ოპოზიცია ცდილობს, საგამოძიებო კომისიის საშუალებით პოლიტიკურ დღის წესრიგში იტივტივოს – ბექა ოდიშარია

87
spot_img

საპარლამენტო უმრავლესობის წევრის ბექა ოდიშარიას შეფასებით, შოვში მომხდარ სტიქიასთან დაკავშირებით პარლამენტში საგამოძიებო კომისიის შექმნა საჭირო არ არის.

მისივე თქმით, ოპოზიცია ცდილობს, „საგამოძიებო კომისიის საშუალებით კიდევ იტივტივოს პოლიტიკურ დღის წესრიგში“.

„მიმაჩნია, რომ აბსოლუტურად ზედმეტია, რადგან არ ვფიქრობ, რომ ქართული ხელისუფლების წარმომადგენლები, მათ შორის სპეციალური სამსახური, ვგულისხმობ სამაშველო სამსახურს, ასევე, იქნება ეს თავდაცვის სამინისტრო, შინაგან საქმეთა სამინისტრო თუ სხვები, არ სცემდნენ ზედმიწევნით ამომწურავ პასუხებს საზოგადოებას, მათ შორის ჟურნალისტებს, მათ შორის ოპოზიციურ ნაწილს. შესაბამისად, ეს არის მათი ცდა, რომ საგამოძიებო კომისიის საშუალებით კიდევ ერთხანს იტივტივონ პოლიტიკურ დღის წესრიგში. შესაბამისად, ამის საშუალებას ალბათ საქართველოს პარლამენტი არ მისცემს“, – აღნიშნა ბექა ოდიშარიამ.