“ჰამასს” თუ სურს პატიმრების გაცვლა “ყველა ყველაზე”, ეს არ მოხდება -ისრაელის თავდაცვის მინისტრი

109
spot_img

ისრაელის თავდაცვის მინისტრმა, იოავ გალანტმა ღაზაში ტერორისტების მიერ დაკავებული მძევლების ოჯახის წევრებთან შეხვედრისას აღნიშნა, რომ „ჰამასზე“ სამხედრო ზეწოლით უფრო სავარაუდოა, რომ ტყვეების გათავისუფლება მოიპოვოს, ვიდრე პატიმართა გაცვლით.

„თუ არ იქნება სამხედრო ზეწოლა „ჰამასზე“, პროგრესი არ იქნება“, – აღნიშნულია ისრაელის თავდაცვის სამინისტროს განცხადებაში.

როგორც მედია წერს, შეხვედრის ჩანაწერის მიხედვით, გალანტმა უთხრა მძევლების ოჯახებს, რომ ყველა ისრაელელელი მძევლის „ჰამასის“ ყველა პატიმარზე გაცვლა შეუძლებელია.

მედიის ინფორმაციით, შეხვედრაზე მძევლების ოჯახის ზოგიერთმა წევრმა დაადანაშაულა გალანტი და მთავრობა „ჰამასის“ თავდასხმასა და ადამიანების გატაცებაში. მათ მოითხოვეს, რომ მძევლები არ მიატოვონ.