გაეროს უშიშროების საბჭოს წევრების უმრავლესობამ აზერბაიჯანისგან ლაჩინის დერეფნის გახსნა მოითხოვეს

531
spot_img

გაეროს უშიშროების საბჭოში მთიანი ყარაბაღისა და სომხეთის ერთადერთ დამაკავშირებელ გზასთან, ლაჩინის დერეფანთან შექმნილ ვითარებაზე იმსჯელეს.

სხდომაზე აზერბაიჯანისა და სომხეთის წარმომადგენლებიც იყვნენ მიწვეული. სომხეთის საგარეო საქმეთა მინისტრმა აზერბაიჯანი მთიანი ყარაბაღის მოსახლეობის იზოლირებასა და ჰუმანიტარული კრიზისის შექმნაში დაადანაშაულა, გაეროში აზერბაიჯანის ელჩმა კი სომხეთს ჰუმანიტარული თემებით მანიპულირებაში დასდო ბრალი.

საბჭოს წევრების უმრავლესობამ, მათ შორის, საფრანგეთმა და შეერთებულმა შტატებმა აზერბაიჯანისგან ლაჩინის დერეფნის გახსნა მოითხოვეს, თურქეთის წარმომადგენელმა კი უშიშროების საბჭოს აზერბაიჯანის სუვერენული უფლებების პატივისცემისკენ მოუწოდა.

ლაჩინის დერეფანი ერთადერთი გზაა, რომლითაც ყარაბაღი სომხეთს უკავშირდება. სომხეთის ხელისუფლება აზერბაიჯანს ლაჩინის დერეფნის ბლოკირებაში ადანაშაულებს