59 წლის ასაკში, მომღერალი კაკული გურიელაშვილი გარდაიცვალა. ინფორმაციას სოციალურ ქსელში მისი ვაჟი მიშელ გურიელაშვილი ავრცელებს.
„დიდი მწუხარებით ვწერ, რომ მამაჩემის სული სამყაროს შემოქმედმა ჩაიბარა…” – წერს მომღერლის შვილი.
„ჰეზბოლას“ ლიდერის, ჰასან ნასრალას განცხადებით, ლიბანისთვის ისტორიულ შესაძლებლობას ხედავს, გაათავისუფლონ „ისრაელის მიერ ოკუპირებული მიწები.“
ჰასან ნასრალამ დაგმო ბეირუთში გუშინ მისი მოადგილის, სალეჰ ალ-არურის მკვლელობა. ნასრალას განცხადებით, 8 ოქტომბრის შემდეგ, „ჰეზბოლამ“ ისრაელი-ლიბანის საზღვარზე 670 სამხედრო ოპერაცია განახორციელა. მისივე თქმით, მათ დიდი რაოდენობით გაანადგურეს ისრაელის კუთვნილი ტანკები და სატრანსპორტო საშუალებები.
„ჩვენ ახლა გვაქვს ისტორიული შესაძლებლობა, სრულად გავათავისუფლოთ ჩვენი მიწის თითოეული სანტიმეტრი და დავამყაროთ მოცემულობა, რომელიც ჩვენს მტერს ჩვენი ქვეყნის სუვერენიტეტის დარღვევის საშუალებას არ მისცემს”, – განაცხადა „ჰეზბოლას“ ლიდერმა.
თბილისის საქალაქო სასამართლოს მოსამართლე ირაკლი ხუსკივაძემ „თიბისი ბანკში“ შეჭრის საქმეზე დაკავებულ გუგა გოცირიძეს პატიმრობა შეუფარდა.
აღნიშნულით მოსამართლემ პროკურორის შუამდგომლობა დააკმაყოფილა.
„სათქმელისგან თავს შევიკავებ, მძიმე ფსიქოლოგიური პრობლემები მაქვს”, – განაცხადა ბრალდებულმა, გუგა გოცირიძემ სხდომაზე.
მოსამართლემ ბრალდებულს მიმართა, თუკი სათქმელი ჰქონდა, განეცხადებინა.
„ბოლო დანაშაულით დაკისრებული სახდელი არ აქვს გადახდილი. ბოლო ქმედებაც ფინანსური სარგებლის მოტივაციით არის ჩადენილი.
ერთი ფინანსური სახდელი უკვე გამოყენებული იყო და წესით აღარ უნდა ჩაგედინათ დანაშაული”, – განაცხადა მოსამართლემ.
ბრალდების მხარე აღკვეთის ღონისძიებად პატიმრობის შეფარდებას ითხოვდა. პროკურორ გიორგი ნადირაძის განცხადებით, შემდგომი დანაშაულების გაგრძელებისა და მტკიცებულებათა განადგურების საფრთხე არსებობდა. ნადირაძის განცხადებით, ყაჩაღობის მუხლი, რომლითაც გოცირიძეს ედება ბრალი, 5-დან 7 წლამდე პატიმრობას ითვალისწინებს.
ამასთან, ადვოკატის, დავით ბარბაქაძის განცხადებით, გუგა გოცირიძე თანამშრომლობს გამოძიებასთან და აღიარებს დანაშაულს. დაცვის მხარე გირაოს შეფარდებას მოითხოვდა, თუმცა სასამართლომ ადვოკატის შუამდგომლობა არ დააკმაყოფილა.
საქმეზე წინასასამართლო სხდომა 29 თებერვალს 13:00 საათზე დაინიშნა.
4 იანვარს უმაღლესი რადას ეროვნული უსაფრთხოების, თავდაცვისა და დაზვერვის კომიტეტის სხდომაზე მობილიზაციის შესახებ კანონპროექტი განიხილეს.
მედიის ცნობით, ვალერი ზალუჟნიმ არმიაში ნასამართლევი პირებისა და პატიმრების ჩარიცხვასთან დაკავშირებით წინააღმდეგობა გამოთქვა.
მისი თქმით, მას არმიაში სჭირდება ხალხი, რადგან რუსეთმა უკვე 400 ათასამდე ახალწვეულის მობილიზება შეძლო და ივნისისთვის კიდევ 400 ათასამდე პირის მობილიზებას მოახერხებს.
„ვინ ვაომო? მსოფლიოს მივმართო და მათ ვთხოვო ხალხი, თუ თქვენ წახვალთ საომრად? ყოველი ახალწვეულისთვის 80-დღიანი სწავლება იქნება, მაგრამ მომეცით ხალხი“, – განაცხადა ზალუჟნიმ.
მისი თქმით, ყველა ახალწვეულმა 80-დღიანი სწავლება უნდა გაიაროს.
არ გვაქვს უფლება ახალ წელს დავივიწყოთ, რომ რუსეთის ტერორი უკრაინელების წინააღმდეგ ყოველდღიურად გრძელდება, – განაცხადა გერმანიის საგარეო საქმეთა მინისტრმა, ანალენა ბერბოკმა თავის ლუქსემბურგელ კოლეგასთან გამართულ ერთობლივ პრესკონფერენციაზე.
დიპლომატებმა ხაზგასმით აღნიშნეს, რომ მნიშვნელოვანია უკრაინის მხარდაჭერა რუსეთთან ბრძოლაში, რადგან ეს დემოკრატიული ღირებულებების დაცვაა.
“ჩვენ ვხედავთ, რომ ევროპული ღირებულებები ცეცხლის ქვეშაა. პუტინს სურს ჩაახშოს უკრაინის თავისუფლებისკენ სწრაფვა და ემუქრება მთელი ევროპის მშვიდობას”, – აღნიშნა გერმანიის საგარეო უწყების ხელმძღვანელმა.
მისი თქმით, რუსეთი აგრძელებს ბომბებით, რაკეტებითა და არტილერიით სამშობიარო სახლებისა და საცხოვრებელი სახლების განადგურებას, ამიტომ მნიშვნელოვანია უკრაინის უზრუნველყოფა გენერატორებითა და ტრანსფორმატორებით, ასევე Patriot-ისა და Iris-T-ს საჰაერო თავდაცვის სისტემებით, რომელსაც შეუძლია თავიდან აიცილოს ბევრად უფრო საშინელი შედეგები.
ჯო ბაიდენის ადმინისტრაცია ახლო აღმოსავლეთში კონფლიქტის გაფართოებისთვის ემზადება – ინფორმაციას Politico საკუთარ წყაროზე დაყრდნობით ავრცელებს.
გამოცემის თანახმად, ამერიკის შეერთებული შტატების პრეზიდენტის ადმინისტრაციის მაღალჩინოსნები უკვე განიხილავენ ღაზის სექტორში მიმდინარე ომის რეგიონულ კონფლიქტში გადაზრდის საშიშროებას და საპასუხო გეგმებზე მუშაობენ.
Politico ბაიდენის ადმინისტრაციის ოთხ მაღალჩინოსანზე დაყრნობით წერს, რომ თეთრ სახლში აქტიურად მიმდინარეობს საუბარი აშშ-ის ახლო აღმოსავლეთის ომში ჩართვის სცენარზე.
გამოცემის თანახმად, ამერიკის შეიარაღებულ ძალებშიც მუშავდება გეგმა, ირანის მხარდაჭერილი იემენელი ჰუსიტების წინააღმდეგ საპასუხო დარტყმების განსახორციელებლად.
რეკომენდაციების შესასრულებლად ჩვენ ვაპირებდით მუშაობას ნებისმიერ ფორმატში, მაგრამ „ქართული ოცნება“ გაიქცა ამ ფორმატებიდან, – ამის შესახებ „სტრატეგია აღმაშენებლის“ წევრმა, პაატა მანჯგალაძემ განაცხადა.
მანჯგალაძის თქმით, საარჩევნო დღის წესრიგზე გადასასვლელად „ქართული ოცნება“ თავიდან ირიდებს ვალდებულებებს.
„გასულმა წელიწად-ნახევარმა როგორც აჩვენა, სამუშაო ჯგუფებში არანაირი რეფორმების პროექტები არ დაწერილა, ეს იყო დროის გასაწელად მოგონილი სისტემა. ამას ვამბობდით ყოველთვის და ახლა „ქოცებმაც“ დაადასტურეს, რომ ნამდვილად ასეა. ვინაიდან ახლოს არის 2024 წლის საპარლამენტო არჩევნები, არ უნდათ ისეთი სამუშაო ჯგუფი, რომელიც შედეგს ვერ დადებს. ჩვენ ვაპირებდით მუშაობას ნებისმიერ ფორმატში, მაგრამ „ქართული ოცნება“ გაიქცა ამ ფორმატებიდან. „ქართულმა ოცნებამ“ კარგად იცის, რომ სამუშაო ჯგუფში დეოლიგარქიზაციის და ანტიკორუფციული გეგმები ვერ დაიდება, ასევე არ დაიდება საარჩევნო რეფორმების გეგმა. საარჩევნო სისტემას, სასამართლო სისტემას არ შეცვლიან. ამიტომ იმისთვის, რომ საარჩევნო დღის წესრიგზე გადავიდნენ, თავიდან ირიდებენ ვალდებულებებს. ვინაიდან ქვეყანას უკვე აქვს კანდიდატის სტატუსი, „ქართული ოცნებისთვის“ დამატებითი არგუმენტაცია რომ არ მიგვეცა – ისინი რომ არ არიან, ამიტომ არ ვაკეთებთ არაფერსო, უფრო მოქნილები გავხდით და ვამბობდით, რომ ნებისმიერი ფორმატისთვის მზად ვიყავით, მაგრამ „ქართულმა ოცნებამ“ გაიაზრა, რომ ოპოზიციასთან ერთად იმ სამუშაო ჯგუფში ყოფნა, რომელსაც შედეგის დადება არ შეუძლია, წამგებიანია მისთვის, რადგან უკვე არ აქვს მეორე სიცოცხლე, ხალხის მოტყუების სახით. პირველი შანსი ჰქონდა და წელიწად-ნახევარი ატყუეს საქართველოს მოქალაქეები, ბოლოს ნახეთ, რომ მხოლოდ სამი რეკომენდაცია შესრულდა ათი სამუშაო ჯგუფიდან. ახლაც არ უნდათ სამუშაო ჯგუფები, რადგან არჩევნებთან ახლოს „ქართული ოცნება“ ვერანაირ შედეგს ვერ აჩვენებს ვერც სასამართლო რეფორმის სახით, ვერც საარჩევნო, ანტიკორუფციული, დეოლიგარქიზაციის, მით უმეტეს, დეპოლარიზების მიმართულებით. „ქართული ოცნება“ არჩევნებზე დეპოლარიზებას კი არა, მაქსიმალურ პოლარიზებას აპირებს, დარწმუნებული ვარ, მათ შორის იქნება ანგარიშსწორებებიც“, – განაცხადა პაატა მანჯგალაძემ.
ნიუ-იორკის მეტროში მატარებელი რელსებიდან გადავიდა მას შემდეგ, რაც მას დაბალი სიჩქარით მოძრავი მეორე მატარებელს შეეჯახა. როგორც Associated Press წერს, შედეგად 20-ზე მეტი ადამიანი დაშავდა. ადგილობრივი ხელისუფლების წარმომადგენლები აცხადებენ, რომ შემთხვევა შუადღეს, პიკის საათში მოხდა.
„მატარებელს, რომელშიც დაახლოებით 300 მგზავრი იმყოფებოდა, შეეჯახა ტექნიკური ჯგუფის მატარებელი, რომელშიც მეტროპოლიტენის თანამშრომლები, სულ ოთხი ადამიანი იმყოფებოდა“, – აცხადებენ ნიუ იორკის პოლიციაში.
ქალაქის საგანგებო სიტუაციების მართვის სამსახურის წარმომადგენლების მიერ სოციალურ მედიაში გამოქვეყნებული ფოტოებიდან ჩანს, რომ სამგზავრო მატარებელი ლიანდაგიდან ნაწილობრივ გადასულია.
ოფიციალური პირების თქმით, ამ ეტაპზე ტექნიკური გაუმართაობის ნიშნები არ იკვეთება და გამოძიებამ უნდა დაადგინოს, ჰქონდა თუ არა ადგილი ადამიანურ შეცდომას.
გერმანიის მთავრობა ისრაელისა და ლიბანის საზღვარზე არსებულ სიტუაციას აკონტროლებს, – ამის შესახებ გერმანიის საგარეო საქმეთა სამინისტროს პრესსპიკერმა განაცხადა.
”ესკალაციის რისკი, სამწუხაროდ, ძალიან რეალურია”, – აღნიშნა გერმანიის საგარეო უწყების წარმომადგენელმა.
მისი თქმით, საგარეო საქმეთა მინისტრი, ანალენა ბერბოკი კვირას ისრაელში გაემგზავრება, სადაც თავის კოლეგას, ისრაელ კაცს და ისრაელის პრეზიდენტს, ისააკ ჰერცოგს შეხვდება. ასევე დაგეგმილია მოლაპარაკებები დასავლეთ სანაპიროზე პალესტინის ხელისუფლების წარმომადგენლებთან.
ცნობისათვის, ისრაელის თავდაცვის ძალებსა და ლიბანში მოქმედ ირანის მიერ მხარდაჭერილ დაჯგუფება „ჰეზბოლას“ შორის საზღვრისპირა შეტაკებები 7 ოქტომბრის შემდეგ თითქმ
რუსული პროკრემლისტური მედია წერს, რომ 2024 წელს რუსეთის ფედერაციის პრეზიდენტი ათეულობით ქვეყანაშია მიწვეული. ამის შესახებ „ტასი“ წერს.
„ვლადიმერ პუტინმა, შესაძლოა, 2024 წელს რამდენიმე უცხოური ვიზიტი განახორციელოს, სახელმწიფოს მეთაური ათეულობით ქვეყანაშია მიწვეული. კრემლს ჯერ არ გაუვრცელებია სად გაემგზავრება პუტინი. რუსეთის ფედერაციის პრეზიდენტს ტრადიციულად ელიან პოსტსაბჭოთა სივრცის ქვეყნებში, მათ შორის აფხაზეთსა და „სამხრეთ ოსეთში“, ბელორუსიაში, ტაჯიკეთსა და უზბეკეთში“, – წერს „ტასი“.
თავად რუსეთის ლიდერმა ისაუბრა უახლოეს მომავალში მეგობარ ქვეყნებში შესაძლო ვიზიტებზეც.
„არ გამოვრიცხავ, მაგრამ ჯერჯერობით ვცდილობ, არაფერი დავგეგმო,“ – აცხადებს პუტინი.
ირანის პრეზიდენტის, ებრაჰიმ რაისის განცხადებით, 7 ოქტომბერს „ჰამასის“ მიერ ისრაელზე განხორციელებული თავდასხმა, რომელსაც “ოპერაცია ალ-აქსას წარღვნა” უწოდეს ისრაელის განადგურებას გამოიწვევს.
„ჩვენ ვიცით, რომ ოპერაცია „ალ-აქსას წარღვნა“ დაასრულებს სიონისტურ რეჟიმს“, – განაცხადა ებრაჰიმ რაისმა.
ირანში მომხდარი აფეთქებების შედეგად დაღუპულების დაკრძალვაზე განაცხადა.
მისი თქმით, მათ, ვინც აფეთქებები განახორციელეს, იციან ირანის ძალა.
„ჩვენი მტრები ხედავენ ირანის ძალას და მთელმა მსოფლიომ იცის მისი ძალა და შესაძლებლობები. ჩვენი ძალები საჭირო დროსა და ადგილზე მიიღებენ გადაწყვეტილებას მოქმედების შესახებ“, – აღნიშნა ირანის პრეზიდენტმა.
თბილისის აეროპორტს რუსეთი იყენებს, როგორც სანქციებისგან არიდების საშუალებას. ეს არის ცალსახად „ქართული ოცნებისა“ და ბიძინა ივანიშვილის რუსული პოლიტიკა, რომელიც წინააღმდეგობაში მოდის დასავლურ ინტერესებთან, საქართველოს ეროვნულ ინტერესებთან, – ამის შესახებ „ერთიანი ნაციონალური მოძრაობის” ანტიკორუფციული მიმართულების მდივანმა ვასო ურუშაძემ კომპანია „აზიმუტის“ ფრენების დამატებასთან დაკავშირებით განაცხადა.
მისი შეფასებით, საქართველოს ხელისუფლება ყველაფერს აკეთებს იმისთვის, რომ რუსულ ავიაკომპანიებს მაქსიმალური კომფორტი შეუქმნას.
„საქართველოს ხელისუფლება ყველაფერს აკეთებს იმისთვის, რომ შეუქმნას მაქსიმალური კომფორტი რუსულ ავიაკომპანიებს, რომ მათ თავი აარიდონ დასავლურ სანქციებს, რომ მათ მოახერხონ და გადაარჩინონ საკუთარი საავიაციო ინდუსტრია და თბილისის აეროპორტი იყოს მათთვის გამოყენებული, როგორც პლატფორმა დასავლური სანქციებისთვის თავის ასარიდებლად. ეს არის ცალსახად „ქართული ოცნებისა“ და ბიძინა ივანიშვილის რუსული პოლიტიკა, რომელიც წინააღმდეგობაში მოდის დასავლურ ინტერესებთან, საქართველოს ეროვნულ ინტერესებთან”, – განაცხადა ვასო ურუშაძემ, რომლის კომენტარსაც „ნაციონალური მოძრაობა“ ავრცელებს.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge