“ნებისმიერ საკრუიზო გემზე, რომელიც ბათუმის ნავსადგურში შემოდის, პოლიცია ადის და ამოწმებს”-ბათუმის პოლიციის უფროსი

263
spot_img

ბათუმის პოლიციის უფროსის ირაკლი დგებუაძის განცხადებით, სამართალდამცავები საკრუიზო ლაინერ „ასტორია გრანდეზე“ შემოწმების მიზნით იყვნენ ასულები და ეს კანონის დაცვით მოხდა.

„ნებისმიერ საკრუიზო გემზე, რომელიც ბათუმის ნავსადგურში შემოდის, პოლიცია ადის და ამოწმებს, იღებს შესაბამის ზომებს, ეს არის სტანდარტული პროცედურა. შესაბამისად, პოლიცია კანონის დაცვითაა ასული აღნიშნულ საკრუიზო გემზე“, – განაცხადა დგებუაძემ.

კითხვაზე, არის თუ არა საკრუიზო გემის მგზავრების მიერ ნაგვის სროლა მათ დასაკავებლად საკმარისი წინაპირობა, დგებუაძის თქმით, „ნებისმიერ წესრიგის დარღვევაზე პოლიცია მოქმედებს შესაბამისად“.

აქციაზე, ამ დროისთვის, 10 პირია დაკავებული.

ბათუმის პორტში სოჭიდან წამოსულ საკრუიზო ლაინერ “ასტორია გრანდეს” საპროტესტო აქციით დახვდნენ.