კვარაცხელია განსაკუთრებული ფეხბურთელია – ესპანეთის ნაკრების მეკარე

82
spot_img

ესპანეთის ნაკრების მეკარემ, კეპა არიზაბალაგამ საქართველოსთან მოახლოებულ მატჩზე ისაუბრა და აღნიშნა, რომ თბილისში მოგება რთული იქნება. მან საქართველოს ნაკრებიდან ხვიჩა კვარაცხელია და გიორგი მამარდაშვილი გამოარჩია,

„ორი თამაში გვაქვს, რომლებიც უნდა მოვიგოთ. განსაკუთრებით, საქართველოსთან გასვლითი თამაში იქნება რთული. ეს არის გუნდი, რომელიც ჩამოყალიბების სტადიის გამო, ალბათ იტალიას ჰგავს. 5 მცველით თამაშობს, საიდანაც სამი ცენტრალური მცველია. წინ კი ისეთი განსაკუთრებული და განსხვავებული ფეხბურთელი ჰყავს, როგორიც კვარაცხელიაა „ნაპოლიდან“ – ალბათ მათი საუკეთესო ფეხბურთელია. მამარდაშვილიც „ვალენსიაში“ შესანიშნავად თამაშობს და მათთვის ძალიან მნიშვნელოვანი ფიგურაა“, – თქვა ესპანეთის ნაკრების მეკარემ.

შეგახსენებთ, რომ ევროპის 2024 წლის ჩემპიონატის საკვალიფიკაციო ეტაპზე, საქართველოს ნაკრები მე-4 შეხვედრას ესპანეთის წინააღმდეგ 8 სექტემბერს, „დინამო არენაზე“ 20:00 საათზე ჩაატარებს. ხოლო 12 სექტემბერს, ოსლოში ნორვეგიას (22:45 საათზე) დაუპირისპირდება.

ევრო 2024-ის საკვალიფიკაციო ეტაპის A ჯგუფში 12 ქულით და უდანაკარგოდ შოტლანდიის ნაკრები ლიდერობს. 4-4 ქულა აქვთ საქართველოსა და ნორვეგიას. თუმცა, საქართველოს ნაკრებს 1 თამაშით ნაკლები აქვს ჩატარებული. ესპანეთის აქტივში 3 ქულაა (ორ შეხვედრაში), ხოლო კვიპროსი უქულოდ ბოლო ადგილზეა.