“მას შემდეგ, რაც „ქართულმა ოცნებამ“ ამხილა აგენტოკრატიის მზაკვრული გეგმა, ISFED-მა აღიარა არა დანაშაული, არამედ „შეცდომა“, შეცვალა ორგანიზაციის ხელმძღვანელი”

55
spot_img

რაც დრო გადის, მით უფრო ნათელი ხდება დემოკრატიისა და კანონის უზენაესობის თუ რა ღრმა კრიზისია აშშ-ში, რომელიც ერთ დროს მისაბაძი იყო, განსაკუთრებით ახალი დამოუკიდებელი ქვეყნებისთვის. ამერიკელი რესპუბლიკელებისა და არა მხოლოდ მათ მიერ შეფასებულ დონალდ ტრამპის პოლიტიკურ დევნას დაემატა კიდევ ოთხი ბრალდება, – წერს ანალიტიკოსი გია აბაშიძე სოციალურ ქსელში.

როგორც აბაშიძე აღნიშნავს, ტრამპისათვის ბოლო ფედერალური ბრალის წაყენებას თუ გავითვალისწინებთ, საქართველოს შემთხვევაში, 2020 წლის საპარლამენტო არჩევნებს თაღლითობისა და მოტყუების გზით, საბოტაჟი მოუწყვეს „ნაცების“ ვასალმა არასამთავრობო ორგანიზაცია „სამართლიანმა არჩევნებმა“ (ISFED) და მისმა საგარეო სპონსორებმა.

მისი თქმით, ISFED-მა ხმების პარალელური დათვლის შედეგები (PVT) უსირცხვილოდ გააყალბა, რამაც რამდენიმე კვირის განმავლობაში საქართველოში პოლიტიკური დაძაბულობის არაერთი ტალღა გამოიწვია.

„რაც დრო გადის, მით უფრო ნათელი ხდება დემოკრატიისა და კანონის უზენაესობის თუ რა ღრმა კრიზისია აშშ-ში, რომელიც ერთ დროს მისაბაძი იყო, განსაკუთრებით ახალი დამოუკიდებელი ქვეყნებისთვის. ამერიკელი რესპუბლიკელებისა და არა მხოლოდ მათ მიერ შეფასებულ დონალდ ტრამპის პოლიტიკურ დევნას დაემატა კიდევ ოთხი ბრალდება:

– შეთქმულება შეერთებული შტატების მოტყუების მიზნით არაკეთილსინდისიერების, თაღლითობისა და მოტყუების გამოყენების გზით, რათა ხელი შეშლოდა ქვეყნის საპრეზიდენტო არჩევნების შედეგების შეგროვების, დათვლისა და დამოწმების პროცესს.

– შეთქმულება, 6 იანვრის კონგრესის სხდომის შეფერხების მიზნით, სადაც საპრეზიდენტო არჩევნების შეგროვებული შედეგების დათვლა და დამოწმება ხდება.

– შეთქმულება ხმის მიცემის უფლებისა და ხმის დათვლის წინააღმდეგ.

– საარჩევნო ხმის დამოწმებისთვის ხელის შეშლა და ხელის შეშლის მცდელობა.
ამ მორიგი უპრეცედენტო საქმით ვხედავთ, რომ ფარისევლური ორმაგი სტანდარტები საქართველოსთან მიმართებაში ცხადზე ცხადია. გავიხსენოთ თუნდაც ის, რომ 2021 წლის 6 იანვარს, კაპიტოლიუმზე შტურმი უმძიმესი დანაშაულია, ხოლო 2019 წლის 20-21 ივნისის იერიში საქართველოს

პარლამენტზე „გამოხატვის თავისუფლება“.

ტრამპისათვის ბოლო ფედერალური ბრალის წაყენებას თუ გავითვალისწინებთ, საქართველოს შემთხვევაში, 2020 წლის საპარლამენტო არჩევნებს თაღლითობისა და მოტყუების გზით, საბოტაჟი მოუწყვეს „ნაცების“ ვასალმა არასამთავრობო ორგანიზაცია „სამართლიანმა არჩევნებმა“ (ISFED) და მისმა საგარეო სპონსორებმა.

ISFED-მა ხმების პარალელური დათვლის შედეგები (PVT) უსირცხვილოდ გააყალბა, რამაც რამდენიმე კვირის განმავლობაში საქართველოში პოლიტიკური დაძაბულობის არაერთი ტალღა გამოიწვია.

მას შემდეგ, რაც „ქართულმა ოცნებამ“ ამხილა აგენტოკრატიის მზაკვრული გეგმა, ISFED-მა აღიარა არა დანაშაული, არამედ „შეცდომა“, შეცვალა ორგანიზაციის ხელმძღვანელი. ამ ანტისახელმწიფოებრივი ქმედებისთვის, რომელზეც აშშ-ში სასჯელი უმკაცრესია, ბოდიშიც კი არ მოიხადეს არც კელი დეგნანმა და არც „ნაცების“ ლობისტობაში ჩართულმა, ISFED-ისა და სხვა ნაცპარტიული NGO-ების საელჩოს კურატორებმა.

ტრამპისადმი ამ უმძიმესი ბრალდებების წაყენების შემდეგ არ ველი, რომ რეპუტაციაშელახული ელჩი დეგნანი, IRI-ის, NDI-ის წარმომადგენლობები საქართველოში თუ სხვები ბოდიშს მოიხდიან ISFED-ის საბოტაჟის გამო. რადგან სწორედ ამ აქტორებმა უზნეოდ შერაცხეს FARA-ს ქართული კანონპროექტი „რუსულად“ საკუთარი მარგინალი აგენტების – ISFED, ლომჯარია, გიგაური და მსგავს ნაყარ-ნუყარ რადიკალთა დასაცავად.
თუმცა, ფაქტებსა და სიმართლეს ვერავინ, ვერასდროს გაექცევა!

2024 წელს, საქართველოს ამომრჩევლის თითქმის 90% ხმას ელექტრონულად მისცემს. აქ გაყალბების დაშვების პროცენტული მაჩვენებელი = 0-ს. თავად მინახავს შუალედურ არჩევნებში სპეციალისტებთან ერთად ევროპიდან შემოტანილი ეს აპარატურა, რომელიც ინტერნეტს არაა მიერთებული (ჰაკერული თავდასხმა გამორიცხულია). და ვერც „კარუსელს“ უშვებს – პირადობის ელექტრონული მოწმობის წამკითხველი აპარატი სხვა უბანზე მისულ ამომრჩეველზე მკაფიო ხმოვან სიგნალს იძლევა.

რასაკვირველია, ნაცრევანშისტები, მათი მარიონეტები და დასავლეთის ცალკეული წამქეზებლები მომდევნო საპარლამენტო არჩევნებზეც შეეცდებიან ‘წყლის ამღვრევას’, თუმცა მწარე გამოცდილება გაზიარებულია (lessons learnt) და სიმართლის დამტკიცებას თავდაცვითი მექანიზმებიც დაემატა“, – წერს აბაშიძე facebook – ზე.