ის, რაც განაცხადა უკრაინის პირველმა პირმა, ეს არ არის დიპლომატია, ამას არანაირი კავშირი არა აქვს დიპლომატიასთან – ეს არის ძალზედ აღელვებული, უმიზეზოდ გაბრაზებული ადამიანის პოლიტიკური დემარში იმ ქვეყნის მიმართ, რომელიც ყველაფერს აკეთებდა და აკეთებს, რომ უკრაინელ ლტოლვილებს შეუმსუბუქოს საქართველოში ყოფნა, – ამის შესახებ დიპლომატმა, პროფესორმა გიგლა ბარამიძემ მედიასთან განაცხადა. „უკრაინის ხელმძღვანელებმა და უპირველეს ყოვლისა პრეზიდენტმა ცუდ მდგომარეობაში ჩაიყენა თავი, როდესაც ასეთი განცხადება გააკეთა. მან უგულებელყო არა მხოლოდ დიპლომატიური ეტიკეტი, არამედ ამავე დროს საერთაშორისო ინსტიტუტებიც უგულებელყო და დასცინა, როდესაც არაფრად ჩააგდო სტრასბურგის გადაწყვეტილებები რა უნდა გაგვიკვირდეს, როდესაც საქართველოში ლამის ბუჩას მომწყობი, სისხლიანი რეჟიმის, ნაც-ბანდის წარმომადგენლები ჰყავთ თანამდებობაზე“, – განაცხადა ბარამიძემ. საქართველოს ელჩმა უკრაინა უკვე დატოვა. მანამდე უკრაინის პრეზიდენტმა, ვოლოდიმირ ზელენსკიმ საქართველოს ხელისუფლებას მოუწოდა, მიხეილ სააკაშვილი უკრაინას გადასცეს.
