თეორიულად რომ წარმოვიდგინოთ ორნიშნა ეკონომიკური ზრდა 2030 წლის ჩათვლით, ჩვენ პირდაპირ დავეწევით ევროკავშირის წვერ არაერთ ქვეყანას , – ასე უპასუხა პრემიერ მინისტრობის კანდიდატმა, ირაკლი კობახიძემ „სტრატეგია აღმაშენებლის“ ლიდერს, გიორგი ვაშაძეს.

როგორც მან საპარლამენტო ოპოზიციის ფორმატში მთავრობისათვის ნდობის გამოცხადების საკითხის განხილვაზე განმარტა, როდესაც ის ციფრებზე და სხვადასხვა ეკონომიკურ მაჩენებლებზე საუბრობს, ეს ციფრები ადამიანებს ეხება.

„მე საუბარი მქონდა ციფრებზე, რომელიც ეხება ადამიანებს. როცა საუბარია ხელფასზე, ეს ადამიანის ხელფასია. როცა საუბარია დასაქმებაზე, ეს არის ადამიანის დასაქმება. როცა საუბარია სიღარიბის დაძლევაზე, საუბარია ადამიანის სიღარიბის დაძლევაზე. როცა 200 ათასის ნაცვლად, 600 ათას ავტომობილზეა საუბარი, ეს არის ადამიანის საკუთრებაში არსებული ავტომობილები. როცა საუბარია იმაზე, რომ ძალიან ბევრი კორპუსი და ბინა აშენდა და 90%-ზე მეტი საქართველოს მოქალაქეებმა იყიდეს.

რაც შეეხება ტემპის შენარჩუნებას. კიდევ ერთხელ გავიმეორებ, მთავარი და ყველაფრის საზომი არის ეკონომიკა. როცა საუბარია ტემპზე, აქაც ყველაფრის საზომი არის ეკონომიკის ზრდის ტემპი. ბოლო 3 წლის განმავლობაში ორნიშნა ზრდა იყო. შვიდი პროცენტი იყო შარშან ზრდა და წელსაც გვაქვს ძალიან კარგი პროგნოზი, წესით არ უნდა ჩამოვრჩეთ შარშანდელ მაჩვენებელს. თეორიულად რომ წარმოვიდგინოთ ორნიშნა ეკონომიკური ზრდა 2030 წლის ჩათვლით, ჩვენ პირდაპირ დავეწევით ევროკავშირის წვერ არაერთ ქვეყანას. ამაზეა საუბარი და ეს ტემპი თუ არ მოგწონთ, მაშინ რა მოგწონთ არ ვიცი“, – განაცხადა ირაკლი კობახიძემ.

ცნობისთვის, „სტრატეგია აღმაშენებლის“ ლიდერმა, გიორგი ვაშაძემ განაცხადა, რომ როდესაც პრემიერ-მინისტრობის კანდიდატი საუბრობს, რომ „ტემპი უნდა შენარჩუნდეს“, ეს ნიშნავს, რომ ქვეყანაში რაც ხდება ყველაფრით კმაყოფილია.

მისივე თქმით, ირაკლი კობახიძემ არაერთხელ თქვა, რომ ყველაფერი ციფრებია, თუმცა „ყველაფერი არის ადამიანები და არა ციფრები”.

ახლა ევროკავშირი რეალურად ჩვენი რეგიონია და ამასთან დაკავშირებით დიდ მნიშვნელობას ვანიჭებ საქართველოსთან სტრატეგიული დიალოგის დაწყებას, – ამის შესახებ სომხეთის პრემიერ-მინისტრმა, ნიკოლ ფაშინიანმა ეროვნულ ასამბლეაში „სამთავრობო საათის“ ფორმატში გამოსვლისას განაცხადა.

ნიკოლ ფაშინიანის თქმით, რეგიონში ბევრი მნიშვნელოვანი რეალობა შეიცვალა და ერთ-ერთი მათგანია საქართველოსთვის ევროკავშირის წევრობის კანდიდატის სტატუსი.

„სომხურ-ქართული სტრატეგიული პარტნიორობის დეკლარაციასთან დაკავშირებით შემიძლია, ვთქვა, რომ იქ არსებითად ყველა მიმართულებაა გაწერილი. ამით გამოხატულია ორი ქვეყნის მთავრობების ნება, წინ წავიდნენ მთელ ამ დღის წესრიგში“, – განაცხადა სომხეთის პრემიერ-მინისტრმა.

ადამიანი, რომელიც ოპოზიციის გზავნილების თანახმად, იყო ფატალური რისკების წინაშე, დღეს არის ჩართული და აქტიურად მონაწილეობს პოლიტიკაში, თავადაც შეგიძლიათ განსაჯოთ, გაუმჯობესდა თუ არა მისი მდგომარეობა – ასე უპასუხა პრემიერ-მინისტრობის კანდიდატმა ირაკლი კობახიძემ ნაცმოძრაობის წევრის თემურ ჯანაშიას კითხვას სააკაშვილის ჯანმრთელობის მდგომარეობის შესახებ.

როგორც ირაკლი კობახიძემ აღნიშნა, სააკაშვილი თავად ამბობს, რომ მისი მდგომარეობა სერიოზულად არის გაუმჯობესებული.

„რაც შეეხება მიხეილ სააკაშვილის მდგომარეობას, ბატონი თემურ ჯანაშიას კითხვა იყო, ითქვა, რომ მისი მდგომარეობა არ გაუმჯობესებულა, თუმცა შეგახსენებთ, რა იყო ოპოზიციის შესაბამისი ნაწილის რიტორიკა ამასთან დაკავშირებით, პირდაპირ მათი გზავნილები იყო, რომ დღეები იყო დარჩენილი, ეს არ არის ჩემი სიტყვები, ამას ამბობდნენ დაახლოებით ორი წლის განმავლობაში. დღეს ეს ადამიანი ჩაერთო პოლიტიკაში, თავადაც შეგიძლიათ განსაჯოთ, გაუმჯობესდა თუ არა მისი მდგომარეობა. ანუ, ადამიანი, რომელიც ოპოზიციის გზავნილების თანახმად, იყო ფატალური რისკების წინაშე, დღეს არის ჩართული და აქტიურად მონაწილეობს პოლიტიკაში. აქედან გამომდინარე, თავად ბატონი მიხეილ სააკაშვილიც ადასტურებს, რომ მისი მდგომარეობა მანამდე რა იყო არ ვიცით, მაგრამ თავად ამბობს, რომ მისი მდგომარეობა სერიოზულად არის გაუმჯობესებული“ – განაცხადა ირაკლი კობახიძემ.

რაც შეეხება იმას, თუ რამდენად დამთრგუნველი და დამამცირებელია სააკაშვილის მდგომარეობა, ირაკლი კობახიძე ოპოზიციას შეახსენებს, რომ სააკაშვილი ციხეშიც კი არ არის.

„მინდა შეგახსენოთ, რომ ბატონი მიხეილ სააკაშვილი არ არის ციხეშიც კი. ის არის კლინიკაში, ოროთახიან პალატაში. შეიძლება ადამიანი დაითრგუნოს იმით, რომ არის დისკრიმინაციულ მდგომარეობაში სხვა პატიმრებთან შედარებით. სხვა პატიმრებს უწევთ საკანში პატიმრობის ვადის მოხდა, მიხეილ სააკაშვილი არის ოროთახიან პალატაში ყოველგვარი დასაბუთების გარეშე. მე დავითრგუნებოდი ამით მორალური შეხედულებიდან გამომდინარე. არ ვიცი რამდენად ითრგუნება ამით მიხეილ სააკაშვილი“, – განაცხადა ირაკლი კობახიძემ.

საქართველოს პრემიერ-მინისტრობის კანდიდატის ირაკლი კობახიძის განცხადებით, ანაკლიის პორტის საკითხთან დაკავშირებით ამჟამად არსებული ორი პრეტენდენტი კომპანიიდან, რომელიც უკეთეს პირობებს შესთავაზებს სახელმწიფოს, ის გაიმარჯვებს.

როგორც ირაკლი კობახიძემ საპარლამენტო ოპოზიციის ფორმატში მთავრობისათვის ნდობის გამოცხადების საკითხის განხილვაზე განახადა, გეოგრაფიულ სივრცეს ნაკლებად მიენიჭება უპირატესობა.

„რაც შეეხება ანაკლიის საკითხს, არავის უთქვამს, რომ ჩინური კომპანია უპირატესობით ისარგებლებს. პროცედურები წარიმართება, 2 პრეტენდენტია ამჯერად, რომელიც უკეთეს პირობებს შემოგვთავაზებს, ის კომპანია გაიმარჯვებს. ამ შემთხვევაში, გეოგრაფიულ სივრცეს ნაკლებად მიენიჭება უპირატესობა, მთავარია, ვინ შემოგვთავაზებს უკეთეს პირობებს. ბუნებრივია, ეს არის სახელმწიფოს პრიორიტეტი“, – განაცხადა კობახიძემ.

როგორც ცნობილია, წუხელ ღამით განვითარდა ქვეზვავური ტიპის მეწყერი, რომლის შედეგადაც, დაახლოებით, 150 000 კუბური მეტრის მასა ჩამოიშალა კლდიდან, რამაც მოახდინა საცხოვრებელი სახლების დანგრევა და დაზიანება. მეწყერი განვითარდა მყისიერად; პრაქტიკულად, შეუძლებელი იყო ამ მოვლენის თავიდან აცილება“, – ამის შესახებ ეგარემოს ეროვნული სააგენტოს უფროსმა, განაცხადა ვასილ გედევანიშვილმა.

მისივე განმარტებით, კლიმატურ ცვლილებებთან ერთად, საკმაოდ გახშირდა სტიქიური მოვლენები, როგორც მთელს მსოფლიოში, ისე საქართველოში. გედევანიშვილის განცხადებით, გარემოს ეროვნული სააგენტოდან გეოლოგების რამდენიმე ჯგუფი მუშაობს და მიმდინარეობს დეტალური შესწავლა, პოტენციური საფრთხეების ანალიზი იმასთან დაკავშირებით, ხომ არ არსებობს კიდევ რაიმე დამატებითი საშიშროება. უახლოეს მომავალში გარემოს ეროვნული სააგენტო დეტალურ დასკვნას გაავრცელებს.

„ჩვენ ყოველწლიურად ვაკეთებთ საფრთხეების შეფასებას მთელი ქვეყნის მასშტაბით. აღვნიშნავთ პოტენციურ საფრთხეებს გეოლოგიის, რომელიც სამწუხაროდ ძალიან ბევრია საქართველოში და რამდენიმე ათეულ ათასს აღემატება. კონკრეტულ შემთხვევაში, უშუალოდ ეს ფერდობი არ ყოფილა შეფასებული. სოფელში უამრავი ფერდობი არსებობს. საფრთხეები შეფასებული გვაქვს მთლიანი სოფლის მასშტაბით. მომზადებულ ინფორმაციაში თქვენ ნახავთ სხვა სოფლებსაც; ბუნებრივია, რისკები არსებობს და გარემოს ეროვნული სააგენტო უცხოელ ექსპერტთან ერთად აქტიურად მუშაობს, რომ უფრო მეტი დეტალიზაცია მოახდინოს. სოფლის დაცლის რეკომენდაცია არ ყოფილა გაცემული, იმიტომ რომ ასეთი ტიპის რეკომენდაციას სჭირდება დამატებითი კვლევები, დამატებითი საფრთხის შეფასება. სააგენტო აქტიურად მუშაობს ამ მიმართულებით, რომ შევძლოთ მაქსიმალურად მოვახდინოთ მეწყრულად აქტიური უბნების იდენტიფიცირება. გამომდინარე იქიდან, რომ საკმაოდ მასშტაბურია ეს პროცესები, საკმაოდ გახშირდა ეს მოვლენები და კლიმატის ცვლილებებთან ერთად იზრდება რისკები, საკმაოდ რთულია ყველა კონკრეტული ლოკაციის შესწავლა“, – აღნიშნა ვასილ გედევანიშვილმა.

გარემოს ეროვნული სააგენტოს განცხადებით, კონკრეტული რეკომენდაცია კონკრეტულ მეწყერთან დაკავშირებით არ მომზადებულა. პოტენციურ მეწყრებს და საფრთხეებს სჭირდება დამატებითი კვლევა, დამატებითი შესწავლა იმისათვის, რომ დადგინდეს, რა რისკები ახლავს ამ საფრთხეებს; არ არსებობს მსოფლიოში სისტემა, რომელიც განსაზღვრავს, ზუსტად როდის, რა ლოკაციაზე განვითარდება მეწყერი.

„დამატებით კვლევებში ვგულისხმობ თითოეული პოტენციურად მეწყრულ არეალის დამატებით ანალიზს იმისთვის, რომ მოვახდინოთ რისკის შეფასება, თუმცა, ესეც არ აზღვევს რისკს ბოლომდე. სამწუხაროდ, სტიქიასთან ბრძოლაში უძლურები ვართ. ჩვენ მაქსიმალურად ყველაფერს ვაკეთებთ იმისთვის, რომ ასეთი რისკები დავაზღვიოთ, რაც ძალიან რთულია და ხშირ შემთხვევაში შეუძლებელიც“, – განაცხადა ვასილ გედევანიშვილმა.

როგორც სააგენტოს უფროსმა აღნიშნა, კონკრეტულად რაიმე განცხადება, შეტყობინება ოჯახებიდან არ ყოფილა შემოსული, არსებობდა მხოლოდ ერთადერთი განცხადება, რომელიც ქვათაცვენას უკავშირდებოდა, ამასთან დაკავშირებით გაკეთდა დასკვნა, გაიცა რეკომენდაცია, რომელიც არის მიმდებარე და არ უკავშირდება ამ ფერდს. გარემოს ეროვნული სააგენტოს უფროსმა ღრმა მწუხარებას გამოხატა მომხდართან დაკავშირებით და მიუსამძიმრა გარდაცვლილების ოჯახებს.