უკვე მერამდენედ, დიპლომატიური კორპუსის წარმომადგენლები უხეშად ერევიან საქართველოს შიდა საქმეებში, – ასე ეხმაურება, „ხალხის ძალის“ ერთ-ერთი ლიდერი დიმიტრი ხუნდაძე, დანიის ელჩის მხრიდან ბიძინა ივანიშვილის ოლიგარქად მოხსენიებას სოციალურ ქსელში.

ხუნდაძის თქმით, კარგი იქნება თუ, საქართველოს პარტნიორი სახელმწიფოები მეტი პასუხისმგებლობით მოეკიდებიან ელჩების კანდიდატების შერჩევას და ადგილი აღარ ექნება დიპლომატის მხრიდან საქართველოს შიდა პოლიტიკურ საქმეებში ჩარევას.

„უკვე მერამდენედ, დიპლომატიური კორპუსის წარმომადგენლები უხეშად ერევიან საქართველოს შიდა საქმეებში. უმთავრესი დარღვევა ის არის, რომ დიპლომატი პოლიტიკურ განცხადებებს აკეთებს. დიპლომატის გაპოლიტიკოსების მაგალითი გვქონდა გასულ წლებში ერთ-ერთი პარტნიორი სახელმწიფოს ელჩისგან და გვჯეროდა, რომ მსგავს შეცდომას სხვა აღარ დაუშვებდა.

მივმართავთ ჩვენს პარტნიორ სახელმწიფოებს, კარგად აუხსნან მათ ელჩებს დიპლომატის ფუნქციები და უფლება-მოვალეობები. მაგრამ, როგორც ჩანს, აქ საქმე მიზანმიმართულ ქმედებასთან გვაქვს, რომ კიდევ ერთხელ უცხო ძალის დახმარებით ქართულ ოპოზიციას როგორმე სული ჩაბერონ.

ბიძინა ივანიშვილი არის მმართველი პარტიის საპატიო თავმჯდომარე და მისი ოლიგარქად მოხსენიება უდიდესი შეურაცხყოფაა არა მარტო ივანიშვილის, არამედ, მთლიანად სახელისუფლებო გუნდის. შეურაცხყოფაა ასევე ხალხის, რომელმაც მმართველი გუნდი აირჩია. როგორც ჩანს, დანიის ელჩს ახსნა სჭირდება, თუ რას ნიშნავს ოლიგარქი და მაგალითისთვის ვთხოვთ, „ნაცმოძრაობის“ დამფინანსებლის, კეზერაშვილის ქეისი კარგად შეისწავლოს.

მიუხედავად წარსულის შეცდომის განმეორებისა უცხოელი ელჩების მხრიდან, მაინც იმედს ვიტოვებთ, რომ ჩვენი პარტნიორი სახელმწიფოები მეტი პასუხისმგებლობით მოეკიდებიან ელჩების კანდიდატების შერჩევას და ადგილი აღარ ექნება დიპლომატის მხრიდან საქართველოს შიდა პოლიტიკურ საქმეებში ჩარევას“, – წერს ხუნდაძე.

დღეს, სტამბოლში, თურქეთის თავდაცვის მინისტრმა, იაშარ გიულერმა, რუმინეთის თავდაცვის მინისტრმა, ანხელ ტილვარმა და ბულგარეთის თავდაცვის მინისტრის მოადგილემ, ატანას ზაფრიანოვმა შავის ზღვის ნაღმებისგან გასუფთავების ურთიერთგაგების მემორანდუმს მოაწერეს ხელი.

„შავ ზღვაში მცურავი ნაღმების საფრთხე ომის დაწყებისთანავე გაჩნდა. ნაღმების წინააღმდეგ უფრო ეფექტური ბრძოლის მიზნით გადავწყვიტეთ, სამ ქვეყანას შორის არსებული მჭიდრო თანამშრომლობისა და კოორდინაციის გაუმჯობესების გზით, ნაღმების წინააღმდეგ ბრძოლის პროტოკოლს მოვაწეროთ ხელი“, – განაცხადა თურქეთის თავდაცვის მინისტრმა.

თურქეთის, ბულგარეთისა და რუმინეთის ინიციატივა შავ ზღვაში გადაზიდვების უსაფრთხოების უზრუნველყოფას ისახავს მიზნად.

გიორგი, ძმაო, ჯერ ჩემი “ხაბე” გამოიწვიე დებატებში, შემდეგ გადადი “ჭიჭე” ვაშაძეზე, დაგაკვირდებით, შემდეგ ბატონ გუბაზთან, ბევრი საერთო გაქვთ, ბოლო ტესტი იქნება “ჩერგო”, იქაც თუ გაძვრები, მერე მე პირადად მზად ვარ დაგიჯდე და შენს მიერ გადადგმულ ნაბიჯებზე გესაუბრო, – ასე გამოეხმაურა უმრავლესობის წევრი ირაკლი ზარქუა პარტია “საქართველოსთვის” ლიდერს გიორგი გახარიას.

ირაკლი ზარქუას თქმით, გიორგი გახარია შელახული იმიჯის ამაღლებას ცდილობს და ამისთვის დებატებში ბიძინა ივანიშვილი გამოიწვია.

„მესმის, მას შელახული აქვს იმიჯი და ახლა ცდილობს რაღაცნაირად აიმაღლოს და ვინ გამოიწვია? ბატონი ივანიშვილი, რომლის ერთი პროცენტი მაინც გააკეთოს ამ ქვეყნისთვის და მერე შეუძლია ასე თამამად გამოიწვიოს. მანამდე ვურჩევ, გიორგი, ძმაო, ჯერ ჩემი “ხაბე” გამოიწვიე, შემდეგ გადადი “ჭიჭე” ვაშაძეზე, დაგაკვირდებით, იმის შემდეგ ბატონ გუბაზთან, ბევრი საერთო გაქვთ და მიხვდები რაც, იქ გადადი და ბოლოს ამას რომ მოილევ ბოლო ტესტი იქნება, ეს არის “ჩერგო”, იქაც თუ გაძვრები, მერე მე პირადად მზად ვარ დაგიჯდე და იმ შენს მიერ გადადგმულ ნაბიჯებზე, როგორც პრემიერ მინისტრის, სპეცოპერაციებზე და შემდეგ უკვე გუნდს რომ უღალატე და ქვეყანას და მერე რა მოიმოქმედე, როგორ შეუკარი კოალიციები მარგინალებს და მწვალებლებს საკრებულოებში, აი მაგაზე მერე გესაუბრები თუ სურვილი გექნება“ – განაცხადა ირაკლი ზარქუამ.

გიორგი გახარია აბსოლუტურად სხვა ლიგაში თამაშობს და საზოგადოება ყველაფერს კარგად ხედავს. ჯერ კიდევ ძალიან ბევრი აქვს სამუშაო, – ამის შესახებ თბილისის მერმა, კახა კალაძემ აღნიშნა გიორგი გახარიას განცხადებაზე, რომლითაც მან ბიძინა ივანიშვილს საჯარო დებატები შესთავაზა.

კითხვაზე, „უღალატა თუ არა გახარიამ გუნდს?“ – კალაძემ განაცხადა, რომ ეს იყო ღალატი.

„რა თქმა უნდა, ეს ღალატია, ხომ? როდესაც ისეთ რთულ მდგომარეობაში, რა მდგომარეობაც იყო, მიიღო ასეთი გადაწყვეტილება. ვფიქრობ, საზოგადოებამ შეაფასა ეს ყველაფერი და არჩევნებზე ყველას გასცა შესაბამისი პასუხი. ასე იქნება მომავალშიც. საქართველოში არ უყვართ მოღალატეები, ეს არის ძალიან მარტივი“, – განაცხადა კახა კალაძემ.

დანიის ელჩი საქართველოში საგარეო საქმეთა სამინისტროში დაიბარეს. დიპლომატს უწყებაში დღის ბოლომდე ელოდებიან.

ამას წინ უძღოდა დანიურ მედიაში გამოქვეყნებული პუბლიკაცია, სადაც დანიის ელჩმა ბიძინა ივანიშვილი ოლიგარქად მოიხსენია და აღნიშნა, რომ მან ქონება 90-იან წლებში რუსეთში დააგროვა. ანე ტოფტ სორენსენმა საქართველოში განვითარებულ ბოლოდროინდელ მოვლენებსა და ევროკავშირის წევრობის კანდიდატი ქვეყნის სტატუსის მინიჭებაზეც ისაუბრა.