ჩაერთოს ამ პროცესში. წლის განმავლობაში ერთი თვე დაჰყოს სამხედრო ბაზაზე და გაიაროს საბაზისო თეორიული და პრაქტიკული მომზადება. ეს მე ვფიქრობ, ძალიან მნიშვნელოვანი იქნება. 4 წლის მანძილზე სტუდენტს შეეძლება, რომ ჯამში დაჰყოს ჯარში 4 თვე ჯამში და ამის შემდეგ ჩაეთვლება ნამსახურებად და მიიღებს სამხედრო მოწმობას. ეს ძალიან მნიშვნელოვანი ინიციატივაა. რაც მთავარია, ამ კოდექსით შეიქმნება რეზერვის მყარი საფუძველი. ჩვენი გათვლებით, სულ რაღაც 3-4 წელიწადში, წელიწადში მოვამზადებთ 9-10 ათას წვევამდელს, რაც ძალიან დიდი შედეგი იქნება და ათ წლიან პერსპექტივაში 100 000 ახალგაზრდა გვეყოლება მომზადებული, რომელიც ჩაირიცხება ქვეყნის რეზერვში. ეს აძლიერებს რეზერვის სისტემას და ეს არის ეროვნული მნიშვნელობის ინიციატივები. კიდევ ერთხელ მადლობა პარლამენტს, სამინისტროს, ვინც ჩართული იყო ამ მნიშვნელოვანი დოკუმენტის შექმნაში“, – განაცხადა პრემიერმა.

არ მოსწონთ, რომ დღეს ქვეყანაში შევინარჩუნეთ მშვიდობა და სტაბილურობა, მათი სურვილი არის ძალადობრივი გზით ხელისუფლების დამხობა და ქვეყანაში მეორე ფრონტის გახსნა. ეს იყო თავდაპირველი მიზანი. ეს რჩება დღეს სამწუხაროდ, მათ მიზნად, – ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომის დაწყებამდე, რადიკალურ ოპოზიციაზე საუბრისას განაცხადა.

მისი თქმით, უსაფრთხოების სამსახურის მიერ გავრცელებული განცხადება ეს არის პრევენციული, გამაფრთხილებელი კონკრეტული მტკიცებულებების სახით.
„მინდა, კიდევ ერთხელ მოვუწოდო ყველას, რომ მაქსიმალური გონიერება გამოიჩინონ. ნუ მისცემენ უფლებას ასეთ დესტრუქციულ ძალებს, რომ გამოაყენებინონ თავი. კარგად გვახსოვს, მარტის მოვლენები. როგორ გამოიყენეს სტუდენტები და შემდეგ მიატოვეს, რა თქმა უნდა, ასეც მოხდება. როგორ ასროლინეს ე.წ. მოლოტოვის კოქტეილები პოლიციელებზე. ეს ყველაფერი მათი დაგეგმილი ბინძური, ანტიეროვნული, ანტისახელმწიფოებრივი გეგმებია. ჩვენ ამას შევეწინააღმდეგებით და არ დავუშვებთ. ყველა მაქსიმალური სიმკაცრით დაისჯება, ვინც ამ ანტისახელმწიფოებრივ გეგმებს მოქმედებაში მოიყვანს.

მინდა იმედი გამოვთქვა, რომ ჩვენ და საზოგადოება სათანადო ახსნა განმარტებას მოვისმენთ USAID-ის ადგილობრივი ოფისიდან, რადგან დაფიქსირდა, რომ მათი მოწვევითა და დაფინანსებით იყვნენ ჩამოსული ეს ადამიანები. ეს სამწუხარო ფაქტია, თუმცა ჩვენ მათ ოფიციალურ განმარტებებს დაველოდებით“, – განაცხადა ღარიბაშვილმა.

თბილისის მერი კახა კალაძე მიიჩნევს, რომ ქვეყანაში არეულობისა და სისხლისღვრის უფლება არავის მიეცემა და კანონის დარღვევის შემთხვევაში, სახელმწიფო შესაბამისად იმოქმედებს.

ამის შესახებ მან „შეკრებებისა და მანიფესტაციების შესახებ“ საქართველოს კანონში დაგეგმილი ცვლილებების პროექტთან დაკავშირებით დასმულ შეკითხვაზე განაცხადა.

„კიდევ ერთხელ ვიმეორებ: არავის გამოუვა, ქვეყანაში შემოიტანოს რევოლუცია, დაპირისპირება, სისხლისღვრა და ხელისუფლების დამხობა ბინძური მეთოდებით. სახელმწიფო იქნება მოწოდების სიმაღლეზე, დავიცავთ ჩვენი ქვეყნის ინტერესებს, მოსახლეობას, მათ შორის, მანიფესტანტების ინტერესს და უსაფრთხოებას. თუ რატომ შედის აღნიშნულ კანონში ცვლილებები, განმარტებები უკვე გაკეთდა. მნიშვნელოვანია, რომ ქვეყანაში თითოეული ადამიანის უსაფრთხოება იყოს დაცული“, – განაცხადა კახა კალაძემ.

კითხვაზე – რატომ გახდა აღნიშნული ცვლილებების საჭიროება, თბილისის მერი პასუხობს, რომ შესაბამისი სახელმწიფო უწყების მხრიდან უკვე გაკეთდა განცხადება, რომლის თანახმადაც, რადიკალური ოპოზიციის წარმომადგენლები ქვეყანაში არეულობას გეგმავენ.

„აღნიშნულ საკითხზე განცხადებები გაკეთდა, რომ იგეგმება არეულობები, მიზნობრივი პროვოკაციები, კონკრეტულად კარვებში. ეს იქნება იარაღის, ასაფეთქებელი მასალების შეტანა რადიკალური ოპოზიციის წარმომადგენლების მხრიდან, რომლებიც თავიანთი უცხოელი აქტორების ჩართულობით, გადატრიალებას, არეულობას გეგმავენ, მაგრამ არავის არაფერი გამოგივათ, მეგობრებო. საქართველოში შენარჩუნდება მშვიდობა – არავის მიეცემა საშუალება, ჩვენი ხალხი „საზარბაზნე ხორცად“ გამოიყენონ და ქვეყანაში მეორე ფრონტი გაიხსნას“, – აღნიშნა დედაქალაქის მერმა.

სამწუხარო და შემაშფოთებელი ფაქტები გროვდება USAID-ის ჩართულობით, რომელიც პირდაპირ ასახავს მტრობას და საქართველოს წინააღმდეგ გადადგმული ნაბიჯია, – ამის შესახებ დედაქალაქის მერმა, კახა კალაძემ განაცხადა.

მისივე თქმით, საკითხთან დაკავშირებით საჭიროა განმარტებები.

„შემაშფოთებელი ფაქტია. ამასთან დაკავშირებით არაერთი განცხადება იქნა გაკეთებული უშუალოდ სახელმწიფო უსაფრთხოების სამსახურის მხრიდან. ეს არის კიდევ ერთი დასტური იმ მზაკვრული გეგმისა, რომელიც ჩვენი ქვეყნის შიგნით და გარეთ აქვთ, თუმცა, კიდევ უფრო შემაშფოთებელი, მძიმე ფაქტია, როდესაც ამერიკის შეერთებული შტატების განვითარების სააგენტო აფინანსებს ამ ყველაფერს. რა თქმა უნდა, ამას ახსნა-განმარტება სჭირდება. ველოდებით შესაბამის პასუხს რომ ეს ყველაფერი ახსნილი იყოს. უნდა გავიხსენოთ საპარლამენტო არჩევნები, როდესაც მოხდა პარალელული დათვლების გაყალბება და ესეც USAID-ის დაფინანსებული იყო, მათი მხრიდან ხდებოდა აღნიშნული პროგრამის დაფინანსება. სამწუხარო და შემაშფოთებელი ფაქტები გროვდება USAID-ის ჩართულობით, რომელიც პირდაპირ ასახავს მტრობას და ესაა საქართველოს წინააღმდეგ გადადგმული ნაბიჯი. შესაბამისად, ამ თემასთან დაკავშირებით განმარტებები გვჭირდება“, – განაცხადა კახა კალაძემ.

სახელმწიფო უსაფრთხოების სამსახურში გამართულ ბრიფინგზე დღეს განაცხადეს, რომ ორგანიზაცია „კანვასის“ წევრები სასტუმროში შეხვდნენ „ენჯეოებს“, სამოქალაქო აქტივისტებს, გაიმართა დიდი ჯგუფის გადამზადება, რომელმაც გადამწყვეტი როლი უნდა შეასრულოს ხელისუფლების დამხობის პროცესში. სუს-მა „კანვასის“ წარმომადგენლების მიმართ ჩატარებული ფარული საგამოძიებო მოქმედების შედეგად მოპოვებული მტკიცებულებების ნაწილი გამოაქვეყნა.