ჩემი პოლიტიკური ოპონენტი ჭკუიდან გადადის და ცდილობს ხელყოს ჩემი საპრეზიდენტო კამპანია -ტრამპი

09:50 - 10/08/2023

ჩემი პოლიტიკური ოპონენტი ჭკუიდან გადადის და ცდილობს ხელყოს ჩემი საპრეზიდენტო კამპანია, – განაცხადა აშშ-ის ყოფილმა პრეზიდენტმა, დონალდ ტრამპმა.

მანამდე ცნობილი გახდა, რომ მიმდინარე წლის იანვარში აშშ-ის სპეციალურმა პროკურორმა, ჯეკ სმიტმა მოითხოვა წვდომა დონალდ ტრამპის Twitter-ის ანგარიშზე. თავდაპირველად Twitter-მა გადადო მოთხოვნის შესრულება, რადგან სურდა ჯერ ტრამპისთვის ეცნობებინა მოთხოვნის შესახებ. შედეგად, სასამართლომ კომპანიის ასეთი ქმედება უპატივცემულობად ცნო და 350 000 დოლარის ჯარიმა დააკისრა.

დონალდ ტრამპმა ხაზგასმით აღნიშნა, რომ ეს სერიოზული დარტყმაა მის სამოქალაქო უფლებებზე.

“აქამდე მსგავსი არაფერი მომხდარა. ჯერ კიდევ არსებობს [კონსტიტუციის] პირველი შესწორება? ბნელი დღეებია ამერიკაში!” – განაცხადა აშშ-ის ყოფილმა პრეზიდენტმა.

ჰავაის კუნძულ მაუიზე ტყის მასშტაბურ ხანძარს 6 ადამიანი ემსხვერპლა

09:25 - 10/08/2023

ჰავაის კუნძულ მაუიზე ტყის მასშტაბურ ხანძარს, სულ მცირე, 6 ადამიანი ემსხვერპლა.

ინფორმაციას ამის შესახებ ტელეკომპანია CNN-ი ავრცელებს.

ადგილობრივი ხელისუფლების განცხადებით, სამძებრო-სამაშველო სამუშაოები ჯერ კიდევ გრძელდება, თუმცა დაღუპულთა რიცხვი შეიძლება გაიზარდოს.

ამჟამად 2 000-ზე მეტი ადამიანი თავშესაფრებშია გადაყვანილი.

ადგილობრივი ხელისუფლება აღნიშნავს, რომ ტყის ხანძრის შედეგად მიყენებული ზარალის ოდენობის დადგენა შეუძლებელია.

სტიქიური უბედურების ზონაში სამძებრო სამუშაოები გრძელდება

09:00 - 10/08/2023

მე-8 დღე შოვის ტრაგედიიდან. სტიქიური უბედურების ზონაში სამძებრო სამუშაოები გრძელდება. 12 დაკარგულის ძებნის არეალი გაფართოვდა, ცოცხალი ძალა და სპეცტექნიკა უკვე 10 ლოკაციაზე მუშაობს – მიზანი მდინარე ბუბასა და ჭანჭახის კალაპოტში მოქცევაა, ასევე გზების იქამდე გაკვალვაა, სადაც შესაძლებელია ადამიანები მოყოლილიყვნენ.

მთავარი საძიებო პერიმეტრი კვლავ კოტეჯების ტერიტორია და მჟავე წყლებისკენ მიმავალი გზაა. სტიქიის ზონაში აქამდე მიუვალ ადგილებში გუშინ დამატებითი რკინის კონსტრუქციები დაამონტაჟეს, რომლებიც მაშველებს გადაადგილებას უმარტივებს. ამ დროისთვის, შოვის სამძებრო და სალიკვიდაციო სამუშაოებში 400 მაშველია ჩართული, ადგილზეა 90 ერთეული მძიმე ტექნიკა, მათ შორის სპეციალური მანქანები. პროცესში იყენებენ მეტალო-დეტექტორებსაც. სამძებრო სამუშაოებში აქტიურად ჩართულია თავდაცვის ძალებიც. მაშველებმა ორ სხვადასხვა ადგილას გუშინ კიდევ 2 ცხედარი იპოვეს.

ბოლო მონაცემებით, 3 აგვისტოს შოვში მომხდარმა სტიქიამ 21 ადამიანი იმსხვერპლა, მათგან მხოლოდ 17-ია იდენტიფიცირებული. 12 პირის ძიებისთვის კი მუშაობა 24 საათიან რეჟიმში გრძელდება.

10 აგვისტოს ასტროლოგიური პროგნოზი

23:31 - 09/08/2023

ვერძი

გადაუჭრელი პრობლემები და შეუსრულებელი ვალდებულებები ბევრ დროს და ძალისხმევას მოითხოვს. თქვენი სასიცოცხლო პოტენციალი მცირდება, ამიტომ ეცადეთ, ნებისმიერ აქტიურობას ერიდოთ. არახელსაყრელი დღეა მოგზაურობისა და ბიზნესისთვის, რომელიც ფინანსურ ინვესტიციებს მოითხოვს. შესაძლებელია მცირე ფინანსური ან საყოფაცხოვრებო პრობლემების წინაშე აღმოჩნდეთ. გამორიცხული არ არის ჯანმრთელობის გაუარესება, ამიტომ ერიდეთ ალკოჰოლურ სასმელებს და კვებაში ზომიერება გამოიჩინეთ.

კურო

არახელსაყრელი დღე აქტიური მოქმედებისთვის და საქმისთვის, რომელიც დაუყოვნებლივ მოგვარებას მოითხოვს. მოსალოდნელია ფინანსური მდგომარეობის გაუარესება. ამასთან, უახლოეს მომავალში შემოსავლების იმედი არ უნდა გქონდეთ. გირჩევთ, ახალი საქმის დაწყებამდე ძველი დაასრულოთ და მომავალი პერსპექტივები დასახოთ.

ტყუპები

წინააღმდეგობრივი დღეა. სავარაუდოდ, ურთიერთობებში არსებული ძველი პრობლემების მოგვარებაში დიდ დროს და ენერგიას დახარჯავთ. არახელსაყრელი დღეა პროფესიული საქმიანობისთვის, ამასთან, მოსალოდნელია ფინანსური მდგომარეობის გაუარესება. ეცადეთ, ძველ საქმეებს დროულად გაუმკლავდეთ და მომავლის პერსპექტივები დასახოთ.

კირჩხიბი

პასიური დღეა, ამიტომ თქვენი აქტიურობა ნებისმიერ საქმეში უადგილოა. ერიდეთ გრძელვადიანი გეგმები დასახვას და დაპირებების გაცემას. გამორიცხული არ არის ჯანმრთელობასთან დაკავშირებული პრობლემები. აკონტროლეთ ემოციები და საკუთარი სიტყვები, რომ არავინ შეურაცხყოთ. ეცადეთ, თხოვნის შესრულებაზე უარი არავის უთხრათ.

ლომი

თქვენმა შინაგანმა თავისუფლებამ და დამოუკიდებელმა მოქმედებამ შეიძლება, უახლოეს გარემოცვაში შური და არაკეთილგანწყობა გამოიწვიოს. თქვენს სიმტკიცეს და მიზანსწრაფულობას კი უკმაყოფილება და პროტესტს გამოიწვევს. არახელსაყრელი დღეა აქტიური ქმედებებისა და მოგზაურობისთვის. მოსალოდნელია პრობლემები უცნობ ადამიანებთან, მენეჯმენტთან ან მთავრობის წარმომადგენლებთან, რასაც შეიძლება ჯანმრთელობის გაუარესება მოჰყვეს.

ქალწული

რთული დღე გელით. პარტნიორთან ან ახლობელ ადამიანებთან ურთიერთობაში შექმნილი პრობლემების გადაჭრა დიდ დროს და ძალისხმევას მოითხოვს. არახელსაყრელი დღეა საქმეებისთვის, რომლებიც ფინანსურ ინვესტიციებს მოითხოვს. დღის მეორე ნახევარში შესაძლებელია ჯანმრთელობის გაუარესება. გირჩევთ, პირველივე სიმპტომების გამოჩენისას ექიმს მიმართოთ. ეცადეთ, ახალი საქმეების დაწყებამდე ძველი საქმე დაასრულოთ.

სასწორი

უკიდურესად არახელსაყრელი დღეა. თუ შესაძლებელია, უარი თქვით ახალ ნაცნობობაზე. არაკეთილმოსურნე ადამიანების ინტრიგების, ცრუ რჩევების ან პროვოკაციების გამო,გირჩევთ კომერციულ საქმეებში ნაკლები იაქტიუროთ და ურთიერთობა შეამციროთ. ვარსკვლავები ისევ ჯანმრთელობის შესაძლო გართულებების შესახებ გაფრთხილებენ. მოსალოდნელია წარმატებები პირად საქმეებში, მაგრამ მატერიალური საკითხების მოგვარება ადვილი არ იქნება.

მორიელი

ხელსაყრელი დღეა ძველი გეგმების განხორციელებისა და დაწყებული საქმეების დასრულებისთვის. იდეებმა, რომლებზეც ბოლო დროს ძალიან ბევრს ფიქრობთ, შეიძლება სწრაფი და მნიშვნელოვანი შედეგები მოგიტანოთ. თქვენი ენერგიული ქმედებები და მიზანდასახულობა წარმატებაში დაგეხმარებათ. უახლოეს დღეებში შეიძლება თქვენი სოციალური სტატუსი უკეთესობისკენ შეიცვალოს და ავტორიტეტი გაძლიერდეს. დღის მეორე ნახევარში გაციებას ან ვირუსულ ინფექციას უნდა ერიდოთ.

მშვილდოსანი

დროა, გონებრივ სამუშაოსგან ცოტა ხნით დაისვენოთ და სპორტითა და ფიზიკური აქტივობით დაკავდეთ. ეცადეთ, პირად ურთიერთობებში საკუთარი სიტყვები და ემოციები უკეთ აკონტროლოთ. წინააღმდეგ შემთხვევაში დიდი სკანდალის ალბათობა უკიდურესად მაღალია. გირჩევთ, თხოვნის შესრულებაზე უარი არავის უთხრათ.

თხის რქა

ეცადეთ, საკუთარ გრძნობებსა და ემოციებში უკეთ გაერკვეთ და ყველაფერს საკუთარი სახელი დაარქვათ. ამ დღის მოვლენები თქვენი შინაგანი სამყაროს ანარეკლია. ყურადღება მიაქციეთ მინიშნებს, რომლებსაც პლანეტები გიგზავნიან და ეცადეთ, ყურადღებით გააანალიზოთ ისინი.

მერწყული

არახელსაყრელი დღეა. სასიცოცხლო პოტენციალი მცირდება, რამაც შეიძლება ქრონიკული დაავადებების გამწვავება გამოიწვიოს. ეცადეთ თავი შეიკავოთ ყველაფრისგან, რამაც შეიძლება სხეულს ზიანი მიაყენოს. ილუზიებმა პარტნიორთან მიმართებით შეიძლება დიდი იმედგაცრუება გამოიწვიოს.

თევზები

გირჩევთ, ეს დღე საოჯახო საქმეებს დაუთმოთ და სახლში ან საზაფხულო აგარაკი საფუძვლიანად მოაწესრიგოთ. სუფთა ჰაერზე ფიზიკური შრომა განწყობას გააუმჯობესებს და მძიმე აზრებისგან გაგათავისუფლებთ. დროა, სულიერ განცდებზე ფიქრი შეწყვიტოთ და საქმიან აქტიურობაზე გადაერთოთ.

როდის აგრილდება საქართველოში?

23:21 - 09/08/2023

როგორც ამინდის გრძელვადიანი პროგნოზიდან ჩანს, აგვისტოში ტემპერატურა 26 გრადუსამდე ჩამოვა, ხოლო სექტემბრის პირველ კვირაში უფრო დაბალი ტემპერატურაცაა მოსალოდნელი.

ერთი თვის პროგნოზი შეგიძლიათ, ქვემოთ მოცემულ ფოტოზე იხილოთ.

მდინარე ტებეს ხეობაში გეოლოგები იმყოფებოდნენ

22:59 - 09/08/2023

მდინარე ტებეს ხეობაში გეოლოგები იმყოფებოდნენ – სპეციალისტების პირველადი განმარტებით ამ დროისთვის საფრთხის დონე დაბალია, – ამის შესახებ ინფორმაციას სამეგრელო-ზემო სვანეთის სახელმწიფო რწმუნებულის ადმინისტრაცია ავრცელებს.

,,წალენჯიხის მუნიციპალიტეტში, მუჟავას ადმინისტრაციული ერთეულის მიმდებარედ მდინარე ტებენეს ხეობაში არსებულ ვითარებას გარემოს ეროვნული სააგენტოს სპეციალისტები, სამეგრელო-ზემო სვანეთის სახელმწიფო რწმუნებულის ადმინისტრაციის წარმომადგენლებთან ერთად ადგილზე გაეცნენ.

გეოლოგებმა და ჰიდროლოგებმა მდინარის დამეწყრილი კალაპოტი და დაგუბებაზე არსებული ვითარება შეისწავლეს, შეფასდა სიტუაცია. მზადდება ოფიციალური დასკვნა. სპეციალისტების განმარტებით, ამ დროისთვის საფრთხის დონე დაბალია.

მდინარე ტებენეს ხეობაში არსებულ ვითარებაზე ინფორმაცია ადგილობრივმა მოსახლეობამ გუშინ, 8 აგვისტოს გაავრცელა, მომხდარზე სახელმწიფო რწმუნებულის ადმინისტრაციამ მყისიერი რეაგირება მოახდინა და პროცესში გარემოს ეროვნული სააგენტო ჩართო.

სააგენტოს წარმომადგენლები ინფორმაციის გავრცელების მეორე დღესვე ავიდნენ ხეობაში”, – ნათქვამია ინფორმაციაში.

უპრეცენდენტო ტყის ხანძრები ჰავაიზე – CNN

22:45 - 09/08/2023

ჰავაის დიდ კუნძულზე და მაუიზე გაჩენილი უპრეცენდენტო ტყის ხანძრების გამო მოსახლეობის ევაკუაცია მიმდინარეობს. მაშველები და მოსახლეობა ოკეანეში გადახტომით შველიან თავს. ამის შესახებ ინფორმაციას CNN ავრცელებს.

ჰავაის საგანგებო სიტუაციების სამსახურის ოფიციალური პირის თქმით, ქარები, რომლებიც დაკავშირებულია მე-4 კატეგორიის ძლიერ ქარიშხალ „დორასთან“, რომელიც ჰავაის სამხრეთით ასობით მილის მანძილზე გადის, კუნძულებზე ხანძრის გაღვივებას ხელს უწყობს.

„ჩვენ განვიცადეთ საშინელი კატასტროფა ტყის ხანძრის სახით, რომელიც ფართოდ გავრცელდა რეგიონში ქარიშხლის ქარისა და გვალვის პირობების შედეგად“, – განაცხადა ჰავაის გუბერნატორმა.

ამჟამად გარდაცვლილთა შესახებ ინფორმაცია არ ვრცელდება, თუმცა, როგორც ჰავაის გუბერნატორი აღნიშნავს მოლოდინი არის, რომ ხანძარს არაერთი ადამიანის სიცოცხლე შეეწირება.

მაუის დასავლეთ მხარეს, 911-ის სერვისი ამჟამად გათიშულია. ძლიერი ქარის შედეგად ჩამოგდებული მობილური ანძების გამო, კომუნიკაცია ფაქტობრივად ვერ ხერხდება. საავადმყოფოები კი დამწვრობის დაზიანებების მქონე ადამიანებითაა გადატვირთული.

,,ევროსაბჭოს რეზოლუცია, რთული მისაღები დოკუმენტი იყო”- ბოკუჩავა

21:52 - 09/08/2023

მიუხედავად იმისა, რომ ეს რეზოლუცია გარკვეულ პუნქტებში ნამდვილად უკეთესი შეიძლებოდა ყოფილიყო, ასევე საერთაშორისო დონეზე პირველად ადასტურებდა იმას, რომ რუსეთი არის ოკუპანტი, – ამის შესახებ „ნაციონალური მოძრაობის“ წევრმა, დეპუტატმა თინა ბოკუჩავამ განაცხადა.

მისი თქმით, ევროსაბჭოს რეზოლუცია, რთული მისაღები დოკუმენტი იყო.

„ძალიან რთულად მისაღები დოკუმენტი იყო. უზარმაზარია რუსული ლობი და გავლენა. განსაკუთრებით 2008 წელს მათ ჰქონდათ უსაზღვროდ მეტი გავლენა, ვიდრე დღეს აქვთ ნებისმიერ საერთაშორისო ინსტიტუციაში. მიუხედავად იმისა, რომ ეს რეზოლუცია გარკვეულ პუნქტებში ნამდვილად უკეთესი შეიძლებოდა ყოფილიყო, ასევე საერთაშორისო დონეზე პირველად ადასტურებდა იმას, რომ რუსეთი არის ოკუპანტი, რომ მან მოახდინა საქართველოს ტერიტორიების ოკუპირება და რომ განხორციელდა ეთნიკური წმენდა“, – განაცხადა თინა ბოკუჩავამ.

,,რატომ დატოვა ქართულმა ქვედანაყოფმა 2008 წელს კოდორის ხეობა?” – კობალაძე

21:49 - 09/08/2023

ვერავისგან მოვისმინე კომპეტენტური აზრი, რომ 2008 წლის საომარი მოქმედებები არ იყო კარგად შეფუთული ჩვენი ტერიტორიების გადაბარების ოპერაცია, – ამის შესახებ ვეტერანების საქმეთა სახელმწიფო სამსახურის დირექტორმა კობა კობალაძემ განაცხადა.

„მე არ ვსაუბრობ უმცირეს და უმაღლეს ოფიცერთა შემადგენლობაზე და ჩვენს ჯარისკაცებზე, რომლებიც რეალურად გულმოდგინედ და თავდადებით იბრძოდნენ და გმირების სიები შემატეს ჩვენს ქვეყანას და სახე არ დააკარგვინეს ჩვენს ქვეყანას. მე ვსაუბრობ იმ რეალურ მოცემულობაზე, რაც დღეს გვაქვს და რამაც თითოეულ ჩვენგანს მოგვცა იმის ტვირთი, რომ ნულს ქვემოდან დავიწყოთ ქვეყნის გაერთიანებისთვის ბრძოლა და ჭიდილი“, – აღნიშნა კობალაძემ.

ომის დაწყების თარიღთან ერთად 15 წლის შემდეგ აქტუალურია კიდევ ერთი კითხვა, რატომ დატოვა ქართულმა ქვედანაყოფმა 2008 წელს კოდორის ხეობა. ამის შესახებ რადიო თავისუფლებისთვის მიცემულ ინტერვიუში ვიცე-პოლკოვნიკმა ირაკლი ქურასბედიანმა ისაუბრა, რომელიც 15 წლის წინ სხვა სამხედროებთან ერთად კოდორში საბრძოლო დავალებით იმყოფებოდა.

დავით ქართველიშვილი გიგი უგულავას პოსტს სოციალურ ქსელში ეხმაურება

21:42 - 09/08/2023

„ხალხის ძალის“ წევრი, ანალიტიკოსი დავით ქართველიშვილი გიგი უგულავას პოსტს სოციალურ ქსელში ეხმაურება.

როგორც დავით ქართველიშვილი წერს, ის პირები, რომლებიც მანამდე სხვისი პირადი ცხოვრების ამსახველ კადრებს ფლობდნენ და ეკლესიებს ანგრევდნენ, დღეს ბარძიმებშიც იხედებიან და ცდილობენ ამ მხრივ გააკონტროლონ, ვინ რას აკეთებს.

„ესენი ხომ გახსოვთ? 9 წელიწადი ჩვენს საძინებელ ოთახებში რომ „იჭყიტებოდნენ“ და პარალელურად, თბილისსა და ბათუმში ეკლესიებს რომ ანგრევდნენ. დღეს კიდევ უკრაინაში დატოვებული თავისი „მედესანტეების“ ხელით მართლმადიდებელ მიტროპოლიტებს რომ იჭერენ, ეკლესიებს აფეთქებენ, საუკუნოვანი სიწმინდეები რომ გააქვთ ევროპაში – აი, ესენი გველაპარაკებიან „მაღალ მატერიებზე“…

დღეს უკვე არა საძინებლებში, არამედ ბარძიმებში იჭყიტებიან, იხედებიან მიცვალებულთა სასახლეებში – ვინ როგორ ეზიარება, ვის რატომ უგებენ წესს. „კვეთებულის“ ლოცვა კი არა, ქართულ კაცთმოყვარე ეკლესიას ანათემაზეც კი არ გადაუცია არავინ. არადა, რამდენი იმსახურებს ამას სულიწმიდის ღიად გმობის გამო. ხანდახან ვფიქრობ, რომ ეს შეცდომაა და მომიტევეთ. სატანისტური დახურული ჯგუფების აქტიური წევრები და ყოფილი „სტიქაროსნები“ ადამიანების ცხოვრების საკრალურ სფეროებშიც ძვრებიან უკვე და საეკლესიო საიდუმლოებები საქილიკოდ აღარ ჰყოფნით“, – წერს ქართველიშვილი.

გიგი უგულავა სოციალურ ქსელში ფოტოს აზიარებს, სადაც ასახულია, თუ როგორ ეზიარებიან შოვში კახი კალაძე და ირაკლი კობახიძე და წერს: „ეჰ! სადაა პატრონი, თორემ ამათ ზიარება კი არა, კვეთებულის ლოცვა მოუხდებოდათ. პ.ს. კვეთებული – ეშმაკის განსადევნი ლოცვა“.

,,სასწრაფოდ ჩატარდეს საერთაშორისო აუდიტი რიკოთის მშენებლობასთან დაკავშირებით”- მამუკა ხაზარაძე

19:56 - 09/08/2023

მამუკა ხაზარაძე სოციალურ ქსელში წერს:

,,სასწრაფოდ ჩატარდეს საერთაშორისო აუდიტი რიკოთის მშენებლობასთან დაკავშირებით. უნდა შემოწმდეს უსაფრთხოება, ეკოლოგიური ზემოქმედება, გარემოს დაცვა, მეწყერსაშიში ზონები, მონიტორინგის სისტემა, ფინანსები და ა.შ.

დასანქცირებულ ჩინურ კომპანიას რომ ასეთ მნიშვნელოვან საქმეს ჩააბარებ და ევროპიდან მოზიდულ თანხებს გადაუხდი, რომელიც ჩვენი გადასახდელია, დანაშაულის ტოლფასია.

რაც ყველაზე მნიშვნელოვანია, სამწუხაროდ, არავითარი გარანტია არ არსებობს, რომ ადამიანების უსაფრთხოება დაცული იქნება – არაერთი ქართველი გეოლოგი და ამ საქმის მცოდნე ამბობს, რომ პროცესი უდიდესი დარღვევებით მიდის, რიკოთი შეიძლება შემდეგ დიდ კატასტროფად გვექცეს.

აღარაფერს ვამბობ “ატკატებსა” და კორუფციაზე, ყველამ ყველაფერი იცის, კონტრაქტორმაც და ქვეკონტრაქტორმაც, უბრალოდ, ამაზე ხმამაღლა საუბარი “არ მოსულა”. “ოცნება” ხომ ცდილობს “გრუზინებად” აქციოს ჩვენი საზოგადოება, ქვეყანა ხომ ახალი რუსული სტანდარტით – გაგებით იმართება და არა კანონებით და სტანდარტებით.

დავფიქრდეთ, საით მიდის ქვეყანა?! ჩვენ ერთად უნდა შევცვალოთ რუსეთის სამსახურში მყოფი ხელისუფლება. რუსული მმართველობა სხვა კი არაფერია – კორუფცია, ნეპოტიზმი და ადამიანის დაცულობისა და მისი ინტერესების უგულველყოფა. დროა, ეს ყველაფერი დასრულდეს! ჩვენი შვილების მომავალი განვითარებულ და ძლიერ მსოფლიოშია!”

,,საქმე გვაქვს კომპლექსურ სტიქიურ პროცესთან”- ნინო თანდილაშვილი

19:20 - 09/08/2023

როდესაც ვსაუბრობთ ასეთი მასშტაბის სტიქიის განვითარებაზე, ასეთი კომპლექსური სტიქიის განვითარებაზე, ჩვენი სპეციალისტების მოსაზრებით, ამის წინსწრებით პროგნოზირება არის პრაქტიკულად შეუძლებელი, – ამის შესახებ გარემოს დაცვისა და სოფლის მეურნეობის მინისტრის პირველმა მოადგილემ ნინო თანდილაშვილმა ბრიფინგზე განაცხადა.

მან ასევე აღნიშნა, რომ წყლის დაგუბებას ხეობაში ადგილი არ ჰქონია და ყველას მოუწოდა არ გაავრცელონ დეზინფორმაციული ცნობები.

„ხაზგასმით მინდა აღვნიშნო, რომ საქმე გვაქვს კომპლექსურ სტიქიურ პროცესთან. სავარაუდოდ ნახევარი მილიონი კუბური მეტრის მასა ჩამოწვა, მოხდა მყინვართან შეჯახება და ამან გამოიწვია მეწყრულ-ღვარცოფული პროცესი, რომელიც განვითარდა ხეობაში. მსგავსი ტიპის მოვლენის წინასწარ პროგნოზირება არის პრაქტიკულად შეუძლებელი“, – აღნიშნა თანდილაშვილმა.

1...1,5881,5891,590...2,141 Page 1,589 of 2,141