ისრაელი „ჰამასს“ 40 მძევლის გათავისუფლების სანაცვლოდ, ერთკვირიან ცეცხლის შეწყვეტას სთავაზობს

45
spot_img

ისრაელი „ჰამასს“ 40 მძევლის გათავისუფლების სანაცვლოდ, ერთკვირიან ცეცხლის შეწყვეტას სთავაზობს, – ამის შესახებ ორმა ისრაელელმა ანონიმურმა ოფიციალურმა პირმა განაცხადა, ინფორმაციას „სიენენი“ ავრცელებს.

ოფიციალური პირების თქმით, ისრაელმა „ჰამასს“ წარუდგინა წინადადება, რომელიც მოიცავს ბრძოლის ერთკვირიან პაუზას, 40 მძევლის გათავისუფლების სანაცვლოდ. მათ შორის ქალების, მოხუცების და მათი, ვისაც სასწრაფო დახმარება სჭირდება.

ისრაელის ელჩმა აშშ-ში, მაიკლ ჰერცოგმა დაადასტურა, რომ ისრაელი მზად არის, შეაჩეროს ბრძოლა, თუ ეს გულისხმობს, რაც შეიძლება მეტი მძევლის გათავისუფლებას, მაგრამ არ დაუდასტურებია, მიღწეულია თუ არა შეთანხმება.

„ვფიქრობ, ნაადრევია იმის თქმა, გვაქვს თუ არა შეთანხმება, რადგან აქამდე „ჰამასი“ უარს ამბობდა სხვა გარიგებაზე. ისინი იმედოვნებდნენ მუდმივი ცეცხლის შეწყვეტას, მაგრამ იმედი მაქვს, რომ იმ ზეწოლის ქვეშ, რასაც ჩვენ ვაკეთებთ ადგილზე, რასაც ემატება კატარელების ზეწოლა, ისინი დათანხმდებიან შეთანხმებას, მაგრამ ამის თქმა ამ ეტაპზე ნაადრევია“, – განაცხადა ჰერცოგმა.

მანამდე, „ჰამასმა“ განაცხადა, რომ ცეცხლის შეწყვეტამდე მძევლები აღარ გათავისუფლდებიან.