ვერძი

წარმატება გელით ნებისმიერ სფეროში. ამ დღეს საქმეს თუ დაიწყებთ დიდი ფინანსური სარგებლის მომტანი იქნება. კარგი დღეა ძველი პრობლემების მოსაგვარებლად. სიტუაცია თქვენ სასარგებლოდ იცვლება.

კურო

საინტერესო მოვლენებით დატვირთული დღეა. რთული საქმის დასრულების საშუალება გეძლევათ. დროა იფიქროთ საკუთარ თავსა და ჯანმრთელობაზე.

ტყუპები

საინტერესო იდეების განხორციელების შესაძლებლობა მოგეცემათ. ეცადეთ, ყურადღება მხოლოდ მნიშვნელოვან საკითხებზე გაამახვილოთ. თავი შორს დაიჭირეთ შურიანი ადამიანებისგან.

კირჩხიბი

ექსპერიმენტებისთვის არახელსაყრელი დღეა. ყურადღება ყველაზე მნიშვნელოვან საქმეზე გადაიტანეთ და იმოქმედეთ! ეცადეთ, საყვარელ ადამიანებთან ერთად მეტი დრო გაატაროთ და მათი არც ერთი თხოვნა უყურადღებოდ არ დატოვოთ.

ლომი

არ აჩქარდეთ. განსაკუთრებული ყურადღება მიაქციეთ ფინანსებთან დაკავშირებულ საქმეებს. პირად ცხოვრებასა და ურთიერთობებში სრული იდილია და ჰარმონიაა.

ქალწული

ეს დღე, ცვლილებების დასაწყისად შეიძლება ჩაითვალოს. იზრუნეთ საკუთარ და ოჯახის წევრთა ჯანმრთელობაზე – დროა, პროფილაქტიკური მკურნალობის დაწყება დაგეგმოთ.

სასწორი

დღეს ემოციურად გადაიღლებით. სტრესისგან საყიდლებზე სიარული გაგათავისუფლებთ. საყვარელ ადამიანებთან ურთიერთობისა და სპორტული ვარჯიშებისთვის მეტი დრო გამონახეთ.

მორიელი

თქვენთვის მნიშვნელოვანი პროექტი წარმატებით დასრულდება და საშუალება გექნებათ, საკუთარი შრომის შედეგი შეაფასოთ.

მშვილდოსანი

დღეს თამამი ნაბიჯები უნდა გადადგათ. მნიშვნელოვანი გადაწყვეტილებები თქვენს ცხოვრებას მთლიანად შეცვლის. დროა სამსახური შეიცვალოთ, მოსაწყენი ურთიერთობა დაასრულოთ და საინტერესო მოგზაურობაში გაემგზავროთ.

თხის რქა

დღეს იღბალი თქვენ მხარესაა. კარგი დღეა, გაჭიანურებული საქმეების დასასრულებლად. პირად ცხოვრებაში სასიამოვნო სიახლე გელით.

მერწყული

სერიოზული საკითხების გადაწყვეტილების წინ, სასურველია, რჩევა ჰკითხოთ კომპეტენტურ და გამოცდილ ადამიანს, არის ალბათობა, არასაკმარისი ინფორმაციის გამო, გამოუსწორებელი შეცდომა დაუშვათ, იყავით ფრთხილად.

თევზები

მოულოდნელი შემოსავლების, რომანტიკული შეხვედრის დღეა. შეგიძლიათ, გაბედულად დაგეგმოთ დიდი პროექტები და საპასუხისმგებლო მოლაპარაკებები.

ზაზა პაპუაშვილმა დაასახელა თარიღი, თუ როდის შეიკრიბებიან. ეს არის 2023 წლის 30 აპრილი, 18:00 საათი, რესპუბლიკის მოედანზე. ამის შესახებ მან 11 აპრილს, გადაცემა “უცნობის კიდობანში” სტუმრობისას განაცხადა.

შეგახსენებთ, საზოგადოებრივი შეკრება სახელწოდებით “მოვდივარ” დაახლოებით 1 თვის წინ დაანონსდა და ამის შესახებ პირველად, სწორედ ზაზა პაპუაშვილმა ისაუბრა, თუმცა კონკრეტული თარიღი ცნობილი არ იყო.

ვნების კვირა ყველა მართლმადიდებელი ქრისტიანისთვის განსაკუთრებული შვიდეულია, სადაც ყოველ დღეს თავისი დატვირთვა აქვს.

ახალი აღთქმის მიხედვით

ოთხშაბათის ღამე მაცხოვარმა ბეთანიაში გაატარა. აქ, სიმონ კეთროვნის სახლში, იმ დროს, როცა მღვდელმთავრებს, მწიგნობრებსა და უხუცესებს იესო ქრისტეს მოტყუებით შეპყრობა და მოკვდინება ჰქონდათ გადაწყვეტილი, უცხო დედაკაცმა ძვირფასი ნელსაცხებელი ინახით მჯდომ მაცხოვარს უხვად დაასხა თავზე, რითაც როგორც თავად მაცხოვარმა ბრძანა, იგი დასაფლველად მოამზადა.

  აქვე, დედაკაცის უანგარო საქციელის საპირისპიროდ, იესო ქრისტეს თორმეტთაგან ერთ-ერთი მოწაფის, იუდა ისკრიოტელის უმადურ სულში ჩაისახა ბოროტი აზრი, თავისი მასწავლებელი და უფალი იუდეველთა უკანონო საბჭოსთვის მიეცა. ამიტომ დიდი ოთხშაბათის საეკლესიო მსახურება განადიდებს იმ დედაკაცს, რომელმაც მაცხოვარს ნელსაცხებელი სცხო, იუდას ვერცხლისმოყვარებას და გამცემლობას კი კიცხავს და გმობს.

   დიდ ოთხშაბათს მორწმუნეთა განსწავლისათვის წმ. იოანე ოქროპირის მე-80 სიტყვაც იკითხება მათეს სახარების 26-ე თავის მე-6 მუხლის შესახებ. წმიდა მამა გვმოძღვრავს განსაკუთრებით მოვერიდოთ სიძვისა და ვერცხლისმოყვარეობის დამღუპველ ცოდვებს. მისი სწავლებით, ვნების თვისება არ არის, მინავლდეს შემდგომად ხორციელი დაკმაყოფილებისა, არამედ პირიქით, შემდგომად წადილის აღსრუ-ლებისა იგი უფრო მეტად მოიცავს ცოდვილი ადამიანის სულს.

  სვინაქსარში გადმოცემულია აზრი, მარად გვახსოვდეს ცოდვილი დედაკაცის კეთილგონიერი საქციელი, როგორც ამას მათეს სახარების 26-ე თავის მე- 13 მუხლი გვამცნებს: – “ამენ გეტყვ თქუენ: სადაცა იქადაგოს სახარება ესე ყოველსა სოფელსა, ითქუმოდის რომელიცა-ესე ყო მაგან სახსენებელად მაგისა”.

   ამ დღეს ასეთ კონდაკს სთავაზობს მორწმუნეებს დედა ეკლესია:

   “ვსცოდე უმეტეს მეძვისა მის, სახიერ, არა მაქუს ცრემლთა ნაკადული შეწირვად შენდა, არამედ დუმილით შეგივრდები, და სურ-ვილით ამბორს უყოფ ფერხთა შენთა, და გევედრები: მოტევება ცოდვათა მომანიჭე, ვითარცა მეუფემან, და ბიწთა საქმეთა ჩუენთაგან განმათავისუფლე, ვითარცა მაცხოვარმან”.

   დიდ ოთხშაბათს წყდება დიდი მეტანიები, რომელთაც ეფრემ ასურის ლოცვის: “უფალო და მეუფეო ცხოვრებისა ჩემისაო…” – დროს ვასრულებთ. ამის შემდეგ, პარასკევამდე, ამ ლოცვას მხოლოდ მონაზვნები ასრულებენ სენაკებში. ამგვარად, ეფრემ ასურის ლოცვა ყველიერის კვირის ოთხშაბათს იწყება და ვნების კვირის ოთხშაბათს სრულდება.

„გვეუბნებიან, რომ ჩვენი ქვეყანა შევწიროთ რას? რაც ილუზორულია, არაფერიც არ არის. ჩვენ ვიცით უფალი და მასთან ყოფნა, სოდომური ცოდვით უფალთან ვერ ვიქნებით, უფალმა გაანადგურა ყველა ის ქვეყანა, სადაც სოდომური ცოდვა იყო გაბატონებული. ჩვენ ამას ვებრძვით, მიუღებლად მიგვაჩნია“, – ამის შესახებ ჭყონდიდის, ცაგერისა და ლენტეხის მიტროპოლიტმა მეუფე სტეფანემ ქადაგებისას განაცხადა.

მისივე თქმით, 12 პუნქტის შესრულებაზე მნიშვნელოვანი ქვეყანაში სხვა საკითხები უნდა იყოს.

„ჩვენ გვებრძვიან საელჩოებით, არასამთავროებით, სოდომისტური პარტიებით, რომლებმაც ხელი მოაწერეს, ერთმანეთთან თანამშრომლობის მემორანდუმს, რომ სოდომისტურ ინტერესებს გაატარებდნენ. გამოდიან ქართველი ხალხის სახელით, ლაპარაკობენ სხვადასხვა ელჩები, ორკაციანი პარტიების ვიღაცები, ჩვენ ხმამაღლა ჯერჯერობით არაფერს არ ვამბობთ, ზედმეტ ლაპარაკს აზრი არ აქვს, როცა საჭირო იქნება, უნდა გამოვხატოთ ჩვენი პოზიცია. ჩვენ ვერ დავთანხმდებით ქრისტიანობის უარყოფას, ჩვენთვის სოდომური ცოდვის პროპაგანდა მიუღებელია. ჩვენთან ნარკომანია უნდა აღმოიფხვრას, აზარტულ თამაშებსაც უნდა ვებრძოლოთ. ჩვენ მთავარი საკითხები უნდა დავსახოთ ხოლმე და არა ის, 12 პუნქტი შევასრულოთ, თუ არა. უნდა ვუთხრათ, 12 პუნქტი კი არა, ეს თუ არ იქნა დაცული, მაშინ რა გვინდა ჩვენ შენთან?“, – განაცხადა მეუფე სტეფანემ.

ხვიჩა კვარაცხელია საქართველოს ბანკის სარეკლამო ვიდეო რგოლში ქართველ ემიგრანტებზე საუბრობს.

„ქართველ ემიგრანტებს მინდა ძალიან დიდი მადლობა გადავუხადო იმისთვის რომ თავიანთი ოჯახებისთვის არიან შორს წასულები და აკეთებენ ყველაფერს, რომ თავიანთი ოჯახები ბედნიერები ჰყავდეთ.

მეც დიდ თანადგომას ვგრძნობ იტალიაში მათგან და ძალიან დიდი მადლობა მინდა გადავუხადო თითოეულ მათგანს. წარმატებებს გისურვებთ და იმედი მაქვს რომ სახლში მალე დაბრუნდებით.

გორი-ბერბუკის მონაკვეთზე ავტოსაგზაო შემთხვევა მოხდა.

გავრცელებული ინფორმაციით, ერთმანეთს მსუბუქი ავტომობილი და პოლიციის პიკაპი შეეჯახნენ, რის შედეგადაც სამოქალაქო პირების მანქანა ამოტრიალდა.

მომხდარის შედეგად რამდენიმე ადამიანი დაშავდა, ისინი კლინიკაში გადაიყვანეს.

გარემოს ეროვნული სააგენტო მოსახლეობას უახლოეს დღეებში მოსალოდნელი ამინდის შესახებ აფრთხილებს. სინოპტიკოსების პროგნოზით, ხვალ და ზეგ საქართველოში ამინდი გაუარესდება.

,,12 აპრილს და 13 აპრილის დღის პირველ ნახევრამდე საქართველოს უმეტეს რაიონში მოსალოდნელია წვიმა ელჭექით, მაღალ მთაში თოვლი, ზოგან ძლიერი, აღმოსავლეთ საქართველოში შესაძლებელია სეტყვა. იქროლებს დასავლეთის მიმართულების ძლიერი ქარი, ზღვაზე შესაძლებელია 2-3 ბალიანი ღელვა.

მოსალოდნელმა ძლიერმა წვიმებმა საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა – გააქტიურება, მაღალმთიან ზონებში თოვლის ზვავების ფორმირება გამოიწვიოს”, – აღნიშნულია გავრცელებულ

რესპუბლიკური საავადმყოფოს დირექტორი თანამდებობიდან გადადგა. ზაზა ავალიანმა პოსტი და კლინიკა ერთად დატოვა.

დირექტორის მოვალეობას თეა თავართქილაძე შეასრულებს. ქვეყნის მთავარი კლინიკის ხემძღვანელის შეცვლის შესახებ გადაწყვეტილება დღის ბოლოს გახდა ცნობილი.

თეა თავართქილაძე დღემდე საავადმყოფოს სამედიცინო დირექტორის თანამდებობას იკავებდა.
ავალიანის წასვლას კი, წინ უძღოდა ექიმების პროტესტი და საავადმყოფოს რეაბილიტაციის პროცესზე ხანგრძლივი მოლაპარაკებები ჯანდაცვის სამინისტროსთან.

ახალი დირექტორი “კურიერთან” ამბობს, რომ სამინისტრომ საინიციატივო ჯგუფის ყველა მოთხოვნა დააკმაყოფილა და ექიმების პროტესტი შეწყვეტილია.