დაუფარავად გეუბნებით, იმ შემთხვევაში თუ საერთო ენა ვერ გამოვნახე ჩემს პარტიასთან, არ ვაპირებ მუდმივ პაექრობაში ყოფნას. რა თქმა უნდა, ვიფიქრებ იმაზე, რა შეიძლება გავაკეთო , – ამის შესახებ „ნაციონალური მოძრაობის“ წევრმა, ბაჩო დოლიძემ მედიასთან საქართველოს მესამე პრეზიდენტის, მიხეილ სააკაშვილის მიერ გავრცელებულ წერილზე საუბრისას განაცხადა. ბაჩო დოლიძის თქმით, მიხეილ სააკაშვილის წერილი ორი ძირითადი ხაზისგან შედგებოდა, მათგან ერთი, დღევანდელ მენეჯმენტს მიემართება, რომელთაც პარტიაში განსხვავებული აზრისადმი მიუღებლობა აქვთ. „მე დავეთანხმები იმ პათოსს, სადაც საუბარია, რომ დებატები და განსხვავებული აზრი უნდა არსებობდეს პარტიაში. არ შეიძლება შენს თანამებრძოლებს სუს-ის აგენტებს ეძახდე იმის გამო, რომ განსხვავებულ პოზიციაზე არიან. შესაბამისად, ეს გზავნილი ძალიან მკაფიო იყო მენეჯმენტის მიმართულებით, ვინ როგორ გაიგო, ეს უკვე მათი საქმეა. მე ფიქრობ, რომ ცხადზე ცხადი იყო ამ თვალსაზრისით ქვეყნის მესამე პრეზიდენტის პოზიცია. ვის აქვს დღეს პარტიაში მიუღებლობა განსხვავებული აზრის მიმართ, ეს მე მგონი ცხადზე ცხადია. ამდენი თვის განმავლობაში აბსოლუტურად ყველა კარია დაკეტილი ყველა ადამიანისთვის, ვისაც განსხვავებული აზრი პოზიცია აქვს. ამ წერილში არის ორი ძირითადი ხაზი, ერთი არის ის, რაზეც უკვე ვისაუბრე და რაც შეეხება იმას, თუ დღეს პარტიას დატოვებს გარკვეულ ადამიანთა ჯგუფი, ისინი განიცდიან ფიასკოს, მე ასე მგონია, რომ ეს დამოკიდებულია ძალიან ბევრ ფაქტორზე. იმ შემთხვევაში, თუკი საერთო ენა ვერ გამოვნახე საკუთარ პარტიასთან, ასევე იმ ადამიანებმა, ვინც ძალიან დიდი ხნის განმავლობაში არიან ამ პარტიაში და ბევრი სირთულე გამოიარეს, თუ ჩვენ ვაწყდებით კედელს და გამოსავალი არ არის, რა თქმა უნდა, ალტერნატივა არის ის, რომ გავაგრძელებთ პოლიტიკურ ცხოვრებას, რა კონფიგურაციით და როგორ, ეს უკვე მომავლის საქმეა. რა რეზულტატს დავდებთ ესეც ჩვენზეა დამოკიდებული“, – განაცხადა ბაჩო დოლიძემ. ბაჩო დოლიძის თქმით, იმ შემთხვევაში თუ პარტიიდან წასვლის გადაწყვეტილებას მიიღებს, არ აქვს იმის შიში, რომ ფიასკოს განიცდის. „მე საერთოდ არ მაქვს იმის შიში, რომ შეიძლება ფიასკო განვიცადო. აბსოლუტურად კარგად ვაცნობიერებ თუ რა პოლიტიკური ამინდია ქვეყანაში და რაზეა დაკვეთა ჩვენი მოსახლეობის მხრიდან“, – განაცხადა ბაჩო დოლიძემ.

არ გამკვირვებია, რომ გიორგი გახარია მივიდა ვაშაძესთან და ხაბეიშვილთან ერთად. კი არ მივიდა, სულ მაგასთან ერთად არის, სულ მაგათთან ერთად ითხოვს ხან საქართველოს დასანქცირებას, იმ ადამიანების დასანქცირებას, ვისაც ამ ქვეყნის წინაშე დიდი დამსახურებები აქვს, მათ შორის ბიძინა ივანიშვილის პირველ რიგში. რაც უფრო მეტი დამსახურება აქვს ადამიანს ქვეყნის წინაშე, მით უფრო მძლავრია მათი მცდელობის ხარისხი, რომ დასანქცირდეს ასეთი ადამიანი, – ამის შესახებ „ქართული ოცნების“აღმასრულებელმა მდივანმა მამუკა მდინარაძემ ჟურნალისტებს განუცხადა გავრცელებულ ინფორმაციასთან დაკავშირებით, რომლის თანახმად, შეხვედრაზე, სადაც „ნაციონალური მოძრაობის” ლიდერები ბიძინა ივანიშვილის სანქცირებას განიხილავდნენ, გიორგი გახარიაც მივიდა.

მამუკა მდინარაძის თქმით, გიორგი გახარია რომ ბიძინა ივანიშვილის დასანქცირებას ითხოვს, პარადოქსიც არ ჰქვია, ამას ჰქვია რაღაცის პიკი, რომელ რაღაცას ჩვეულებრივ, ისეთ სიტყვას ვერ დაარქმევ, რაც კამერის წინ ითქმება

მისივე თქმით, ეს არ არის დიდი მოულოდნელობა, რადგან „გახარიას პარტია არის ის ორგანიზაცია, რომელიც წინა არჩევნებზე ცდილობდა, რამენაირად 43%-ს ქვევით ჩამოსულიყო „ქართული ოცნების“ რეიტინგი და შესაბამისი საარჩევნო შედეგი.

„გახარიას პარტია არის ის პარტია, რომელიც მესიჯბოქსში ხშირად იყენებს სიტყვას – ნაცქოცური, ამ დროს „ნაცმოძრაობასთან“ საკრებულოში, სადაც შეუძლიათ, კოალიცია აქვთ დალაგებული. წარმოიდგინეთ, პარტიის წარმომადგენელი, რომელსაც იმ საკრებულოებში, სადაც წარმომადგენლები ჰყავს, კოალიცია აქვთ დალაგებული „ნაცმოძრაობასთან“ და „ნაცმოძრაობასთან“ წარმოსახვით კავშირზე ლაპარაკობენ ხოლმე „ქართულ ოცნებასთან“ მიმართებაში. ამას ხომ შუბლის ძარღვიც უნდა, გაწყვეტილი შუბლის ძარღვი ამას ვერ იზამს, გაგლეჯილი უნდა იყოს, არც არასდროს უნდა არსებულიყო ალბათ, რომ შენ კოალიცია გქონდეს ვიღაცასთან დალაგებული და იმასთან კონტაქტს „ქართულ ოცნებას“ აბრალებდე. ამიტომ, არ გამკვირვებია თქვენი ინფორმაცია, რომ გიორგი გახარია მივიდა ვაშაძესთან და ხაბეიშვილთან ერთად. კი არ მივიდა, სულ მაგასთან ერთად არის, სულ მაგათთან ერთად ითხოვს ხან საქართველოს დასანქცირებას, იმ ადამიანების დასანქცირებას, ვისაც ამ ქვეყნის წინაშე დიდი დამსახურებები აქვს, მათ შორის ბიძინა ივანიშვილის პირველ რიგში. რაც უფრო მეტი დამსახურება აქვს ადამიანს ქვეყნის წინაშე, მით უფრო მძლავრია მათი მცდელობის ხარისხი, რომ დასანქცირდეს ასეთი ადამიანი. რაც უფრო ქართველი ხარ მენტალურად, მით უფრო გებრძვიან, რაც უფრო მეტად ცდილობ, რომ შენს ქვეყანაში მიიღებოდეს შენი ქვეყნის შესახებ გადაწყვეტილებები, მით უფრო გებრძვიან და გემუქრებიან სანქციებით. ამ შედეგებზე ზრუნავენ, მაგრამ ვერ მიაღწევენ, იმიტომ, რომ არ შეიძლება, რომელიმე თეორიულ გათვლაში, საქართველოში ქართველმა ხალხმა დაუშვას, რომ დაიჩაგროს ლიდერი იქნება თუ სხვა ნებისმიერი ადამიანი იმის გამო, რომ მას პრიორიტეტად აღებული ჰქონდა ეროვნული ინტერესი, მიუხედავად ათასგვარი სპეკულაციური დაბრალებისა, მას პრიორიტეტად ჰქონდა რეალური და ჭეშმარიტი ევროპელობა, მას პრიორიტეტად ჰქონდა აღებული ღირებულება. ამისთვის ვერ დავიჩაგრებით და ვერ დავისჯებით, ამის მცდელობები რა თქმა უნდა არის და ამ მცდელობაში თანამონაწილე, თქვენი ინფორმაციის თანახმად, აღმოჩნდა გიორგი გახარიაც. გიორგი გახარია რომ ბიძინა ივანიშვილის დასანქცირებას ითხოვს, პარადოქსიც არ ჰქვია, ამას ჰქვია რაღაცის პიკი, რომელ რაღაცას ჩვეულებრივ, ისეთ სიტყვას ვერ დაარქმევ, რაც კამერის წინ ითქმება“, – განაცხადა მამუკა მდინარაძემ.