მე ასე ვიტყოდი, თავისი თვისებით ის არის კრიზისმენეჯერი, – ამის შესახებ ფილოსოფოსმა, ზაზა შათირიშვილმა „იმედის კვირაში“ ბიძინა ივანიშვილზე საუბრისას განაცხადა.

„ჩვენ ვართ ისეთი ქვეყანა, რომელიც უფრო გარე ფაქტორებზეა დამოკიდებული, ანუ გამოწვევები არის გარედან. აქედან გამომდინარე, ძალიან მნიშვნელოვანია ასეთი ადამიანი (ბიძინა ივანიშვილი), რომელსაც გავლილი აქვს სერიოზული ცხოვრების გზა და ასეთ მძიმე სიტუაციებში მოუწია შემოსვლა. ახლა, გეოპოლიტიკური თვალსაზრისით ერთ-ერთ გარდამტეხ მომენტში ვართ. მსგავსი მომენტები 35-40 წელიწადში ერთხელ არის ხოლმე. საბჭოთა კავშირის დაშლის შემდეგ ასეთი მნიშვნელოვანი პერიოდი არ ყოფილა. ავიღოთ თუნდაც ის, რომ შუა ევროპაში, ევროპის გულში ორი წელია ომი მიმდინარეობს, ასევე არ დაგვავიწყდეს რომ არჩევნების წელია“, – აღნიშნა ზაზა შათირიშვილმა.

ბიძინა ივანიშვილი პოლიტიკაში დაბრუნდა. ამის შესახებ 30 დეკემბერს, „ქართული ოცნების“ ყრილობაზე გახდა ცნობილი. ის მმართველი პარტიის საპატიო თავმჯდომარის თანამდებობას დაიკავებს.

შარშან, პრემიერის ვიზიტის შემდეგ, ხელი მოეწერა სტრატეგიული პარტნიორობის შესახებ შეთანხმებას ჩინეთსა და საქართველოს შორის, რამაც თვისებრივად სხვა ეტაპზე გადაიყვანა თანამშრომლობა ორ ქვეყანას შორის და ჩვენ მაქსიმალურად უნდა გამოვიყენოთ ეს მოცემულობა, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ ჩინეთის სახალხო რესპუბლიკაში განხორციელებული ვიზიტის შეფასებისას ტელეკომპანია „POSTV“-ის ეთერში განაცხადა.

მისი თქმით, „ქართული ოცნების“ დელეგაციის ვიზიტის მიზანი იყო, ჩინეთთან სხვადასხვა სფეროში თანამშრომლობის გაღრმავება.

„ჩვენი ვიზიტის მიზანიც არის ის, რომ კიდევ უფრო მეტად გაღრმავდეს თანამშრომლობა საქართველოსა და ჩინეთს შორის სხვადასხვა სფეროში. პოლიტიკური თანამშრომლობა არის ძალიან მნიშვნელოვანი, მნიშვნელოვანია ის, რომ ჩინეთი აღიარებს საქართველოს ტერიტორიულ მთლიანობას, ჩვენს სუვერენიტეტს, ასევე ჩვენ ვაღიარებთ ერთიანი ჩინეთის პრინციპს. რაც შეეხება ეკონომიკურ თანამშრომლობას, ეკონომიკური კუთხით, თანამშრომლობის გაღრმავების პოტენციალი არის ძალიან დიდი“, – განაცხადა ირაკლი კობახიძემ.

რეალურად, სამოქალაქო სექტორი პოლიტიკოსების თავშესაფარი გახდა და პოლიტიკური პარტიების დღის წესრიგის მძევლად იქცა, – ამის შესახებ საქართველოს პარლამენტის თავმჯდომარემ, შალვა პაპუაშვილმა 6 იანვარს გიორგი კანდელაკის მიერ სამების ტაძარში გადაღებულ ვიდეოზე საუბრისას განაცხადა.

„ნიშანდობლივია, რომ ეს ამბავი დაიწყო გიორგი კანდელაკისგან, ადამიანი, რომელიც დღეს წარმოაჩენს, როგორც „ენჯეოს“ წარმომადგენელი, ის არის არასამთავრობო ორგანიზაცია „სოვლაბის“ ერთ-ერთი აქტიური წევრი და ამავე დროს ეს არის ადამიანი, რომელიც პარტია „ევროპული საქართველოს“ პოლიტსაბჭოს წევრია. აქ არის სწორედ მთავარი პრობლემა, ჩვენი სამოქალაქო სექტორისა. რეალურად, სამოქალაქო სექტორი გახდა პოლიტიკოსების თავშესაფარი და პოლიტიკური პარტიების დღის წესრიგის მძევლად იქცა“, – აღნიშნა პაპუაშვილმა.

მან ასევე ისაუბრა შობის თარიღის აღნიშვნასთან დაკავშირებით წამოჭრილ პოლემიკაზეც.

მისი თქმით, შობის თარიღის აღნიშვნასთან დაკავშირებით წარმოქმნილი გაუგონარი ისტერია „ენჯეოსა“ და პოლიტიკური პარტიების წარმომადგენლებმა მოაწყვეს და ზემოთ აღნიშნულის ნაწილი იყო.

„ცდილობენ, შობის თარიღი დაუკავშირონ საკუთარ პოლიტიკურ დღის წესრიგს და კვლავ რუსეთი შემოიტანონ აქ საკითხად. საქართველო ამ დღეს აღნიშნავს საუკუნეებია უკვე და მათ შორის, საუკუნეებით ადრე, ვიდრე რუსეთი საერთოდ სახელმწიფო წარმოიქმნებოდა, თუ რუსეთი, როგორც ქრისტიანული ი ჩამოყალიბდებოდა. ამას ეძახიან რუსულ შობას. ეს ყველაფერი, თავდასხმა და მტრული რიტორიკა საქართველოს ეკლესიის წინააღმდეგ, ხორციელდება ევროპის, დასავლეთისა და ლიბერალიზმის სახელით“, – განაცხადა პაპუაშვილმა.

აქ არ არის მხოლოდ პარტიულ ინტერესებზე საუბარი და ვიწროპარტიული ინტერესებიდან არ გამოვდივარ, პარტიაზე მაღლა დგას რაღაც, როდესაც ქვეყანაზე და სამშობლოზე ვსაუბრობთ, – ამის შესახებ დედაქალაქის მერმა, კახა კალაძემ „იმედის კვირაში“ განაცხადა, რითაც ბიძინა ივანიშვილის პოლიტიკაში დაბრუნება შეაფასა.

როგორც კახა კალაძემ აღნიშნა, 2024 წლის არჩევნებზე ოპოზიციის მხრიდან ისეთივე შემოტევა იქნება, როგორც 2020 წელს.

„მე მგონია, რომ მაინც იქნება შემოტევები და ზეწოლა. გავიხსენოთ 2020 წლის არჩევნები, როგორი ზეწოლა იყო – გვაბრალებდნენ, რომ თითქოს არჩევნები გაყალბდა. წარმოიდგინეთ, იმ დონეზე მივიდნენ და ისიც კი იკადრეს, რომ პარალელური დათვლები გააყალბეს და ამით უნდოდათ ქვეყანაში რევოლუცია მოეწყოთ. საქართველოს დღევანდელი ხელისუფლება ე.წ. მეგობრებისთვის მისაღები არ არის, იმიტომ რომ ჩვენ არ ვართ ის ადამიანები, ვისაც რაღაცას უბრძანებენ და ქვეყნის წინააღმდეგ ნაბიჯს გადაადგმევინებენ“, – აღნიშნა კახა კალაძემ.

ბიძინა ივანიშვილი პოლიტიკაში დაბრუნდა. ამის შესახებ 30 დეკემბერს, „ქართული ოცნების“ ყრილობაზე გახდა ცნობილი. ის მმართველი პარტიის საპატიო თავმჯდომარის თანამდებობას დაიკავებს.