ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
“დღეს დილას კახოვკის ჰესის აფეთქებით გამოწვეული დატბორვა მიაღწევს მაქსიმალურ სიმაღლეს, 3-5 დღის განმავლობაში იქნება ტერიტორიები დატბორილი და 10 დღეში კახოვკის წყალსაცავიც გაქრება და მთელი მისი 1 წყლის რეზერვი ჩაიღვრება შავ ზღვაში. კახოვკის ჰესი აღდგენას არ ექვემდებარება!
ცივილიზებული სამყაროს ლიდერებმა რა თქმა უნდა დაგმეს და ტერორისტულ აქტად შეაფასეს რუსეთის ეს ბარბაროსული ქმედება! აშშ-ს პრეზიდენტმა განაცხადა, რომ აშშ არ მიატოვებს უკრაინას და აღმოუჩენს მას დახმარებას; ენბისი-ს ცნობით, აშშ-ს გააჩნია სადაზვერვო მონაცემებზე დაყრდნობით მტკიცებულებები, რომ ეს ჩაიდინა რუსეთმა. მოსალოდნელია ამ მტკიცებულებების მალე გამოქვეყნება! დიდი ბრიტანეთის პრემიერმაც ასევე განაცხადა, რომ მი-6 იძიებს ტერორისტულ აქტს და თუკი დამტკიცდა, რომ ეს რუსეთის ჩადენილია, მისი მხრიდან ეს იქნება უკიდურესად მძიმე დანაშაული.
უკრაინას გააჩნია მტკიცებულებები და გენ.პროკურორი უკვე დაუკავშირდა საერთაშორისო სისხლის სასამართლოს მტკიცებულებების გადასაცემად და სისხლის სამართლის საქმის აღსაძვრელად. ეს მართლაც კაცობრიობის წინაშე ჩადენილი უსასტიკესი დანაშაულია!
ეკოლოგიური კატასტროფა ემუქრება უკრაინის სამხრეთს, მაგრამ საფრთხე ექმნება სასურსათო უზრუნველყოფასაც! უზარმაზარი სახნავ-სათესი ფართობები შეიძლება გაუდაბნოვდეს მომავალი წლისთვის და ხორბლის მოსავალი საგრძნობლად შემცირდეს!
ყირიმის წყლის პრობლემა ისევ მწვავედ დადგა! ყირიმიდან გარბის ხალხი. უზარმაზარი რიგები იყო გუშინ ხიდის მიმართულებით!
ამასობაში, ჩვენებმა: საგრძნობლად გაიუმჯობესეს პოზიციები ბახმუტის ფლანგებზე. უახლოვდებიან კლეშჩეევკას სამხრეთით და იბრძვიან ბერჰივკასთვის ჩრდილოეთით;
არის წინსვლაც ზაპოროჟიეში. თუმცა, ყველამ უნდა იცოდეს ერთი რამ გარკვევით:
ეს არ არის უშუალოდ ის ფართომასშტაბიანი შეტევა, რომელსაც ელოდება მთელი მსოფლიო! ეს არის საწყის ფაზა, რომლის დროსაც ხდება მტრის სუსტი ადგილების გამოვლენა! 900 კილომეტრიან ფრონტზე ერთიან სატანკო შეტევას ჩვენ ვერ ვნახავთ! მოკლედ, ჯერ მიდის დაზვერვა ბრძოლებით! როგორც ანა მალერმა სწორად განაცხადა, კონტრიერიშის დაწყება ფეისბუქით და ინსტაგრამზე არ გამოცხადდება!
ჩვენებმა გუშინ ერთი ვერტმფრენი კა-52 და ერთი თვითმფრინავი სუ-25 ჩამოუგდეს ტერორისტებს! აგრეთვე, 14 საარტილერიო დანადგარი გაუნადგურეს! ჩვენები ამას როცა ამბობენ, ყველაფერს დოკუმენტირებულად ადასტურებენ ვიდეო და ფოტო მასალებით!
აი, ურდოს სიკვდილის სამინისტრო რომ გამოდის და აცხადებს, რომ გერმანული ლეოპარდები გაანადგურეს, მერე აღმოჩნდება, რომ კომბაინი და ტრაქტორი აუფეთქებიათ ამ მართლა ფარჩაკებს!
პრეზიდენტი ზელენსკი ძალიან კმაყოფილია მოლდოვაში ვიზიტით. მისი განცხადებით, მან ლიდერების მოზრდილი ჯგუფისგან ერთდროულად მიიღო პირობა, რომ უკრაინა მიიღებს ფ-16 ებს. “ტანკებზე როგორც გვიწევდა ყველა ქვეყანასთან ცალ-ცალკე 1-2 ტანკზე ხვეწნა, ასე არ იყო. ბევრი ლიდერი ერთდროულად შეიკრიბა და შევთანხმდით, რომ გადმოგვეცემა ფ-16 ების სოლიდური რაოდენობა. აშშ-სთან ერთობლივი შეთანხმების მერე ეს გამოცხადდება ან რამშტაინზე ან სხვა პლატფორმაზე და მერე დავიწყებთ სწრაფად ინფრასტრუქტურის მოწყობას”. ჩემი ინფორმაციით, ეს იქნება მთავარი ამბავი ლიეტუვაში ნატოს სამიტზე.
გარდა ამისა, ავსტრალიელები აძლევენ უკრაინას 41!!!! ცალ ფ/ა-18-ებს, რომლებიც გამზადებული იყო ჩამოსაწერად მაგრამ გადაწყდა მათი გარემონტება მოდერნიზება და უკრაინისთვის გადაცემა! ჩეხები აძლევენ უკრაინას მთელ თავის მი-24 ვერტმფრენების ფლოტს, ხოლო ტ-64 ტანკებს ერთობლივად გაარემონტებენ უკრაინაში!
გერმანიის რაინმეტალმა დამატებით 20 მარდერის ტიპის ჯავშანმანქანის შეკვეთა მიიღო!
ბულგარეთის ახალმა პროდასავლურმა მთავრობამ ღიად გამოაცხადა, რომ მიაწვდის უკრაინას სამხედრო დახმარებას (ჭურვების მარაგია შესავსები).
სერბეთის პრეზიდენტმა!! ალექსანდრე ვუჩიჩმაც კი განაცხადა, რომ აქ #ირაყლი არავინაა! ვიცი, რომ სერბული სამხედრო მასალები და შეიარაღება შეიძლება აღმოჩნდეს სერბული კომპანიების მეშვეობით უკრაინაში! ყველას კარგად გვესმის ყველაფერიო!
უკრაინა გაიმარჯვებს 2023-ში! საქართველო არ გარუსდება 2023-ში! პუტლერის ბოროტების იმპერია გრუხუნით ჩამოინგრევა 2023-ში!
დიდება უკრაინას!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.
