თურმე ქვეყანა უნდა დაიცვან რუსეთისგან, რომლისგან ერთხელ უკვე „დაიცვეს“, მერე ნახევარი ეკონომიკა და ენერგეტიკა გადაულოცეს, საზღვრები გაუხსნეს და პუტინს ღია გზავნილებს უგზავნიდნენ, – ამის შესახებ სამხედრო ექსპერტი ამირან სალუქვაძე სოციალურ ქსელში წერს, რითაც 9 აპრილს დაგეგმილ აქციას ეხმიანება.

„თურმე ხვალ „ნაცმოძრაობა“ აქციას აწყობს, რათა დაიცვას:

• ვაზი, რომელიც ააჩეხინეს;
• ღვინო, რომელშიც ჩაუშარდეს;
• იდენტობა, კულტურა და ტრადიციები, რასაც წლებია ებრძვიან და ანადგურებენ.

კლიპში აჩვენებენ ვაზს, ღვინოს, ეკლესია-ტაძრებს, პირველ პრეზიდენტს.

თურმე ქვეყანა უნდა დაიცვან რუსეთისგან, რომლისგან ერთხელ უკვე „დაიცვეს“, მერე ნახევარი ეკონომიკა და ენერგეტიკა გადაულოცეს, საზღვრები გაუხსნეს, საზღვარზე წითელი ხალიჩა დაუგეს, რუს ბიზნესმენებს იპატიჟებდნენ, რუსული ფულის მიმართ ანოსმია ჰქონდათ და პუტინს ღია გზავნილებს უგზავნიდნენ, მზად ვართ დიალოგისთვის სადაც გაგიხარდებათ, ვისთანაც გაგიხარდებათ, როცა გაგიხარდებათ, ნებისმიერ ფორმატში, ნებისმიერ თემაზე, წინაპირობების გარეშეო (უამრავი მასალაა ინტერნეტში). ამ ყველაფერს აკეთებდნენ სამი ომის შემდეგ.

არა რეპრესიებსო, კლიპში ამბობენ. არადა, ხალხმა ზუსტად რეპრესიების გამო უთხრა უარი და ყოველდღე ისევ რეპრესიებით იმუქრებიან.

ახლა გახდნენ ვაზის, ღვინის, ეკლესიის, ოჯახის, კულტურის, ტრადიციების და იდენტობის დამცველები“, – წერს ამირან სალუქვაძე.

მე მილანძღავენ ჩემს ამერიკას, რომელმაც ათი ათასობით სხვა ქართველთან ერთად წამიყვანა და უფასოდ მასწავლა. აზრზე მოვიდეთ ყველა და დავდგეთ ისტორიის სწორ მხარეს, ნუ ვაძლევთ საშუალებას აფურთხონ იმ ჯამში, საიდანაც წყალს ვსვამდით მთელი ეს დრო. ესენი მიგვათრევენ უფსკრულში და უბედურებაში,- ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს.

როგორც ის აღნიშნავს, სანქციების გამოშვებით ამერიკამ მხარი დაუჭირა „მარტში ჩვენს ბრძოლას“.

„ჩვენმა ხალხმა თავისუფლებისათვის ბრძოლის გზაზე დიდი მსხვერპლი გაიღო. ახლოვდება 9 აპრილი, ამ გზის ერთ-ერთი გამორჩეული დღე. მას შემდეგ არაერთი 9 აპრილი გამოვიარეთ, არაერთი გმირი შეეწირა მიზნის მიღწევას. კვლავ გზის გასაყარზე ვიმყოფებით.

ამერიკის მე-6 ფლოტმა ჩვენი ჯარის გმირული წინააღმდეგობის შემდეგ, 2008 წლის აგვისტოში გადაარჩინა საქართველოს დამოუკიდებელი სახელმწიფოებრიობა. რა თქმა უნდა ამაში გადამწყვეტი წვლილი შეიტანა ლეხ კაჩინსკის, იუშენკოს და ბალტიის სამი ლიდერის ჩამოსვლამ. ხოდა დღეს ამ ქვეყნებს უნისონში ოკუპანტებთან ერთად საქართველოს მომჯდარი ორგანიზებული დანაშაულებრივი ბანდა ლანძღავს. მე ვამაყობ იმით, რომ ჩამოვიყვანე და ქართული ცეკვები ვაცეკვე ამერიკის პრეზიდენტს, რომ აქ ამერიკის ორი ვიცე-პრეზიდენტი და ორი მომავალი პრეზიდენტი გვყავდა. გავიხსენოთ ყველამ ერთად საქართველოს ეროვნული გმირი ჯონ მაკკეინი და მისი თავგადაკლული „დღეს ჩვენ ყველანი ქართველები ვართ“- ნათქვამი მისი საპრეზიდენტო კამპანიის მთავარ გამოსვლაში მთელი მსოფლიოს გასაგონად.

მე მილანძღავენ ჩემს ამერიკას, რომელმაც ათი ათასობით სხვა ქართველთან ერთად წამიყვანა და უფასოდ მასწავლა. აზრზე მოვიდეთ ყველა და დავდგეთ ისტორიის სწორ მხარეს, ნუ ვაძლევთ საშუალებას აფურთხონ იმ ჯამში, საიდანაც წყალს ვსვამდით მთელი ეს დრო. ესენი მიგვათრევენ უფსკრულში და უბედურებაში და თითოეულის გადასაწყვეტია მივყვებით იქ დავიღუპავთ ჩვენს თავსაც და ქვეყანასაც, თუ ვდგებით ერთად, ვქმნით წინააღმდეგობის მოძრაობას, დაფუძნებულს არა პარტიულ კუთვნილებაზე ან წარსულის მოგონებებზე, არამედ ჩვენს ქართულ გენზე და თავისუფლების სიყვარულზე და თავისუფლებისაკენ დაუღალავ სწრაფვაზე.

სანქციების გამოშვებით ამერიკამ მხარი დაუჭირა მარტში ჩვენს ბრძოლას. თუ ბევრად მძლავრად გამოვალთ, მხარდაჭერაც ერთი ათად გაძლიერდება.

ამერიკას უყვარს ერები, რომლებიც თვითონ იბრძვიან თავისუფლებისთვის და თავის მოვალეობად თვლის დაეხმაროს მათ.

ვარდების რევოლუციის დროს თავიდან არ გვიჭერდნენ მხარს და მხოლოდ მაშინ, როცა დაინახეს, რომ უკან არ დავიხევდით, პრეზიდენტის ჩართულობით დაგვიჭირეს მხარი.

2008 წელს ფლოტი მხოლოდ მას შემდეგ გამოუშვეს, როცა დაინახეს ჩვენი ჯარის გმირობა, დაინახეს, რომ მე არ დავტოვე დედაქალაქი და პირიქით, დაჟინებით და გაუთავებელი ზარებით ვარწმუნებდი ბუშს დახმარების აუცილებლობაში. ახლაც ჩამესმის ვიცე-პრეზიდნტი ჩეინის ხმა, რომელიც ჩამოყვა ფლოტის ფლაგმანს – „შენ გემზე მართლა სასმელი წყალი ხომ არ გგონიაო? “. ეს ყველაფერი მოხდა მას შემდეგ, რაც მათ დაინახეს ქუჩაში გამოსული უამრავი ხალხი.

იგივე გამეორდა უკრაინაში შარშან. თუ ჩვენ აღვუდგებით კრემლის მცდელობას დაგვარწმუნოს, რომ ჩვენ ვართ მხოლოდ მეხინკლეების ერი, და ვირწმუნებთ რომ ჩვენ არ ვართ პატარა სოფელი, არამედ გვაქვს საამაყო წარსული და დიდი მომავალი, რომ ჩვენ აუცილებლად უნდა დავიბრუნოთ უახლოეს ისტორიულ მომავალში აფხაზეთი და ცხინვალი. მაშინ ყველანი დავდგეთ ერთად, როგორც მაშინ, იმ 9 აპრილს, საქართველოს და საკუთარი თვისუფლების გადასარჩენად”,- წერს სააკაშვილი.

იუსტიციის უმაღლესი საბჭოს მოსამართლე წევრმა, დიმიტრი გვრიტიშვილმა „ფეისბუქზე“ არასამთავრობო სექტორის წარმომადგენლის კახა წიქარიშვილის გამოსვლის ვიდეო გამოაქვეყნა. როგორც მოსამართლე წერს, ვიდეოში წიქარიშვილი ამბობს, რომ მართლმსაჯულების სისტემის საკანონმდებლო ბაზა გამართულია, თუმცა ვინაიდან მათ კონკრეტული მოსამართლეები არ მოსწონთ, ძალაუნებურად უწევთ ,,ახალი ველოსიპედის“ გამოგონება.

მისი თქმით, კახა წიქარიშვილის აღიარება ადასტურებს რეალურ მიზეზს, რის გამოც მიიღო აშშ-ის სახელმწიფო დეპარტამენტმა სანქცირების შესახებ გადაწყვეტილება.

„ამ სტატუსზე დართულ ვიდეორგოლში შეგიძლიათ იხილოთ ქართული არასამთავრობო სექტორის ერთ-ერთი ყველაზე აქტიური წარმომადგენლის და მართლმსაჯულების სისტემის მკვეთრი კრიტიკოსის (რომელიც უშუალოდ მართლმსაჯულების სისტემის მიმართულებით მუშაობს) – კახა წიქარიშვილის გამოსვლა და, რეალურად, თვითაღიარება საქართველოს პარლამენტში 2022 წლის 19 დეკემბერს, სადაც ის პრაქტიკულად ამბობს, რომ მართლმსაჯულების სისტემის საკანონმდებლო ბაზა გამართული და ,,სუპერია“ (პირდაპირი ციტირება), თუმცა ვინაიდან მათ კონკრეტული მოსამართლეები არ მოსწონთ, ძალაუნებურად უწევთ ,,ახალი ველოსიპედის“ გამოგონება (ესეც ციტირება) და პარადოქსულ ცვლილებებს ითხოვენ: ორმაგი 2/3-იან კვორუმს იუსტიციის უმაღლეს საბჭოში, სასამართლოს თავმჯდომარეების თანამდებობის გაუქმებას და ა.შ., რაც, მისივე აზრით, არ არის კარგი, თუმცა – სხვა გზა არ აქვთ და ამ მეთოდით მუშაობს მთელი არასამთავრობო სექტორი, ანუ – კონკრეტული პერსონების გამო მზად არიან და დიდი ძალისხმევით ცდილობენ, დააზიანონ მართლმსაჯულების საკანონმდებლო ბაზა და ის რეფორმები, რაც, ამავე აღიარებით, გამართული და სრულიად მისაღებია, თუმცა უწევთ უპრეცედენტო და უანალოგო ცვლილებების მოთხოვნა და შესაბამისად, კარგი და მართებული სისტემის მიზანმიმართული დაზიანება, კონკრეტულ მოსამართლეებთან ბრძოლის საბაბით“, – წერს მოსამართლე.

მისი თქმით, მოსამართლეების სანქცირების გადაწყვეტილებით მკაფიოდ გამოჩნდა, რომ ეს გადაწყვეტილება არის წლების განმავლობაში სასამართლოს წინააღმდეგ მიზანმიმართული, ცილისმწამებლური და მადისკრედიტირებელი კამპანიის შეჯამება.

„შეგახსენებთ, რომ კახა წიქარიშვილი, სწორედ აშშ-ის საელჩოს ინიციატივით, არასამთავრობო სექტორის ლიდერ სხვა, რამდენიმე ადამიანთან ერთად, შეახვედრეს საქართველოში ვიზიტად მყოფ, აშშ-ის სახელმწიფო მდივანს – მაიკ პომპეოს 2020 წლის 18 ნოემბერს. აი, ეს აღიარება უდავოდ ადასტურებს რეალურ მიზეზს, რის გამო მიიღო აშშ-ის სახელმწიფო დეპარტამენტმა ჩემი კოლეგების სანქცირების შესახებ უპრეცედენტო გადაწყვეტილება, რომელიც ემყარება მათი კორუფციაში ჩართულობის შესახებ აბსოლუტურად დაუსაბუთებელ, უმძიმეს ბრალდებას. შირმაა ის, რომ ამ გადაწყვეტილებით აშშ ,,ქართველი ხალხის გვერდით დგას“. მკაფიოდ გამოჩნდა, რომ ეს გადაწყვეტილება არის წლების განმავლობაში სასამართლოს წინააღმდეგ მიზანმიმართული, ცილისმწამებლური და მადისკრედიტირებელი კამპანიის შეჯამება, რომელიც ნამდვილად არ არის ქართველი ხალხის დაკვეთა და არც დემოკრატიის განვითარებას ემსახურება საქართველოში“, – წერს გვრიტიშვილი.

https://www.facebook.com/d.gvritishvili/videos/755160289351837/?t=0