“მნიშვნელოვანია, პარტიამ და, ზოგადად, ოპოზიციამ მაქსიმალურად წინ გაიხედოს”

74
spot_img

ჩვენთვის ასეთი ინფორმაცია ნამდვილად არ არის ცნობილი, რომ ახლა ჩატარებული არჩევნების შემდეგ კვლავ არჩევნები იგეგმებოდეს. ვფიქრობ, ეს არ იქნება მართებული, – ამის შესახებ „ნაციონალური მოძრაობის“ წევრმა, თინა ბოკუჩავამ განაცხადა.

მისი თქმით, მთავარი ოპოზიციური პარტია უნდა იყოს ფორმაში და არა – მუდმივი არჩევნების რეჟიმში.

„ძალიან მნიშვნელოვანია, პარტიამ და, ზოგადად, ოპოზიციამ მაქსიმალურად წინ გაიხედოს. გადავლახოთ ყოველგვარი ურთიერთდაპირისპირება და ვკონცენტრირდეთ უმთავრესზე. საქართველოს მოქალაქეები ცვლილებისთვის მზად არიან, მაგრამ ჩვენი პასუხისმგებლობაა, როგორც ოპოზიციის, რომ ჩვენ შევთავაზოთ რეალური, დემოკრატიული და პროდასავლური ალტერნატივა. ამისთვის მთავარი ოპოზიციური პარტია უნდა იყოს ფორმაში და არა – მუდმივი არჩევნების რეჟიმში. მნიშვნელოვანია ეროვნული საკითხები, რომელსაც „ერთიანი ნაციონალური მოძრაობის“ ლიდერები ერთად უნდა შეეჭიდონ, ასევე ყველა მხარდამჭერი და, ზოგადად, მთელი ოპოზიციური სპექტრი, რომელიც საკუთარ თავს წარმოაჩენს, როგორც პროდასავლურ ოპოზიციურ ძალას“, – განაცხადა ბოკუჩავამ.