ისრაელის პრეზიდენტის განცხადებით, ისრაელი მზად არის მორიგი ჰუმანიტარული პაუზისთვის

29
spot_img

ისრაელის პრეზიდენტმა ისააკ ჰერცოგმა განაცხადა, რომ ისრაელი მზადაა მორიგი ჰუმანიტარული პაუზისთვის ღაზაში, რათა უზრუნველყოს საჭირო დახმარების მიწოდება. ამის შესახებ „ბიბისი“ წერს.

„ისრაელი მზად არის მორიგი ჰუმანიტარული პაუზისთვის. ვიმედოვნებთ, ჰუმანიტარული დახმარება მძევლების გათავისუფლების საკითხს ხელს შეუწყობს“, – აღნიშნულია ისრაელის მთავრობის მიერ გავრცელებულ განცხადებაში.

ამავე განცხადების თანახმად, პასუხისმგებლობა სრულად ეკისრება „ჰამასს“ და მის ერთ-ერთ მთავარ ლიდერს იაჰია სინვარს.

თავის მხრივ „ჰამასმა“ განაცხადა, რომ ნებისმიერი მოლაპარაკება მძევლების გაცვლის შესახებ, მხოლოდ ომის შეწყვეტის შემდეგ მოხდება.