„ბიბისის“ ცნობით, ამერიკელი მაღალჩინოსნები აცხადებენ, რომ აშშ-ის აქვს დაზვერვის მონაცემები, რომლებიც ადასტურებს, რომ მოსკოვში თავდასხმა „ისლამურმა სახელმწიფომ“ განახორციელა.

როგორც „ბიბისი“ ამერიკულ „სიბიესზე“ დაყრდნობით იუწყება, გასული წლის ნოემბრიდან მოყოლებული არსებობს ინფორმაციის მუდმივი ნაკადი, რომ „ისლამურ სახელმწიფოს“ სურდა რუსეთზე დარტყმის მიყენება. როგორც „ბიბისი“ აღნიშნავს, კონკრეტული ინფორმაცია მიწოდებული იყო რუსეთის მთავრობისთვისაც, ვაშინგტონსა და მოსკოვს შორის არსებული ცივი ურთიერთობების მიუხედავად.

დადასტურებული არ არის, თუმცა სავარაუდოდ, სწორედ ამ ინფორმაციის შესახებ იყო საუბარი ორი კვირის წინ სახელმწიფო დეპარტამენტის მიერ გავრცელებულ განცხადებაში, რომელშიც მოსკოვში მყოფ ამერიკელებს მოუწოდებდნენ, თავი აერიდებინათ ფართო შეკრებებისგან და კონცერტებზე დასწრებისგან. სახელმწიფო დეპარტამენტმა განაცხადა, რომ „მონიტორინგს უწევენ შეტყობინებებს იმის შესახებ, რომ ექსტრემისტები გეგმავენ დიდ შეკრებებზე თავდასხმას.“

მანამდე, სხვადასხვა მედიამ სოციალურ ქსელზე დაყრდნობით გაავრცელა დაუდასტურებელი ინფორმაცია, რომ „კროკუს სითი ჰოლში“ თავდასხმაზე პასუხისმგებლობა „ისლამურმა სახელმწიფომ“ აიღო.

მოსკოვში, „კროკუს სითი ჰოლში“ რამდენიმე შეიარაღებული პირი შეიჭრა და კონცერტზე მისულ მაყურებელს ცეცხლი გაუხსნა. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. ბოლო მონაცემებით, „კროკუს სითი ჰოლში“ თავდასხმის შედეგად დაღუპულთა რიცხვმა 60-ს გადააჭარბა, ჰოსპიტალიზებულია 115 ადამიანი.

მოსკოვის საკონცერტო დარბაზში, „კროკუს სითი ჰოლში“ თავდასხმის შედეგად დაღუპულთა რიცხვმა 60-ს გადააჭარბა. ინფორმაციას რუსული მედია ავრცელებს.

ხელისუფლების ცნობით, ჰოსპიტალიზებულია 115 ადამიანი, მათ შორის, ხუთი ბავშვია. 60-მდე დაშავებულის მდგომარეობა სერიოზულად მძიმეა.

ვიცე-პრემიერ ტატიანა გოლიკოვას განცხადებით, დაშავებულებს გამოჯანმრთელება უსურვა და მედიკოსებს მადლობა გადაუხადა რუსეთის პრეზიდენტმა ვლადიმერ პუტინმა.

ვიცე-პრემიერის თქმით, გამოძიების მიმდინარეობის შესახებ პრეზიდენტს ინფორმაციას აწვდიან შინაგან საქმეთა მინისტრი, რუსეთის უსაფრთხოების ფედერალური სამსახურისა და საგამოძიებო კომიტეტის, ასევე ეროვნული გვარდიის ხელმძღვანელები.

მოსკოვში, „კროკუს სითი ჰოლში“ რამდენიმე შეიარაღებული პირი შეიჭრა და კონცერტზე მისულ მაყურებელს ცეცხლი გაუხსნა. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა.

მოსკოვის საკონცერტო დარბაზში, „კროკუს სითი ჰოლში“ თავდასხმის შედეგად დაშავებულთა შორის ბავშვებიც არიან, თუმცა, ამ ეტაპზე მათი რიცხვი უცნობია. ინფორმაციას რუსული მედია ავრცელებს.

როგორც ადგილობრივი მედია წერს, ასევე ცნობილი ხდება, რომ კომპლექსის ერთ-ერთ ფლიგელში საბავშვო კონკურსი მიმდინარეობდა, სადაც ვოლოგდიდან და ჩერეპოვეციდან ჩასული ბავშვებიც იღებდნენ მონაწილეობას. ამ ბავშვების ევაკუაცია შენობიდან უსაფრთხოდ განხორციელდა.

მოსკოვში, „კროკუს სითი ჰოლში“ რამდენიმე შეიარაღებული პირი შეიჭრა და კონცერტზე მისულ მაყურებელს ცეცხლი გაუხსნა. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. სპეცრაზმმა შენობის შტურმი დაიწყო. რუსეთის უსაფრთხოების ფედერალური სამსახურის მონაცემებით, „კროკუს სითი ჰოლში“ თავდასხმის შედეგად 40 ადამიანია დაღუპული. მოსკოვში აცხადებენ, რომ „კროკუს სითი ჰოლზე“ თავდამსხმელების ძებნა მიმდინარეობს.

ევროკავშირი შოკირებული და შეძრულია მოსკოვში, „კროკუს სითი ჰოლზე” ტერორისტული თავდასხმის შესახებ ცნობების გამო, – ამის შესახებ ევროკომისიის პრესსპიკერი პიტერ სტანო აცხადებს.

„ევროკავშირი გმობს ნებისმიერ თავდასხმებს მოქალაქეების წინააღმდეგ. ჩვენი ფიქრები რუსეთის ყველა დაზარალებულ მოქალაქესთანაა”, – წერს პიტერ სტანო სოციალურ ქსელში.

მოსკოვში, „კროკუს სითი ჰოლში“ რამდენიმე შეიარაღებული პირი შეიჭრა და კონცერტზე მისულ მაყურებელს ცეცხლი გაუხსნა. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. რუსეთის უსაფრთხოების ფედერალური სამსახურის მონაცემებით, „კროკუს სითი ჰოლში“ თავდასხმის შედეგად 40 ადამიანია დაღუპული.

უკრაინის პრეზიდენტის ოფისის ხელმძღვანელის მრჩეველი მიხაილ პოდოლიაკი აცხადებს, რომ უკრაინას მოსკოვის საკონცერტო დარბაზზე თავდასხმასთან კავშირი არ აქვს. ამის შესახებ პოდოლიაკმა ტელეგრამ-არხში გამოქვეყნებულ ვიდეოში განაცხადა.

„კროკუს სითისთან“ დაკავშირებით, სადაც ახლახან განვითარდა გარკვეული მოვლენები, მოხდა სროლა, გარკვეული ტერორისტული ქმედებები დაუდგენელი პირების მხრიდან. მოდით, დავაფიქსიროთ, უკრაინას, აბსოლუტურად დაზუსტებით, არ აქვს არანაირი კავშირი ამ მოვლენებთან. უპირველეს ყოვლისა იმიტომ, რომ ჩვენ გვაქვს სრულფასოვანი, ფართომასშტაბური, უზარმაზარი, ინტენსიური ომი რუსეთის რეგულარულ არმიასთან და რუსეთის ფედერაციასთან და უკრაინისთვის ყველაფერი გადაწყდება სწორედ ბრძოლის ველზე. მნიშვნელოვანია ეფექტიანი საბრძოლო მოქმედებების, შეტევითი მოქმედებების ჩატარება რუსეთის რეგულარული არმიის გასანადგურებლად და ამ ომის ამგვარად დასასრულებლად”, – განაცხადა პოდოლიაკმა.

პოდოლიაკმა აღნიშნა, რომ რუსეთისგან განსხვავებით, უკრაინას არასდროს გამოუყენებია ომის ტერორისტული მეთოდები. მისივე თქმით, რუსეთის უახლეს ისტორიაში არაერთხელ ყოფილა პრეცედენტები, როდესაც საკუთარი მოქალაქეების წინააღმდეგ ტერაქტები გამოიყენებოდა თავდასხმითი საბრძოლო მოქმედებების გასამართლებლად.

გარდა ამისა, პოდოლიაკმა აღნიშნა, რომ თავდასხმამდე დიდი ხნით ადრე, მოსკოვში უცხოური ქვეყნების წარმომადგენლობები აფრთხილებდნენ ტერაქტების შესაძლებლობის შესახებ რუსეთის შესაბამისი შემდგომი მოქმედებებისთვის. „მასშტაბური მობილიზაციის, მილიტარიზაციის და უკრაინის სამოქალაქო მოსახლეობის გენოციდური სარაკეტო დაბომბვის გამართლების გასაგრძელებლად”, – განაცხადა პოდოლიაკმა.

მოსკოვში, „კროკუს სითი ჰოლში“ რამდენიმე შეიარაღებული პირი შეიჭრა და კონცერტზე მისულ მაყურებელს ცეცხლი გაუხსნა. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. რუსეთის უსაფრთხოების ფედერალური სამსახურის მონაცემებით, „კროკუს სითი ჰოლში“ თავდასხმის შედეგად 40 ადამიანია დაღუპული. ამასთან, თეთრი სახლში განაცხადეს, რომ არ არის არანაირი მანიშნებელი, რომ უკრაინას მოსკოვში საკონცერტო დარბაზზე თავდასხმასთან რაიმე კავშირი აქვს.

ტერორისტებს მხოლოდ საპასუხო ტერორიზმი ესმით. ამის შესახებ რუსეთის უშიშროების საბჭოს ხელმძღვანელის მოადგილე, დმიტრი მედვედევი “ტელეგრამის” პირად არხზე წერს.

თავის განცხადებაში მედვედევი კიევს ახსენებს და აცხადებს, რომ თუკი “კიევის ტერორისტების” კავშირი დადგინდება, უნდა იპოვონ და გაანადგურონ, მათ შორის მათი “იდეოლოგიური შთამაგონებლები” და ხელისუფლების ოფიციალური პირები.

“ტერორისტებს მხოლოდ საპასუხო ტერორიზმი ესმით. არანაირი სასამართლოები და გამოძიებები არ დაგვეხმარება, თუ ძალას ძალას არ დავუპირისპირებთ, ხოლო სიკვდილს – ტერორისტების მასობრივ მკვლელობებსა და მათი ოჯახების წინააღმდეგ რეპრესიებს.

თუ დადგინდება, რომ ეს კიევის რეჟიმის ტერორისტები [იყვნენ], მათთან და მათ იდეოლოგიურ შთამაგონებლებთან სხვანაირად მოქცევა შეუძლებელია, ყველა მათგანი უნდა ვიპოვოთ და დაუნდობლად გავანადგუროთ, როგორც ტერორისტები. მათ შორის სახელმწიფოს ოფიციალური პირები, რომელთაც ასეთი ბოროტმოქმედება ჩაიდინეს. სიკვდილი სიკვდილის საპასუხოდ”, – წერს მედვედევი.

მოსკოვის ცენტრში, “კროკუს სითი ჰოლში” ცეცხლი გახსნეს, რის შედეგად ხანძარი გაჩნდა. “ეფესბე”-მ მომხდარი ტერაქტად შეაფასა. ოფიციალური მონაცემებით, დაიღუპა 40 ადამიანი, დაშავდა 100-ზე მეტი.

ეროვნული უსაფრთხოების საკითხებში თეთრი სახლის სტრატეგიული კომუნიკაციების კოორდინატორის, ჯონ კირბის განცხადებით, ამ დროისთვის არაფერი მიუთითებს იმაზე, რომ უკრაინა ან უკრაინელები რაიმე კავშირში არიან მოსკოვის ოლქის ქალაქ კრასნოგორსკში მომხდარ სროლასთან. ამის შესახებ მან თეთრ სახლში გამართულ ბრიფინგზე ჟურნალისტებს განუცხადა.

ტერაქტთან უკრაინის რაიმე კავშირის არსებობა უარყო უკრაინის პრეზიდენტის ოფისის ხელმძღვანელის მრჩეველმა, მიხაილო პოდოლიაკმაც.

მოსკოვის ოლქის ქალაქ კრასნოგორსკში „კროკუს სიტი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. თვითმხილველის განცხადებით, ინციდენტი ჯგუფ „პიკნიკის“ კონცერტის დაწყებამდე მოხდა – დარბაზის პარტერში სულ მცირე სამი შეიარაღებული პირი შეიჭრა და ავტომატებიდან ცეცხლი გახსნა. არსებული ინფორმაციით, თავდამსხმელებმა ასევე ააფეთქეს ხელყუმბარა, რის გამოც ხანძარი გაჩნდა. რუსეთის უსაფრთხოების ფედერალური სამსახურის (ეფესბე) ინფორმაციით, სავარაუდოდ, დაღუპულთა რაოდენობა 40-ს, დაშავებულთა რიცხვი კი 100-ს აღემატება.

რუსეთის საგამოძიებო კომიტეტმა მოსკოვის ოლქის ქალაქ კრასნოგორსკში საკონცერტო დარბაზში მომხდარი თავდასხმის ფაქტზე სისხლის სამართლის საქმე ტერორისტული აქტის მუხლით აღძრა. ინფორმაციას ამის შესახებ რუსული მედია ავრცელებს.

მოსკოვის ოლქის ქალაქ კრასნოგორსკში „კროკუს სიტი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. თვითმხილველის განცხადებით, ინციდენტი ჯგუფ „პიკნიკის“ კონცერტის დაწყებამდე მოხდა – დარბაზის პარტერში სულ მცირე სამი შეიარაღებული პირი შეიჭრა და ავტომატებიდან ცეცხლი გახსნა.

არსებული ინფორმაციით, თავდამსხმელებმა ასევე ააფეთქეს ხელყუმბარა, რის გამოც ხანძარი გაჩნდა. არაოფიციალური ცნობებით, დაღუპულთა რაოდენობა 40-ს, დაშავებულთა რიცხვი კი 100-ს აღემატება.

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ მოსკოვის ოლქის ქალაქ კრასნოგორსკში საკონცერტო დარბაზში მომხდარ თავდასხმას ტერაქტი უწოდა.

მისივე თქმით, მთელმა საერთაშორისო თანამეგობრობამ უნდა დაგმოს ეს საზარელი დანაშაული.

„კროკუს სიტი ჰოლში“ მომხდარ სროლასთან დაკავშირებით ოფიციალურ განცხადებას ავრცელებს რუსეთის გენერალური პროკურატურაც.

„დღეს საღამოს, კრასნოგორსკის საკონცერტო დარბაზში ღონისძიების დაწყებამდე კამუფლაჟში გამოწყობილი უცნობი პირები შეიჭრნენ და ცეცხლი გახსნეს. დაშავებულთა რაოდენობა ზუსტდება, გასართობი ცენტრის შენობაში ხანძარი გაჩნდა, მიმდინარეობს მოქალაქეების ევაკუაცია“, – აცხადებენ უწყებაში.

მათივე ცნობით, ადგილზე მობილიზებული სამართალდამცავი უწყებების ქმედებების კოორდინირება მოსკოვის ოლქის პროკურორს, სერგეი ზაბატურინს დაევალა.

მოსკოვის ოლქის ქალაქ კრასნოგორსკში „კროკუს სიტი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. თვითმხილველის განცხადებით, ინციდენტი ჯგუფ „პიკნიკის“ კონცერტის დაწყებამდე მოხდა – დარბაზის პარტერში სულ მცირე სამი შეიარაღებული პირი შეიჭრა და ავტომატებიდან ცეცხლი გახსნა. არსებული ინფორმაციით, თავდამსხმელებმა ასევე ააფეთქეს ხელყუმბარა, რის გამოც ხანძარი გაჩნდა. არაოფიციალური ცნობებით, დაღუპულთა რაოდენობა 40-ს, დაშავებულთა რიცხვი კი 100-ს აღემატება.