ფრაქცია „ქართული ოცნების“ თავმჯდომარის მამუკა მდინარაძის განცხადებით, მამუკა ხაზარაძემ რეპრესიები დაანონსა.

მამუკა მდინარაძემ კომენტარი გააკეთა პარტია „ლელოს“ ლიდერის, მამუკა ხაზარაძის იმ განცხადებაზე, სადაც ხაზარაძე ამბობს: „ბიძინა ივანიშვილის ადგილი არის კრემლში, ჩვენ აუცილებლად მოვალთ ხელისუფლებაში და ბიძინა ივანიშვილი აუცილებლად წავა, ის უნდა იყოს მოსკოვში, მე როგორ გავაგდებ, პროკურორი კი არ ვარ, ეს არის პოლიტიკური გზავნილი“.

მდინარაძის თქმით, მამუკა ხაზარაძე ახსენებს პროკურორს, რაც მიუთითებს, რომ თავის განცხადებაში ხაზარაძე გულისხმობს სწორედ რეპრესიებს და რეპრესიების სახით, მოსკოვში გადასახლების დაპირებას გასცემს.

„საბჭოთა პერიოდში არსებობდნენ კომკავშირელი აქტივისტები, რომლებიც თავად კომკავშირლებს არ უყვარდათ, იმდენად გამოირჩეოდნენ ამ აქტივიზმით და როგორც ყვებიან, ხაზარაძეც მათ რიგში იყო. ამის შესახებ ბევრი ინფორმაცია ვრცელდება. იმ პერიოდისთვის დამახასიათებელი იყო გაციმბირება. ალბათ გახსოვთ ციმბირში გადასახლება. ხაზარაძემ რეპრესიები დაანონსა, ისე, რომ ცხოვრების პირობები უკეთესი შემოგვთავაზა. ახლა მოსკოვში გადასახლებას გვპირდება. ამის დასტურად შემიძლია, მოვიტანო ის ამბავი, პროკურორს ახსენებს. წარმოიდგინეთ, ქვეცნობიერში რა უდევს ამ ადამიანს. მე არ ვარ პროკურორი, ანუ პროკურორის საქმეაო. როდესაც ადამიანს კითხვას უსვამ, რატომ იქნება მოსკოვში ვიღაც, რა მნიშვნელობა აქვს, ბიძინა ივანიშვილზე სპეკულირებს, მამუკა მდინარაძეზე თუ თქვენზე, ის ხომ ამით იმუქრება? ფიქრობს, რომ უნდა დაბრუნდეს ხელისუფლებაში. ის „ნაცმოძრაობაა“ და ამიტომ რეპრესიები უნდა განახორციელოს. ამ კონტექსტში ამიტომ ახსენებს მისი ქვეცნობიერი პროკურორს და ამბობს, მე არ ვარ პროკურორი, რომ ამაზე გიპასუხოთო. გაციმბირების ნაცვლად, ის ადამიანებს რეპსრესიების სახით ჰპირდება გამოსკოვებას და მოსკოვში გადასახლებას. წარმოიდგინეთ, რამხელა უინტელექტობა და რამხელა ბოღმა, ბოროტება დევს იმ ადამიანებში, ვინც ამას ლაპარაკობდა. „ნაცმოძრაობის“ „ლელო“ იქნება, თუ გახარიები, ისინიც გამოირჩევიან ამ კომკავშირული აქტივიზმით, თუ გნებავთ, ნებისმიერმა თქვენგანმა ჰკითხეთ, თუ რეპრესიებზე არ არის საუბარი, სხვა შემთხვევაში, რა შუაშია პროკურორი? რატომ უნდა ახსენო პროკურორი, თუ საკუთარი ქვეცნობიერი არ გამხელს ამაში“, – განაცხადა მამუკა მდინარაძემ.

შემაშფოთებელია, როდესაც პოლიტიკოსი ხელისუფლებაში დაბრუნების მთავარ მიზნად აცხადებს ადამიანების დევნას, თან ვის დევნას, ბიძინა ივანიშვილის დევნას, რომელიც არის ის ქველმოქმედი მათ შორის, პოლიტიკური უპრეცედენტო ქველმოქმედების ავტორი, რომელმაც ბოლო წლებში, 2012 წლიდან უკვე თვალსაჩინოდ და მანამდეც, არაერთი პროექტის შედეგად ჩვენს ქვეყანას ძალიან ბევრი სიკეთე მოუტანა და ამდენი წელია სწორედ ბიძინა ივანიშვილია ამ სახელმწიფოს უსაფრთხოების და სტაბილურობის მთავარი გარანტი, აი, ასეთ ადამიანს ის ემუქრება დევნით, – ასე გამოეხმაურა კულტურის მინისტრი თეა წულუკიანი „ლელოს“ ლიდერის მამუკა ხაზარაძის განცხადებას იმის შესახებ, რომ აუცილებლად მოვა ხელისუფლებაში და ბიძინა ივანიშვილი არჩევნების შემდეგ იქნება მოსკოვში.

როგორც თეა წულუკიანმა აღნიშნა, ჩვენ რეალურად ვისმენთ ხაზარაძისგან მუქარას, რომ ის თუ დაბრუნდება ხელისუფლებაში, დაიწყებს ადამიანების დევნას და უფრო მეტიც, ქვეყნიდან გაძევებას.

მისივე თქმით, „ქართული ოცნება“ როგორც არაერთი არჩევნების დროს, წელსაც ფორმაში იქნება და ასეთ ძალებს, რომლის ერთ-ერთ სპიკერად იქცა მამუკა ხაზარაძე, არ მსცემს საშუალებას, რომ დემოკრატიული არჩევნების გზით დაბრუნდნენ ხელისუფლებაში.

„არ მახსენდება, რაიმე ტიპის პოლიტიკური შეფასება ან განცხადება გამეკეთებინოს, ყოველ შემთხვევაში, ხშირად არ მომსვლია ასეთი, ბატონი მამუკა ხაზარაძის განცხადებებთან, ან მის პოლიტიკურ წონასთან დაკავშირებით, თუმცა ახლა შემიძლია ვთქვა, რომ არასოდეს მისი ან პოლიტიკური ქცევა, ან პოლიტიკური გადაწყვეტილებები, ქმედებები, პოლიტიკური გეგმები არ იწვევდა იმის განცდას, რომ ის ან სიღრმისეული პოლიტიკოსია, ან რაიმე ტიპის პოლიტიკური მომავალი შეიძლება ადამიანმა უწინასწარმეტყველოს, მაგრამ ახლა ალბათ ამ ძალიან შემაშფოთებელ განცხადებასთან დაკავშირებით პასუხის დროა.

ჩვენ რეალურად ვისმენთ ბატონი ხაზარაძისგან მუქარას, რომ ის თუ დაბრუნდება ხელისუფლებაში, დაიწყებს ადამიანების დევნას და უფრო მეტიც, ქვეყნიდან გაძევებას. ვამბობთ ხელისუფლებაში დაბრუნდებაო იმის გამო, რომ თუ მას არ ახსოვს, შეგვიძლია შევახსენოთ ის, რაც ხალხს ძალიან კარგად ახსოვს, რომ ხაზარაძე თავის დროს იყო სწორედ ნაციონალური მოძრაობის პოლიტიკურ ხელისუფლებასთან შეზრდილი რეკეტირი და სიტყვა დაბრუნდება ხელისუფლებაში და თუ დაბრუნდება, სწორედ რომ უპრიანია მასთან მიმართებაში. თუ დაბრუნდება და ის ამტკიცებს, რომ დაბრუნდება, ის თურმე დააბრუნებს უკვე ხელისუფლების სათავეში მყოფი ხაზარაძე ამ ქვეყანაში დაშინებას, შეშინებას, განადგურების მუქარას და ადამიანების დევნასა და ქვეყნიდან გაძევებას. ეს რა თქმა უნდა, სასაცილოა ერთის მხრივ, იმიტომ, რომ იმ რეიტინგიდან გამომდინარე, რაც მას აქვს, ეს ჩვენს საზოგადოებას და ჩვენს სამშობლოს არ ემუქრება, მაგრამ შემაშფოთებელია, როდესაც პოლიტიკოსი ხელისუფლებაში დაბრუნების მთავარ მიზნად აცხადებს სწორედ ადამიანების დევნას, თან ვის დევნას, ბიძინა ივანიშვილის დევნას, რომელიც არის ის ქველმოქმედი მათ შორის, პოლიტიკური უპრეცედენტო ქველმოქმედების ავტორი, რომელმაც ბოლო წლებში, 2012 წლიდან უკვე თვალსაჩინოდ და ხილულად და მანამდეც, არაერთი პროექტის შედეგად ჩვენს ქვეყანას ძალიან ბევრი სიკეთე მოუტანა და ამდენი წელია სწორედ ბიძინა ივანიშვილია ამ სახელმწიფოს უსაფრთხოების და სტაბილურობის მთავარი გარანტი. აი, ასეთ ადამიანს ის ემუქრება დევნით. ჩვენ რა თქმა უნდა, წელსაც ვიქნებით ფორმაში, როგორც არაერთი არჩევნების დროს წარსულში და ასეთ ძალებს, რომლის ერთ-ერთ სპიკერად იქცა მამუკა ხაზარაძე, არ დავუშვებთ და არ მივცემთ საშუალებას, რომ დემოკრატიული არჩევნების გზით დაბრუნდნენ ხელისუფლებაში“, – განაცხადა თეა წულუკიანმა.

საქართველოს თავდაცვის მინისტრმა აშშ-ის საგანგებო და სრულუფლებიან ელჩთან გაცნობითი შეხვედრა გამართა.

ირაკლი ჩიქოვანმა რობინ დანიგანს თავდაცვის სამინისტროში უმასპინძლა.

მინისტრმა აშშ-ის მხარეს საქართველოს მტკიცე პოლიტიკური და პრაქტიკული მხარდაჭერისთვის მადლობა გადაუხადა.

შეხვედრაზე მხარეებმა საქართველოსა და აშშ-ს შორის სტრატეგიული პარტნიორობის ფარგლებში უსაფრთხოებისა და თავდაცვის სფეროში თანამშრომლობის საკითხებზე და სამომავლო გეგმებზე ისაუბრეს. ყურადღება გამახვილდა თავდაცვითი შესაძლებლობების გაძლიერების კუთხით განხორციელებულ ნაბიჯებსა და საერთაშორისო სწავლებების მნიშვნელობაზე. აღინიშნა საერთაშორისო უსაფრთხოების უზრუნველყოფაში საქართველოს მნიშვნელოვანი წვლილი. შეხვედრაზე ნატო-საქართველოს თანამშრომლობის საკითხებიც განიხილეს.

შეხვედრის დასასრულს, მხარეებმა იმედი გამოთქვეს, რომ ქვეყნებს შორის თავდაცვის სფეროში ნაყოფიერი თანამშრომლობა კიდევ უფრო გაძლიერდება.

შეხვედრას აშშ-ის თავდაცვის ატაშე, პოლკოვნიკი ჯოზეფ ბილბო დაესწრო.

რაც არ უნდა გადანაწილდნენ ერთმანეთში, თაღლითი თაღლითია, მოღალატე მოღალატეა, „ნაცი“ „ნაცია“ თავისი ბოროტებით, – ამის შესახებ მამუკა მდინარაძემ ჟურნალისტებს „ნაცმოძრაობაზე“, „ლელოსა“ და გიორგი გახარიას პარტიაზე საუბრისას განუცხადა. ფრაქცია „ქართული ოცნების“ თავმჯდომარემ და მმართველი პარტიის აღმასრულებელმა მდივანმა გასულ კვირას პარლამენტში ამ პარტიების წარმომადგენლების შეცვლილ რიტორიკაზეც ისაუბრა.

„წინა კვირაში, ერთ მშვენიერ დღეს უცებ აღმოჩნდა, რომ „ნაციონალური მოძრაობის“ წევრები არიან კარგად დავარცხნილები, ჰალსტუხებით წარმოდგენილები, განსხვავებულ ამპლუაში და არიან კონსტრუქციულები. ამ დროს უფრო გაშმაგდნენ „ლელოსა“ და გახარიას წარმომადგენლები. ეს ხომ როლებია. უთხრეს: შენ ამას ითამაშებ, შენ ამას. ეს ხომ სიყალბის მტკიცებულებაც არის. მე რომ ხვალ სხვანაირი გავხდე, ვიდრე ამ წლების განმავლობაში ვიყავი, ხომ გაგიჩნდებათ კითხვა, რომ „ეს უკვე თავის თავს აღარ ეკუთვნის, ეს ადამიანი თამაშობს“. ყველა მათგანი ასრულებს როლს. შესაბამისად, ეს არის უტყუარი მტკიცებულება, რომ ზოგი იქნება ხან რადიკალური, ხან კონსტრუქციული“, – განაცხადა მდინარაძემ.

მისივე თქმით, ამის მიზანია, რომ პარტიამ „საქართველოსთვის“ „ქართულ ოცნებას“ ჩამოართვას „ხმების 1-2% მაინც“, „ლელომ“ კი რადიკალურად განწყობილი ამომრჩეველი მიიზიდოს.

ჯანდაცვის სამინისტრო უნდა გააქტიურდეს და შეასრულოს დაკისრებული პასუხისმგებლობები, სამინისტრომ უნდა უზრუნველყოს მათ დაქვემდებარებაში მყოფი სამსახურების გამართულად მუშაობა – სოც. მუშაკი უნდა იყოს გაწვრთნილი, მოვლილი და არა ისე, რომ იქეთ შეგეცოდოს და დაეხმარო, – ამის შესახებ პარტია „ხალხისთვის“ თავმჯდომარემ ანა დოლიძემ „ფეისბუქ ლაივში“ განაცხადა.

მისი თქმით, ქვეყანაში ჯანდაცვის სამინისტრო ეფექტიანად არ მუშაობს და სწორედ, ამიტომ „ოცნებას“ პასუხი უნდა მოეთხოვოს.

„საქართველოში ცხოვრობთ თუ უცხოეთში, დარწმუნებული ვარ საინფორმაციოს ყურება ყველასთვის ნერვიულობის საბაბია. ოჯახში ძალადობის შემთხვევები, ძალადობა, ძალადობა აქ დარჩენილი ბავშვების მიმართ, რომლის მშობლები ხშირად უცხოეთში არიან, ასევე სიღარიბე და სიღარიბიდან გამოწვეული პრობლემები. „სტამბოლის“ ბაზარში ხორცის ფასის გამო, ნისიად მოითხოვა ხორცი და რომ არ მისცეს, ჩაცხრილა ადამიანები. სულ მაგას ვამბობ ნისიად ცხოვრობს ქვეყანა-თქო. ძალადობაა გარშემო, როდესაც ბავშვები აქ არიან დატოვებულები მშობლების გარეშე, ხშირად, რა თქმა უნდა, უფრო დიდი საფრთხეა, ხშირად აღმოვაჩენთ, რომ ძალადობის მსხვერპლები არიან.ამისთვის არის შექმნილი სოციალური სამსახური, რომელიც ფაქტობრივად, რეალურად უცხო ქვეყანაში იმისთვის არსებობს, რომ მსგავსი ფაქტები სანამ მოხდება მანამდე გააჩეროს, ანუ სანამ რაღაც მოხდება, ან სიღარიბის გამო, ან სხვა რაღაცის გამო რაღაც დატრიალდება, მანამდე ჩაერთოს სოციალური სამსახური.

საერთოდ არავის არ ახსოვს ეს ორგანო სად არის. უცხოეთში ეს ყველგან არსებობს. იმისთვის არსებობს, რომ ეს ადამიანი, პატარა ადამიანი, ბავშვი თუ მოზრდილი, თუ მოხუცი შენი ქვეყნის თანამოქალაქე არის და მას, რომ რამე დაემართება, ისევ შენი სახელმწიფოს საზრუნავი არის, ის ტრავმა, ის ტრაგედია, ის ჯანდაცვა, ის მოვლა მაინც შენი სახელმწიფოს გადასახდელია ის თანხა და შენი საზოგადოების წევრია ეს ადამიანი, რომელიც უკვე დაზიანებული და დასახმარებელია. მანამდე შეიქმნა ისტორიული სოციალური სამსახური იმისთვის, რომ აქამდე არ მივიდეს. ჯანდაცვის სამინისტროში ზის აღნიშნული სოციალური სამსახური, სოციალურ მუშაკებს აქვთ მიზერული ხელფასი, ბენზინს თვითონ ასხამენ მანქანაში თავისი ჯიბიდან, რომ სადღაც წავიდნენ და ბავშვი დაათვალიერონ და მერე დასკვნებს წერენ მარტო სასამართლოში. სასამართლოში, რომ საქმე წავა იქ უკვე გვიან არის ყველაფერი, რადგან მანამდე არის ჩარევა საჭირო და სოციალური სამსახური იმისთვის არსებობს (მაგის უფროსის სახელიც არ ვიცი ახლა უნდა გავიგო), რომ მანამდე ჩაერიოს ამ ყველაფერში და თან ძალიან დიდი მხარდაჭერა იქნებოდა ეს ემიგრანტებისთვის, იმიტომ, რომ ადამიანი, როდესაც წასულია ის მაინც ეცოდინება, რომ პერიოდულად ვიღაც სახლში შეივლის და დარწმუნდება, რომ იქ ყველაფერი წესრიგშია. ჩვენს სახელმწიფოს ამაზე ხელი აქვს ჩაქნეული. მართლა პასუხია მოსათხოვი. ამას წინად კიდევ საშინელი შემთხვევა მოხდა, ქმარმა, რომ მძინარე ცოლი მოკლა. აქ უნდა დაისვას კითხვა, სად არის სოციალური სამსახური? რატომ მანამდე არ რეაგირებს? ვიღაც რომ მოკვდება, დაზიანდება, სცემენ და მერე დააკავებენ. დაჭერაზეა მარტო? ციხე ამის ფუნქციას ვერ ასრულებს, მანამდე უნდა ჩაერიოს სახელმწიფო. სხვათა შორის სოციალური მუშაკების დავალება ბავშვების გაშვილების საკითხი. აქ რა ხდება ხომ იცით? საერთოდ განუკითხაობაა“, – განაცხადა პარტია „ხალხისთვის“ თავმჯდომარემ.

ანა დოლიძის განცხადებით, ჯანდაცვის სამინისტრო მილიარდობით ლარს ხარჯავს, თუმცა არ მუშაობს.

„ჩვენ ვიხდით გადასახადებს ეგ ძალიან მნიშვნელოვანია, რომ დავიმახსოვროთ. ესენი არიან ჩვენი დაქირავებული ხალხი, ჩვენ ვქირაობთ მათ არ მოგვწონს უნდა გავუშვათ. 8 მილიარდი ლარი არის ჯანდაცვის სამინისტროს ბიუჯეტი, მილიარდობით ლარი არის და არ მუშაობს. ჯერ რა ხდება იქ, ან შესასვლელში რა ხდება, ან რა რიგებია ან რა გაუგებარი სიტუაციაა. მე მინდოდა მეთქვა, შუა რგოლი სანამ რაღაც უბედურება მოხდება, იმ ხალხისთვისაც ვინც არის უცხოეთში ფულს აგზავნის, სოციალური სამსახური უნდა იყოს დასაყრდენი, რომ ყველაფერი წესრიგშია, სიმშვიდეა სხვებთან ერთად თემი, ეზო, მეზობლობა და სკოლა. კიდევ იყო შემთხვევა ბათუმში, როდესაც ბავშვმა გააჩინა შვილი მამისგან. წარმოიდგინეთ რა უბედურებაა, სკოლა იძახის რა ვიცით, როგორ შეიძლება სკოლამ არ იცოდეს, როცა მსგავსი ფაქტი ხდება. ჯერ ბავშვი ორსული, რომ დადის სკოლაში არ უნდა დაინტერესდე რა ხდება? ეს მთელი რგოლი არის ნორმალურ სახელმწიფოში. აი ამიტომ ვაკრიტიკებ „ოცნებას“ ეგეთი ჩავარდნები, რომ აქვთ.

ამ ხალხს უნდა მოეთხოვოთ პასუხი და ამას ვაპირებ ზუსტად. სოციალური სამსახური უნდა გავააქტიუროთ, სოც. მუშაკი უნდა იყოს გაწვრთნილი, მოვლილი და არა ისე, რომ შეგეცოდოს და დაეხმარო იქეთ. თავდადება ამ ხალხს არ აკლიათ,მაგრამ პირობები ხომ სჭირდებათ? სად მიდის ეს მილიარდები, რომელიც ჯანდაცვის სამინისტროშია?!“, – განაცხადა ანა დოლიძემ.

აღნიშნულ ინფორმაციას ანა დოლიძის პარტია „ხალხისთვის“ ავრცელებს.

გვაქვს ამბიცია, შესაძლებლობა, მოწინავე ვიყოთ მსოფლიოში კორუფციასთან ბრძოლის თვალსაზრისით, ამ ყველაფრის ნაწილი არის  გამჭვირვალობა და ღიაობა, – ამის შესახებ საქართველოს თავდაცვის მინისტრმა, ირაკლი ჩიქოვანმა განაცხადა.

ჩიქოვანს კითხვა დაუსვეს პრემიერ-მინისტრ ირაკლი კობახიძის მთავრობის დღევანდელ სხდომაზე გაკეთებულ განცხადებაზე, რომელიც გამჭვირვალობასა და ანგარიშვალდებულებას ეხებოდა.

„პრემიერ-მინისტრის განცხადებაში განმარტებული იყო მიზეზები, რატომაც გააკეთა ეს განცხადება. ბოლო პერიოდში პოზიტიური შედეგები გვაქვს კორუფციასთან ბრძოლის თვალსაზრისით, მოწინავე ადგილები გვაქვს როგორც რეგიონში, ასევე აღმოსავლეთ ევროპაში, მაგრამ გვაქვს ამბიცია, შესაძლებლობა, მოწინავე ვიყოთ მსოფლიოში ამ თვალსაზრისით. გამჭვირვალობა და ღიაობა არის ნაწილი ამ ყველაფრის, შესაბამისად, ეს იქნება უზრუნველყოფილი. მეორე მხრივ, მნიშვნელოვანია, ჩვენს მოქალაქეებს, ბიზნესებს, კერძო სექტორს ყველას ჰქონდეს მარტივი გარჩევადობის საშუალება სახელმწიფო უწყებების მუშაობასთან დაკავშირებით. დარწმუნებულები ვართ, ეს ყველაფერი ხელს შეუწყობს ამ გარემოებებს“, – განაცხადა ირაკლი ჩიქოვანმა.