რუსეთის თავდაცვის სამინისტრომ ოკუპირებულ აფხაზეთში „ანტიტერორისტული წვრთნა“ ჩაატარა, – ინფორმაციას რუსეთის თავდაცვის უწყება ავრცელებს.

სამინისტროს ცნობით, აფხაზეთში დისლოცირებულ სამხრეთ სამხედრო ოლქის სამხედრო ბაზაზე „ჩატარდა სწავლება იმიტირებული უკანონო შეიარაღებული ჯგუფების თავდასხმის მოსაგერიებლად“.

„პერსონალს მიეცა სხვადასხვა დავალება, რომლებიც უნდა შეესრულებინათ საბრძოლო ვითარებასთან მაქსიმალურად მიახლოებულ გარემოში. რეალურთან მაქსიმალურად მიახლოებული სიტუაციის შესაქმნელად სამხედრო მოსამსახურეებმა გამოიყენეს ცარიელი ვაზნები, კვამლის ბომბები და იმიტირებული ყუმბარები“, – ნათქვამია რუსეთის თავდაცვის სამინისტროს განცხადებაში.

უწყების ინფორმაციით, განსაკუთრებული ყურადღება დაეთმო ბლოკირების განხორციელებისთვის საჭირო მოქმედების პრაქტიკას ასევე მცირე ჯგუფებად ფარულ მოძრაობას.

ამერიკულ გაზეთ „ვაშინგტონ თაიმსში“ (The Washington Times) გამოქვეყნებულია სტატია სათაურით „ ჯო ბაიდენი ნამდვილი ჰიტლერი ხდება“ (ავტორი – ჩარლზ ჰერტი).

„ნათქვამია – შვილი მამის კვალს მიჰყვებაო, მაგრამ პრეზიდენტის შემთხვევაში პირიქითაა: ჯო ბაიდენი თავისი შვილის – ჰანტერის კვალს მიჰყვება. უნდა ვივარაუდოთ, რომ სწორედ ამით აიხსნება ჯო ბაიდენის „მოკრძალებული ქცევა“, რომლის მაგალითი მან, როგორც ჩანს, თავისი ვაჟისგან აიღო.

მხოლოდ ნარკომანი, სექს-ვიდეოების ვარსკვლავი, მსუბუქ ყოფაქცევიანი ქალების მოყვარული, უცხო ქვეყნების მთავრობებთან კორუფციული გარიგებების ავტორი და პოლიტიკოსი მამის შემარცხვენელი შეიძლებოდა ყოფილიყო პრეზიდენტის ისეთი შვილი, როგორიც ჰანტერია, რომლის ქცევის მომსწრენი ჩვენ გავხდით ბოლო რამდენიმე კვირის განმავლობაში. და ეს სწორედ მაშინ, როცა მამამისი ჯო ბაიდენი ყოფილი პრეზიდენტის, თავისი მეტოქის დონალდ ტრამპისა და მისი ყველა მხარდამჭერის „განადგურებას“ აპირებს.

ამას წინათ ჩვენი პრეზიდენტი [ისტორიულ ქალაქ] ველი ფორჯში იმყოფებოდა, სადაც ადგილობრივი მხარდამჭერი დემოკრატების წინაშე პირველი წინასაარჩევნო სიტყვით გამოვიდა, თანაც ისე, რომ მოსახლეობას თავი ჯორჯ ვაშინგტონად მოაჩვენა (სწორედ აქ, ველი ფორჯში, 1777-1778 წლებში გენერალმა და მთავარსარდალმა აშშ-ის ჯარების წვრთნები ჩაატარა), რომელმაც ფაქტობრივად ახალი სახელმწიფო შექმნა. არადა, ჯო ბაიდენი ჯორჯ ვაშინგტონის აჩრდილადაც კი არ ღირს. იგი დაემუქრა იმ ამერიკელ მოქალაქეებს, რომლებიც მხარს დონალდ ტრამპს უჭერენ, რაც ჩვენი ქვეყნისთვის ძალიან სახიფათო მოვლენას წარმოადგენს.

დიდი აბრაამ ლინკოლნი გაგანია სამოქალაქო ომის დროსაც კი არ დაშვებულა ასეთ სამარცხვინო დონემდე თავისი პოლიტიკური მეტოქეების წინააღმდეგ, რომლებიც მის პოლიტიკურ კამპანიას არ ეთანხმებოდნენ. პირიქით – ომის ყველაზე მთავარი ბრძოლის – გეტისბერგის სისხლისმღვრელი ბრძოლის შემდეგ (1863 წლის ივლისში) მან ყველა დაღუპული ჯარისკაცის სული ლოცვით მოიხსენია, განურჩევლად იმისა, თუ რომელ მხარეს იბრძოდნენ – აშშ-ისა თუ აკშ-ის (ამერიკის კონფედერაციული შტატების) მხარეს.
როგორც ჯო ბაიდენმა განაცხადა, დონალდ ტრამპის მომხრეები ექსტრემისტები და ტერორისტები არიან, „რომლებიც ჩვენი ქვეყნის საფუძვლებს ძირს უთხრიან და საფრთხეს უმზადებენ“. მისი გამოსვლა ადოლფ ჰიტლერის გამოსვლას ჰგავდა.
ოდესმე გაგიგონიათ, რომ რომელიმე პოლიტიკოსი, მით უმეტეს პრეზიდენტობის კანდიდატი, ასე ლაპარაკობდეს ამერიკის მოქალაქეებზე იმიტომ, რომ ისინი მხარს სხვა კანდიდატს უჭერენ? უფრო მეტიც – ჯო ბაიდენის მიერ დანიშნულმა იუსტიციის მინისტრმა ასობით პოლიტიკური ოპონენტი ჩაყარა ციხეში და აცხადებს, რომ კიდევ იმდენის დასაჭერად ემზადება.
ალბათ, ასეთმა სახიფათო პოლიტიკურმა დემაგოგიამ წააქეზა დემოკრატიული პარტიის წევრი ამომრჩეველი ჯეიმს ჰიჯინსქსონი, რომელმაც ექვსი რესპუბლიკელი მოკლა ბეისბოლის მინდორზე.

კიდევ ერთმა დემოკრატმა კანდიდატმა ლიზ ჩეინმა დონალდ ტრამპის მომხრეების გასაგონად განაცხადა, რომ თუ ისინი კვლავ ექს-პრეზიდენტს მისცემენ ხმას, ეს მათთვის ბოლო ხმის მიცემა იქნება.

ველი ფორჯში გამოსვლის შემდეგ ჯო ბაიდენი ჩარლსტონში წავიდა, სამხრეთ კაროლინას შტატში, რათა ათი წლის წინათ მოკლული ცხრა აფროამერიკელის ხსოვნის პოლიტიზება მოეხდინა. არადა, ამით ვინ შეურაცხჰყოფს უდანაშაულოდ დაღუპულთა ხსოვნას? ის პიროვნება, რომელიც თავის მოწინააღმდეგეებს საპყრობილეში გზავნის და სახელმწიფო თანამდებობებს მილიონ დოლარად ჰყიდის – ჯო ბაიდენი.

წყარო:

რუსეთი 2024 წელს ახალი ავიაბომბის, „დრელის“ სერიული წარმოების დაწყებას გეგმავს, – ინფორმაციას რუსული საინფორმაციო სააგენტო ТАСС-ი ავრცელებს.

მათივე ინფორმაციით, ახალმა საჰაერო ბომბმა წარმატებით გაიარა სამხედრო დეპარტამენტის მიერ განსაზღვრული ყველა გამოცდა.

ТАСС-ი წერს, რომ „დრელი“ განკუთვნილია ჯავშანტექნიკის, სახმელეთო სარადარო სადგურების, ელექტროსადგურების მართვის ცენტრებისა და საზენიტო-სარაკეტო სისტემების განადგურებისთვის. მოსალოდნელია, რომ ის პრაქტიკულად შეუმჩნეველი იქნება რადარზე. ამასთან, რუსული მედია წერს, რომ თუკი ბომბის ასაფეთქებელი ელემენტი სამიზნის წინააღმდეგ არ იმოქმედებს, გარკვეული დროის შემდეგ მისი თვითგანადგურება ხდება და საომარი მოქმედებების შეწყვეტის შემდეგ მოსახლეობისთვის საფრთხეს არ წარმოადგენს.

ახალი ავიაბომბის შექმნა პირველად 2016 წელს გამოცხადდა.

ეკვადორის პრეზიდენტმა, დანიელ ნობოამ განაცხადა, რომ მისი ქვეყანა ომშია ტერორისტულ დაჯგუფებებთან, რომლებსაც მძევლად ჰყავთ ციხის 130-ზე მეტი ზედამხედველი და სხვა თანამშრომლები. ამის შესახებ „როიტერი“ წერს.

„ჩვენ ომში ვართ და ამ ტერორისტული ჯგუფებს ვერ დავნებდებით“, – განაცხადა ნობოამ.

ნობოას თქმით, ეკვადორში სხვადასხვა კრიმინალური დაჯგუფების დაახლოებით 20 000 აქტიური წევრია.

როგორც „როიტერი“ წერს, „სოციალურ მედიაში გავრცელებულ ვიდეოებში ჩანს, რომ ციხის თანამშრომლებს უკიდურესად ძალადობრივად ექცევიან, მათ შორის არის დახვრეტის კადრებიც“.

ეკვადორის ხელისუფლებამ ქვეყანაში საგანგებო მდგომარეობა და კომენდანტის საათი ციხიდან გავლენიანი კრიმინალური დაჯგუფების, „ლოს ჩონეროსის“ ლიდერის, ფიტოს გაუჩინარების შემდეგ გამოაცხადა. ამის შემდეგ ქვეყანაში ძალადობრივი მოვლენები განვითარდა. ვითარება მას შემდეგ გამწვავდა, რაც შეიარაღებული პირები საპორტო ქალაქ გუაიაკილში, სადაც ციხე მდებარეობს, ტელევიზიის შენობაში პირდაპირი ეთერის დროს შეიჭრნენ. პოლიციამ ტელეარხზე თავდასხმაში მონაწილე 13 შეიარაღებული პირი დააკავა. ეკვადორის პრეზიდენტმა, დანიელ ნობოამ კი 22 კრიმინალური დაჯგუფება ტერორისტულ ორგანიზაციად გამოაცხადა, ისინი სამხედრო სამიზნეებად დაასახელა და შეიარაღებულ ძალებს მათ წინააღმდეგ ოპერაციის ჩატარება უბრძანა. ნობოამ თქვა, რომ ქვეყანა ამ კვირაში დაიწყებს უცხოელი პატიმრების, განსაკუთრებით კოლუმბიელების დეპორტაციას, რათა შეამციროს ციხეში მყოფი ადამიანების რაოდენობა და ხარჯები.

ამასთან, პერუმ ეკვადორის საზღვარზე საგანგებო მდგომარეობა გამოაცხადა და უსაფრთხოების ძალები განათავსა.

დღევანდელი აზერბაიჯანი მსოფლიოს უძლიერეს ქვეყნებს შორისაა, – ამის შესახებ აზერბაიჯანის პრეზიდენტმა ადგილობრივ მედიას განუცხადა.

ილჰამ ალიევის თქმით, მთავარი ამოცანა ქვეყანამ რამდენიმე თვის წინ გადაწყვიტა, როდესაც სრულად აღადგინა სუვერენიტეტი.

„მოვლენების მსვლელობამ აჩვენა, რომ ეს გაკვეთილი უნდა იყოს არამხოლოდ სომხეთისთვის, არამედ მათთვისაც, ვინც სომხეთის უკან დგას. შეუძლებელია ჩვენთან საუბარი მუქარითა და ქედმაღლობით“,-აღნიშნა ალიევმა.