ტელეკომპანია CNN-ის მიერ ჩატარებული გამოკითხვის თანახმად, აშშ-ის ყოფილი პრეზიდენტი, დონალდ ტრამპი მოქმედ პრეზიდენტ ჯო ბაიდენს რეიტინგში უსწრებს.
გამოკითხვის შედეგების თანახმად, დონალდ ტრამპს მხარს უჭერს გამოკითხული რეგისტრირებული ამომრჩევლების 49%, ხოლო ჯო ბაიდენს – 45%.
აღსანიშნავია, რომ გამოკითხულთა მხოლოდ 28% მიიჩნევს, რომ აშშ-ში საქმე კარგად მიდის.
5 ნოემბერს, გაზეთ The New York Times-ის მიერ ჩატარებულმა გამოკითხვამ ცხადყო, რომ დონალდ ტრამპი ჯო ბაიდენს 5 მერყევ შტატში უსწრებს.
გამოკითხვის შედეგების თანახმად, დონალდ ტრამპი ჯო ბაიდენს შემდეგ მერყევ შტატებში უსწრებს: ნევადა (11%-ით), მიჩიგანი (5%-ით), ჯორჯია (6%-ით), პენსილვანია (4%-ით), არიზონა (5%-ით), ხოლო უისკონსინის შტატში ჯო ბაიდენი დონალდ ტრამპს 2%-ით უსწრებს.
როგორც გაზეთი The New York Times-ი იუწყება, მერყევ შტატებში, ამომრჩევლები აცხადებენ, რომ ტრამპს უფრო ენდობიან, ვიდრე ბაიდენს ეკონომიკის, საგარეო პოლიტიკისა და მიგრაციის საკითხებზე.
