“ძალიან ადრეა თქმა, შედგება თუ არა შეთანხმება მძევლების გათავისუფლებაზე” – ბენიამინ ნეთანიაჰუ

27
spot_img

ძალიან ადრეა იმის თქმა, შედგება თუ არა მძევლების გათავისუფლების შესახებ შეთანხმება, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.

პრესკონფერენციაზე ნეთანიაჰუმ აღნიშნა, რომ მან უზრუნველყო ღაზაში ისრაელის თავდაცვის ძალების „მოქმედების თავისუფლება“, რაც „უპრეცედენტოა“ სახელმწიფოს ისტორიაში. მისივე თქმით, ეს გაგრძელდება „სრულ გამარჯვებამდე“.

ისრაელის პრემიერ-მინისტრის განცხადებით, ზეწოლა იზრდება „ჰამასის“ წინააღმდეგ ომის შეჩერების თაობაზე, მაგრამ ის წინააღმდეგობას გაუწევს ამ ზეწოლას. მისივე თქმით, ისრაელი ყველაფერს აკეთებს თავისი მძევლების დასაბრუნებლად, მაგრამ ჯერ ძალიან ადრეა იმის თქმა, შედგება თუ არა დაგეგმილი შეთანხმება.

„ნებისმიერ შემთხვევაში, ჩვენ არ დავემორჩილებით „ჰამასის“ მოთხოვნებს. ჩვენ გადაწყვეტილი გვაქვს, დავიბრუნოთ ყველა მძევალი, ჩარჩოებით ან მის გარეშე“, – განაცხადა ნეთანიაჰუმ.

შეგახსენებთ, მანამდე „ჰამასში“ განაცხადეს, რომ ღაზის სექტორში ჰუმანიტარული დახმარების დარიგებისას მომხდარი შემთხვევის გამო, შესაძლოა, ისრაელთან მძევლების გათავისუფლებაზე მოლაპარაკებები შეწყვიტონ.