ჯანდაცვა არის უმნიშვნელოვანესი სფერო ჩვენი ქვეყნისთვის და მოსახლეობისთვის. ჩვენი ერთ-ერთი უმთავრესი მიღწევაა საყოველთაო ჯანდაცვის პროგრამა და ბუნებრივია გაგრძელდება მოსახლეობის უნივერსალური მოცვა ამ პროგრამით. ამასთან ეტაპობრივად გაიზრდება ჯანმრთელობის დაცვის სახელმწიფო პროგრამების დაფინანსება, – ამის შესახებ პრემიერ-მინისტრობის კანდიდატმა ირაკლი კობახიძემ ოპოზიციასთან შეხვედრაზე განაცხადა. კობახიძის თქმით, უზრუნველყოფილი იქნება ფსიქიკური ჯანმრთელობის ეროვნული სტრატეგიის ამოცანების შესრულება.

„გაგრძელდება მიზნობრივი ჯგუფების სასიცოცხლოდ მნიშვნელობის მედიკამენტებით უზრუნველყოფა. გაგრძელდება ონკოლოგიური დიაგნოზის მქონე ბავშვების საზღვარგარეთ მკურნალობის პროგრამა. ქვეყანაში დაინერგება ონკოლოგიური დაავადებების მართვის უახლესი მეთოდები ქართველი და უცხოელი ექიმების თანამშრომლობით. გაგრძელდება სახელმწიფო საკუთრებაში არსებული პრიორიტეტული სტაციონარული დაწესებულებების და სოფლად ამბულატორიების მშენებლობა, რეაბილიტაცია, აღჭურვა და ასევე ყურადღება დაეთმობა პირველადი ჯანდაცვის სისტემის გაძლიერებას.“ – აღნიშნა კობახიძემ.

გახარიას მიერ „ქართული ოცნებისთვის“ ხმების წართმევის „პროექტს“, რომელიც ფაქტობრივად მან თავისი მოღალატეობრივი ნაბიჯებით თავის დროზე განახორციელა, გარკვეული ეფექტი ჰქონდა თვითმმართველობის არჩევნების დროს. დღეს ეს „პროექტი“ უკვე გაშიფრულია, – ამის შესახებ საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა „ქრონიკაში“ განაცხადა.

„გახარიას მიერ „ქართული ოცნებისთვის“ ხმების წართმევის „პროექტს“, რომელიც ფაქტობრივად მან თავისი მოღალატეობრივი ნაბიჯებით თავის დროზე განახორციელა, გარკვეული ეფექტი ჰქონდა თვითმმართველობის არჩევნების დროს. დღეს ეს „პროექტი“ უკვე გაშიფრულია, ჩამოშლილია. ნარატივს, რომ „ქართული ოცნების“ ალტერნატივა ვიქნები და ამაზე ლოცვა-კურთხევა მაქვს ივანიშვილისგან მიღებულიო, ავრცელებდნენ ჭორის სახით ამომრჩეველში და ეს ყოველთვის სენტიმენტებს იწვევდა. ეს დამთავრებულია. მცდელობა, რომ ე.წ. ჩამოუყალიბებელი ელექტორატის ხმებზე გავიდნენ, ეს მცდელობა აქვს ფაქტობრივად ყველა პოლიტიკურ აქტორს. შეიძლება ასეთი ამომრჩევლის 1, ან 2 პროცენტი მოიზიდო, მაგრამ ზოგადად, ამომრჩევლის ქცევა სხვანაირი ხდება ხოლმე როდესაც არჩევნები იწყება. ძირითადად, ამომრჩევლის ქცევა გახლავთ, რომ ის ან უკვე კარგა ხნის წინ ჩამოყალიბებულ სიმპათიას უჭერს მხარს, ან ეძებს, ვის შეუძლია რეალურად არსებული მდგომარეობა უკეთესობისკენ შეცვალოს“, – აღნიშნა ქადაგიშვილმა.

„მოხდა მართლაც საპატრიარქოსთვის გადაცემა და საინტერესოა გაფუჭებული საქმის გადაცემა მოხდა? ან თუ გაფუჭდა და დაგვიანდა ვინ აგებს ამაზე პასუხს?“, – ამ კითხვით მიმართა გელათის ტაძრის საკითხზე ოპოზიციონერმა დეპუტატმა, თამარ ჩარკვიანმა საქართველოს პრემიერ-მინისტრობის კანდიდატ ირაკლი კობახიძეს ოპოზიციასთან გამართულ შეხვედრაზე.

დეპუტატმა ჩარკვიანმა კულტურის მინისტრობის კანდიდატთან, თეა წულუკიანთან დაპირისპირების თემა პრემიერობის კანდიდატ კობახიძესთან შეხვედრაზეც გააგრძელა და უთხრა, რომ “გაფუჭებული საკითხის” გამოსასწორებლად დიდი შრომა მოუწევს.

„მე მინდა ობიექტური ვიყო. შეიძლება, ბევრჯერ არ მომწონებია თქვენი გამოსვლა, მაგრამ არასოდეს მსმენია თქვენს შესახებ, რომ ხართ არაპროფესიონალი. მე არ ვარ თქვენი დარგის სპეციალისტი, მაგრამ გამოკვეთილად ჩანს ხოლმე, რომ ხართ კარგი პროფესიონალი. შეიძლება გამკვირვებია, რომ ამ კარგმა პროფესიონალმა, კარგმა კონსტიტუციონალისტმა როგორ დაუშვა გავრილოვის შემოსვლა, მაგრამ არაპროფესიონალიზმში ვერ დაგდებთ ბრალს.

რატომ გავუსვი ხაზი? თქვენ დიდი შრომა მოგიწევთ ამ 10 თვის განმავლობაში, იმიტომ რომ თქვენს გუნდში, რომელთა დამტკიცებასაც აპირებთ, მე რომ არ გითხრათ, თავადაც იცით, შეუძლებელია, ამდენი უკმაყოფილო ადამიანი ერთ დარგს ჰყავდეს… ალბათ, პური მეპურემ უნდა გამოაცხოს, ბევრი კარგი პროფესიონალი გყავთ, მაგრამ  ბევრი არაპროფესიონალია ამ დარგში…

საინტერესოა. მართლაც  გაფუჭებული საქმის გადაცემა მოხდა საპატრიარქოსთვის? დანაშაულის ხსენება არ მინდა… ვფიქრობ, პრაქტიკულად მოხდა გაფუჭებული საქმის გადაცემა. ან თუ გაფუჭდა და დაგვიანდა, ვინ აგებს ამაზე პასუხს? მოკლედ, იმის თქმა მინდა, რომ თქვენ ძალიან დიდი მუშაობა მოგიწევთ“, – მიმართა ჩარკვიანმა პრემიერობის კანდიდატს.

ცნობისთვის, თამარ ჩარკვიანმა კულტურის მინისტრობის კანდიდატ თეა წულუკიანს მიმართა და აღნიშნა, რომ „ისტორია უჩივლებს ყველა იმ სახელსა და გვარს, რომელმაც ზიანი მიაყენა, გელათს“.

მანამდე კი, თეა წულუკიანმა განაცხადა, რომ სასამართლოში უჩივლებს ყველას, ვინც „ცილს დასწამებს“ და იტყვის, რომ „ამჟამად რაღაცას ვაფუჭებთ“.