“დამოუკიდებელი სასამართლოსთვის ადეკვატური რეფორმები უნდა გავატაროთ, რასაც გვირჩევენ და რასაც სჭირდება პოლიტიკური ნება”

87
spot_img

დამოუკიდებელი სასამართლოსთვის ადეკვატური რეფორმები უნდა გავატაროთ, რასაც გვირჩევენ და რის განხორციელებასაც პოლიტიკური ნება სჭირდება, – ამის შესახებ პარტია „მოქალაქეების“ ლიდერმა, ალეკო ელისაშვილმა განაცხადა.

ალეკო ელისაშვილს საერთო სასამართლოების კანონში ცვლილებებზე ვენეციის კომისიის მოსაზრებასთან დაკავშირებით დაუსვეს კითხვა.

„ქართული ოცნება“ ვენეციის კომისიას ეკითხება, ხომ ნამდვილად ოთხი ტალღა გვქონდა სასამართლოშიო, ვენეციის კომისიამ გვიპასუხა – აქ თქვენი გოიმი არავინ არის, თქვენი ვითომ რეფორმებით არავინ გოიმდება და თუ გინდათ, სასამართლო დამოუკიდებელი იყოს, რეფორმები გაატარეთ, მურუსიძის სასამართლოს ოთხი ტალღის არავის სჯერაო. თუ გვინდა, რომ დამოუკიდებელი სასამართლო გვქონდეს, კენჭისყრები ისე არ უნდა ჩატარდეს, როგორც ჩატარდა, რომ ვითომ ვიღაცას იუსტიციის უმაღლეს საბჭოზე მიეჭირა ხელი. დამოუკიდებელი სასამართლოსთვის ადეკვატური რეფორმები უნდა გავატაროთ, რასაც გვირჩევენ და რის განხორციელებასაც პოლიტიკური ნება სჭირდება“, – განაცხადა ალეკო ელისაშვილმა.