„საქართველოს ელჩი იყო ერთ-ერთი გამონაკლისი ელჩთაგანი, რომელსაც ერთი წუთი არ დაუტოვებია უკრაინა, ერთი წუთით არ მოუცლია ფეხი კიევიდან, როდესაც იქ იყო ძალიან სერიოზული საფრთხე, რომ თავდასხმა შეიძლება მომხდარიყო, შეიძლებოდა დაცემულიყო კიევი“, – ამის შესახებ „ხალხის ძალის“ ერთ-ერთმა ლიდერმა, სოზარ სუბარმა „ქრონიკაში“ ჩართვისას ისაუბრა.

როგორც სუბარი აღნიშნავს, როდესაც კიევზე თავდასხმა იყო მოსალოდნელი, ყველა ქვეყნის საელჩო დატოვა კიევი საქართველოს საელჩოს გარდა და დღეს ასეთი ნაბიჯი ზელენსკის მხრიდან მიერ ელჩის მიმართ გამაოგნებელია.

„ბრალდებები გვესმის უკვე ომის დაწყების პირველი დღიდან, თუმცა მარტო ბრალდებებით არ შემოიფარგლა სამწუხაროდ ყველაფერი და გადაიდგა რამდენიმე ძალიან არამეგობრული ნაბიჯი ქართული სახელმწიფოს მიმართ. ბოლო ნაბიჯი იყო საქართველოს ელჩის პირდაპირ ვიტყვი, გამოძევება უკრაინიდან. ეს ის ელჩია, ის ერთ-ერთი გამონაკლისი ელჩთაგანი, რომელსაც ერთი წუთი არ დაუტოვებია უკრაინა, ერთი წუთით არ მოუცლია ფეხი კიევიდან, როდესაც იქ იყო ძალიან სერიოზული საფრთხე, რომ თავდასხმა შეიძლება მომხდარიყო, შეიძლებოდა დაცემულიყო კიევი. ყველა ქვეყნის საელჩომ დატოვა კიევი, თუმცა საქართველოს საელჩოს არცერთ თანამშრომელს და პირადად ელჩს არ დაუტოვებიათ საელჩო. დღეს ასეთი ნაბიჯი მის მიმართ გამაოგნებელია, ისევე, როგორც გამაოგნებელი იყო თავის დროს საქართველოდან უკრაინის ელჩის გაწვევა, მხოლოდ და მხოლოდ იმის გამო, რომ ჩვენ არ მივეცით უფლება საქართველოდან მოხალისეებს, რომ სპეციალური თვითმფრინავივით გაფრენილიყვნენ უკრაინაში. გასაგებია, რომ მოხალისის ჩასვლას ვისაც ომში წასვლა უნდა ერთი დღეც კი არ სჭირდებოდა, ნახევარი დღეში ეს იყო შესაძლებელი.

არცერთი ქვეყანა არ აგზავნის მსგავსი თვითმფრინავით მოხალისეებს იმიტომ, რომ ეს ნიშნავს პრაქტიკულად ომში ჩართვას. სწორედ ეს იყო იმ ადამიანის სურვილი, ვინც ელჩის გაიწვია თავის დროზე და ელჩს ზელენსკის გარდა ვერავინ გაიწვევდა, განცხადებაც პირადად მან გააკეთა.

ახლაც ეს ერთადერთი მიზეზია – საქართველოს ომში ჩართვა მთავარი ამოცანაა და ამ ამოცანისთვის იყენებენ სააკაშვილისაც. ამ ამოცანისთვის მოდის ბრალდებებიც საქართველოს წინააღმდეგ, თითქოს საქართველო გამოიყენება სანქციების გვერდის ავლისთვის დასანქცირება  ქართული ავიაკომპანიის და მისის ხელმძღვანელის იმისთვის, რომ რატომ აღდგა რუსეთთან ფრენები.

თუმცა, თავისუფლად დაფრინავენ თვითმფრინავები ჩვენს მეზობელ სომხეთში, აზერბაიჯანში, თურქეთში, აღარ ვლაპარაკობ უფრო შერეულ ქვეყნებზე, როგორიც არის ჩინეთი, ინდოეთი თუ სხვა და არავის მოსვლია აზრად დაესანქცირებინა რომელიმე ავიაკომპანია, ან რომელიმე ავიაკომპანიის ხელმძღვანელი, მაინც და მაინც საქართველოზე ატეხეს მსგავსი გნიასი. ეს არის ჩვეულებრივი მტრული ნაბიჯები საქართველოს მიმართ გადადგმული. ამ შემთხვევაში, მიუხედავად იმისა, რომ საქართველოს ხელისუფლების წარმომადგენლები ხშირად ამბობენ, რომ ჩვენ ვაგრძელებთ ცალმხრივ მეგობრობას – ცალმხრივი და უიმედო სიყვარული გამიგია და მეგობრობა არ არსებობს ცალმხრივი. შესაბამისად, ჩვენ ყველაფერს თავისი სახელი უნდა დავარქვათ“, – განაცხადა სოზარ სუბარმა.

“მიუხედავად უკრაინის მაღალჩინოსნის განცხადებებისა, რომ საქართველოს ევროინტეგრაციის გზაზე გადამწყვეტი სიტყვა ექნება უკრაინის პრეზიდენტს, ეს ასე ნამდვილად არ არის. თუმცა,  შეიძლება უბრალოდ მოიმიზეზონ, რომ აი, რადგან ზელენსკი არის წინააღმდეგი, ამიტომაც არ ვაძლევთ საქართველოს კანდიდატის სტატუსსო,” – ამის შესახებ „ქრონიკაში“ „ხალხის ძალის“ ერთ-ერთმა ლიდერმა სოზარ სუბარმა განაცხადა.

მისი თქმით, უკრაინის ხელისუფლება ვერ იქნება რეალური მიზეზი საქართველოსთვის ევროკავშირის წევრობის კანდიდატის სტატუსზე უარის სათქმელად, რადგან საქართველო ყველა კრიტერიუმით იმსახურებს კანდიდატის სტატუსს, თუმცა, ომის პარტიის წარმომადგენლების მიზანი სხვა არის – მეორე ფრონტის გახსნა, ამიტომ, შესაძლოა მათ კანდიდატის სტატუსის მონიჭებას ხელი შეუშალონ.

“უკრაინის ხელისუფლება ვერანაირად ვერ იქნება რეალური მიზეზი, იმიტომ, რომ საქართველოს ევროკავშირში ინტეგრაციას წყვეტენ ევროპული ქვეყნების ხელისუფლებები. გასაგებია, რომ ამ ხელისუფლებებს შორის თუნდაც ერთი ქვეყანა რომ აღმოჩნდეს, რომელიც ომის პარტიის წინაშე ვალდებულია მათი მოთხოვნები შეასრულოს, ამ შემთხვევაში, ამ ერთი ქვეყნის ხელისუფლება წავა წინააღმდეგ და ბუნებრივია, რომ საქართველოს კონსენსუსის გარეშე ევროკავშირის წევრობას ვერ მიანიჭებენ. ამ შემთხვევაში, რა თქმა უნდა, მოსალოდნელია, რომ მიზეზი მოძებნონ და ეს მიზეზი შეიძლება იყოს როგორც ზელენსკის წინააღმდეგობა, ასევე შეიძლება იყოს ის, რომ თითქოს საქართველომ ის 12 პუნქტი არ შეასრულა და უამრავი სხვა რამ. თუმცა, თუ ობიექტური კრიტერიუმებით მივუდგებით, ყველასთვის ნათელია, რომ საქართველო ევროინტეგრაციისთვის საჭირო კრიტერიუმების დაკმაყოფილების გზაზე ბევრად წინ დგას, ვიდრე – უკრაინა და მოლდოვა. უკრაინაზე გასაგები მიზეზების გამო ყურადღებას აღარ ვამახვილებთ, რადგან არის ომში, მაგრამ მოლდოვას, რომელიც არის დსთ-ს წევრი, კორუფცია არის უმაღლეს დონეზე, სადაც ოპოზიციური პარტიების აკრძალვა ჩვეულებრივ წესად იქცა, სადაც ბრალდების გარეშე აკავებენ პოლიტიკურ ოპონენტებს და მათ შორის ყოფილ პრეზიდენტსაც, და ამას გვიჩვენებენ, როგორც მაგალითს, თუ როგორ უნდა შესრულდეს ევროკავშირის მოთხოვნები, გასაგებია, რომ ამას ობიექტურ კრიტერიუმებს ვერ ვუწოდებთ. ეს არის ზეწოლა იმისთვის, რომ საქართველომ რაღაც გააკეთოს. ეს რაღაც კი არის ერთადერთი რამ – ომში უნდა ჩავერთოთ. სხვა მოთხოვნა საქართველოს მიმართ ვერ ექნებათ.

მაკფოლის ინტერვიუში იყოს სწორედ – მეორე ფრონტის გახსნის შემთხვევაში რუსეთს ისე გაუჭირდება, რომ იძულებული გახდება არა მხოლოდ მოლაპარაკებებზე წამოვიდეს, არამედ შეიძლება კაპიტულაციაც კი გამოაცხადოსო. სწორედ ეს არის მიზანი, რისთვისაც საქართველოზე ასეთი წარმოუდგენელი სახის ზეწოლა ხორციელდება, როგორც უკრაინის ხელისუფლების წარმომადგენლების მხრიდან, ასევე, ომის პარტიის ისეთი წარმომადგენლების მხრიდან, როგორიც ბატონი მაკფოლი გახლავთ,” – განაცხადა სოზარ სუბარმა.