თბილისის მერი, კახა კალაძე ეუთოს საპარლამენტო ასამბლეის პრეზიდენტს პია კაუმას შეხვდა, – ამის შესახებ ინფორმაციას თბილისის მერია ავრცელებს.

მათივე ინფორმაციით, ეხვედრაზე მხარეებმა სხვადასხვა თემა განიხილეს, მათ შორის დედაქალაქში განხორციელებული მნიშვნელოვანი პროექტები, დადებითი რეკომენდაცია კანდიდატის სტატუსზე, მსოფლიოში განვითარებული მოვლენები და 2024 წლის მოსალოდნელი საპარლამენტო არჩევნები.

„გვაქვს მნიშვნელოვანი პროგრესი ქვეყნის ეკონომიკური განვითარების კუთხით, რაც მნიშვნელოვანწილად მოიტანა სტაბილურობამ და მშვიდობის შენარჩუნებამ. ეს პროგრესი მომდევნო წლებშიც გაგრძელდება, რაც აისახება მოსახლეობაზე და მათი ცხოვრების პირობებზე. ამ პროცესს, რასაკვირველია, ხელს შეუწყობს დეკემბერში ევროკავშირის კანდიდატი ქვეყნის სტატუსის მინიჭება, რისი დიდი მოლოდინიც აქვს საქართველოს“, – განაცხადა კახა კალაძემ.

თავის მხრივ, პია კაუმამ საქართველოს ევროპული ინტეგრაციის მიმართულებით მიღწეული წარმატებები მიულოცა.

„მინდა მოგილოცოთ ევროკავშირის კანდიდატი ქვეყნის სტატუსის მინიჭებაზე დადებითი რეკომენდაციის მიღება. ნამდვილად ვხედავ ქვეყანაში მიმდინარეობს მშენებლობა და ეკონომიკური განვითარება“, – აღნიშნა პია კაუმამ.

შეხვედრას ეუთოს საპარლამენტო ასამბლეის წევრებთან ერთად, ავსტრიაში საქართველოს სრულუფლებიანი ელჩი ქეთევან ციხელაშვილი ესწრებოდა.

თბილისის მერი ეუთოს საპარლამენტო ასამბლეის პრეზიდენტს შეხვდა

კახა კალაძემ დედაქალაქის მერიაში ეუთოს საპარლამენტო ასამბლეის პრეზიდენტს პია კაუმას უმასპინძლა.

შეხვედრაზე მხარეებმა სხვადასხვა თემა განიხილეს, მათ შორის დედაქალაქში განხორციელებული მნიშვნელოვანი პროექტები, დადებითი რეკომენდაცია კანდიდატის სტატუსზე, მსოფლიოში განვითარებული მოვლენები და 2024 წლის მოსალოდნელი საპარლამენტო არჩევნები.

„გვაქვს მნიშვნელოვანი პროგრესი ქვეყნის ეკონომიკური განვითარების კუთხით, რაც მნიშვნელოვანწილად მოიტანა სტაბილურობამ და მშვიდობის შენარჩუნებამ. ეს პროგრესი მომდევნო წლებშიც გაგრძელდება, რაც აისახება მოსახლეობაზე და მათი ცხოვრების პირობებზე. ამ პროცესს, რასაკვირველია, ხელს შეუწყობს დეკემბერში ევროკავშირის კანდიდატი ქვეყნის სტატუსის მინიჭება, რისი დიდი მოლოდინიც აქვს საქართველოს“, – განაცხადა კახა კალაძემ.

თავის მხრივ, პია კაუმამ საქართველოს ევროპული ინტეგრაციის მიმართულებით მიღწეული წარმატებები მიულოცა.

„მინდა მოგილოცოთ ევროკავშირის კანდიდატი ქვეყნის სტატუსის მინიჭებაზე დადებითი რეკომენდაციის მიღება. ნამდვილად ვხედავ ქვეყანაში მიმდინარეობს მშენებლობა და ეკონომიკური განვითარება“, – აღნიშნა პია კაუმამ.

შეხვედრას ეუთოს საპარლამენტო ასამბლეის წევრებთან ერთად, ავსტრიაში საქართველოს სრულუფლებიანი ელჩი ქეთევან ციხელაშვილი ესწრებოდა.

შესაძლოა ხავსის მოჭიდების პროცესში მყოფი „ნაციონალური მოძრაობა“ და მისი გაუგებარი ხელმძღვანელობა ჩამოუყალიბებელი პლატფორმებით ფიქრობდნენ, რომ მათთან ალიანში მყოფ პოლიტიკურ ძალებს მისცენ რესურსი და გადაალახვინონ ხუთპროცენტიანი ბარიერი გარკვეული პოლიტიკური მანიპულაციებით, – ამის შესახებ იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა „ქრონიკაში“ განაცხადა.

„ნაციონალური მოძრაობა“ თავისი პოლიტიკური არსებობის ბოლო პერიოდს გადის. მითუმეტეს, „გორბის“ კვლევები გაკეთებულია მანამდე, ვიდრე ქვეყნისთვის ეს [ევროკომისიის რეკომენდაცია კანდიდატის სტატუსის მინიჭებაზე] პოზიტიური მესიჯი გახმოვანდებოდა. ეს მოცემულობა კიდევ უფრო მეტ მხარდაჭერას მოუპოვებს „ქართულ ოცნებას“, მეტად მოხდება „ნაციონალური მოძრაობის“ პოლიტიკური ამორტიზირება. შესაძლოა ხავსის მოჭიდების პროცესში მყოფი „ნაციონალური მოძრაობა“ და მისი გაუგებარი ხელმძღვანელობა ჩამოუყალიბებელი პლატფორმებით ფიქრობდნენ, რომ მათთან ალიანში მყოფ პოლიტიკურ ძალებს მისცენ რესურსი და გადაალახვინონ ხუთპროცენტიანი ბარიერი გარკვეული პოლიტიკური მანიპულაციებით. 5%-იანი ბარიერის გადალახვა ნიშნავს იმას, რომ მინიმალური მხარდაჭერა გაგაჩნია საზოგადოებაში, რომ შეძლო და შენი პარტიის რამდენიმე წევრი მაინც გაიყვანო პარლამენტში. საარჩევნო წლის განმავლობაში კიდევ უფრო მეტად გამოიკვეთება „ნაციონალური მოძრაობის“ მტრული შინაარსი, რომელიც საკუთარი ქვეყნის, ხალხის და მისი ევროპული მომავლის მიმართ გააჩნია და მათი რეიტინგი კიდევ უფრო დაიწევს“, – აღნიშნა მათიკაშვილმა.

ზოგიერთი ოპოზიციონერის სიცანცარე ჩემთვის აუხსნელია, თქვეს, ყველაფერი გავაკეთეთ, რომ სტატუსი მოეცათო, სამუშაო ჯგუფებში შემოვიდნენ და ეს იქნება მათი მუშაობა“, – ამის შესახებ პარტია „მოქალაქეების“ ლიდერმა და ოპოზიციონერმა დეპუტატმა ალეკო ელისაშვილმა განაცხადა.

მისი თქმით, ოპოზიცია პარლამენტის შემოსვლის დღიდან ბოიკოტშია.

„სიცანცარეა, რასაც ოპოზიციიდან ზოგიერთი ჩემი კოლეგა ჩადის. პარლამენტში რაც შემოვიდნენ, ყოველდღე იძახიან, რომ უნდა გავიდნენ და სულ ბოიკოტში იყვნენ, ოღონდ იმ ბოიკოტში რატომ იყვნენ კაცმა რა იცის და სამუშაო ჯგუფებში არ მონაწილეობდნენ.

ევროკავშირის წარმომადგენლებმა გვითხრეს, ერთად დასხედით და იმუშავეთო. „ქართულ ოცნებასთან“ ერთად რამდენიმე საათი ჯდომა არ ეხალისება, მაგრამ ქვეყნის მომავალს ასე სჭირდება და ეს გვითხრეს, ასე დაგვავალეს. ზოგიერთი ოპოზიციონერის სიცანცარე ჩემთვის აუხსნელია. შემოვიდნენ სამუშაო ჯგუფებში და ეს იქნება მათი მუშაობა“, – აცხადებს ალეკო ელისაშვილი.