“დღეს შეგვიძლია, სამხრეთ კავკასიაში მშვიდობის ეპოქაში შევიდეთ” – ილჰამ ალიევი

დღეს შეგვიძლია, სამხრეთ კავკასიაში მშვიდობის ეპოქაში შევიდეთ, – ამის შესახებ აზერბაიჯანის პრეზიდენტმა, ილჰამ ალიევმა განაცხადა.

აზერბაიჯანის პრეზიდენტის თქმით, ქვეყნის ტერიტორიული მთლიანობის აღდგენის გამოცდილება ძალიან უნიკალური და განუმეორებელი მოვლენაა, რადგან აზერბაიჯანმა დაასრულა კონფლიქტი და აღადგინა საერთაშორისო სამართალი.

„დღეს შეგვიძლია, სამხრეთ კავკასიაში მშვიდობის ეპოქაში შევიდეთ. ეს ჩვენი აზრია. თანამშრომლობა, ორმხრივად მომგებიანი პროექტები, ორმხრივი სარგებელი – ამ ყველაფერს დღეს ვაჩვენებთ“, – აღნიშნა ილჰამ ალიევმა.

აზერბაიჯანის პრეზიდენტმა ასევე თქვა, რომ მიუმხრობლობის მოძრაობაში აზერბაიჯანის თავმჯდომარეობის გახანგრძლივება ქვეყნის ფართო საერთაშორისო მხარდაჭერის გამოვლინებაა.