ჯანდაცვის მსოფლიო ორგანიზაცია ღაზის სექტორში ჰუმანიტარული დერეფნის მოწყობის მოწოდებით გამოვიდა

98
spot_img

ჯანდაცვის მსოფლიო ორგანიზაცია ღაზის სექტორში ჰუმანიტარული დერეფნის მოწყობის მოწოდებით გამოვიდა.

როგორც ორგანიზაციაში აცხადებენ, ღაზის სექტორში მდებარე შვიდ საავადმყოფოში საჭირო სამედიცინო მასალის მარაგი ამოწურულია.

„ჯანდაცვის მსოფლიო ორგანიზაცია გამოდის ძალადობის შეწყვეტის მოწოდებით. აუცილებელია ჰუმანიტარული დერეფანი, რათა ადამიანები უზრუნველყოფილი იყვნენ კრიტიკულად მნიშვნელოვანი მასალით. ჩვენ ამ საკითხზე პარტნიორ სააგენტოებთან ერთად ვმუშაობთ“, – განაცხადეს ჯანდაცვის მსოფლიო ორგანიზაციაში.

ჯანდაცვის მსოფლიო ორგანიზაცია აპირებს, ერთი მილიონი დოლარი გამოყოს საჭირო სამედიცინო საშუალებების შესაძენად, რაც 500 პაციენტის სამკურნალოდ იქნება საკმარისი.