NGO-ები და ოპოზიცია ცდილობდნენ შეენჯღრიათ ქვეყანა. ანალოგიური საქმისთვის ბრალი წაუყენეს ტრამპს და აქ არავინ დასჯილა. ეს რანაირი მიდგომაა?! მინდა ვკითხო ქალბატონ კელის და აშშ-ს საელჩოს, ორმაგი მიდგომა გვაქვს?! თუ აქ ყველაფერი “მოსულა”?! ეს მიდგომა აქვთ?! – ნურას უკაცრავად! – ამის შესახებ ჟურნალისტებთან საპარლამენტო უმრავლესობის წევრმა ირაკლი ზარქუამ განაცხადა.

ზარქუამ 2020 წლის არჩევნები და ISFED-ის მიერ გამოქვეყნებული პარალელური დათვლის შედეგებში უზუსტობა გაიხსენა და განაცხადა, რომ აშშ-ში ყოფილ პრეზიდენტ დონალდ ტრამპს სწორედ არჩევნების შედეგების შეცვლის ფაქტზე წარუდგინეს ბრალი.

“ზუსტად ერთი და იგივე ხელწერა და თემაა. გახსოვთ 2020-ში ჩვენთან ეს ხელმოცარულები და რევოლუციური სცენარის მხარდამჭერები, მათ შორის, არასამთავრობო ორგანიზაციების წარმომადგენლები, რომელთაც იცოდნენ, რომ არანაირი გაყალბება არ ყოფილა, უტიფრად აგრძელებდნენ ჩვენი ქვეყნის პოლიტიკურ რყევას. გახსოვთ “სამართლიანი არჩევნები” – “ფორმულაში გვქონდა შეცდომაო”. ზეპირად იცოდნენ რომ ასე იყო, მაგრამ მაინც ცდილობდნენ შეენჯღრიათ ჩვენი ქვეყანა. ანალოგიური საქმისთვის ბრალი აქვს ახლა წაყენებული ბატონ ტრამპს და აქ კიდევ არავინ დასჯილა და ეს რანაირი მიდგომაა?! მინდა ვთხოვო (ვკითხო) ქალბატონ კელის და ამერიკის საელჩოს, რადგან ისინი აფინანსებენ ამ ორგანიზაციებს, რანაირად ხდება ეს, ორმაგი მიდგომა გვაქვს?! იქ თუ დანაშაულად ითვლება, საქართველოში შესაბამისი რეაგირება არ უნდა მოჰყვეს?! მე მათი პოზიცია მაინტერესებს უბრალოდ. თუ აქ ყველაფერი მოსულა?! ეს მიდგომა აქვთ?! ნურას უკაცრავად, საქართველო უდიდესი ისტორიის, კულტურის, ტრადიციების, წარსულის მქონე სახელმწიფოა. ის, რომ ჩვენ მცირერიცხოვანი ვართ, არავის არ უნდა შეეშალოს. ეს ღირსეული სახელმწიფოა, რომელიც ყოველთვის თავის სიტყვას ამბობდა, ისევე, როგორც ვაპირებთ, 21-ე საუკუნეშიც თავისი როლი შეასრულოს სატრანსპორტო დერეფნის გამოყენებით საქართველომ ევროპასა და აზიას შორის. ამას ჩვენ მივაღწევთ მწყობრად, ქართველ ხალხთან გვერდში დგომით,” – განაცხადა ზარქუამ.

მივიდა ვაშაძე (პარტიაში) და ჩაგრავს “ხაბეს”, ამის გამო “ცხელ შემოდგომას” მოვუწყობ პარლამენტში, იმიტომ, რომ ეს არასწორია. ახლა შენ იმიტომ, რომ მაღალი ხარ და კიდევ პოპულისტი ხარ “ხაბეზე” მეტად, ამიტომ გინდა დაჩაგრო?! – “არ მოსულა”, – ამის შესახებ საპარლამენტო უმრავლესობის წევრმა ირაკლი ზარქუამ “გამარჯვების პლატფორმაზე” საუბრისას აღნიშნა.

მისივე თქმით, ამ პლატფორმას “პოპულიზმის და ხელმოცარულების” პლატფორმას დაარქმევდა და ხალხი არჩევნებზე კიდევ ერთხელ დაინახავს, რომ “ქართულ ოცნებას” ალტერნატივა არ ჰყავს.

„მივიდა ვაშაძე და ჩაგრავს „ხაბეს“, ამის გამო „ცხელ შემოდგომას“ მოვუწყობ აქ, პარლამენტში, იმიტომ, რომ ეს არასწორია. ახლა შენ იმიტომ, რომ მაღალი ხარ და კიდევ პოპულისტი ხარ “ხაბეზე” მეტად, ამიტომ გინდა დაჩაგრო?! მიხვედი პარტიაში ხომ, კეთილი ინებე და გაითვალისწინე, ჯერ “ხაბე”, მერე ვაშაძე. პრემიერ- მინისტრის კანდიდატურაზეც მე მხარს ვუჭერ ბატონ ხაბეიშვილს, ეკუთვნის სამართლიანად, ეს რომ მივიდა იქ და აჩოჩებს, არ მოსულა ეს, არსად არ წერია.

სერიოზულად რომ ვილაპარაკოთ, ორივე წყალწაღებულები არიან. 2024 – ში ხალხი დაინახავს, რომ “ქართულ ოცნებას” ალტერნატივა არ ჰყავს. ეს იმას არ ნიშნავს, რომ ჩვენ იდეალურები ვართ, ჩვენც გვაქვს შეცდომები, მაგრამ ზუსტად ვიცით და საზოგადოებამ იცის, ქართული ინტერესებით ვხელმძღვანელობთ, ამის შედეგები გვაქვს, მერამდენე წელია მაღალი ეკონომიკური ზრდა გვაქვს, ჩინეთმა სტრატეგიულ პარტნიორად მიგვიღო და ეს საფუძველია, რომ კიდევ უფრო მეტად განვავითაროთ ურთიერთობები და შემოსავლები საქართველოსთვის, საქართველო რუკაზე თავის ღირსეულ ადგილს იკავებს და აძლიერებს,”- განაცხადა ზარქუამ.

სასამართლო და პოლიტიკური მართლმსაჯულება არის ყველაზე უფრო მძიმე პრობლემა ამ ქვეყნის – “ქართული ოცნების” პირობებში კანონის უზენაესობა არ გვექნება, – ამის შესახებ პოლიტიკური ჯგუფის, “ევროოპტიმისტების” წევრმა ხატია დეკანოიძემ განაცხადა, რითაც ევროკავშირის ანგარიშს გამოეხმაურა.

როგორც მან აღნიშნა, თავისუფალი სასამართლო სისტემა შესაძლებელია იყოს მხოლოდ პროდასავლური კოალიციური ძალის მმართველობის პირობებში.

“მთავარი პრობლემა ამ ანგარიშში ეს არის ადამიანის უფლებები, სასამართლო, კანონის უზენაესობა და მინდა გითხრათ, რომ სასამართლო და პოლიტიკური მართლმსაჯულება არის ყველაზე უფრო მძიმე პრობლემა ამ ქვეყნის. სანამ ამ ქვეყანაში არ იქნება კანონის უზენაესობა, არ მოვლენ კოალიციური პროდასავლური ძალები და სასამართლოში არ გაუქმდება “კლანი”, მანამ არ გვექნება საქართველოში კანონის უზენაესობა. “ქართული ოცნების” პირობებში ეს არ მოხდება. მე არ მგონია, რომ ეს მოხდეს, ასევე, ვიღაც კონკრეტული ადამიანების პირობებში. ეს უნდა გააკეთოს დიდმა პროდასავლურმა კოალიციურმა ძალამ, რომელიც კონტროლდება ერთმანეთის მიერ. სასამართლოს სჭირდება ყოვლისმომცველი რეფორმა, რომელზეც მე სექტემბრიდან გესაუბრებით,” – განაცხადა დეკანოიძემ.

ევროკავშირი მსოფლიოში ადამიანის უფლებებისა და დემოკრატიის მდგომარეობის შესახებ 2022 წლის ანგარიშს აქვეყნებს.

ანგარიშის თანახმად, ზოგადად, საქართველოში ადამიანის უფლებათა მყარი სისტემა არსებობს, რომელიც საერთაშორისო და ევროპულ სტანდარტებთან შესაბამის კანონებსა და პოლიტიკას მოიცავს, თუმცა, მათი აღსრულება/განხორციელება რამდენიმე მიმართულებით უნდა გაძლიერდეს.

ანგარიშში აღნიშნულია, რომ შემდგომი ძალისხმევა საჭიროა სასამართლო რეფორმების, კორუფციასთან ბრძოლის და სახელმწიფო ინსტიტუტების დამოუკიდებლობის გაძლიერების სფეროებში.

ევროკავშირის ანგარიში არ მინახავს და ვერ გეტყვით, იქ რა წერია, მაგრამ ამ ქვეყანაში ვცხოვრობ და ზუსტად ვიცი, რა მდგომარეობაშია ადამიანის უფლებების დაცვა, – ამის შესახებ საქართველოს პირველ არხს „გირჩის“ ლიდერმა, იაგო ხვიჩიამ განაცხადა.

ხვიჩიას თქმით, „ადამიანის უფლებების დაცვას მურუსიძე-ჩინჩალაძის სასამართლოთი ვერ შეძლებ“.

„რაც არ უნდა ანგარიშში ჩაწერო, ზუსტად ვიცოდი, რომ ადამიანის უფლებების დაცვას მურუსიძე-ჩინჩალაძის სასამართლოთი ვერ შეძლებ. ანუ, ისეთია, როგორიც შეეფერება იმ ქვეყნის სასამართლოს, სადაც მოსამართლეები დასანქცირებული არიან მთავარი პარტნიორის მიერ. თუ სისტემა მყარია, ამის საწინააღმდეგო არაფერი მაქვს, მაგრამ ეს სისტემა ბოროტმოქმედების ხელშია ჩავარდნილი. ბოროტმოქმედია სასამართლო, რომელიც სააკაშვილის პერიოდიდან დაწყებული ემსახურებოდა არა ხალხის ინტერესების დაცვას, არამედ ხალხისგან პოლიტიკური ხელისუფლების დაცვას“, – განაცხადა ხვიჩიამ.

ევროკავშირმა მსოფლიოში ადამიანის უფლებებისა და დემოკრატიის მდგომარეობის შესახებ 2022 წლის ყოველწლიური ანგარიში გამოაქვეყნა. როგორც ანგარიშშია აღნიშნული, ზოგადად, საქართველოში ადამიანის უფლებათა მყარი სისტემა არსებობს, რომელიც საერთაშორისო და ევროპულ სტანდარტებთან შესაბამის კანონებსა და პოლიტიკას მოიცავს. თუმცა, მათი აღსრულება/განხორციელება რამდენიმე მიმართულებით უნდა გაძლიერდეს.

დღეს საქართველოში იაფი ფულის პოლიტიკის წარმოების დრო არ არის – ეს ნიშნავს ბანკებისთვის შეღავათიანი საკრედიტო რესურსების მიცემას საბოლოო ჯამში, ქვეყნის ბიზნესის და მოქალაქეების საზიანოდ, – ასე ეხმიანება პოლიტიკური ჯგუფის “ევროოპტიმისტების” წევრი რომან გოცირიძე ეროვნული ბანკის გადაწყვეტილებას შეამციროს რეფინანსირების განაკვეთი.

გოცირიძის თქმით, ეროვნული ბანკის მიერ მიღებული გადაწყვეტილება სწორი არ არის და შეცდომაა.

“ყველა ის რისკი, რაც არსებობდა ფასების ზრდის, ლარის გაუფასურების, შენარჩუნებულია. ეროვნული ბანკის და მთავრობის პოლიტიკამ მუქთა ფულით აავსო კომერციული ბანკები, ასევე საპენსიო ფონდის მთელი ფული კომერციულ ბანკებშია, ბიუჯეტის ნაშთებიც დეპოზიტებზე კომერციულ ბანკებშია და არნახული მოგება მიიღეს კომერციულმა ბანკებმა. ჩვენი მოქალაქეების დეპოზიტებზე კი კომერციულ ბანკებში ფაქტობრივად, სიმბოლური პროცენტის დარიცხვა ხდება. ერთი კომერციული ბანკის მოგება დაახლოებით იმდენია, რაც ლატვიის ბანკების მთელი მოგება ერთად აღებული. ასე რომ, იაფი ფულის პოლიტიკა ნიშნავს ბანკებისთვის შეღავათიანი საკრედიტო რესურსების მიცემას, საბოლოო ჯამში, ქვეყნის ბიზნესის და მოქალაქეების საზიანოდ. რა თქმა უნდა, ჩვენს 180 ათას მოქალაქეს 0.25 პროცენტით შეუმცირდება კომერციულ ბანკებში აღებული სესხები და ეს იწვევს ცდუნებას, რომ პოლიტიკურად იქნეს გამოყენებული რეფინანსირების განაკვეთი და ვიცით, რა გააკეთეს თურქეთში წინასაარჩევნოდ, როცა საშინლად შეამცირა თურქეთის ხელისუფლებამ რეფინანსირების განაკვეთი, რომ მომხმარებლის გული მოეგო და მერე სადამდე ავარდა ინფლაცია კარგად ვიცით – 80 პროცენტიანი ინფლაცია იყო ქვეყანაში. მე არ ვამბობ, რომ ასეთი საფრთხეა საქართველოში, მაგრამ თეორიულად ეს ასეა. დღეს საქართველოში იაფი ფულის პოლიტიკის წარმოების დრო არ არის,” – განაცხადა გოცირიძემ.

ეროვნული ბანკი მონეტარული პოლიტიკის განაკვეთს 0.25 პროცენტული პუნქტით, 10.25 პროცენტამდე ამცირებს.

არჩევნებიდან მეორმოცე დღეს აღიარა ISFED-მა, რომ არ იყოს სწორი ის შედეგები, რომელიც მათ გამოაცხადეს და ეს აღიარებაც იყო მას შემდეგ, რაც პარლამენტი შეიკრიბა. მას შემდეგ, რაც გახდა ცხადი, რომ ნებისმიერ ყალბ კამპანიას არჩევნების ლეგიტიმურობის წინააღმდეგ არანაირი შედეგი აღარ გამოჰქონდა, პარლამენტი შეიკრიბა და შედგა, ზუსტად პარლამენტის შეკრების დღეს საღამოს აღიარა „სამართლიანმა არჩევნებმა“ თვისი ე.წ. შეცდომა, – ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

„ჩვენ შემდეგ გავარკვიეთ, რომ როგორც აღმოჩნდა, ამ მომენტამდე მინიმუმ სამი კვირით ადრე ISFED-ის დონორმა „ამერიკის განვითარების სააგენტომ“ იცოდა უკვე იმის შესახებ, რომ ეს ინფორმაცია არ იყო სწორი და ჩვენ დღემდე არ მოგვისმენია განმარტება USAID-ის მხრიდან, რატომ უმალავდნენ ქართველ საზოგადოებას ამ ინფორმაციას. რატომ უმალავდნენ ამ ინფორმაციას პარტნიორ საქართველოს ხელისუფლებას, რომელთან პარტნიორობითაც ხორციელდება ყველა ეს პროექტი. მაშინ, როდესაც ქუჩაში იმართებოდა პროტესტები სწორედ ამ ყალბ ინფორმაციაზე დაფუძნებით, რატომ დუმდა მაშინ და უმალავდა ამ ინფორმაციას USAID-ის წარმომადგენლობა ქართულ საზოგადოებას და დღემდე, თითქმის ორი წელი გავიდა და რამდენჯერმე ეს კითხვა დაისვა, დღემდე არ არის პასუხი და გაურბიან ამაზე პასუხს. ამიტომ მნიშვნელოვანია, რომ ამაზეც დაფიქსირდეს პოზიცია. ერთი, რამდენად სწორია ეს ინფორმაცია ISFED-ის მხრიდან, რომ მათ შეატყობინეს და მეორე, თუკი მათ იცოდნენ, რატომ უმალავდნენ ამას ქართულ საზოგადოებას“, – განმარტა შალვა პაპუაშვილმა.

ნაფიცმა მსაჯულებმა მხარი დაუჭირეს დონალდ ტრამპისთვის ბრალის წაყენებას 2020 წლის საპრეზიდენტო არჩევნების შედეგების გაუქმების მცდელობის საქმეზე.