ბელარუსის პრეზიდენტის, ალექსანდრე ლუკაშენკოს განცხადებით, ევროკავშირის ქვეყნებთან ურთიერთობები უნდა შენარჩუნდეს.
„ახლა ჩვენ ვცხოვრობთ, პირველ რიგში, აღმოსავლეთის – რუსეთის, ჩინეთის ხარჯზე, მაგრამ არ უნდა დავივიწყოთ მაღალტექნოლოგიური დასავლეთი. ევროკავშირი – ისინი ახლოს არიან, ისინი ჩვენი მეზობლები არიან და მათთან ურთიერთობა არ შეიძლება დაიკარგოს. ჩვენ მზად ვართ ამისთვის, ოღონდ საკუთარი ინტერესების გათვალისწინებით“, – აღნიშნა ლუკაშენკომ.
11 აგვისტოს დღის ბოლოდან 13 აგვისტოს დილამდე, მაღალი ტემპერატურის ფონზე, დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა. ინფორმაციას ამის შესახებ გარემოს ეროვნული სააგენტო ავრცელებს.
„დასავლეთ საქართველოსა და აღმოსავლეთ საქართველოს უპირატესად დასავლეთ რაიონებში ზოგან შესაძლებელია ძლიერი, ელჭექი და სეტყვა. მოსალოდნელმა ძლიერმა წვიმებმა შესაძლებელია, გამოიწვიოს საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება“, – აღნიშნულია გარემოს ეროვნული სააგენტოს ინფორმაციაში.
2008 წელს ჰყავს ძალიან ბევრი გმირი, შინდისის გმირების მაგალითი კი არის გამორჩეული, – ამის შესახებ ჟურნალისტებთან „ხალხის ძალის“ ერთ-ერთმა ლიდერმა, სოზარ სუბარმა განაცხადა.
სოზარ სუბარის თქმით, შინდისის გმირობა იმ იმედს ტოვებს ქვეყნისთვის, რომ საქართველო აუცილებლად გამთლიანდება.
„ვიდრე საქართველოს ასეთი გმირები ჰყავს და მათ შესახებ ხსოვნა ცოცხალი იქნება ჩვენს გულებში, მანამდე ყოველთვის იქნება იმედი, რომ საქართველო აუცილებლად გამთლიანდება“, – აღნიშნა სოზარ სუბარმა.
დეპუტატმა ხაზი გაუსვა იმ ფაქტსაც, რომ აგვისტოს ომს, სამწუხაროდ, სიმხდალისა და ღალატის მაგალითებიც ჰქონდა.
„2008 წლის ომს, ამ გმირობის მაგალითებთან ერთად, აქვს ძალიან ბევრი სიმხდალისა და ღალატის მაგალითიც. სიმხდალის ყველაზე სამარცხვინო საქციელი იყო, როდესაც ქვეყნის მთავარსარდალი გორში, მეჯვრისხევის ქუჩაზე, თვითმფრინავის ხმაზე გაიქცა და თავისი სტუმარი, საფრანგეთის საგარეო საქმეთა მინისტრი მიატოვა, რომელიც გაოგნებული უყურებდა, ეს კაცი სად გარბისო და სახე წაშლილი ჰქონდა. ასეთ პირობებში მართლა საოცარია საქართველოს ჯარი ამდენი გმირობის მაგალითს როგორ იჩენდა“, – განაცხადა სოზარ სუბარმა.
“ჯორჯიან თაიმსის” ბლოგი
ავტორი: გიორგი ცუცქირიძე
ჩვენ რასაც უკრაინაში ვხედავთ ეს არის ამ საუკუნის ყველაზე დიდი კონფლიქტი, რომლის ფრონტის ხაზი გადაჭიმულია არა მხოლოდ 1200 კილომეტრიან პერიმეტრზე, სადაც უშუალოდ საბრძოლო მოქმედებები მიმდინარეობს, არამედ შავ ზღვაზე და ბელორუსიის საზღვართანაც. თავისი მასშტაბებით, თუ ბირთვული არსენალის შემაკავებელ ფაქტორს გავითვალისწინებთ, იგი გვაგონებს გასულ საუკუნეში პირველ და მეორე მსოფლიო ომებსაც თუ გავითვალისწინებთ, რომ უკრაინის მხარეს დგას კოლექტიური დასავლეთი აშშ-ს და ნატოს წევრი ქვეყნების სახით, ფინანსური და სამხედრო დახმარებით. ამ მასშტაბის სხვა კონფლიქტი ძნელი წარმოსადგენია ვის შორის შეიძლება განვითარდეს თუ, რა თქმა უნდა, ამ კონფლიქტში სამომავლოდ ნატოს და მასში შემავალი ქვეყნების ღია ჩართულობას არ ვიგულისხმებთ და რაც დღევანდელი მოცემულობით ცოტა არარეალურია. თეორიულად ამ მასშტაბის დაპირისპირება ვერც თუნდაც ინდოეთ-პაკისტანს შორის შეიძლება განიხილებოდეს, მიუხედავად 2 მილიარდამდე მცხოვრები ადამიანისა.
რუსეთის ულტიმატუმი დასავლეთისადმი, რაც გახდა კიდეც ამ ომის დაწყების მიზეზი, მაგონებს ბიზანტიის მართლმადიდებლური იმპერიის დაშლას ანუ ჩვენ თვალწინ თამაშდება ეპოქალური დრამა რუსეთის ბოლო იმპერიის, პირობითად მესამე რომის, როგორც რუსეთის მესიანური იდეის დაშლის პროცესის. ბიზანტიის დასასრული გარდა მომძლავრებულ ოსმალეთთან სამხედრო მარცხისა, სხვა არაერთმა ფაქტორმა განაპირობა, მათ შორის რომის კათოლიკურ ეკლესიასთან დაპირისპირებამაც. ბევრი პარალელის გავლება შეიძლება თანამედროვე რუსეთთანაც, რომელიც უპირისპირდება დასავლეთს და დიდია შანსი ამ ომში წაგებით საერთოდ დაიშალოს სხვადასხვა სახელმწიფოებად, რაც სხვა ქვეყნების ინტერესშიც შედის და პირველ რიგში მომძლავრებული ჩინეთის.
შემთხვევითი არ არის, რომ კონსტანტინოპოლის დაცემა ზოგჯერ განიხილება, როგორც რომის იმპერიის დასასრული. ამასთან კონსტანტინოპოლის აღებამ, სათავე დაუდო ოსმალეთის იმპერიის, თითქმის 6 საუკუნოვან ბატონობას, ევროპასა და აზიაში, რომელიც საბოლოოდ ევროპულ სახელმწიფოებთან სამხედრო დაპირისპირებების შედეგად, პირველი მსოფლიო ომის შემდეგ დაიშალა.
მიმაჩნია, რომ პუტინისტური რუსეთი რომელიც თავის თავს სსრკ-ის სამართალმემკვიდრედ აცხადებს, 100 წლიან მეტად სახიფათო ციკლს ასრულებს და ეს ომი ამიტომაც არის არა მხოლოდ ეპოქალური, არამედ დროში გაწელილიც, და ამ საუკუნის უახლოესი 80 წლის ტენდენციებს და განვითარების ვექტორებსაც განსაზღვრავს, თუ საით წავა მსოფლიო.
ამ სახიფათო ისტორიული გადმოსახედიდან საქართველოს სჭირდება არა მხოლოდ სტაბილიზაცია და ერის კონსოლიდაცია, არამედ გეო სტრატეგიული ხედვა ახალ გლობალისტურ მსოფლიოში საკუთარი ადგილის და როლის გასააზრებლად, თუმცა ეს გაცილებით რთული და ვრცელი თემაა და ამაზე სხვა დროს ვისაუბრებთ.
სამწუხაროდ, ქართული პოლიტიკური კლასის დიდი ნაწილის სიბეცე, როდესაც ამ გლობალური გადანაწილებისას, როდესაც ისტორიის ერთ- ერთ ყველაზე სახიფათო მონაკვეთს გავდივართ, ერთადერთ სტრატეგიად ყველა გზით და საშუალებით ხელისუფლებაში მოსვლა აქვს აპრიორად ქცეული, ქვეყნის განვითარების ეგზისტენციალურ პრობლემას წარმოადგენს. აქვე დავძენ, რომ ნებისმიერი ოპოზიციის მიზანი საბოლოოდ ხელისუფლებაში მოსვლა უნდა იყოს, მაგრამ არა დროსთან აცდენის და ყველაფრის ხარჯზე!
ამიტომაც არის ასე მნიშვნელოვანი ევროკავშირის კანდიდატის სტატუსიც და 2024 წლის არჩევნების მშვიდ გარემოში ჩატარებაც, ყოველგვარი ისტერიის და დესტაბილიზაციის გარეშე!
სარფში 19 წლის ბიჭი დაიხრჩო. ინფორმაციას საგანგებო სიტუაციების მართვის სამსახურში ადასტურებენ.
არსებული ინფორმაციით, გარდავლილი ჩხოროწყუს მუნიციპალიტეტის სოფელ ლესიჭინეს მკვიდრია. ზღვაში ის გუშინ გაუჩინარდა და მაშველებმა ცხედარი წყლის სიღრმიდან გუშინვე ამოიყვანეს.
ზუსტად ისევე აპირებს ივანიშვილი გაყიდოს ჩვენი ქვეყანა, როგორც გაყიდა და გაასხვისა „ლაგუნა ვერე“. ხალხს ჰპირდებოდა ერთს და გააკეთა მეორე, – ამის შესახებ “ერთიანი ნაციონალური მოძრაობის” წევრმა, გიორგი კაპანაძემ განაცხადა, რითაც „ლაგუნა ვერეს“ გაყიდვას გამოეხმაურა.
მისივე თქმით, ყველასათვის აშკარაა, რომ ერთ მხარეს არის რუსული ოცნება, კორუფცია, სიბნელე, სიღარიბე, ჭაობი და მეორე მხარეს არის საქართველო და ქართველი ხალხი.
„ზუსტად ისევე აპირებს ივანიშვილი ჩვენი ქვეყნის გაყიდვას, როგორც გაყიდა და გაასხვისა ლაგუნა ვერე. ხალხს ჰპირდებოდა ერთს და გააკეთა მეორე. ამ შემთხვევაში, „ქართუ ფონდისა“ და თავისი „ნარუშილოვკიანი” ნათესავის მეშვეობით. მერამდენედ უნდა მოატყუოს საზოგადოება? მერამდენედ უნდა გადააგდოს ხალხი? მერამდენედ უნდა სცადოს ადამიანების გაბითურება? მას მხოლოდ ერთადერთი მიზანი აქვს – რაც შეიძლება მეტი ქონება წაართვას ხალხს, ქვეყანას და მეტი ფული მიიღოს თავად. ამჯერად აღარ გამოუვა „ტრიუკები”, რადგან უკვე ყველასათვის აშკარაა, რომ ერთ მხარეს არის რუსული ოცნება, კორუფცია, სიბნელე, სიღარიბე, ჭაობი და მეორე მხარეს არის საქართველო და ქართველი ხალხი”, – განაცხადა გიორგი კაპანაძემ, რომლის კომენტარსაც „ნაციონალური მოძრაობა“ ავრცელებს.
ცნობისთვის, საჯარო რეესტრის ამონაწერის მიხედვით, ფონდმა „ქართუმ“ „ლაგუნა ვერე“ „შპს ნეო სითი დეველოპმენტს“ მიყიდა.
ამონაწერში აღნიშნულია, რომ 12 665 კვ.მ-ის ფართობის მქონე ტერიტორია შპს „ნეო სითი დეველოპმენტის“ საკუთრებაში 2023 წლის 10 აგვისტოდან გადავიდა. შესაბამისი განაცხადის რეგისტრაცია კი 7 აგვისტოს დაფიქსირდა.
საგანგებო სიტუაციების მართვის სამსახურის ხელმძღვანელის, თემურ მღებრიშვილის ინფორმაციით, მდინარეზე მონიტორინგის პროცესში იზრდება პერიმეტრი და მონიტორნგი ამბროლაურის ტერიტორიაზე განხორციელდება.
მისივე თქმით, შეეცდებიან, მდინარის კალაპოტში მონიტორინგი მაქსიმალურად ეფექტურად მოხდეს.
„მდინარეზე მონიტორინგი სტიქიის დაწყების პირველივე დღიდან ხორციელდებოდა. ახლა უკვე ვსაუბრობთ პერიმეტრის გაზრდაზე. ამ დროისთვის 30 კილომეტრ პერიმეტრზე გავდივართ, თუმცა დღის ბოლომდე ან ხვალ დილიდან 54-კილომეტრიან პერიმეტრზე გავალთ. ეს არის უკვე ამბროლაურის ტერიტორია. ვეცდებით, მაქსიმალურად ეფექტურად მოხდეს მონიტორინგი მდინარის კალაპოტში“, – განაცხადა თემურ მღებრიშვილმა.
ამასთან, როგორც თემურ მღებრიშვილმა აღნიშნა, დღეს ნაპოვნი ცხედარი სწორედ მონიტორინგის შედეგად არის ნანახი.
„ცხედარი წყალს არ გამოურიყავს, ნაპოვნია მონიტორინგის შედეგად, სტიქიის ეპიცენტრიდან 24 კილომეტრის მოშორებით. მდინარე მეტ- ნაკლებად დაწეულია, შესაბამისად, რიონის კალაპოტში გამოჩნდა პატარა კუნძულები, სადაც მოგროვებულია დიდი რაოდენობით ინერტული მასალა, ხის მორები და ამ ყველაფრის გადამოწმებით მივიღეთ ეს შედეგი. მინდა, ხაზი გავუსვა, რომ მონიტორინგი გაგრძელდება იქამდე, ვიდრე სამძებრო სამუშაოებს ვაწარმოებთ, ეს იქნება 54-კილომეტრიანი პერიმეტრი“, – განაცხადა თემურ მღებრიშვილმა.
შოვში, სტიქიის ზონაში დაღუპულთა რიცხვი 22-მდე გაიზარდა.
შოვში, სტიქიის ზონაში დაღუპულთა რიცხვი 22-მდე გაიზარდა. ამის შესახებ ჟურნალისტებს საგანგებო სიტუაციების მართვის სამსახურის ხელმძღვანელმა, თემურ მღებრიშვილმა განუცხადა.
როგორც თემურ მღებრიშვილმა აღნიშნა, ცხედარი აღმოჩენილია რიონის კალაპოტში.
„ამ დროისთვის სტატისტიკა შეცვლილია, აღმოჩენილია ცხედარი რიონის კალაპოტში და ამ დროისთვის მიმდინარეობს ცხედრის ამოსვენების ღონისძიება. გარდა ამისა, ნაპოვნია ადამიანის სხეულის ქვედა კიდური და მიმდინარეობს საძიებო სამუშაოები“, – განაცხადა მღებრიშვილმა.
ამ დროისთვის არსებული მონაცემებით, სტიქიის ზონაში 11 ადამიანს ეძებენ.
შოვში მეწყერი 3 აგვისტოს ჩამოწვა.
კინორეჟისორი გოგა ხაინდრავა ტვიტერით ავრცელებს შვედური არმიის ჯარისკაცების მარშს, ლგბტ დროშების თანხლებით.
“შევედური არმიის სვლა NATO-სკენ!
აგრესორები ძრწიან!”, – წერს ხაინდრავა.
შევედური არმიის სვლა NATO-სკენ!
აგრესორები ძრწიან! pic.twitter.com/jcty3kVybU— Goga Khaindrava (@KhaindravaGoga) August 11, 2023
გარემოს დაცვისა და სოფლის მეურნეობის სამინისტროს გარემოს ეროვნულმა სააგენტომ 26 და 30 ივლისს შავი ზღვის წყლის ხარისხის მორიგი მონიტორინგი განახორციელა. შედეგების მიხედვით, შავი ზღვის წყლის ხარისხი ნორმის ფარგლებშია, – ინფორმაციას გარემოს ეროვნული სააგენტო ავრცელებს.
მათივე ცნობით, კვლევებისას ქიმიური პარამეტრები, მათ შორის, 13 მძიმე მეტალი, ნავთობის ჯამური ნახშირწყალბადები, 16 პოლიარომატული ნახშირწყალბადისა და სხვა ფიზიკურ-ქიმიური პარამეტრის კონცენტრაცია განისაზღვრა.
„გარემოს ეროვნული სააგენტო შავი ზღვის წყლის ხარისხის მონიტორინგს 10 დღეში ერთხელ, 9 სადგურზე ახორციელებდა. 10 ივლისიდან სადგურების რაოდენობას ანაკლია-განმუხურის ტერიტორიის 3 წერტილი დაემატა. აღებულ სინჯებში 59 პარამეტრის მნიშვნელობები ისაზღვრება.
სინჯები საანალიზოდ გარემოს ეროვნული სააგენტოს ატმოსფერული ჰაერის, წყლისა და ნიადაგის ანალიზის აკრედიტებულ ლაბორატორიაში იგზავნება, რომელიც აღჭურვილია მაღალი სიზუსტის მქონე ანალიტიკური ხელსაწყოებით და თანამედროვე მოთხოვნებსა და სტანდარტებს სრულად აკმაყოფილებს. კვლევების მონაცემები საჯაროა,“ – აღნიშნულია გავრცელებულ ინფორმაციაში.
დღეს ჩვენი ძირძველი ტერიტორიების ძირითადი ნაწილი დროებით ოკუპირებულია, მაგრამ გონიერებით, თანმიმდევრული ნაბიჯებით უნდა აღვადგინოთ ქვეყნის ტერიტორიული მთლიანობა, ეს არის ჩვენი მთავარი მიზანი, – ამის შესახებ საქართველოს პრემიერ-მინისტრმა, ირაკლი ღარიბაშვილმა შინდისში განაცხადა, სადაც 2008 წლის რუსეთ-საქართველოს ომის დროს შინდისთან გმირულად დაღუპული ქართველი სამხედროების ხსოვნას პატივი მიაგო.
ღარიბაშვილის თქმით, ოკუპაცია მძიმე მემკვიდრეობაა.
„დღეს ჩვენი ძირძველი ტერიტორიების ძირითადი ნაწილი, ორივე რეგიონი არის დროებით ოკუპირებული, მაგრამ ჩვენი ჭკუით, გონიერებით, თანმიმდევრული ნაბიჯებით უნდა მოვახერხოთ, უნდა აღვადგინოთ ჩვენი ქვეყნის ტერიტორიული მთლიანობა. ეს არის ჩვენი მიზანი. კიდევ ერთხელ, დიდება ჩვენს გმირებს და ქედს ვიხრი მათი ხსოვნის წინაშე“, – განაცხადა ირაკლი ღარიბაშვილმა.
17 შინდისელი გმირი არის სახე და მაგალითი საქართველოს ისტორიის, – ამის შესახებ საქართველოს თავდაცვის მინისტრმა, ჯუანშერ ბურჭულაძემ განაცხადა.
როგორც ჯუანშერ ბურჭულაძემ აღნიშნა, ერთ მხარეს იდგა 17 გმირი და მეორე მხარეს – უსამართლობა.
„დღეს ჩვენ კიდევ ერთხელ გავიხსენეთ ჩვენი შინდისის გმირები, 17 გმირი არის სახე და მაგალითი საქართველოს ისტორიის, ერთ მხარეს იდგა 17 გმირი და მეორე მხარეს – უსამართლობა. ხუთი ტანკი, ასეული, ჯავშანტექნიკა, მსხვილკალიბრიანი იარაღი, აი, ეს იყო დაპირისპირებული ჩვენი 17 გმირის წინააღმდეგ, თუმცა მათ ჩვენი გმირები ვერ გატეხეს. ასე არის ისტორიის მანძილზეც, ჩვენს გმირებს ვერ გატეხენ, ჩვენს გმირებზე დგას ჩვენი სამშობლო და ჩვენი მომავალი“, – განაცხადა ბურჭულაძემ.
მისივე თქმით, დღეს გაიხსნა შინდისელ გმირთა მონუმენტი.
„მონუმენტი, იცით, დაიწყო ფონდმა, რომელმაც ვერ დაასრულა, ჩვენ, გარდა იმისა, რომ მონუმენტი დავასრულეთ მიმდებარე ტერიტორია კეთილმოვაწყვეთ და ხედავთ, რომ რეკრეაცია, მონუმენტი დასრულებულია და რაც შეიძლებოდა, ყველაფერი გავაკეთეთ“, – განაცხადა მინისტრმა.
კითხვაზე, საუბარი იყო მუზეუმის გახსნაზეც, თავდაცვის მინისტრმა აღნიშნა, რომ წელს გადმოეცათ შენობა და დაიწყო პროექტირება.
„დავიწყეთ პროექტირება, ჯერ ტექნიკური დავალების მომზადება და გადაწყვეტილების შემდეგ, გავაკეთებთ რეაბილიტაციას“, – განაცხადა მინისტრმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge