მოლდოვის დედაქალაქ კიშინიოვში ანტისამთავრობო აქცია გაიმართა.
ადგილობრივი მედიის ცნობით, აქციის მონაწილეები პრეზიდენტ, მაია სანდუს გადადგომას და ვადამდელი არჩევნების ორგანიზებას ითხოვენ.
დემონსტრაციის მონაწილეებს კიშინიოვში ცენტრალური ავტომაგისტრალის ნაწილი დროებით გადაკეტილი ჰქონდათ.
პოლიციის ცნობით, დაკავებულია 27 ადამიანი, რომლებიც პოლიციის განყოფილებაში დოკუმენტების შემოწმების მიზნით გადაიყვანეს.
კადიროვი პრიგოჟინის წინააღმდეგ. ჩეჩნეთის ლიდერმა დაჯგუფება „ვაგნერის“ მეთაური საჯაროდ გაკეთებული განცხადებებისთვის გააკრიტიკა.
მისი მტკიცებით, „ვაგნერმა“ ბახმუტში მხოლოდ ადვილად ასაღები რაიონების დაკავება შეძლო, ყველაზე რთულ მონაკვეთებს კი ჩეჩენ მებრძოლებს უტოვებს. კადიროვმა გაკვირვება გამოთქვა იმის გამოც, რომ პრიგოჟინმა იარაღის უკმარისობის გამო საჯარო ისტერიკა მოაწყო და „ვაგნერის“ მებრძოლებს ბატალიონ „ახმატში“ გადასვლა შესთავაზა.
მანამდე „ვაგნერის“ მეთაურმა რუსეთი სამხედრო ხელმძღვანელობა იარაღის არა საკმარისად მიწოდების გამო მკაცრად გააკრიტიკა და 10 მაისისთვის ბახმუტიდან საკუთარი მებრძოლების გაყვანა დააანონსა. ამის შემდეგ კი განაცხადა, რომ პოზიციებს „ახმატის“ ჩეჩნურ ბატალიონს უთმობს.
ცნობილი ხდება ისიც, რომ ბახმუტში „ვაგნერის“ ჩეჩენი მებრძოლებით ჩანაცვლების თხოვნით კადიროვმა პუტინს უკვე მიმართა.
ექსპერტი ლევან ნიკოლეიშვილი უკრაინის უმაღლეს რადაში ფრაქცია „ხალხის მსახურის“ ხელმძღვანელის, დავით არახამიას ინტერვიუს ეხმიანება, რომელსაც „მთავარი არხი“ ავრცელებს. ექსპერტი აღნიშნავს, რომ როგორც კი ე.წ. ქოლცენტრების საქმეში დავით არახამიას მონაწილეობა გამოიკვეთა ტელეკომპანია „მთავარმა არხმა“ მისი გამართლება დაიწყო.
„მთავარი არხი“, რის „მთავარი არხია“, თუ რადიკალების, ამრევების და კრიმინალების „გაპრავება” არ დაიწყო? ამოვარდა არახამიას სკანდალი, და აგერაა სასწრაფოდ “მედია”. ახლა ისეთ ანგელოზად გამოიყვანენ, სალომე ზურაბიშვილის მერე პრეზიდენტად არ დაგვაწყებინონ არახამიასთვის ხვეწნა. მაგრამ აი, იმას რამ ვუყოთ თუ ქართველების გარდა არახამიათი გერმანელი სამართალდამცავებიც დაინტერესდებიან?!“, – წერს ლევან ნიკოლეიშვილი Facebook-ზე.
პარლამენტის დიასპორისა და კავკასიის საკითხთა კომიტეტის თავმჯდომარე აცხადებს, რომ საგამოძიებო კომისიის შექმნაზე საუბარი აბსურდულია მაშინ, როდესაც თვითონ ოპოზიციის ცალკეული წარმომადგენლები არიან ჩართულები ე.წ. ქოლ-ცენტრების საქმეში.
როგორც ბექა ოდიშარია განმარტავს, ოპოზიციამ სამართალდამცველებს უნდა მისცეს გამოძიების შესაძლებლობა.
“ადამიანების მიმართ, რომელთა ქმედებაშიც, ძმები, დები, უახლოესი ნათესავები სამეწარმოო საქმიანობაში, ერთ პატარა შენობაში არსებული სხვადასხვა აქტივობების მიმართ, აბსურდულად ბრძანებენ, რომ არ არიან საქმის კურსში. ეს ადამიანები საკუთარ ტყუილში ისე არიან ახლართულები, რომ წყობიდანაც გამოდიან და შეურაცხყოფაზეც გადმოდიან.
თუ მართალი ხარ, შე კაი დედ-მამის შვილო, აცადე სამართალდამცავებს. სულ 2 კაცი არიან პარტიაში და პარტიის თავმჯდომარეს, საწყობის გამგე ამხელს, რომ იქ კომპიუტერები ჰქონდათ შენახული. როგორ შეიძლება 2-კაციან პარტიაში არ ჰქონდეს ადამიან ინფორმაცია.
რა საგამოძიებო კომისიის შექმნაზე უნდა ვისაუბროთ, იმ ადამიანებთან დაკავშირებით, რომლებიც თავად არიან ამაში ჩართულები,”-აცხადებს ბექა ოდიშარია.
ახალი დეტალები ე.წ. ქოლ-ცენტრების, სავარაუდო, საქმეში. გავრცელებული დოკუმენტებით ირკვევა, რომ აღმაშენებლის 75 ნომერში მდებარე დალუქული შენობა შპს “მისანს” ეკუთვნის, რომლის 25 პროცენტს გიორგი ვაშაძის ძმა დავით ვაშაძე ფლობს. ამავე საბუთების მიხედვით, ვაშაძის კომპანიამ ფართი დავით არახამიას ძმის კომპანიას, შპს “ლაიონს შვიდი გრუპს” მიაქირავა.
მხარეებმა ხელშეკრულება 13 აპრილს გააფორმეს. საქმეს ფინანსთა სამინისტროს საგამოძიებო სამსახური იძიებს.
უმრავლესობა აქცენტს ვაშაძის პარტიის წევრების ურთიერთგამომრიცხავ ინფორმაციაზე აკეთებს და თვლის, რომ განმარტებები არადამაჯერებელია და დანაშაულებრივ სქემასთან ოპოზიციის ნაწილის კავშირები ერთმანეთს საეჭვოდ ემთხვევა.
აღმაშენებლის 75-ში არსებულ ოფისში სამართალდამცველები, 2 დღის წინ გვიან ღამით შევიდნენ, დალუქეს ტერიტორია და ამოიღეს კომპიუტერული ტექნიკა.
ევროპის წლის მუზეუმის [European Museum of the Year Award, EMYA] პრემია, რომელიც 1977 წელს დაფუძნდა, ევროპის მუზეუმების ფორუმის მიერ ორგანიზებული სამუზეუმო სფეროს ყველაზე პრესტიჟული პრემიაა. ყოველწლიურად კონკურსში დაახლოებით 45-65 მუზეუმი მონაწილეობს ევროპის საბჭოს 47 წევრი ქვეყნიდან.
2023 წლის დაჯილდოების ცერემონიალი 3-6 მაისს ბარსელონაში გაიმართა. ამ ღონისძიების ფარგლებში შედგა ნომინანტი მუზეუმების პრეზენტაციები, გამარჯვებულების გამოვლენა და ევროპის სამუზეუმო სფეროში არსებული ფასეულობების, ინოვაციური იდეებისა და საუკეთესო პრაქტიკის განხილვა.
წელს კატეგორიაში – The Silletto-ს პრიზი საზოგადოების მონაწილეობასა და ჩართულობისთვის – ვანის არქეოლოგიურმა მუზეუმმა გაიმარჯვა.
ამავე დაჯილდოებაში, კატეგორიაში – სპეციალური აღნიშვნის პრიზი – გამარჯვებულია ილია ჭავჭავაძის ლიტერატურულ მემორიალური მუზეუმი.
„სპეციალური აღნიშვნის პრიზი“ გადაეცა მუზეუმს, რომელიც პატივს სცემს მე-19 საუკუნის ერთ-ერთ გამოჩენილ ეროვნულ ფიგურას, რომლის მოღვაწეობაც აღინიშნება როგორც ეროვნული თავისუფლების, განთავისუფლებისა და პროგრესის სიმბოლო. ამ მემკვიდრეობის სულისკვეთებით, მუზეუმი იწვევს თავის ვიზიტორებს დაფიქრდნენ ისტორიულ ბრძოლებზე და მათგან შთაგონებას იღებს საზოგადოების თანამედროვე გამოწვევების დასაძლევად“ – ნათქვამია „თბილისის მუზეუმების გაერთიანების“ განცხადებაში.
ვანის არქეოლოგიური მუზეუმი
ილია ჭავჭავაძის ლიტერატურულ მემორიალური მუზეუმი
ტეხასში, სროლას 8 ადამიანი ემსხვერპლა. შემთხვევა ერთ-ერთ სავაჭრო ცენტრში მოხდა.
თვითმხილველების ინფორმაციით, უცნობი მამაკაცი გარშემომყოფებს განურჩევლად ესროდა.
პოლიციამ შეიარაღებული პირის ლიკვიდაცია ადგილზე შეძლო. მათი ინფორმაციით, ის მარტო მოქმედებდა. შემთხვევის შედეგად, 7 ადამიანი დაშავდა, მათგან სამის მდგომარეობა კრიტიკულია. მოტივი ჯერჯერობით უცნობია.
ექსპრეზიდენტი მიხეილ სააკაშვილი კლინიკა „ვივამედში“ დედამ გიული ალასანიამ მოინახულა.
ალასანიას განცხადებით, მიხეილ სააკაშვილი უკიდურესად სუსტად არის.
ამასთან, ალასანია პოლონელ ექიმებთან დაკავშირებით აღნიშნავს, რომ მათ საქართველოს მხრიდან დაბრკოლებები ექმნებათ.
„ჩემი ხედვით უარესი და უარესი მდგომარეობაა. ყოველი მისი წამოდგომა არის ჩემთვის გულის ფრიალი, იმიტომ, რომ თვალწინ მიდგება მისი დავარდნა და ეს ყოველ წუთს შეიძლება განმეორდეს. უკიდურესად სუსტად არის, რაღაც ჩონჩხი, ოსვენციმის კადრები თვალწინ გიდგება, რომ უყურებ ადამიანს.
რაც შეეხება სტრასბურგს ველოდებით, რაღაც პერიოდია საჭირო, უნდა გავიდეს. პოლონელ ექიმებთან დაკავშირებით მე პირადად არანაირი ინფორმაცია არ მაქვს. ძალიან მიკვირს იმიტომ, რომ სამი თვე გავიდა და რა გახდა ბოლოს და ბოლოს ასეთი მოუწესრიგებელი, არ ვიცი, არ მესმის. როგორც ჩანს აქედან დაბრკოლებებია სერიოზული“, – აცხადებს გიული ალასანია.
იგრძნო ელისიამ, რომ საქართველოში მისი „კრიშა“ ვეღარ დააფარებს ხელს და ის აუცილებლად აგებს პასუხს. ეს რომ იყნოსა რაღაც თემა გამოაგორა – გეგონება რაიმე იცოდეს და თან ამ თემით, კრიმინალებს აფარებს ხელს და იცავს“, – წერს სოციალურ ქსელში ექსპერტი ირაკლი ლატარია, რითაც ვანში მომხდარი შემთხვევის შესახებ ელისო კილაძის „ფეისბუკ ლაივს“ ეხმიანება.
„არა ნუ.. თუ კი სადმე არის: გვამებით ვაჭრობა, ბინძური მკვლელობა, ბავშვების გატაცება, გაუპატიურება, წამლის გაყიდვა და ა.შ…თუ კი სადმე უბინძურესი დანაშაულია ყველგან არის ელისო…. ქალი იწოვს თემებს, სადაც არის სიბინძურე, საშინელი სუნი დანაშაულებებისა… იგრძნო ელისიამ, რომ საქართველოში მისი „კრიშა“ ვეღარ დააფარებს ხელს და ის აუცილებლად აგებს პასუხს… ევროპა ელისიას რუსეთის მილიციაში არ აერიოს – მანდ მფარველობა არ მოსულა და ეს რომ იყნოსა ამ გოიმ ძონძმა, რაღაც თემა გამოაგორა – გეგონება რაიმე იცოდეს და თან ამ თემით, კრიმინალებს აფარებს ხელს და იცავს… მოკლედ რა – ეს ბინძური ქალი რით ვერ მოვიშორეთ ამ საზოგადოებამ? …. ქალი არის მოსიარულე კრიმინალი, მოსიარულე დამნაშავე, რომელიც დღემდე შანტაჟებითა და გამოგონილი ისტორიებით სულდგმულობს..მაგრამ ახლა ვეღარაფერი უშველის მის ციხეში შეგდებას და ჩვეულებრივ დასაბმელი გახდა – რომელსაც ვერავინ და ვერაფერი უშველის!!!“ – წერს ირაკლი ლატარია.
ექსპერტი ედიშერ გვენეტაძე ვანში მომხდარი უბედური შემთხვევის შესახებ ელისო კილაძის გამოხმაურებაზე წერს. როგორც ექსპერტი აღნიშნავს, ელისო კილაძემ ეს ყველაფერი საზოგადოების ყურადღების გადასატანად დაიწყო.
ექსპერტის თქმით, მისი სათავისო უკუღმა დატრიალებით ცდილობს მის მიტანას ზოგიერთ კოკინაშვილ პელაგიამდე! ეტყობა ჟურნალისტ ასინეთა-ელისტრახოს ვერ გაუგია, რომ ქოლცენტრებით სავსე კოკა გაუტყდა!
„ევროპელ პენსიონერთა სავარაუდო მძარცველი ე.წ. ჟურნალისტი ელისტრახო, იგივე ასინეთა წაასწრეს მთხლეზე და ისიც შეუდგა მისი მომძღვნელი პურისა და სარჩოსი კეზერა-სეთურ-აბელის გათეთრება-გალამაზებას! საზოგადოების ყურადღების გადასატანად დაიწყო, მაგრამ რა დაიწყო! გაახსენდა, რომ ერთ დროს ჟურნალისტი იყო და მოძებნა ვანში, რაღაც მართლაც სამარცხვინო და საშინელი ამბავი და მისი სათავისო უკუღმა დატრიალებით ცდილობს მის მიტანას ზოგიერთ კოკინაშვილ პელაგიამდე! ეტყობა ჟურნალისტ ასინეთა-ელისტრახოს ვერ გაუგია, რომ ქოლცენტრებით სავსე კოკა გაუტყდა! იცნეს, დასტებად იღვრება ბრონირებული ჯიბიდან ევროები და პელაგიებსაც ვეღარ ატყუებს, მანამდე ათასჯერ ნაცადი, აწ უკვე გაცვეთილი ოინებით! ეჰ ასე იცის ასე! „ნუ დაუწყებ სხვას ორმოს გათხრას თორემ თავად აღმოჩნდები შიგო“ – ღაღადებს ძველი „ჰინდური“ ანდაზა!“ – წერს ედიშერ გვენეტაძე სოციალურ ქსელში.
ვეტერანების საქმეთა სახელმწიფო სამსახურის ინიციატივით და ზუგდიდის მუნიციპალიტეტის მერიის მხარდაჭერით, მიმდინარე წლის 6 მაისს, ზუგდიდში, მერაბ კოსტავას სახელობის პარკში, საქართველოს ეროვნული გმირის, მამია ალასანიას ბიუსტი გაიხსნა. დღეს, მამია ალასანიას, 80 წელი შეუსრულდებოდა. ღონისძიებას დაესწრნენ ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, პირველი მოადგილე, ნიკოლოზ კვეზერელი, მოადგილე ჯანდრი უბირია, დირექტორის მრჩეველი, ვლადიმერ იმნაძე, მამია ალასანიას ვაჟი, ირაკლი ალასანია, ზუგდიდის მუნიციპალიტეტის მერი, მამუკა წოწერია, სამეგრელო-ზემო სვანეთის სახელმწიფო რწმუნებულის მოადგილეები, დავით კუხალეიშვილი და დავით ვერავა, აფხაზეთის ა/რ მთავრობის თავმჯდომარის მოადგილე, ანზორ მარგიანი, საქართველოს პარლამენტის წევრები, ვეტერანების საქმეთა სახელმწიფო სამსახურის რეგიონული მართვის დეპარტამენტის სამეგრელოს სამმართველოს წარმომადგენლები, ომისა და თავდაცვის ძალების ვეტერანები.
აღსანიშნავია, რომ მამია ალასანიას ბიუსტი დაიდგა იმ პარკში, სადაც განთავსებულია საქართველოს ეროვნული გმირების მერაბ კოსტავასა და გენო ადამიას ბიუსტები და 1924 წლის აჯანყებულთა ხსოვნის მემორიალი.
მამია ალასანია 1943 წლის 6 მაისს, სოფელ ანაკლიაში დაიბადა. იმავე წელს ალასანიების ოჯახი ზუგდიდში გადასახლდა. მამია ალასანიამ 1961 წელს ზუგდიდის №1 საშუალო სკოლა დაამთავრა. იგი უშიშროების პოლკოვნიკი გახლდათ. 1974 წლიდან სხვადასხვა ხელმძღვანელ თანამდებობებზე მუშაობდა. მოგვიანებით კი სამხრეთ ოსეთის ავტონომიური ოლქის უშიშროების კომიტეტის განყოფილების უფროსი იყო. 1992-93 წლებში, სპეციალური დავალებით იგი სამეგრელოში იქნა მივლინებული.
1993 წლის 27 სექტემბერს, სოხუმის დაცემის დღეს, იგი, სოხუმში, ჟიული შარტავასთან, სოხუმის მერთან, გურამ გაბესკირიასა და აფხაზეთის ა/რ მთავრობის სხვა წევრებთან ერთად, აფხაზეთის ა/რ უმაღლესი საბჭოს შენობაში იმყოფებოდა. სეპარატისტებმა, ჟიული შარტავა, გურამ გაბესკირია და ორმოცდაათი წლის მამია ალასანია, თანმხლებ პირებთან ერთად მოკლეს. წითელი ჯვრის საერთაშორისო კომიტეტისა და საქართველოს მთავრობის ძალისხმევითა, 2017 წლის ოქტომბერში, მამია ალასანიას ნეშტი, გურამ გაბესკირიას ნეშტთან ერთად, იდენტიფიცირებულ იქნა და მასთან ერთად, დიღმის ძმათა სასაფლაოზე სამხედრო პატივით დაიკრძალა.
მამია ალასანიას, 2018 წელს, საქართველოს ეროვნული გმირის ორდენი მიენიჭა.
ვეტერანების საქმეთა სახელმწიფო სამსახურის ორგანიზებით, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმებმა, ქედის მუნიციპალიტეტში მცხოვრები ომისა და თავდაცვის ძალების ვეტერანებისა და მათი ოჯახის წევრებისათვის, ურთიერთთანამშრომლობის მემორანდუმის ფარგლებში, რიგით 143-ე საქველმოქმედო-სამედიცინო აქცია ჩაატარეს. აქცია მოიცავდა კარდიოლოგიური პროფილის უფასო გამოკვლევებს ( ექიმი-კარდიოლოგის კონსულტაცია, ელექტროკარდიოგრამა, გულის ექოსკოპია, ლაბორატორიული კვლევები ).
საქველმოქმედო სამედიცინო აქციით უსასყიდლოდ ისარგებლა სამსახურის 150 -ზე მეტმა, ბენეფიციარმა, განხორციელდა 270 სამედიცინო ვიზიტი.
აქციის მიმდინარეობას ადგილზე გაეცნენ: ვეტერანების საქმეთა სახელმწიფო რეგიონული მართვის დეპარტამენტის აჭარის სამმართველოს უფროსი, შოთა ყიფიანი, სამსახურის სოციალურ საკითხთა და სააღრიცხვო-ანალიტიკური დეპარტამენტის უფროსი სპეციალისტი, ვაჟა დალაქიშვილი, ქედის მუნიციპალიტეტის მერი, რონალდ ბერიძე, პარლამენტის წევრი, ანზორ ბოლქვაძე.
ვეტერანების საქმეთა სახელმწიფო სამსახურსა და აკადემიკოს გ.ჩაფიძის სახელობის გადაუდებელი კარდიოლოგიის ცენტრს შორის, პირველი მემორანდუმი 2017 წელს გაფორმდა; ხუთწლიანი, ნაყოფიერი თანამშრომლობის შემდეგ კი, 2022 წლის 16 აპრილს, მემორანდუმი, კვლავ 5 წლით გაგრძელდა.
მემორანდუმის ფარგლებში, ვეტერანებისა და მათი ოჯახის წევრებისათვის, საქველმოქმედო სამედიცინო აქციები, მთელი საქართველოს მასშტაბით, პერმანენტულად იმართება. დღეის ჩათვლით, ვეტერანების საქმეთა სახელმწიფო სამსახურის ორგანიზებით, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმებმა 142 საქველმოქმედო სამედიცინო აქცია ჩაატარეს; უფასო სამედიცინო მომსახურება გაეწია 12 776 ბენეფიციარს.
მემორანდუმის ფარგლებში, ვეტერანებისა და მათი ოჯახის წევრებისათვის, საქველმოქმედო სამედიცინო აქციები, მთელი ქვეყნის მასშტაბით, კვლავ ჩატარდება, რომელთა შესახებ ინფორმაცია, ვეტერანებს, წინასწარ მიეწოდებათ.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
