“ნაციონალური მოძრაობისთვის” ლობისტური კომპანიის დაქირავება დამახასიათებელია” – დავით მათიკაშვილი

55
spot_img

ტელევიზია ლობისტურ კომპანიას ქირაობს, რომელმაც იმის პროპაგანდა უნდა მოახდინოს, რა უნდა აუხსნას და დაუმტკიცოს საზოგადოებას მაშინ, როცა მათი დამფუძნებელი კეზერაშვილი მხილებულია ევროპელი პენსიონერების ფულის ძარცვაში. ამის საწინააღმდეგო შედეგს როგორ დაამტკიცებს ლობისტური კომპანია, ეს ნამდვილად გასაკვირია, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.

მათიკაშვილმა კომენტარი გააკეთა ტელეკომპანია „ფორმულას“ მიერ 420 ათას დოლარად დაქირავებულ ლობისტურ კომპანია Cornerstone Government Affairs-სთან დაკავშირებით აშშ-ის იუსტიციის დეპარტამენტის მიერ გავრცელებულ ინფორმაციაზე.

მისი თქმით, „ნაციონალური მოძრაობისთვის“ ლობისტური კომპანიის დაქირავება დამახასიათებელია.

„ცოტა ხნის წინ ვნახეთ, „ნაცმოძრაობა“ როგორ ეწეოდა სააკაშვილის ვითომ ავადმყოფობის პროპაგანდას და ლობისტური კომპანიები სწორედ ამისთვის იყო დაქირავებული. დღეს ტელევიზია, რომელიც აქეთ უნდა იყოს უფლებადაცვით საქმიანობაში და სწორ ინფორმირებას ახდენდეს, ლობისტურ კომპანიას ქირაობს, რომელმაც იმის პროპაგანდა უნდა მოახდინოს, რა უნდა აუხსნას და დაუმტკიცოს საზოგადოებას მაშინ, როცა მათი დამფუძნებელი კეზერაშვილი მხილებულია ევროპელი პენსიონერების ფულის ძარცვაში. ამის საწინააღმდეგო შედეგს როგორ დაამტკიცებს ლობისტური კომპანია, ეს ნამდვილად გასაკვირია“, – განაცხადა მათიკაშვილმა.