მესამე პოლიტიკური ძალის შექმნას სიახლე სჭირდება, ჩვენ კი სიახლე არა გვაქვს – გამომდინარე აქედან, „ფორდ მუსტანგზე“ დასხდებიან თუ „ტოიოტა პრიუსზე“, მაინც ერთი და იგივე შედეგი ექნებათ, – ასეთი პასუხი გასცა უმრავლესობის დეპუტატმა ირაკლი ქადაგიშვილმა ოპოზიციის საარჩევნო გეგმებთან დაკავშირებით დასმულ შეკითხვას.

ქადაგიშვილმა ამავე კონტექსტში განაცხადა ისიც, რომ საქართველოსა და ევროპის ქვეყნების უმრავლესობაში საარჩევნო ბარიერი 5%-ით იმიტომ არის განსაზღვრული, რომ „პარლამენტი არის არა პირდაპირი გაგებით სალაყბო, არამედ პოლიტიკური პასუხისმგებლობის მქონე იმ პოლიტიკური ორგანიზაციების საკრებულო, რომელთაც ხალხის ნდობა გააჩნია“.

„კარგი იქნება, თუ „ლელოს“ ვინმე კონსულტანტი ეყოლება. გარდა იმისა, რომ გემოვნების საკითხია საქართველოში კარგია თუ არა არჩევნების დროს ისეთი კლიპი, რომელიც ერთ-ერთ ავტომობილს უკავშირდება, ისეთ ფაქტობრივ შეცდომებს და უზუსტობებს შეიცავდა, რომ იმედია, ამერიკელს მაინც ეცოდინება, რომ ლა მანშზე არა, მაგრამ ლე მანსზე “ფორდ მუსტანგი” იღებდა მონაწილეობას თუ „ფორდ GT 40“. პოლიტიკური კონტექსტი ადასტურებს, რომ „ლელო“ და „ნაციონალური მოძრაობა“ არის ერთი დიდი კოლექტიური „ნაციონალური მოძრაობის“ ორი სხვადასხვა ფლანგი.

შეიქმნება თუ არა რაიმე ახალი პოლიტიკური ძალა, რომელსაც მესამე პოლიტიკურ ძალას ვეძახით? – მესამე პოლიტიკური ძალის შექმნას სიახლე სჭირდება. ჩვენ სიახლე არა გვაქვს – გვაქვს „ნაციონალური მოძრაობა“ თავისი „ენჯეო“-ებით, პარტიებით, ტელევიზიებითა და ფინანსური მომხრეებით. რაღაცა პერიოდში იყვნენ ერთად, შემდეგ დაიშალნენ და ეს დაშლილები ცდილობდნენ იმდაგვარად გასაღდეს, რომ თითქოს ახალი რებრენდინგი მოხდა – თქვან: – ჩვენ ვართ სიახლე. ისინი სიახლე არ არიან – თავისი განვლილი ისტორიით კარგად ცნობილი სახეები არიან“, – განაცხადა ირაკლი ქადაგიშვილმა.

„ნაციონალური მოძრაობის“ თავმჯდომარის ლევან ხაბეიშვილის განცხადებით, პრობლემა არა ელექტრონული არჩევნები და თანამედროვე ტექნოლოგიები, არამედ ცენტრალური საარჩევნო კომისიის მიმართ უნდობლობაა.

ხაბეიშვილის თქმით, ცესკო-ს ჰყავს არალეგიტიმური თავმჯდომარე, რომელიც  სუს-ისგან იმართება.

„ცესკო-ს და რუსულ პარტიას სურს, წარმოაჩინოს, თითქოს პრობლემა ელექტრონული არჩევნებია. პრობლემა არის, შემორჩენილი თავმჯდომარე რომ ჰყავს ცესკო-ს, არალეგიტიმური, ადამიანი, რომელიც არჩეული არ არის. ვენეციის კომისიამ შავით თეთრზე დაწერა, რომ ამ ადამიანის ლეგიტიმაცია კითხვის ნიშნის ქვეშ დგას, რადგან არ აურჩევია პარლამენტს და „ქართულმა ოცნებამ“თავმჯდომარედ დატოვა. დღეს მოვიტანე 176-გვერდიანი დასკვნა და ასობით მტკიცებულება, რომ ცესკო პირდაპირ შეზრდილია „ქართულ ოცნებასთან“ და ხელისუფლებასთან. ჩემი კითხვა მდგომარეობდა შემდეგში: „ქართულ ოცნებასთან“ რომ შეზრდილია ცესკო და ეს კაცი რომ არალეგიტიმურია, ამ ცესკო-ს რანაირად უნდა ჰქონდეს რაიმე სახის ლეგიტიმაცია? მეორე – ემიგრანტებს უნდა მიეცეთ შესაძლებლობა, არჩევნებში დააფიქსირონ თავიანთი ხმა. ელექტრონულ მოწყობილობებთან კი არ გვაქვს პრობლემა, ცხადია, თანამედროვე ტექნოლოგიები კარგია, ოღონდ მნიშვნელოვანია, ვინ არის, ვინც ამ აპარატურასთან მიდის და მართავს. ჩვენ არ ვენდობით იმას, ვინც მართავს აპარატურას. მნიშვნელოვანია, ყველა ოპოზიციონერმა დასვას საქმიანი შეკითხვა, რომელიც ეხება ცესკო-ს თავმჯდომარის ლეგიტიმაციას, რომ სუს-ი მართავს თავიდან ბოლომდე ცენტრალურ საარჩევნო კომისიას. მიუხედავად ამისა, ცხადია, მზად ვართ, რომ ქართველ ხალხთან ერთად გავიმარჯვოთ, მაგრამ ქართველ ხალხს უნდა ჰქონდეს ინფორმაცია, რომ არალეგიტიმური თავმჯდომარეა, რომელიც იმართება სუს-ისგან. ემიგრანტებმა არჩევნებში მონაწილეობა უნდა მიიღონ. თუ არ მიიღებენ, ეს იქნება უსერიოზულესი პრობლემა და ლეგიტიმაციის საკითხის დაყენების საფუძველი“, – განაცხადა ლევან ხაბეიშვილმა.

ცესკო-ს თავმჯდომარე გიორგი კალანდარიშვილი არჩევნებში ელექტრონული ტექნოლოგიების გამოყენებასთან დაკავშირებით დღეს პოლიტიკური პარტიების ხელმძღვანელ პირებს შეხვდა.

აუცილებელია, 5%-იანი საარჩევნო ბარიერი ყველა პროდასავლურმა პარტიამ გადალახოს – ამისთვის პარტიათა გამსხვილება ფუნდამენტურად მნიშვნელოვანია, – ასეთია ფრაქცია „ნაციონალური მოძრაობის” თავმჯდომარის თინა ბოკუჩავას პოზიცია.

როგორც ბოკუჩავამ ამ კონტექსტში აღნიშნა, 2024 წლის საპარლამენტო არჩევნებში არც ერთი ოპოზიციური ხმა არ უნდა დაიკარგოს, რაც იმდენად პრინციპული საკითხია, რომ ყველა პოლიტიკურ და პერსონალურ ამბიციებზე მაღლა უნდა დადგეს.

მისივე თქმით, მთავარი ამოსავალი წერტილია არჩევნებში გამარჯვება და არა პარტიული ხმების დათვლა.

„გამოვთქვამ იმედს, რომ ყველა პოლიტიკური პარტია, ლიდერი და პოლიტიკოსი საკუთარი ელექტორალურ პოტენციალთან დაკავშირებით იქნება რეალისტური და გადაწყვეტილებებს დაჯგუფებებთან და კოალიციებთან დაკავშირებით აქედან გამომდინარე მიიღებს.

ძალიან მნიშვნელოვანია, რომ ოპოზიციურად განწყობილი მოქალაქეების ხმები საარჩევნო შედეგებში აისახოს, რაც იმას ნიშნავს, რომ თითოეულმა ოპოზიციურმა პარტიამ 5%-იანი საარჩევნო ბარიერი გადალახოს, ოპოზიციური ხმები არ გაიფლანგოს და ის “ქართულმა ოცნებამ” არ მიიტაცოს. ეს არის მთავარი ამოცანა – დიდი იმედი მაქვს, რომ ყველა პარტია ამ ამოცანიდან გამომდინარე იმოქმედებს.

ეს არის უმნიშვნელოვანესი არჩევნები, სადაც ქვეყნის ბედი წყდება – დარჩება საქართველო რუსეთის ამარა ივანიშვილის ხელში თუ მოიპოვებს გამარჯვებას, თავისუფლებას და ევროპულ მომავალს კოალიციური ხელისუფლების პირობებში.

იმედი მაქვს, რომ ამ კოალიციურ ხელისუფლებაში შევა ყველა, მაგრამ ამისთვის აუცილებელია, რომ 5%-იანი საარჩევნო ბარიერი ყველა პროდასავლურმა პარტიამ გადალახოს”, – განაცხადა თინა ბოკუჩავამ.

თანამედროვე ტექნოლოგიები თუ ვინმემ იცის საქართველოში, მე ვარ – ისეთ ტექნოლოგიებს გამოვიყენებთ, ვერც ერთ ხმას ვერ გააყალბებენ, შემაჯამებელი ოქმი შედგება, რომელიც ცვლის ხელისუფლებას და ეს იქნება ცესკოსთვის ტესტი, მოაწერენ ხელს თუ არა,- ამის შესახებ ჟურნალისტებთან “სტრატეგია აღმაშენებლის” ლიდერმა გიორგი ვაშაძემ განაცხადა, რომელიც ცესკო-ს ხელმძღვანელისა და პოლიტიკური პარტიების შეხვედრაზე იმყოფება.

მისივე თქმით, ცესკო არალეგიტიმურია, რადგან მას მოვალეობის შემსრულებელი მართავს.

“წელს ძალიან მნიშვნელოვანი წელია და მთავარი რა პასუხიც ცესკომ უნდა გასცეს, არის თუ არა მზად მოაწეროს ხელი შემაჯამებელ ოქმს, რითაც შეიცვლება ხელისუფლება საქართველოში. ეს არის მთავარი ტესტი მათთვის და ეს ასე იქნება, რადგან ხალხის ნებას წინ ვერავინ აღუდგება. მთავარი საკითხი, რაც გვაქვს არის ის, რომ მილიონზე მეტი ჩვენი თანამოქალაქეა უცხოეთში, რომელიც ვერ იღებს არჩევნებში მონაწილეობას და არალეგიტიმური ცესკოა, რადგან მოვალეობის შემსრულებლები მართავენ ცესკოს, ერთი და იგივე კომპანიაა, რომელიც რატომღაც ყველა ქვეყანაში აკეთებს აუდიტს ამ ტექნოლოგიებს. ვპირდები “ქართულ ოცნებას” და ცესკოს, ისეთი ტექნოლოგიები გვაქვს მოფიქრებული, რომ არც ერთი ხმის გაყალბების უფლებას არ მივცემთ, წელი დასრულდება დეოლიგარქიზაციით საქართველოში, რომლის მთავარი მაჩვენებელიც იქნება კოალიციური მმართველობა. თანამედროვე ტექნოლოგიები თუ ვინმემ იცის საქართველოში, თუ სითამამედ არ ჩამითვლით, მე მგონი მე ვიცი. ეს თანამედროვე ტექნოლოგიები არის წარსული, რასაც ჩვენ გამოვიყენებთ ის არის მომავალი და ვერც ერთ ხმას ვერ გააყალბებენ, თუ ვინმე ამას ეცდება. ტესტი იქნება ცესკოსთვის, როცა შემაჯამებელი ოქმი შედგება, რომელიც ცვლის ხელისუფლებას, აწერენ თუ არა ხელს მას, მაგრამ მოუწევთ ხელის მოწერს,”- განაცხადა ვაშაძემ.

აუცილებელია, 5%-იანი საარჩევნო ბარიერი ყველა პროდასავლურმა პარტიამ გადალახოს – ამისთვის პარტიათა გამსხვილება ფუნდამენტურად მნიშვნელოვანია, – აცხადებს  ფრაქცია „ნაციონალური მოძრაობის” თავმჯდომარე თინა ბოკუჩავა.

მისი თქმით, 2024 წლის საპარლამენტო არჩევნებში არც ერთი ოპოზიციური ხმა არ უნდა დაიკარგოს, რაც იმდენად პრინციპული საკითხია, რომ ყველა პოლიტიკურ და პერსონალურ ამბიციებზე მაღლა უნდა დადგეს.

როგორც თინა ბოკუჩავა აცხადებს, მთავარი ამოსავალი წერტილია არჩევნებში გამარჯვება და არა პარტიული ხმების დათვლა.

„გამოვთქვამ იმედს, რომ ყველა პოლიტიკური პარტია, ლიდერი და პოლიტიკოსი საკუთარი ელექტორალურ პოტენციალთან დაკავშირებით იქნება რეალისტური და გადაწყვეტილებებს დაჯგუფებებთან და კოალიციებთან დაკავშირებით აქედან გამომდინარე მიიღებს.

ძალიან მნიშვნელოვანია, რომ ოპოზიციურად განწყობილი მოქალაქეების ხმები საარჩევნო შედეგებში აისახოს, რაც იმას ნიშნავს, რომ თითოეულმა ოპოზიციურმა პარტიამ 5%-იანი საარჩევნო ბარიერი გადალახოს, ოპოზიციური ხმები არ გაიფლანგოს და ის “ქართულმა ოცნებამ” არ მიიტაცოს. ეს არის მთავარი ამოცანა – დიდი იმედი მაქვს, რომ ყველა პარტია ამ ამოცანიდან გამომდინარე იმოქმედებს.

ეს არის უმნიშვნელოვანესი არჩევნები, სადაც ქვეყნის ბედი წყდება – დარჩება საქართველო რუსეთის ამარა ივანიშვილის ხელში თუ მოიპოვებს გამარჯვებას, თავისუფლებას და ევროპულ მომავალს კოალიციური ხელისუფლების პირობებში.

იმედი მაქვს, რომ ამ კოალიციურ ხელისუფლებაში შევა ყველა, მაგრამ ამისთვის აუცილებელია, რომ 5%-იანი საარჩევნო ბარიერი ყველა პროდასავლურმა პარტიამ გადალახოს”, – განაცხადა თინა ბოკუჩავამ.