ლანჩხუთში დაკავებულ პედაგოგს წინასწარი პატიმრობა შეეფარდა

97
spot_img

ოზურგეთის რაიონულმა სასამართლომ ლანჩხუთში დაკავებულ სპორტის პედაგოგს, აღკვეთის ღონისძიების სახით, წინასწარი პატიმრობა შეუფარდა. პროცესი მედიისთვის დახურული იყო.

ადვოკატის ინფორმაციით, ბრალდებული ბრალს არ აღიარებს.

შეგახსენებთ, რომ 7 ნოემბერს, ლანჩხუთში, ერთ-ერთი საჯარო სკოლის სპორტის პედაგოგი, 57 წლის მამაკაცი დააკავეს, მას ბრალად მერვეკლასელი მოსწავლის მიმართ სხვაგვარი სახის სექსუალური ქმედების ჩადენა ედება. სავარაუდო დანაშაულის შესახებ მოსწავლემ კლასელებს შეატყობინა. მათ კი საქმის კურსში სკოლის ადმინისტრაცია ჩააყენეს. არასრულწლოვანთან ფსიქოლოგი მუშაობს.

საქმეზე გამოძიება სისხლის სამართლის კოდექსის 141-ე მუხლის მეორე ნაწილის “ვ” ქვეპუნქტით მიმდინარეობს.

რაც შეეხება არასრულწლოვანს, მასთან ფსიქოლოგი მუშაობს.