კიევის საქალაქო ადმინისტრაციის უფროსის სერგეი პოპკოს განცხადებით, რუსეთის საოკუპაციო ძალებმა კიევის მიმართულებით „ისკანდერის“ ტიპის ბალისტიკური რაკეტა გაუშვეს.
„52-დღიანი ხანგრძლივი პაუზის შემდეგ, მტერმა კიევზე სარაკეტო თავდასხმები განაახლა! რაკეტამ კიევამდე ვერ მიაღწია, საჰაერო თავდაცვის ძალებმა და საშუალებებმა ის დედაქალაქის მისადგომებთან გაანადგურეს“, – აცხადებს პოპკო.
უკრაინული მედია დაშავებულების და მსხვერპლის შესახებ ინფორმაციას არ ავრცელებს.
