“მინდა ვცდებოდე და აღმოჩნდეს, რომ ოპოზიცია კონსტრუქციული იქნება” – მიხეილ სარჯველაძე

23
spot_img

ძალიან მინდა ვცდებოდე და აღმოჩნდეს, რომ ოპოზიცია კონსტრუქციული იქნება, – ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ პარლამენტში დღეს დაგეგმილ პროცესთან დაკავშირებით განაცხადა.

„წარმოდგენილი იქნება სამთავრობო გუნდის შესახებ ინფორმაცია, პროგრამა, ხედვა. მომდევნო კვირა იქნება ძალზედ საინტერესო. ბუნებრივია, ძალიან მაღალია ინტერესი საზოგადოების, პოლიტიკური წრეების მხრიდან. ვფიქრობ, მოლოდინი მაღალია და პოზიტიურია განწყობა. რაც შეეხება საკითხს, ოპოზიციამ რამდენად შეიძლება გამოავლინოს კონსტრუქციულობა ამ პროცესთან მიმართებაში, გულწრფელად რომ გითხრათ, მაღალი მოლოდინი არ მაქვს. ძალიან მინდა ვცდებოდე და აღმოჩნდეს, რომ ოპოზიცია კონსტრუქციული იქნება“ , – აღნიშნა სარჯველაძემ.

პარლამენტის ბიუროს სხდომაზე დღეს პრემიერ-მინისტრობის კანდიდატი სამთავრობო პროგრამას წარადგენს, ასევე, დაზუსტდება მინისტრობის კანდიდატების მოსმენების გრაფიკი.