მაკრონისა და სი ძინპინის შეხვედრა, შესაძლოა, უკრაინაში მშვიდობისაკენ მიმავალი გზის დასაწყისი იყოს – Bloomberg

89
spot_img

საფრანგეთის პრეზიდენტის ემანუელ მაკრონისა და ჩინეთის ლიდერის სი ძინპინის შეხვედრა, შესაძლოა, უკრაინაში მშვიდობისაკენ მიმავალი გზის დასაწყისი იყოს, – ამის შესახებ RBC-Ukraine Bloomberg-ზე დაყრდნობით იუწყება.

ფრანგმა მაღალჩინოსანმა, ასევე, აღნიშნა, რომ პარიზი არ ელის ჩინეთის ხელმძღვანელობისგან კონფლიქტში მხარის მთლიანად შეცვლას.

მისივე თქმით, შეხვედრის დასასრულს ჩინეთის ლიდერმა მადლობა გადაუხადა მაკრონს რიგი საკითხების გარკვევისთვის.

ფრანგი ოფიციალური პირი, ასევე, დარწმუნებულია, რომ მაკრონისა და სიის მიერ გამართულმა თითქმის ხუთსაათიანმა ერთობლივმა მოლაპარაკებებმა მოამზადა საფუძველი შემდგომი ერთობლივი მუშაობისთვის უკრაინაში მშვიდობის მისაღწევად.

სი ძინპინმა ვიზიტის დროს თავი შეიკავა რუსეთისა და ვლადიმერ პუტინის საჯაროდ ხსენებისგან, რაც საფრანგეთშიც კარგი ნიშანია სამშვიდობო მოლაპარაკებების დაწყების გზაზე.