“ნატომ მნიშვნელოვანი როლი ითამაშა საქართველოს თავდაცვისუნარიანობის გაძლიერებაში” – ირაკლი კობახიძე

20
spot_img

ნატომ მნიშვნელოვანი როლი ითამაშა საქართველოს თავდაცვისუნარიანობის გაძლიერებაში, ალიანსთან ჩვენი თავსებადობის გაზრდაში, – ამის შესახებ პრემიერ-მინისტრმა ირაკლი კობახიძემ ნატოს გენერალურ მდივანთან ერთად გამართულ ერთობლივ ბრიფინგზე განაცხადა.

„ჩემთვის ძალიან მნიშვნელოვანია, რომ დინამიური და შინაარსიანი პარტნიორობის და ინტეგრაციების საკითხებზე გვიწევს საუბარი. საქართველო ალიანსის უახლოესი და ერთგული პარტნიორია. ჩემი პირველი ვიზიტი ბრიუსელში საქართველოს პრემიერ-მინისტრის რანგში კიდევ ერთი ნათელი დადასტურებაა, რომ ჩვენთვის ძალიან მნიშვნელოვანია ეს მიმართულება. ნატომ მნიშვნელოვანი როლი ითამაშა საქართველოს თავდაცვისუნარიანობის გაძლიერებაში, ალიანსთან ჩვენი თავსებადობის გაზრდაში. არც ჩვენ დაგვიკლია ძალისხმევა, რომ ჩრდილოატლანტიკური ალიანსის ღირებულებები გაგვეთავისებინა, განგვეხორციელებინა ყოვლისმომცველი რეფორმების დღის წესრიგი და წინ წაგვეწია ჩვენი ინტეგრაციის პროცესი მიუხედავად შიდა თუ გარე უსაფრთხოების გამოწვევებისა“, – განაცხადა კობახიძემ.