ანალიტიკოსი ლევან ნიკოლეიშვილი აცხადებს, რომ ნაციონალური მოძრაობის ერთ-ერთი ლიდერი, გიორგი რურუა პირდაპირ ემუქრება იმ ხალხს, ვინც თავს იკავებს ლგბტ პრაიდის თუ ფესტივალის მონაწილეებისთვის ფართის დათმობისათვის.
მისი თქმით, ნაციონალური მოძრაობის ინტერესშია პრაიდების თუ ფესტივალის ჩატარება, არა იმიტომ, რომ ლგბტ თემზე და მათ უფლებების დაცვაზე შესტკივათ გული, არამედ იმიტომ, რომ დაპირისპირება და არეულობა გამოიწვიონ.
ტერიტორია, სადაც დღეს პრაიდის მთავარი ღონისძიება უნდა გამართულიყო, ერთ-ერთი მეწილე სწორედ გიორგი რურუაა. ეს ინფორმაცია რამდენიმე დღის წინ, ვატო შაქარიშვილმა გაავრცელა.
„როგორც ვიცით, ამ ფესტივალისა და პრაიდის მონაწილეებს უნდათ გარკვეულ ფართზე ღონისძიების ჩატარება და ფართის მეპატრონეების ზოგიერთმა წარმომადგენელმა განაცხადა უარი. ასევე გავრცელდა ინფორმაცია, რომ რურუა გარკვეულ შანტაჟსა და ზეწოლას ახორციელებს მათი მისამართით. ორჯერ ორია, არავინ ფიქრობს იმაზე, რომ ეს მათი უფლებების დაცვისკენ კი არ არის მიმართული, არამედ „ნაციონალური მოძრაობის“ ლიდერია და მათთვის ძალიან მნიშვნელოვანია, რომ თუკი სადმე არეულობა და დაძაბულობა მოხდება, თავიანთი ჭკუით, მათთვის მომგებიანია“, – განაცხადა ნიკოლეიშვილმა მედიასთან
