ის, რაც თქვა აშშ-ის პრეზიდენტობის კანდიდატმა, უნდა იყოს გამოღვიძების ნიშანი ზოგიერთი მოკავშირისთვის, რომლებსაც ბევრი რამ არ გაუკეთებიათ თავდაცვისთვის -კაია კალასი

30
spot_img

ესტონეთის პრემიერ-მინისტრის თქმით, ტრამპის განცხადება უნდა იყოს გამოღვიძების ნიშანი ნატო-ს წევრებისთვის, რომ თავდაცვის სფეროში ინვესტიცია განახორციელონ, – ამის შესახებ კაია კალასმა ევროპარლამენტის პრეზიდენტთან, რობერტა მეცოლასთან ერთობლივ პრესკონფერენციაზე განაცხადა.

„ვფიქრობ, ის, რაც თქვა აშშ-ის პრეზიდენტობის კანდიდატმა, უნდა იყოს გამოღვიძების ნიშანი ზოგიერთი მოკავშირისთვის, რომლებსაც ბევრი რამ არ გაუკეთებიათ თავდაცვისთვის“, – განაცხადა კალასმა.

თავის მხრივ, რობერტა მეცოლამ აღნიშნა, რომ ევროკავშირმა თავდაცვაზე მეტი თანხა უნდა დახარჯოს.

„ევროკავშირმა უნდა გაგზავნოს მკაფიო გზავნილი, მიუხედავად იმისა, თუ ვინ უხელმძღვანელებს აშშ-ის მომავალ ადმინისტრაციას, რომ ჩვენ საკმარისად ძლიერები ვართ, რათა შევძლოთ ერთმანეთის დაცვა და ნებისმიერ ასეთ განცხადებას გაგებით მოვეკიდოთ“, – განაცხადა მეცოლამ.