“ევროკომისიის შუალედურ ანგარიშში აღნიშნულია, რომ რეფორმების განხორციელების კუთხით საქართველოსგან მეტი ძალისხმევაა საჭირო”- Euractiv

175
European Union flags flap in the wind as they hang at half-staff, to pay respect to victims of the recent floods in Europe, outside EU headquarters in Brussels, Tuesday, July 20, 2021. Belgium is holding a day of mourning on Tuesday to show respect to the victims of the devastating flooding last week, when massive rains turned streets in eastern Europe into deadly torrents of water, mud and flotsam. (AP Photo/Virginia Mayo)
spot_img

უკრაინამ და მოლდოვამ რეფორმების კუთხით კარგ პროგრესს მიაღწიეს და მოსალოდნელია, რომ მათ მომდევნო თვეებში დაასრულებენ, საქართველოსგან კი მეტი ძალისხმევაა საჭირო, – გამოცემა euractiv-ის ინფორმაციით, ამის შესახებ ევროკომისიის შუალედურ ანგარიშშია აღნიშნული, რომელსაც მიმდინარე კვირაში ზეპირი სახით წარადგენენ.

გამოცემის ცნობით, ანგარიშში აღნიშნულია, რომ საქართველომ ევროკავშირის 12 რეკომენდაციიდან 3 სრულად შეასრულა: გენდერული თანასწორობასთან დაკავშირებული, ევროპული სასამართლოს გადაწყვეტილებების გათვალისწინებასთან დაკავშირებული და ასევე სახალხო დამცველის დანიშვნასთან დაკავშირებული.

„თუმცა, ევროკავშირის მსურველი ქვეყანა ბოლო წლების განმავლობაში პოლიტიკურმა კრიზისმა მოიცვა, რამაც დასავლეთში შეშფოთება გამოიწვია დემოკრატიის მიმართ აღებული ვალდებულებებისა და ევროატლანტიკური ორიენტაციის კუთხით საქართველოს უკუსვლის გამო. ეს ასახულია იმ პუნქტებში, რომლებიც ქვეყნის დეპოლარიზაციას მოითხოვენ “უხეში რიტორიკის დასრულებით” და ასევე პარლამენტის ეფექტური ზედამხედველობის შექმნას და კონსტრუქციული მრავალპარტიული შეთანხმებით”, – წერს გამოცემა.

euractiv-ის ინფორმაციით, თბილისს სთხოვენ ფოკუსირება მოახდინოს პოლიტიკურ დეპოლარიზაციაზე, სასამართლო რეფორმებზე, დეოლიგარქიზაციისა და მედიის თავისუფლების მიმართ უფრო სისტემურ და არა პიროვნულ მიდგომაზე.

გამოცემის ცნობით, ანგარიშში აღნიშნულია, რომ საქართველოს არანაირი პროგრესი არ განუცდია მედიის პლურალიზმის კუთხით და რომ არსებობს განსაკუთრებული საჭიროება ჟურნალისტების უსაფრთხოების უზრუნველსაყოფად და ჟურნალისტებისა და მედია მფლობელების უსაფრთხოების დონის ზრდა.